قصة أبن خريص الحقباني وأبناؤة

[معلومات العضو النايف]

بسم الله الرحمن الرحيم

(حصرياً بمنتديات الدواسر)

كان لشاعر ابن خريص الحقباني رحمة الله أثنان من الأبناء رحمهما الله جميعاًوهما حسين وكان صاحب نخل وناجي وكان صاحب أبل ، ذهب حسين الى أخية ناجي وقت الربيع فلما جاء الليل حلب ناجي من الإبل وأعطا أخوة حسين فقال:

لي فاطرٍ حدبا الظهر مسميه=كل الحمولة ياحسين عيالها
لي فاطرٍ حدبا الظهر مسميه=يرويك من قبل العطيف وشالها

فسكت حسين ولم يقل شيئاً وعندما جاء القيض جا ناجي أخية يريد المقياض ولما سلم علية أخذة حسين الى وسط وأجلسة في ظل النخل وأخذ صحن أو ماعون ومشى في النخل يلقط من هذه غرات ومن الأخرى كذلك ثم وضع الماعون عند أخية ناجي وهو يقول :

قال العياضي والذي له غرسة=هدبا الجريد أمقيلة بظلالها
ياما حلا دقلانها في وسطها =مثل العذارا خضب الحنا لها
مصيافنا حب الشعوف وخلطه=دبس المرايا والظروف محالها
ترقب (...)لين تمخض وطبها=وتعطيك من شيٍ ملاه تلالها
أحذر على جنفاك حايف ليله=لاغابت القمرا يسل عقالها

فقال ناجي أنت أخطيت عليّ ولكن مايحل أمرنا الا أبونا فذهبوا اليه وقالوا له ما حصل فقال :

يالله يامنهو رفيعٍ منزله=أمره يقدم دايم ٍ ويطاعِ
الصدق يانعماك باللي يدهله=والكذب لاعراض الرجال طباعِ
ترا الصلاة مع الصيام وأر الهدى=للي فطين القلب واللي واع
والوصل في اللحم القريب مروه=إن عدت لافي المرجلة جزاع
لابد كلٍ تقتفيه مذاهبه=يجيه عبدين وهو ماياعِ
عبدين معهم في اليدين مخاطر=ويسوون في راعي الخطا فناع
لابد كلٍ نازلٍ في منزله=في عرض شبرين وطول الباع
فنا هاضني ربعٍ تناضو بهرجهم=يقولون شايبنا به المقناع
فقمت أمثل بينهم مثايل=ما تجهل المتفطن اللي واعي
البل ياناجي تسوق لنا النخل=وجلودها لظهورها تباعِ
أجلودها تجعل غروب لنخل=وتظهر لنا الماء من صليب القاع
النخل لولا المسلمات تسوقة=كان النخل مثل الضباع مقاعِ
البل الو لا البل غدينا ضيعه = صرنا دراويش ٍ طعام السباعي
البل لولا البل تعطلوا العرب=ضاقت على السفار والزراعي
أما الحوف في ليلة غدرية= ولاحزة عصير مالها فزاعي
ياما حلا البل يوم ايهدبها الجمل=قدهو بحل عشارها طواعِ
تاخذ اسبوعين ثم تعودها=تبين لك الحايل من المقراعِ
عام مجارير وعام درها=والعام لاخر حاشي ينباعِ
يامحلا البل يوم تكهب عرفة=لاسند قعيس من المرباعِ
يامحلا البل يوم تكهب مورد=سرفاتها تغشم على القراعِ
يرد ذي ويهد كل صخية=وتلقا لها من حاضها فراعِ
أوبها لولا دهور شفتها=يصبح حلال البدو منها قطاعِ
أوبها لولا الهيام وشبهه=صبحة عصير مالها فزاعِ
يمسي راعيها بكبدة كيه=ويصبح متنومس بها الطماعي
من كان يبغي البل يشري سابق=قبن تسابق فلكة المصراعِ
أما يجينا سابقة معفوره=ولا يجينا تايس لطماعي
ولا حظ لمن لاله فسيل ناعم=لاغلي في باب التجار الصاعي
فلا أنتب ذال ان الركاب تخزها=ولا تظيع الى خطاها الراعي
المال غنا في السنين مربعه=الرابخة الناعمة في القاعي
ياطول مانا نزعبة طول الدهر= حتى أشترينا البل من البياعي
(...) ستر الغرس فيام القسي = بعواجي كسارة الانصاعي
مثل الحنش متقرطس ٍ في عدته= ويحط باروده براس جزاعي
يبغى لاجا نهار ٍ دويسه = لهو بشيوخ القوم شلاعي
البني ستر الغرس فيام القسي = بعواجي كسارة الانصاعي
مثل الحنش متقرطس ٍ في عدته= ويحط باروده براس جزاعي
يبغى لاجا نهار ٍ دويسه = لهو لقروم إشيوخهم شلاعي

