التغطية المصوره لحفل زواج الشاعر فارس بن سالم الدبالين

**معلومات** **العضو** · 08-08-2010, 03:43 PM

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر

إعد التقرير

خميس الغييثي

إحتفلت قبيلة الدبالين بزفاف إبنها الشاب الشاعر/فارس بن سالم الدبالــــين
حيث أقيم الإحتفال بقاعة الاحتفالات الكبرى بالخرج وذلك يوم الجمعه الموافق 20/7/1431هـ وسط حضور أبناء القبيلة وجمعٌ من الزوّار والحاضرين للإحتفاليّة من أعيان المنطقة .

ولعل أبرز الحضور امير الفرجان الشيخ/عبدالعزيز بن مترك العجالين, وعبدالله بن حسن ال بليه اليامي, ويحي بن حسن ال بليه اليامي, والشيخ/شويمي بن حليس الغييثات والراوي /شخبوط بن سعد المقابله والمشرف العام على قناة الاماكن الشاعر/نايف بن مسرع المسعري,الشاعر/محمد بن محسن بن حشفل الخضراني ومالك الابل المشهورالشيخ/ جمحان بن عرار , و/دغش بن حمد بن منصور الصخابرة,واللواء/ابراهيم بن ناصر المغلوث,والستاذ/ابراهيم الشتوي والشاعر/سلطان بن محمد بن مطلقه,وشافي بن عميش السبيعي والشيخ/عبدالعزيز بن محمد العجالين,والشاعر/زابن بن محمد ال عمار,وجمعُ لفيف من الحضور .

وقد حضر الحفل خوال العريس من قبيلة يام العزيزه وفي اثناء وصولهم مقر الحفل بدأو بالسلام على طريقة الزامل حيث رد عليهم الشاعر معيوف بن مبارك بنفس الطريقه

الشاعر/عارف بن ناصر اليامي اثناء تقديم الزامل حيث قال

ياسلامي عد من طاف بالبيت الحرم=وعد من صلى فروضه وقايم بالصيام
ياهل العادات رمز الشجاعه والكرم=علمكم جانا وجينا نهني باسم يام
خص به فارس وربعه رجال لهم قيم=وعم فيه عيال زايد رفيعين المقام
لبزيانا حن وصلنا على ساق وقدم=من وسط نجران دار الكرم دار العظام

الشاعر/معيوف بن مبارك المساعرة اثناء الرد على الزامل فقال

مرحبا يارجالن تنطح الهيه = من جنوب البلد والله يحييكم
قدركم عندنا فنجال بريه = والشحم جمل المولى مساعيكم

كما يمكنكم مشاهدة الزامل اثناء تقديمه على الرابط في اليوتيوب

جديرٌ بالذكر أن الحفل إحتوى على عدد من الفعاليات كالقصائد المنبريّة والأمسية الشعرية . حيث إنطلق الحفل بكلماتٍ ترحيبيّة مقدمة من قبل القائمين على الحفل ألقاه بالنيابة الاستاذ/سالم بن شعيب الدبالين مرحباً بالحضور جميعا . وألقى بعده الشاعر غنام بن فديع الدبالين قصيدةً ترحيبيّة

مرحبآ ترحيبةٍ كنّها نور القمر= كنّها نور القمر لاتعلّى في سماه
عد ماتنشي المخايل وينهل المطر=وعد من كبر وحافظ على فرض الصلاه
في مكان اهل الكرم والشجاعه والفخر=عند ابوسالم على الطيب مايبغي وصاه
ابن عودن مايمالي الا طب الخطر=وفعل ربعي يرفع الراس لو عددتناه
يشهد التاريخ في اللي مضى واللي حظر=والفعول موثقه بالقصايد والرواه
ومن فضل ربي طلع نور الفجر=يحكمون الناس بالشرع في كل اتجاه
تحت حكم اخوان نوره على خيرٍ وشر=حكّموا حكم الشريعه وحنّا من رجاه
والبلاد بخير والخير فيها منتشر=والامن نعمه من الله وكلٍ في فضاه
والختام ازكى صلاتي على خير البشر=النبي اللي عرجبه لربه واصطفاه

وكذلك ألقى الشاعر راشد بن دحيم النتيفات قصيدة أخرى بهذه المناسبة .

