اللـي يتـحـدى يـنـزل (:

[معلومات العضو الخضراني2]

مسيتو بالخير ..


من يبغي الملعبه.. يقلط على الساحه ..
......................... يجيب قافٍ على قافي .. ويقواني ..

ومن يعترف بالهزيمه .. نطلق سراحه ..
......................... والله ماعــــاد يذكرني .. وينساني ..


الليل طويل <:

سلام ..
.
.

 

 

 

 

[معلومات العضو عبدالرحمن الشرافي]

اخوي الخضراني 2


اررررررررحب



ويامرحبا والله بشاعرنا الجديد...

لكن هناك صفحة لتسجيل موعد للمحاورة على هذا الرابط:http://www.aldawasser.com/vb/showthread.php?t=6493


اتمنى منك ومن جميع الشعراء التسجيل على هذا الرابط قبل موعد المحاورة

على الاقل بــ12 ساعة.. لكي يتواجد الشاعر الاخر والصفوف ويكون فيه حماااااااااااس


واتمنى اني ماضايقتك..


وتقبل تحياتي..

 

 

 

 

[معلومات العضو بدر بن صقر العجالين]

قافك سهل ..وعندي اليوم مفتاحه...=لا تــفــكــر أن أنـت.. يــافـلان فــنــانــي..
بنشوف من منا.. بيرمي سلاحه..=ونشوف من القوي.. عجلاني ولاخضراني..

عـــجـــلاني ولا خضراني لا أحد يزعل كلنا فرجان
لا أحد يزعل.............................................. ............

 

 

 

 

[معلومات العضو عبدالرحمن الشرافي]

عجلاني والا خضراني (( كلكم دواسر )) ههه

اخوي بدر

اثرك شاعر قلطة و إنا ما ندري


تكفى يا ولد عمي لا تقطعنا انت والخضراني2... تكفوووووووووووووووووووون


.
.

 

 

 

 

[معلومات العضو الخضراني2]

خلوووووووووووووها ..
انتو يالصف الأيمن شدو حيلكم شوي نبي صوت <:
هلا والله بــ بدر العجالين ماشالله عليكـ شاعر ..
لاكن ينقصك الوزن شوي .. وهذا شي مقدور عليه ..
لاكن أستلم .,. يابعدي (:


يابدر يامسندي .. طالبك بالراحه ..
.................... الوادي اللي .. مشيته في غدراني ..

مانيب أقاوي رفيقي.. وأعلن أجراحه ..
.................... خص ٍ ليا صار من ربعي .. وفرجاني ..


سلام

 

 

 

 

[معلومات العضو عبدالرحمن الشرافي]

اخوي الخضراني 2

الله

الله على هالابيات الجزلة...



وش رايك يا شاعرنا العزيز تاخذ وعد بكره (( ليلة جمعه وإجازة )) مع اخوي بدر

وتكملون على هذا الطرق..



اتمنى الرد باسرع وقت والتسجيل على الرابط اعلاه...




تحياتي..

 

 

 

 

[معلومات العضو الخضراني2]

اخوي عبدالرحمن ..

انا ماني بــ فاهم ..

سالفة التسجيل ذي ..

ولو أني متأكد مالها داعي ..

خلنا على هالطريقه أحسن ..

وترى المجال مفتوح .. ياشعار (:

يعني أي واحد عنده مداخله ..

يتفضل ..

سلام

 

 

 

 

[معلومات العضو بدر بن صقر العجالين]

ههههههههههههههههههههههه
يالربع تراني اول مره العب قلطه ولا اعرف بقوانينها ولاشي واسمحولي اذا جبت العيد........

في بعدكم ..دموع العين فضاحه..=وفي قربكم يالربع يعتلي شاني
خيالـة الحـرشا.. للـضـد ذبـاحـه..=وما بيننا كل واحـد ينفـع الثـانـي

وسامحني بالخضراني ترا ذي اول مره العب قلطه (اسمحلي اذا جبت العيد)
انشالله اعجبتك ياعبدالرحمن الشرافي.

 

 

 

 

[معلومات العضو عبدالرحمن الشرافي]

اخوي الخضراني2

ارحب وانا احترم وجهت نضرك..

بالنسبة للتسجيل : تدخل على هذا الرابط وتكتب (( ابي اقالط الشاعر الفلاني في اليوم الفلاني والساعه الفلانية ))

لكن اخوانك المشرفين درسوا الوضع من جميع النواحي ولقوا تسجيل الموعد افضل

لاسباب عدة منها تواجد الشاعر والصفوف.. مثل مرادك انت واخوي بدر صارت مساجله

وليست محاورة ... فالمحاورة يجي الرد على طول 5 . 10 دقايق وليس كل رد بعد 8 ساعات

واتمنى انك تاخذها بروح الاخوه..



اخوي بدر
عز الله اعجبتني (( نظم ومحاورة )) ماشاء الله..

اما بالنسبة اذا تبي تعرف بيتك مكسور والا لا..

لحن ابيات الشاعر الخصم .. وجب ابياتك بنفس الحن اللي ركب على ابيات الخصم..



وتقبل تحياتي..

 

 

 

 

[معلومات العضو الخضراني2]

ياهلابكـ .. اخوي الشرافي ..

أنا معكــ ومقدّر وجهة نظركـ ..

بس .. صعب الشعّار يلتزومون ..

بالوقت اللي يحدده .. الواحد ..

بعد حنّا تسذا .. مرتاحين .. وأنا أخوكـ

ونبيها من الله ..

عشان نبطي .. على مانضبّط البيت ..

لأن ماحنا بشعار ٍ كبار ..

يعني على قولة راعي السالفه ..

شويعرات (:

لاكن ..

مانيب مخلي أحد في حاله ..

وأستلمو ..

من يبغي المرجله مايطلب الراحه ..
........................... المجد له ساس والتاريخ عنواني ..

وانا نويت الخصم لو كان في الباحه ..
.......................... عيني على مسعري وأشوف ودعاني ..

.

.
سلام

 

 

 

 

[معلومات العضو عبدالرحمن الشرافي]

اخوي الخضراني 2

اررحب

والله ما ادري وش اقولك ..هههههه


خلاص ولا يهمك خذ راحتك على هذه الطريقة لين ما يحلها حلال . هههه


وانت ماشاء الله عليك كل هذه الابيات الجزلة وتقول شويعرات..

لكن انشاء الله مع الايام تعود وتسير من كبار شعار الساحة

وابشرك انت والاخوان بان قسم المحاورة سيشهد تطور فالايام الجايه

واربك ماتقطعنا يالذيب..

تقبل تحياتي..

 

 

 

 

[معلومات العضو الخضراني2]

للرفع

 

 

 

 

[معلومات العضو مصيول]

كانـك تدور للتعـب عايف الــراحه = فحنا لها من قديم الوقت شجعاني
مـساعره لو جرى بالوقت زحزاحه = عـز الخـوي وعـز الجـار والعـاني

وأعذرونا كان به خطأ !!!!

 

 

 

 

[معلومات العضو راشد المسعري]

كفو يالخضراني عز الله لكن لنا عتب عليك إنك تحضر مرة وتغيب فترة طويلة وهذا اللي مانبيه طال عمرك. نتمنى إنك حولنا دايم ولا تبطي بالغيبة ونسعد بوجودك بيننا يابن العم ولك اجمل الود والتقدير ،،،

 

 

 

 

[معلومات العضو عبدالله بن عريمة]

يا الشاعر اللي يفر اليوم مسباحه
عينك على شوف ودعاني ياخضراني
حنا الوداعين في الغبات سباحه
ودك معي ولا دور واحد.ن. ثاني