لم أكتب آخر بيتين لوجودها في مخطوطة لدي لم تكن واضحة أرجو من الإخوة من يجد بقية البيتين أن يكتبها وله الشكر.

تقبلو تحياتي

لامانع من اللهط مع ذكر المصدر

 

 

 

 

[معلومات العضو الشكري]

ابشر يا النايف هاك كمالتها

البني ستر الغرس فيام القسي = بعواجي كسارة الانصاعي
مثل الحنش متقرطس ٍ في عدته= ويحط باروده براس جزاعي
يبغى لاجا نهار ٍ دويسه = لهو لقروم إشيوخهم شلاعي

ولك تحياتي


ابو عبد الله الشكري

 

 

 

 

[معلومات العضو النايف]

يامال طولت العمر أخوي الشكري

كذلك دورلي عجز البيت : (البل لالا البل غدينا ضيعه) أعتقد أنه منها أيضا تأكد لي من (البني) في البيت الثالث من الأخير الذي ذكرته أنت

 

 

 

 

[معلومات العضو تركي ال فنيس]

بيض الله وجهك يالنايف علي المشاركه الرائعه

 

 

 

 

[معلومات العضو نايف]

الله يرحمهم جميعا ويرحم اموات المسلمين
لاهنت يالنايف على المشاركه الطيبه وبيض الله وجهك ووجه الشكري على تكملة القصيده

وتقبلوا تحياتي ..

 

 

 

 

[معلومات العضو الشكري]

ابشر يا نايف بسعدك

البل الو لا البل غدينا ضيعه = صرنا دراويش ٍ طعام السباعي
البل إلو لا تحوسو العرب = ضاقت على السفار والزراعي
ياما حلى البل يوم هد بها الجمل = قد هو يجل عشارها صواعي

تحياتي لك طال عمرك

 

 

 

 

[معلومات العضو النايف]

أخي العزيز الشكري

بيض الله وجهك ماقصرت جعل الشر يقصر منك يالسنافي بإضافاتك إكتملت القصيدة.

أخي تركي وأخي نايف

تشرف أخيكم بزيارتكم للمتصفح .

دمتم جميعاً أعزاء.

 

 

 

 

[معلومات العضو الحمداني]

البل الو لا البل غدينـا ضيعـه
صرنا دراويش ٍ طعام السباعي

بيض الله وجهك ولا هنت على المعلومه الطيب

 

 

 

 

[معلومات العضو محمد ال بو زمام]

السلام عليكم ورحمة الله وبركاته

بيض الله وجهك اخوي ( النايف ) على هذه السالفه الغانمه .

 

 

 

 

[معلومات العضو العماني]

لاهنت اخوي النايف على القصة الرائعه

البل لولا البل غدينا ضيعه ***صرنا دراويش ٍ طعام السباعـي

((قريتها كذا في لقاء ناجي الحقباني في قسم البادية))


تقبل تحياتي،،

 

 

 

 

[معلومات العضو فهد الغريري]

بيض الله وجهك يالنايف على القصه والقصيده الرائعه.

علومهم غانمه الحقبان جعلهم يسلمون.

 

 

 

 

[معلومات العضو حمد الودعاني]

بيض الله وجهك يالنايف على القصه والقصيده الرائعه.

وتقبل تحياتي.................

 

 

 

 

[معلومات العضو مسعود المقيبلي]

النايف

الله لايهينك وبيض الله وجهك

فعلاً قصه تستاهل التثبيت

والله لايهين الشباب

ومن ساهم في خدمة تاريخنا

والموروث الشعبي بصفة عامه


الرمــح

 

 

 

 

[معلومات العضو سعد المقابله]

الله لايهينك على هذه السالفه

 

 

 

 

[معلومات العضو أبوفهيد الودعاني]

سلمت يمينك على ماذكرت


ولاهنت اخوي النايف


ننتظرك وننتظر جديدك ،،،،