عبدالكريم ابو خوذة الشمري

[معلومات العضو ابن محمد الودعاني]

الكرم والفروسيه والنخوه والشيمه سمة من سمات العرب وهذا لايختلف عليه اثنان ولاينكره اي صاحب ضمير ويخاف الله لان ابو مثل يقول (ما بالرجال عدوه ) فهذا الشيخ عبد الكريم الصفوق الجرباء الذي لقب بأبو خوذه وسبب اللقب ان كل ماطلبه احد حاجه قال : خوذه . اي هي لك . فهذا الشاعر خضير الصعيليق قال هذه القصيده بحق الشيخ والفارس عبد الكريم الصفوق الجرباء ..

ياشيخ انا جيتك على الفطـر الشيـب=جـزان مـن دار المحبيـن دبــاب
دبـا علـي ودب مـنـي بتقـريـب=قل المواشي يـذرى كـل مـن هـاب
مـن دارنـا جينـا لـدارك مغاريـب=يمـوم نـجـم لاتغـيـر ولا غــاب
متخيـرك يامنقـع الجـود والطيـب=لاخـيـب الله للاجـاويـد طــلاب
سلام مـن قلـب محـب بـلا ريـب=لاهي ستى بالشاب ويشب مـن شـاب
يالجوهـر الناريـز يالعطـر يالطيـب=يالصعل يالصهال يحصـان الاطـلاب
يالزيـر يالزحـار يالنمـر يالـذيـب=ياليـث يالايـوث يالشبـل يـالـداب
يالضاري الضرغام عطب المضاريـب=يالفرز يامفـراص ضـده والاجنـاب
يالنـادر الهيلـع عقـاب المراقـيـب=ينافـل جيـلـه بعيـديـن واقــراب
نطاح طابـور العساكـر اليـا هيـب=ستر العذارى ليا غشى الزمل ضبضاب
عيبك ليا ثـار الدخـن كنـه السيـب=بالسيـف لرقـاب المناعيـر قصـاب
وعيبك ليا من قالوا الناس بـك عيـب=للسمن فـوق مفطـح الحيـل صبـاب
وذبح الغنم والكوم حـرش العراقيـب=واعطاء الامهار وبذل مال بلا احساب
وبك شارة كـب الافـراد المحاديـب=وبـذل الطعـام وللتنافيـل كـسـاب
ونمـره تجـره للعـداء والاجانـيـب=تفجا بهـا غـرات ضـدك بالاسبـاب
ومن عقب ذا بالعون مابـك عذاريـب=احلى من السكر علـى كبـد شـراب
جيناك فوق الهجن شيـب المحاقيـب=لمشاهـدك ياشـوق وضـاح الانيـاب
الحر يضـرب بالكفـوف المعاطيـب=والتبع قناصـه مـن الصيـد ماجـاب
وانت الـذي تافـي بكـل المواجيـب=كنك هديـب الشـام بالحمـل عتـاب
ترمـي لبـو صلفيـق مابـه تكاذيـب=شيخ الصخى معطي طويلات الارقاب
ياما عطيت اللـي يجونـك طلاليـب=كم واحد جالك من الوقـت منصـاب
وفرجت همه فـي كبـار المواهيـب=من عيلم يزمي كمـا يزمـي الـزاب
عز الله انـك طيـب وتفعـل الطيـب=والطيب يجنى منك يازاكـي الانسـاب
ولا هـو كثيـر يامهـدي الاصاعيـب=افعالكـم يعـده الـلـي بـالاصـلاب

منقووول

 

 

 

 

[معلومات العضو نايف الخييلي]

عبد الكريم بن صفوق الجربا , يُعد مضرب مثل في الكرم حتى انه يُقال انه كان بوقته

يُعادل حاتم الطائي بالكرم ,, وقصصه بالكرم كثيره منها هذه القصه مع الشاعر

خضير الصعيليك عندما اتاه والقى عليه عليه هذه القصيده التي تُعد من أفضل وأجزل

قصايد المدح فأكرمه غايه الإكرام , وأعطاءه ذودً من البل , رحم الله الفارس

عبدالكريم الجربا أحد أشهر فرسان الجزيره العربيه وأعلامها

أشكرك يابو عبدالرحمن على الإختيار الموفق

 

 

 

 

[معلومات العضو ابو فهد الغييثي]

الله يعطيك العافيه على القصه الرائعه وعبدالكريم بحر في الكرم

تحيااااااااااتي

 

 

 

 

[معلومات العضو تركي ال فنيس]

لاهنت علي الموضوع القيم

 

 

 

 

[معلومات العضو ابن محمد الودعاني]

المشاركة الأصلية كتبت بواسطة نايف الخييلي

عبد الكريم بن صفوق الجربا , يُعد مضرب مثل في الكرم حتى انه يُقال انه كان بوقته

يُعادل حاتم الطائي بالكرم ,, وقصصه بالكرم كثيره منها هذه القصه مع الشاعر

خضير الصعيليك عندما اتاه والقى عليه عليه هذه القصيده التي تُعد من أفضل وأجزل

قصايد المدح فأكرمه غايه الإكرام , وأعطاءه ذودً من البل , رحم الله الفارس

عبدالكريم الجربا أحد أشهر فرسان الجزيره العربيه وأعلامها

أشكرك يابو عبدالرحمن على الإختيار الموفق

شرفتني بمرورك واضافتك المشرفة يالغالي

 

 

 

 

[معلومات العضو ابن محمد الودعاني]

المشاركة الأصلية كتبت بواسطة ابو فهد الغييثي

الله يعطيك العافيه على القصه الرائعه وعبدالكريم بحر في الكرم

تحيااااااااااتي

مرحبا ومسهلا باخوي ابو فهد الغييثي وشرفتني بمرورك يالغالي

 

 

 

 

[معلومات العضو ابن محمد الودعاني]

المشاركة الأصلية كتبت بواسطة تركي ال فنيس

لاهنت علي الموضوع القيم

مرحبا ومسهلا يابو هادي وشرفتني بمرورك