سلام مني والسلام بتحيه = يهدا على اللي فالمواجيب وافين
لاهل الفرح واهل الكرم والحميه=لاقيل منهم قلت سمّو الدبالين
وضيوفهم اللي لهم مقدريه=وإلهم بدرب الطيب فعل وعناوين
ياسالم بن شعيب حقك عليّه=عانيت يمك يازبون المجلين
بيني وبينك رفقةٍ عالميه=وإنّا مع اهل الطيب شرواك وافين
دواسرٍ عند اللقى صيرميه=وخيالهم فالحرب ينطح ثمانين
وانا من اللي نارهم دوم حيه=ربعي نتيفاتٍ تضد المعادين
وكل القبايل فالمواقف جريّه=كسابةٍ للطيب فالعسر واللين
وصلاة ربي عد وبل الرفيه=على الرسول اللي مشى براية الدين

قصيده للشاعر/زابن بن محمد ال عمار

جينا مع اهل الوفا والله يجملنا=مع ربعنا اللي تقدرنا ونغليها
لامن دعانا رفيقن ماتخاذلنا=ساعة زمن تسوي الدنيا ومافيها
انشيد صروح ونعزز تواصلنا=واحفادنا في تواصلها نوصيها
مهما يدور الزمن كنا ولازلنا=نفخر بالامجاد حاضرها وماضيها
قومن من الازد وانسابه تسلسلنا=فينا ثلاثن رسول الله مزكيها
الطيب ورثن لتالينا من أولنا=وقلوبنا من شوايبها نصفيها
ناخذ ونعطي ونصدق في تعاملنا=وأيماننا ترخص الجزله وتعطيها
ومن كرم الله وجهه ماتجاهلنا=ازابنن والسيوف الحدب نرويها
دواسرن من قديم العز منهلنا=هل عزوتن ترعب عداها عزاويها
برماحنا نردع العايل ولاعلنا=ومن ضربنا مايشفي العله مداويها
بالضيف والجار والعاني تكفلنا=ودخلينا وامنن وعداه ناسيها
نفعل ونفعل ولانذكرفعايلنا=اشاوسن تطوي البيدا مغازيها
وجهالنا ماتخالف شورعاقلنا=ووقفاتنا ترفع الروس وتعليها
ونرسي على الارض ماشين يزلزلنا=والغلطه اللي من الجاهل نعديها
ومقرد الخلق تهبا ماتزعلنا=وعيون الاحقاد نلطمها ونعميها
ياللي تدور الاجابه كان تسألنا=دوسر اسد سيد الغابه وحاميها
حبيت اوضح قليلن من خصايلنا=والا الحقيقه ترى مانيب موفيها
ماقول ربي على اهل الارضفضلنا=كل القبايل فعايلها تكفيها
من دون قاصر بما قالو وماقلنا=نعمن بالاجواد قاصيها ودانيها

وبعدها أحيا الأمسية الشعريّة نخبة من الشعراء ، وهم : الشاعر خليل بن هدلان القحطاني والشاعر راشد بن دحيم النتيفات و الشاعر ناصر بن حمد الخالدي و
، وقد أدار الأمسية الإستاذ سالم بن شعيب الدبالين.

