العراقي ماااات ما فارق عراقه

[معلومات العضو مبارك بن محيا الدوسري]

أعزائي المرور

نقدت قصيدة للشاعر بكر الركبان في أحد المنتديات فوجدته مسند لي قصيدة موديها على هرش يعارضني في نقدي للقصيدة فرديت عليه بهذه القصيدة ..

أتمنى أن تصل لذائقتكم فترويها.......

مرحبا بالهرش واللي في علاقه=عد ما تنقر من الشّرقي نقيره
تنطح الشّراه بعلومٍ دقاقه=تقنعه لعل له بالأمر خيره
شاعرٍ غنّى لامن الطّرق شاقه=والقوافي مثل سيفٍ في جفيره
أرهف من الموس يا موس الحلاقه=و أصدق من الجدي للعين البصيره
يا بكر و العلم ما ضِِِِِِيّق خناقه =والعوارف كلّ علمٍ تستنيره
و الدّسايس ما لنا فيها سراقه=و إن عجبك العلم والاّ هاك غيره
ما نوصّف بكرةٍ في بطن ناقه=لجل يقنع شاعرٍ راسه شويره
أسمع الجزلات و أعشقها عشاقه=والزّهايف ما لنا فيها بذيره
والقمر ما بدره بيشبه محاقه=والحقيره لا تجي جنب النضيره
إن طلبت القاف يا الشّراه لاقه=جاك قافٍ ما يخسوع في مسيره
يبطي النّقاد ما يلزم شقاقه=كان له في عالم النقاد سيره
ما يحوفه صف هزلٍ في سياقه=و الجزايل كل جزلٍ تستثيره
و الحجج لا صارها هشّه رقاقه=تفلج اللي قادها و تسر غيره
يا بكر جاتك من ردودي ذواقه=ميّز الطّعمة ترى ما فيه شيره
فإن عسرت القاف ما لك فيه طاقه=تبتحل فيها شواعيرٍ شطيره
العراقي مات ما فارق عراقه=يحسب إنّه لا عصا ما جاه طيره
جتك والله أعلم بها ساقه بساقه= ما نلحّفها تحت جنح الحصيره
والختام ..الهرش لا تطلق وثاقه=انحره واختص من جوفه بريره

 

 

 

 

[معلومات العضو بنت الشايب]

صح لسانك..

قصيده رائعه جداً ..

الله يعطيك الف عافيه يامبارك ولاهنت

دمت بكل احترام

 

 

 

 

[معلومات العضو فهد بن مبارك الودعاني]

و من قال سالم ، أرحب و أسهل ياأبو محيا صح الله السانكـ و أعتلى شانكـ ، و بيض الله و جهكـ يالجزل ، و عز الله أنها قصيدةً طيبه و غانمه ، و تقبل مروري يالغالي و دمت مبدعاً . لـك كـل الأحـتـرام و الـتـقـديـر .

 

 

 

 

[معلومات العضو ولد ودعان]

شاعرٍ غنّى لامن الطّـرق شاقـه=والقوافي مثل سيفٍ فـي جفيـره
أرهف من الموس يا موس الحلاقه=و أصدق من الجدي للعين البصيره

مبارك بن محيا صح السااانك يامبدع قصيده جزله اتحفتنا فيها وننتظر المزيد والمزيد

تقبل تقديري واحترامي


ولد ودعان

 

 

 

 

[معلومات العضو الــمــطــنــوخ]

صح الله السانكـ و أعتلى شانكـ

و بيض الله و جهكـ يالجزل

 

 

 

 

[معلومات العضو محمد الولامين]

مبارك بن محيا

صح لسانك يالذيب

ولاهنت على كل حال

تقبل تحياتي

 

 

 

 

[معلومات العضو نواف الرجباني]

صـــــــح اللسانك

قصيده جزله بشاعرها

 

 

 

 

[معلومات العضو مبارك بن محيا الدوسري]

هذي قصيدة بكر

بالسلام الي ورا النحلـه مذاقـه=فوق هرش/ن يخلج احفاده هديره
طارش/ن فيما حمل روح مساقه=للذي ذكره له انفـاس اوزفيـره
صوتو لبـن المحيـا يالرفاقـه=صوتو كانه معي وسط الجزيـره
شاعرا مابيني اوبينـه صداقـه=لاكن الطيب يذعذعلـه عطيـره
شاعرا يكرم من اهروج الفاقـه=والنفاق اوسيرته عـدي ذريـره
قاله الي دينه اوديـن الخباقـه=لردا مادحـدرت خفـة ابعيـره
ماد/ن قدر الحاف اطراف ساقـه=كاف/ن خلق الولي ماضد خيـره
ماولج قلبه لحد طـاري حماقـه=اولاجذب قرايحه من غير بيـره
منطقه ماله مع السمجه علاقـه=رايته يـارب باسألـك الستيـره
الفشق ماهو فشق قبل انطلاقـه=غصته من حي بـارود الذخيـره
والمقرطس كل ماقرطس غلاقـه=من عطايا واهب/ن مد الوفيـره
والزغود الي خلت لون الحراقـه=مايغير ذوقها وصـف الحفيـره
والثغاب الـي مكدرهـا غماقـه=ماعلى رب/ن دعيت الها عسيره
وانت رايك يالشلي مابـه بلاقـه=لاكـن الغايـات بالدنيـا نثيـره
واختلاف الراي في داخل نطاقـه=تسلم الخطر تنافيـه اوشطيـره
والتمس يامفرد اجمـوع الباقـه=عذر قل/ن زبدته تكفـي كثيـره
والختام ابطيب المقطـوف باقـه=قدمه من لا ركب عـج البتيـره
والسلام الي من النحلـه مراقـه=سايقه لاساق ماساق الضريـره

 

 

 

 

[معلومات العضو ابو زابن المسعري]

صح الله السانكك على هذه القصيده الجزله

 

 

 

 

[معلومات العضو مبارك بن محيا الدوسري]

المشاركة الأصلية كتبت بواسطة بنت الشايب

صح لسانك..

قصيده رائعه جداً ..

الله يعطيك الف عافيه يامبارك ولاهنت

دمت بكل احترام

بنت الشايب

الله يعافيك

و مشكووووووووووره على المرور و الإشادة



تحياتي لك

 

 

 

 

[معلومات العضو ســـطام الروقي]

إن طلبت القاف يا الشّـراه لاقـه
جاك قافٍ ما يخسوع في مسيـره ... صح لسانك وانشهد انك ماتخسوع انك تسوق الجمل سوق ياكحيلان صح لسانك مدد بلا عدد

 

 

 

 

[معلومات العضو ابو فهد الغييثي]

مبارك بن محيا

صح لسانك وعتلى شانك

ولاهنت على كل حال

تحيااااااااااااااااتي

 

 

 

 

[معلومات العضو سهل الدوسري]

الشاعر / مبارك بن محيا

صح لساانك ملياار

ولا هنت يالذيب لما سطرت يمناك من ابداع

تقبل تحياتي

 

 

 

 

[معلومات العضو مبارك بن محيا الدوسري]

المشاركة الأصلية كتبت بواسطة فهد مبارك الودعاني

فهد


بيض الله وجهك


و مرورك يشرف المتصفح و راعيه



لا خلا ولا عدم



تحياتي

 

 

 

 

[معلومات العضو الـــــــــذرب]

صح الله لسانك على هذه القصيده الرائعه