وبامكانكم مشاهدة قصيدة الشاعر/ناصر بن حمد الخالدي على الرابط

وبعد الامسيه جاء وقت العرضه حيث بدأت بقصيده للشاعر/محمد بن محسن بن حشفل الخضراني

صوب حفل اهل الوفا جيت متعني=صوب ربعن ينطحون المواجيبي
صوب ربعن دايمن من ورا الظني=كل منهم عادته يكسب الطيبي
ضيفهم لازارهم راح متهني=مايدور غيرهم له معازيبي
الشحم والعود والهيل والبني=واللطافه عندهم والتراحيبي
واجبن ياجب علي مابها مني=لادعاني طيبن عنه ماغيبي
منوتي لو اني اليوم متمني=شوفة اهل الطيب غاية مطاليبي

ــــــــــــــــــــــــــــــــــــــــــــــــــ ــــــــ

صور من الحفل

على يمين العريس خاله /عبدالله بن حسن اليامي وعلى يسار العريس خاله/يحي بن حسن اليامي

عم العريس/شبيب بن غنام الدبالين

العريس وامير الفرجان الامير/عبدالعزيز بن مترك العجالين

اداري الموقع/راشد المسعري والعريس ومحمد بن سفر الحراجين

الراوي /شخبوط بن سعد المقابله . ومالك الابل المشهور الشيخ/جمحان بن عرار المساعره

العريس و دغش بن حمد بن منصور الصخابرة

العريس وعبدالله بن شبيب الدبالين و راشد بن فهيد الدبالين

الشاعر/ناصر بن حمد الخالدي,الشاعروالاعلامي/نايف بن مسرع,العريس,الشاعر/خليل بن هدلان القحطاني

العريس وعبدالله بن منصور اليامي

غالب بن منصور اليامي والعريس

الشاعر/محمد بن ابراهيم المخاريم ,,سعادة اللواء/ابراهيم المغلوث

سفر بن محمد الخضراني , الشاعر /محمد بن محسن بن حشفل الخضراني

الشاعر/سلطان بن علي الحارثي ,العريس,الشاعر/فهد بن لافي المطيري

شعيب بن فارس الدبالين والراوي شخبوط بن سعد المقابله

صورة للحفل ويظهر الشيخ/شويمي بن حليس الغييثات مشاهدا" للكامرة وعن يمينه شقيقه الشيخ/عبدالله بن حليس الغييثات

صورة جماعيه للعريس مع الزملاء والاقرباء

الاستاذ/ابراهيم الشتوي البدراني

عبدالرحمن و سعود الشتوي البدراني

الشاعر/سلطان بن محمد بن مطلقه الودعاني

شافي بن عميش السبيعي

وفي الختام ، فإننه ليسر الموقع الرسمي لقبيلة الدواسر " ممثلاً بادارته وكافة أعضاءه يتقدمون بأجمل التهاني إلى العريس الشاعر/فارس بن سالم الدبالين وتتمنى له حياة ملؤها السعادة والهناء والتوفيق وأن يرزقه اللَّه بالذرية الصالحة إن شاء اللَّه

منتدى قبيلة الدواسر الرسمي
www.alduwasser.org/vb

**معلومات** **العضو** · 08-08-2010, 03:57 PM

نبارك لأخينا الشاعر/فارس بن سالم الدبالين بمناسبة زواجه سائلا المولى عز وجل له التوفيق والسداد في حياته

واشكر الادارة على تنسيق التغطية وعلى الحضور واسأل الله ان يبارك لكم في مساعيكم ويسدد على الخير خطاكم

تقديري,,,,

**معلومات** **العضو** · 08-08-2010, 05:43 PM

باسماء آيات التهاني والتبريكات نبارك لاخونا الشاعر العريس/فارس بن سالم الدبالين بمناسبة زواجة.

كما نهنيء الادارة الكريمة على التغطية المرئية والمكتوبة والصور وتغطية حفل الزواج كاملاً مشكورين.

كما اتقدم بجزيل الشكر لاخوي خميس الغييثي لاعدادة التقرير.

،،،دمتم لنا بحفظ الله ورعايتة،،،

**معلومات** **العضو** · 08-08-2010, 06:19 PM

نبارك لأخينا الشاعر/فارس بن سالم الدبالين بمناسبة زواجه سائلا المولى عز وجل له التوفيق والسداد في حياته

واشكر الادارة على تنسيق التغطية وعلى الحضور واسأل الله ان يبارك لكم في مساعيكم ويسدد على الخير خطاكم

**معلومات** **العضو** · 09-08-2010, 05:33 AM

نبارك لأخينا الشاعر/فارس بن سالم الدبالين بمناسبة زواجه سائلا المولى عز وجل له التوفيق والسداد في حياته

وشكراً للإدارة على التغطية الرائعة للحفل

**معلومات** **العضو** · 09-08-2010, 05:45 AM

الف الف مبروك لآخينا : فارس بن سالم الدبالين ونسال الله له بالتوفيق والسداد في حياته ..

وكما اشكر الاداره ع التغطيه الطيبه وبيض الله وجهيكم

**معلومات** **العضو** · 09-08-2010, 08:16 AM

ماشاء الله تبارك الله

ألف مبروكـ وعقبال الذرية الصالحة

وألف شكر لإدارتنا الموقرة والتي تجعلنا في قلب الحدث دائماً

**معلومات** **العضو** · 09-08-2010, 08:35 AM

الف الف مبروك لآخينا : فارس بن سالم الدبالين ونسال الله له بالتوفيق والسداد في حياته ..

وكما اشكر الاداره ع التغطيه الطيبه وبيض الله وجهيكم

**معلومات** **العضو** · 09-08-2010, 11:58 PM

ألف مبروووك للأخ فارس الدبالين

والله يوفقه في حياته الزوجيه

وكل الشكر والتقدير لإدارة موقع قبيلة الدواسر الرسمي
على جهودهم الجباره وبيض الله وجيهكم جميع

وفقكم الله وسدد على الخير خطاكم

**معلومات** **العضو** · 10-08-2010, 03:36 AM

نبارك لأخينا الشاعر/فارس بن سالم الدبالين بمناسبة زواجه سائلا المولى عز وجل له التوفيق والسداد في حياته

وشكراً للإدارة على التغطية الرائعة للحفل

**معلومات** **العضو** · 11-08-2010, 01:42 AM

مبروووووووووووك يابو ساااااااالم والله يوفقك ان شاء الله

تستاهل كل علم طيب وتستاهل من عنالك وجالك يالقرررررم

ونشكر ادارتنا والقائمين عليها على علومهم الطيبه وتغطية احتفالات ربعهم الله لا يهينهم

وبعدين الله يهديك لازم تفضح عمرك ,, تراه يالربع الماء كان في يديه وكبه علي من الارتباك ذاك الليل وتشوف عيونكم ,, لو انك غيرت الصوره ماعلمت لكن تستاهل هههههه

**معلومات** **العضو** · 11-08-2010, 01:55 AM

هههههههههههههههههههه
ابوحمد فيه شي ماشفتوه بنزله بعد رمضان في زواج ابوسالم الا اذا هو بيعطيني رشوه ههههههههههههه

**معلومات** **العضو** · 11-08-2010, 05:14 AM


	نبارك لأخينا الشاعر/فارس بن سالم الدبالين بمناسبة زواجه سائلا المولى عز وجل له التوفيق والسداد في حياته واشكر الادارة على تنسيق التغطية وعلى الحضور واسأل الله ان يبارك لكم في مساعيكم ويسدد على الخير خطاكم

**معلومات** **العضو** · 12-08-2010, 03:43 PM

الله يوفقه انشالله والف الف الف مبروووووووووووووووووك

**معلومات** **العضو** · 13-08-2010, 03:39 AM

اقتباس:
المشاركة الأصلية كتبت بواسطة خميس الغييثي
هههههههههههههههههههه
ابوحمد فيه شي ماشفتوه بنزله بعد رمضان في زواج ابوسالم الا اذا هو بيعطيني رشوه ههههههههههههه

تكفى يابو شيخه نبيها ولا عليك امر واللي تبيه بيحصل ههههههههههه

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية