التغطية المصورة لحفل قبيلة الخييلات الثاني برعاية الشيخ محمد بن زيد بن جريس

[معلومات العضو الإداره]

الحمد لله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين إخواننا أعضاء وزوّار الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ فهد بن هادي الغريري الشيخ محمد بن زيد بن جريس الخييلات يتناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل والمحبة ،ومن باب الإخاء بين القبيله .في ليلة فريدة وفي تجمع عـز وطاعة وفي لقاء أنس ومحبة ومن على جنبات محافظة النعيرية ، في جو أخوي زاد من جماله ذلك التجمع الرائع بين أبناء قبيلة الخييلات وباقي قبائل الدواسر.وفي وسط حضور كثيف ومبارك من أبناء القبيلـة أقام الشيخ / محمد بن زيد بن جريس الخييلات شيخ قبيلة الخييلات الحفل الثاني لقبيلة الخييلات ، حيث حضر أبناء القبيلـة من كل حدبٍ وصوب للإلتقاء بأبناء عمهم وجماعتهم في قصر الاوركيدة بمحافظة النعيرية وذلك في يوم الخميس 1436/4/10 هـ فمن بعد صلاة المغرب بدأت الجموع من أبناء و وجهاء و أعيان القبيلـة تتوافد على مقر الحفل المزمع إقامته فيه ، ، كما توافد العديد من أبناء القبيلة ؛ وذلك للإلتقاء بأبناء عمهم ، الذين حضروا لكي يجتمعوا معهم في هذا الملتقى الرائع والجميل من اليمين الشيخ محمد بن زيد بن جريس الخييلات وبجانبة الشيخ محمد بن ردعان العمور من اليمين الشيخ فيحان بن شجاع بن سويلمة من اليمين الشيخ هميل بن عرار المصارير من اليمين الشيخ مصلح بن مبارك العمور وبجانبة الشيخ عماش بن مبارك العمور الشيخ فلاح بن محمد بن جريس الخييلات من اليمين الشيخ عبدالله بن موافق الحقباني من اليمين الشيخ فهد بن مبارك العمور وبجانبة الشيخ سعد بن مسفر بن طاقان العمور من اليسار الشيخ ناصر بن عبدالله بن مصلح الخييلات من اليمين الشيخ سلمان بن حمود الهدلاء من اليسار الشيخ عبدالله بن طليفيح الخييلات من اليمين سعود بن دواس الخييلات وبجانبة فالح بن داهم الخييلات من اليسار عبدالهادي بن حسن الخييلات من اليمين الشيخ هجاج بن حليس بن جريس الخييلات . من اليسار الشيخ مشلح بن عايض النتيفات من اليمين الشيخ عبدالله بن فالح العمور وبجانبة الشيخ بداح بن مطرف الخييلات من اليمين الشيخ هجاج بن سعود بن جريس من اليسار الشيخ بتال بن هميل المصارير من اليسار الشيخ شبنان بن هميل المصارير وافي المنتصف شبيب بن حليس الخييلات من اليمين رسام بن جلوي العمور وبجانبة الشاعر محمد الشرع العمور وبجانبة المقدم خالد بن شبيب العمور وبجانبة الاستاذ فالح بن راجس بن نبجان الشرافي عضو المجلس البلدي بالمنطقة الشرقية من اليمين الشيخ بدر بن عبدالله السيد الخييلات وبجانبة الشيخ هايف بم محمد بن زيد الخييلات من اليمين شبل الدواسر وبجانبة الاعلامي فهد بن هادي الغريري وبجانبة هادي بن فهد الغريري فـقـرات الحـفـل الأعلامي راشد بن حماد الغريري إنطلقت فعاليات الحفل المنبري عند وصول جميع الضيوف التي قدمها الأعلامي راشد بن حماد الغريري وقد بدأ الحفل بآي من الذكر الحكيم تلاها عبدالعزيز بن نشير الخييلات عبدالعزيز بن نشير الخييلات الشيخ هايف بن زيد بن جريس الخييلات بعدها ألقى الشيخ هايف بن زيد بن جريس الخييلات كلمة الحفل رحب بها بالحظور لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهلها الشاعر هجاج بن جريس الخييلات . الشيخ هجاج بن حليس بن جريس الخييلات . سلام وتحيه الحضور شاملة =تحيتين الورد والريحان طيبها تحيتين منقيتن من جميع الشوايب=منقيتن مافيها إلى يعيبها احلا من الغند واحلا من طعم العسل =واحلا من السكر في صافي حليبها ازفها الطيبين ربعي ازفها =زف العروس إلى زفوهل الخطيبها ربعي هل الطولات متعبت الرمك =ربعن بملاقا تتعب حريبها ربعي هنى وسعد منهم عزو لله =سعد منهو بلقا يعتز بيها لاجا يوم من مثل يوم مصلخ =يوم ابن جريس مطلق نديبها كم شيخ قومن طاح في نحورهم =خلوه بالبيدا عشائن للذيبها كم عقيد وكم فارس مدلل =عليه الحليله شقت جيبها واذكر فلاح ابن جريس واذكر افعاله=افعاله نعدها ونحكيها يوم العبيد ثنين بضحويه =ابنا الشيخ إلأ اصلين عريبها وابن جريس هجاج ظربانه عطيبه =عطيبتن مايبرى صويبها عدوها الى قبلنا وضيا بنعدها =وافعاله اهنا نعدها ونقتديبها ربعي مخانيز الرماح لاد الخييلي =والعزوة الشرفا الى نعتزيبها اعتزابها طليفيح وخه مشبب =يم اثليما ومفالي عزيبها وقال الفاطر الى تهجرع بالحنين =نموت دونها ولانفكها ونجيبها خيلات خيالت الشرفا من دونها =الحل ضرب مخلص عند عرقيبها يردون الموت ولا يهابون الخطر =لعيون هنوفن عافة قريبها وجدنا وجد العمور محمد =عمورن حمو تمره وحمو شعيبها حموها برمح وسيف والقنا =وقالو دون تمره الحياه ويش نبيبها دون تمره وقفوا لاد العميري =وحتمو غرسها وحدودها وجليبها لعل جدن قرب جدنا من جدهم =بجنة الفردوس يسكن ويتهتيبها ويازين سلمن قده تغلب وزايد =وسم العصا سلمنا والكل يدريبها ناسم عصا الجار وناسم عصا الخوي =ونتيه بديارنا يمشيبها يمشي بديارنا عزيزن مكرم =ويذب راس العاليه ويغنيبها والضيف لجا نقدم له المثلوثه =وحيلن سمان زايدن عصيبها وقبلها مرحبا ودلتن شاذليه =ونثنيله الطبخه قبل يسرب سريبها دواسرن نفتخر بسلومنا ونعدها =وعقب صبين مايعدها يناديبها مادام هذي سلومنا وهذي عادتنا =هذا عقالي وهذي غطرتي ارميبها الشاعر عبيد بن حزام الخييلات ثم ألقى الشاعر عبيد بن حزام الخييلات قصيدةً بهذا الحفل ، حيث يقول في قصيدته : من هاجسٍ عسرٍ طليق عنان=يدجر ليا من ذِكرت اللابه بنات فكري صابهن اجنان=والموقف الغصّاب انا اولابه من دون ربعي موقفي له شان=والشعر عندي شرّعو بابه يامرحبا وعداد وبل امزان=بشوف الحياء كلن تغنا به واعداد لولو فوقها مرجان =وعداد من صلى ب محرابه يامرحبا باللي لفو ضيفان=بسم الامير مجمل اصحابه محمد ابن جريس ... ضلع ابان=شيخ الشمل والمجد يحكابه امارته ماجات بالصفطان=ولا برصيدٍ جيّر حسابه امارته ورثٍ من الجدان=من عادها حوفٍ وطلّابه زيزومنا لا ميّـل الميزان=وانّا حجاب البيت واطنابه انّا هل الشرفاء عمى العدوان=انّا العرب وانّا هل الجابه خييلات نثني ساعه الاكوان=ميقافنا عسرًٍ ويدعابه كم شيخ قومٍ غشيته الاحزان=قام يتوجّد والبلاء صابه منزالنا في مقًّبل القيعان=نزل الوطا ما يوم نرضابه يشهد لنا تاريخ بنت حصان=لازعزعو بالشٌرف حرّابه دواسرٍ ظل وذرا واكنان=ناسم عصا الخايف ويدرا به دواسرٍ نفرق ب سلمٍ بان=انعيب شي والغير ماعابه واختامها صلو عدد ماكان=على النّبي بالحق يهدابه الشاعر عبدالله بن عايض الاكلبي ثم ألقى الشاعر عبدالله بن عايض الاكلبي قصيدةً بهذا الحفل ، حيث يقول في قصيدته : يا الله في ناوة من شاف بارقها=من ليلته ينتوي مسرى ومطراشي تضرب فجوج الخباري لين تغرقها=وتعم كل الوطن ضلعان ودشاشي سلام يا لابتن بانت فوارقها=على جميع العرب باشات واوباشي جتها التغالب يفج الأرض فيلقها=من شافهم شاش لو ما هوب شواشي وصل الخييلات ياابن جريس سبقها=الخيل طفاح والفريس طياشي وقدامنا سربة رزت بيارقها=سربة عقيدن وريث عروش شوباشي ركن التغالب على حدان مشرقها =خيال شرفاً متيه بين الأبواشي هذا ابن جريس لا عدت حقايقها=بو حربة لا رماها تفري الجاشي ربعه خييلات حظ اللي يرافقها =يلقى المعزة ويلقى وجيه بشاشي ما تملك ايدانها الكرمات تنفقها =ما عاينت واحدن للمال حواشي اللي على الشرف مغزلها ومطرقها=ورويكب تستميبه به قدم الادباشي مضرب مثل في الرماح وفي مزارقها=قبل يجي بندنق ومدفع ورشاشي كم مهرة نتلوا منها علايقها= ومن فوقها حولوا غوجن ومرياشي حطوا على الترك وقعات توثقها=نصايبن تحتها جنازة وطرباشي والهيه اللي قبور القوم فابرقها=خلت كثيرن من العربان مخراشي والاد الأخيل من يجيك ايتدرقها=يلحق شيوخن ما منهم واحد عاشي تغالبن مثلتنا في مناطقها=وان مرنا صيتهم زدنا تنعواشي هم ربعنا سابق الدنيا ولا حقها=يقولها من وقف قدام الأحباشي وان شب نار الحرايب قام يلحقها =والاكلبي ما يشب النار بقشاشي جده مليك ملك الأرض فهقها =واكلب حزامه نهار فيه مغباشي وسلايل كليب ماتخلف. طرايقها=بطاشت من سلايل راس بطاشي ويستاهل اعذب بيوت المدح واعبقها=موحد بني تغلب من الطاش للطاشي بن فارس اللي جمع الاريا ووفقها=الحاتمي اللي قراة ضيوفه الحاشي وزايد وتغلب سيوفن من تشنقها=بيموت ما صابته ذله ولا ارعاشي اتصادم اقوى القوى العضمى وتسحقها=يوم الحرايب بها النيران تهتاشي دواسرن صيتها دايم يسابقها=ورايتها شامخه وابيض من الشاشي واذا العرب في زمناك نشفت أريقها=عينتهم لابتن كرمان وهشاشي وكم في العرب لابتن واضح تفوقها =وما يجهل حقوقها الا الخبل واللاشي لو يسمح الوقت والقاف بتطرقها =ذكرت لو نبذة عجله على الماشي وصلاة ربي على المبعوث تغلقها=شيفعنا لا حصل للذنب نباشي المنشد عبيد بن ذيب الرجباني ( شبل الدواسر) وكان لنا موعد مع الأوبريت الانشادي مع المبدع ( ( شبل الدواسر)) المنشد عبيد بن ذيب الرجباني الهب حماس الحضور بــ الشله الانشادية الجزله من كلماتالشاعر عقيل بن ناصر الخييلات::::::.:::::: الشاعر عبدالله بن صالح الصليبي الحقباني ثم ألقى الشاعر عبدالله بن صالح الصليبي الحقباني قصيدةً بهذا الحفل ، حيث يقول في قصيدته : باديٍ بسم الولي منشي الغمايم=معتلي من فوق عرشه في سماه حيّ و قيوم سبحانه و دايم=الله اللي مالنا ربٍّ سواه عقب ذا يا هاجسي شد العزايم=صوب حفلٍ في النعيريه صداه دعوة ابن جريس جت و الجو غايم=ناصله لو كان ما جتنا وصاه شيخً معرّب من شيوخٍ قدايم=سيفً مجرّب و سقمً للعداه يا سلامي عد ما تسري النعايم=و عد ما دار الهوا كل اتجاه يا اهل الشرفا رفيعين العلايم=بالكرم و الجود يا كعام العصاه من حربكم ما اهتنى في الليل نايم=يتّسع جرحه و لا يلقى دواه لابسين للفخر ثوب و عمايم=و الكرم من جودكم يندا نداه جاركم ما يشتكي ظلم و هضايم=من يهاب و صلب ابن الاخيل ذراه قسمكم دايم من كبار القسايم=و ذكركم بين العرب يشعق ضياه اشهد انكم عز من يشكي الظلايم=و اشهد انكم طب من عاف الحياه الخييلي كرمته فوق الكرايم=و الخييلي مدّته باب الغناه الخييلي منزله روس العدايم=الخييلي ما يخيب الا نصاه قالها ابن عياض قطاع الخرايم=الصليبي و ان حضر وجهٍ و جاه ربعي الحقبان و ان جت للّزايم=مجدهم في الكون ترويه الرواه من بني تغلب قويين الشكايم=خمسة فروعً على راس النباه العميري و الحبيبي في الكتايم=و لاد ابن جوزان مرويين القناه و آل زايد كل ما ثارت عسايم=ويل منهو مارثة زايد وطاه و من جميله سربة ليوثٍ همايم=كاسبين النعم في صبح و مساه درعنا الضافي الا زام المزايم=في نهار الضيق حشرٍ للطغاه الدواسر منبعٍ للطيب دايم=من مثيل الدوسري عند اقصراه من زبنّا نمنعه حر السمايم=ينتجنّب لا وسمنا له عصاه و القبايل كل منهم له وسايم=و من يقدم له عمل يلقى جزاه و الوطن نحتاط له من كل حايم=في ذرى ال سعود ما يوطى احماه في نحور اهل البدع و اهل الجرايم=و راعي الفتنه و من يمشي وراه و الملك سلمان حنا له دعايم=و ابو متعب الله يطيّب ثراه عاش شعب المملكه و الحظ قايم=و من مشى بالشرع يبشر بالنجاه و الصلاة ختام ما هبت نسايم=للنبي المجتبى ازكى صلاه الشاعر محمد بن مبارك الشرع العمور ثم ألقى الشاعر محمد بن مبارك الشرع العمور قصيدةً بهذا الحفل ، حيث يقول في قصيدته : وقـفـت والـوقـفة شـرف يـا مـشاكيل=قــدامـكـم يــــا كـاسـبـيـن الـنـفـايـل أقـــول قـــاف ٍ قــبـل ذالـلـيل مــا قـيـل=والله يــيــسـر لـــــي دروب الــجـمـايـل أشــيـل مــن الافـكـار واحــط واشـيـل=وأنــقــا الــجــداد الـوافـيـات الـجـزايـل حـتـى اسـتـوت شـيهانة ٍ تـذهل الـجيل=عــديـمـة ٍ فــيـهـا الــصـفـات الــقـلايـل كـحلت نـاظرها مـن الـكحل والميل=وهــذبـتـهـا وأمـــســت بــلــيـا عـــلايــل وهــديـتـهـا قــدامــكـم يـالـحـلاحـيل=تـكـفخ وتـرقا فـوق مـا كـان طـايل ســلام مـا يـشرق سـنا الـشمس ويـميل=وســــلام مـــا هــلـت مـــزون الـمـخـايل ســـلام يــا ربــع ٍ بـهـم يـقـصر الـقـيل=الاســمــاء كــبـار ٍ والـفـعـايل فـعـايـل والـجـد واحـد مـا يـبي الـهرج تـحليل=مــحــمـد ٍ عـــــزوة عـــــزاز الــسـلايـل بـاسـمـه نـرحـب بـالـضيوف الـمـقابيل=ونــثـنـي الـتـرحـيـب والــشـك زايـــل فـي حـفل شـيخ ٍ يـوم سـاق الـمراسيل=جــاتـه جــمـوع ٍ مـــن جـمـيع الـقـبايل يـــقــدم الـتـرحـيـب والــبــن والــهـيـل=قــبـل الـصـحـون مـتـعـبة كــل شـايـل إي والله ابــن جـريس ريـف الـمقاليل=إي والله ابـن جـريس وافـي الـخصايل لــه فـزعـة ٍ تـبري الـكبود الـمعاليل=ولــه وقـفـة ٍ تـردع خـطا كـل عـايل ولــه عــزوة تـطـرب نـهـار الـجحافيل=لا مــن غـدى فـالكون صـايل وجـايل خـيـالـة الـشـرفـا زحــول الـرجـاجيل=ذبـــاحــة الـشـيـخـان يــــوم الــدبـايـل مـضرب مـثل فـالمجد جيل ٍ بعد جيل=وعــنـدي عـلـى قـولـي شـهـود ودلايــل واليا احتما الموقف وجات المحاصيل=جــاك الـخـييلي فــوق قــب الاصـايـل كـالـسيف الامـلح فـي نـهار الـنوازيل=عــلــى رقــــاب عـــداه جــالـه هـمـايـل والـيا نـصاه الـضيف يـذبح لـه الـحيل=ومـــن قـبـلـها جـــزل الـفـقار يـتـمايل قـلـتـه وانـــا مــن عــزوة ٍ لـلـعدا ويــل=لاد الــعــمـيـري مــرويــيــن الــســلايـل فــي هـيـة الأفـلاج زدنـا عـلى الـكيل=وفـالـشـعب حـطـمـنا جــمـوع ٍ هــوايـل وحـنـا الـدواسـر بـالسيوف الـمصاقيل=نـكـسـر ولا نـكـسـر نـهـار الـهـوايل مــن سـلمنا وسـم الـعصاء دون تـضليل=ولا نـبـيـع الــمـاء عــلـى الـــي يـسـايـل وخـتـامـها حــمـد ٍ وشــكـر ٍ وتـهـلـيل=وصــلـوا عــلـى الـمـختار راع الـنـفايل الشاعر شافي بن راشد النتيفات ثم ألقى الشاعر شافي بن راشد النتيفات قصيدةً بهذا الحفل ، حيث يقول في قصيدته : قبل ابتدي مقصدي واخش في بابه=حبيت اعزي جميع الشعب من داني في موت من حبه بشعبه تغذابه=صقر العروبه عسى يجزى بالاحساني يالله عسى الخلد داره ويتهنابه=مخلدا ن جنب ابوبكرا ن وعثماني لا راح ذيب ن يجي من عقبه ذيابه=والحمد للي جعلنا بدار الاماني من عقب ابومتعب تقافت ركابه=الله رزقنا بعد ماراح سلماني نبايعه كلنا للحكم نرضابه=واللي مايرضى يعيش العمر منهاني ولسيدي مقرن البيعة ماخنابة=ولمحمد خزام الاعداء رمح وسناني عقبه سلامي سلام مالي الا به=محمله ودي وشكري وعرفاني سلام طيب من الاعماق ماشابه=لاذي ولا ذيك لجل اهديه صفطاني ذالليل عيدن علينا شوفة اللابة=ربعي بني عمي اللي تكرم العاني في ضيافة اللي لهم تاريخ يشابه=نجم ن يقدي وثابت طول الازماني الاد الاخيل على الامداح كسابه=قوم كفو للمدايح تكسب رهاني الا الاخيل ذرى الملتاع وحجابه=لاجالهم درك ن من اعداه بلشاني انا اشهد انه خسر من كان طلابه=ان فر والا عشا ن للذيب سرحاني الهضب تشهد لهم في الماضي هضابه=يوم ن على الترك مامثله ولا كاني اهل المراجل وصيت ن ينتقدابه=واهل السخاء من قديم الوقت كرماني وهل جيرة ن جارهم مايعرف الكابه=جار الخييلي يحطه ضمن الاخواني وهل خوة من يخاويهم يهدابه=تبيع الارواح من دونه بمجاني وان جا نهار عسيرا مايصلابه=يلقا لهم في نحور القوم فرساني كل يقول السعد عندي وانا اولابه=في ساعة ماحدا ينشد عن الثاني مخنزين الرماح بدم من جابة=رداة حضه يذوق الموت ويعاني تغالب في نهار الضيق غلابه=دواسرا نكسب الامجاد من داني دواسرا لا اعتلينا الخيل حرابه=وما اهضم حقوق القبايل واحفظ لساني هذا كلام النتيفي يوم غنابه=من عزوة في نهار الهوش ظفراني والمدح في اللي كفو ولعة ونشقابة=وخص لياصار شيخ ونسل شيخاني شرواك يامحمد بن جريس تزهابة=يامجمل لابتك وطوال الايماني شيخ كفو في المواقف دوم ويجابه=ويحل عسرا يكود اللاش لاباني شيخ على الطيب دايم يشعب ركابه=وللابته في المواقف درع وكناني بين المناعير دايم يحسب حسابه=زحل يشيل الحمل من فوق الامتاني وافي وكم طايل لاقام عدابه=من طيب هقواته ينومس كحيلاني وختامها اعداد منهو رتل كتابه=صلو على اللي بعثه الله بالاحساني المنشد بدر بن هادي الخييلات وكان لنا موعد مع الأوبريت الانشادي مع المبدع بدر بن هادي الخييلات الهب حماس الحضور بــ الشله الانشادية الجزله من كلمات الشيخ محمد بن زيد بن جريس الخييلات ::::::.:::::: الشاعر عبدالله بن فارس بن الشرع العمور ثم ألقى الشاعر عبدالله بن فارس بن الشرع العمور قصيدةً بهذا الحفل ، حيث يقول في قصيدته : هاضت اهجوس العميري على جزل الوصوف =في محلك يالخييلي يقدم ندره جمليني يابيوتي وصفي ياحروف=لين اجمل جمع ربعي واوسع خطره وآتقدم قدم ربعي وخلق الله تشوف=اعجب الوافي وراع العذاريب اقهره لادعوني لاد الاخيل تحديت الظروف=جيتنا من شعب تمره وللجزل اثمره جيت لابن جريس والجزل للجزل امعسوف=الامير محمد الي مقامه ومره عزوته ستر العذارى مفرقة الحلوف=عزوته جيشن لياجا على الخصم ادمره خيل الشرفا هل الفعل والمجد امهدوف=خيل الشرفا ليامن تعزوى فاحذره خيل الشرفا وحظ المعادين امخسوف=خيل الشرفا لجمع المعادي مقبره خيل الشرفا ليا دقت اصوات الدفوف=للحرايب كل جمعن تجيه وتدحره لاد الاخيل من حربهم يصفق بالكفوف=عقب ماراحو اربوعه وماكسر اظهره هم هل الرمح المخنز ومزبان الضعوف=من نطحهم فالحرايب يشقون انحره انشد الاتراك فالهضب عن دك الصفوف=وانشد مشاري ويعطيك علمه واقدره وانشدو عن يوم الابرق ومن جاهم حسوف=وانشدو يوم اليمامه ومن داس اخطره الخييلي طبعه العز واكرام الضيوف=والخييلي لانصاه الجلاوي قدره والخييلي تغلبين وللعليا شغوف=والخييلي فعل يمناه عزه واظهره حن بني تغلب هل العز والذل امعيوف=حن سلاطين العزاوي وللمجد ابحره تغلبن تغلب على الجمع والفعل امعروف =تغلبن جمعن ليا جا على الجمع اكسره تغلبن روس العدى خضعتها بالسيوف=يوم صيحات العزاوي وفالروس انعره تغلبن حماية الحد لاصار امحفوف=تغلبن لامن غدى فالميادين اغبره تغلبن وقت القسى مايحسبون الصدوف=واحدن منا يطوع من القوم اعشره تغلبن يوم ان ليلى دعت ستر الهنوف=سل سيفه لابن هند المسمى وانحره تغلبن تخضع له الروس والحكام خوف=انشد التبع اليماني ويعطيك اخبره تغلبن يوم ان نجد الخطر فيها يطوف=فزعة جعيري وحد الدواسر كبره تغلبن هم ترثة الي له العليا اشفوف=المهلهل وابن حمدان وكليب اشهره تغلبن غلابة الجمع والذل امحروف=من لجا في ضف تغلب لقى مادوره تغلبن جمع العدى منه خايف وامعصوف=لانطح جمع المعادي وطاه وكدره وزايدن درع السعد بالمعادي مايروف=زايدن مثل الجبل شامخن من يقدره الدواسر سعد منهو على الفزعة لهوف=لازبنهم عين الطيب والضيق اهجره الدواسر فعل الاجداد ماهوب امخلوف=الدواسر جمع عزن على الضد اقشره الدواسر هيبة الفعل كلن له وقوف =من يطري تغلب وزايد يزيد افخره علم الي يحسب الفعل بالهرج امخطوف=فعله اما كبره وان تردى صغره يطرب ابن الشرع للجزل والهزل امحذوف=نسل اميرن وادي الخوف لاجاه احدره الشاعر فهد بن سالم بن فنيس المصارير ثم ألقى الشاعرفهد بن سالم بن فنيس المصارير قصيدةً بهذا الحفل ، حيث يقول في قصيدته : من نجد حثيت المطايا على السير=وقدحت في راس الفتيله زنادي واخترت من جزل المعاني تعابير=ووجهتها لهل الوفا والمبادي الي لهم بالقلب حشمه وتقدير=خيالة الشرفا كعام المعادي سلام ياروس الرجال المناعير=سلام من شعري وصادق فؤادي جينا نلبي دعوةٍ منك يامير=دعوة عزيز القوم ثالث اعيادي يامحمد بن جريس مسيت بالخير=اسمك مع كبار الأسامي ينادي وقت الجهل جدك يقود الطوابير=واليوم متمركز براس الشدادي شيخة شمل ماهيب شيخة تقارير=شيخ ولد شيخ ورايك سدادي وكل ابلج له من ظميري معاذير=له من صميم القلب مسكٍ وكادي آلاد الاخيل فعلهم دايمٍ غير=امخظبين ارماحهم والهنادي اهل المهار المسرجه والمغاتير=مطـوعـين اللي براسه عـنادي بسـيوف هندٍ بالملاقـا بواتير=ورماحهم بنحور الاعدى حدادي من روس تغلب مكرمين الخطاطير=دواسـرٍ يثنون وقـت الطرادي من وايل المعروف وكليب والزير=افعـالهـم فخـرٍ لكل العبادي خطلان الايدي والليالي معاسير=وسم العصا للجار ختم عتمادي وحنا لهم دايم على الشر والخير=لاد الحبيبي للنشاما سنادي قلته وبلغكم سلام المصارير=شاعر قبيله وقتبس من زنادي الشاعر محمد بن فلاح بن جريس ثم ألقى الشاعرمحمد بن فلاح بن جريس قصيدةً بهذا الحفل ، حيث يقول في قصيدته : ابدا بسم خلاقي المعبود والفرد الودود=الواحد اللي جل شانه .. كل ابونا في رجاه ارفع يديني بالشكر وادعيه في وقت السجود=انه يجملني مع اللي طيّبن عندي نباه الله يبيض وجه راع الطيب ... جعله فالوجود=محمد ابن جريس // ماني لاحقن والله جزاه من بعدها / يا مرحبا ترحيبةٍ ترقا سنود=في محفلٍ يجمع هل الطالات من كل اتجاه قال الخييلي مرحبا .. واعداد ما تدوي الرعود=يا لابته / يا نوم عينه / يا مطوعة العصاه زايد وتغلب يا بني عمي عريبين الجدود=حنا محل المجد يوم المجد صعبٍ مشتراه حنا هل الوقفات والعالم على قولي اشهود=افعالنا مثبوتةٍ كنها على راس السراه حنا حعدوّين الغنم ... حنا مذبّحة القعود=كرمان / ماكرم من ولي الكون جلّا في علاه ورفيقنا / حنا له اقرب من تشمّار الزنود=حنا اخوياه فـ ساعتن ينسونه اقرب / اخوياه ونزبّن المجرم ليا من جاك من ندّه شرود=في ظفنا نحماه ونرافقْه ونعادي اعداه في ظفنا يمشي بليا اقيود في كل الحدود=مادام من وادي الدواسر جاك ماسومٍ عصاه من قبل عصرن راح يا جعله يروح ولا يعود=إلنا مع التاريخ ميقافٍ ولا يلحق مداه دواسرٍ / حنا ترانا اللي على الزايد نزود=خيولنا تطرب على صوت العزاوي .. يالدهاه على اظهور المسرجات حنا / لـ ذالديره اجنود=من قبلك حكم ابن اسعود وقبل تاتي في احماه من قبل حكم ابن اسعود / وبعد حكم ابن اسعود=ارواحنا تفدي الوطن ، والطامع يعوّد وراه والحين / في خيرٍ و امان وأمن في كل الحدود=من بعد حكم اللي على شرع الله ترد الوصاه وقفه قبل لا اختم .. مادام العود في عين الحسود=بدعي عسى الله مايرد اللي رفع يدْه ودعاه ادعوا لعبدالله ابن عبدالعزيز ابن سعود=النشمي اللي في صلاته بالدعا ما قد نساه الله يغفر له .. وجعل الجنه لروحه خلود=اللي مابه بنيان خير الا وعبدالله وبناه واختامها قال الخييلي ياعريبين الجدود=صلّو على محمد عدد ماقيل حيّا ع الصلاه الشيخ سعد بن مسفر آل طاقان العمور بعدها اللقاء الشيخ سعد بن مسفر آل طاقان العمور كلمة يدعوه من خلالها لــ قبيلة العمور الثالث والذي سوف يقام محافظة الاحساء هميل بن فيحان المصارير ثم ألقى الشاعر الشاعر فيحان بن بخيت المصاريرقصيدة بهذا الحفل : والقاها نيابتاً عنه ابنه هميل بن فيحان المصارير الشاعر فهد بن ثنوا الخييلات ثم ألقى الشاعر فهد بن ثنوا الخييلات قصيدةً بهذا الحفل ، حيث يقول في قصيدته : ابدا برب الكون علام الاسرار=الي عباده كلها تحت ضله خلاقنا الي يرسل الغيم مدرار =علام مافالكون دقه وجله عقب الولي يامرحبا سر وجهار=يامرحبا بالي حضر في محله يامرحبا في حفل وافين الاشبار=يامرحبا عد النجوم المطله في حفل ربعي ماكر العز والكار=الابه الي للمعاديين عله خيالة الشرفا صواريم الاحرار=كم شيخ قومٍ عقبهم جاه خله قطعت شيوخٍ فاللقا راحو جهار=وقتٍ مضى وسيوفنا شاهدٍ له اليا انتخو جمرة وبركانها ثار =موجٍ تزبر كل من جاه شله حنا خييلاتٍ ذرا الضيف والجار=افعالنا ماتنحصر في مجله عند العرب قومٍ لنا ذكر واخبار=كم واحدن من فعلنا فيه غله اسيوفنا سمٍ علا الكبد جوار=ان سَلم منهو ذاقها جاه ذله وانا رحلنا من علا نجد حدار=واذكارنا توجع كبودن مغله ولنا بنجد ابار وحدود وامدار=تسعين عيلم سعد منهن يجنله واليا نزلنا دار تصبح لنا دار=بسيوفنا محدٍ لجينا بضله حريبنا نسقيه كاسات الامرار=شاف السعد من لابتي فزعةٍ له وليا تعلينا علا قحص الامهار=كنا جبالٍ نايفاتٍ مضله ذيدانا ترعا الخطر دون حكار=والي هقا في طرشنا ماحصله كم طامعٍ جانا يبي حسك الاوبار=مايدري ان جموعنا حضرتٍ له اليا سلم من حربنا عنها ذار=ولا خذا روحه صبين بسله حنا شبوب الحرب لاشبت النار=ونا هل الامجاد والمجد كله الله خلقنا مثل جلمود الاوعار=يامن بنا الخايف وحنا ذراً له حماية الذيدان والضيف لازار=تامن بهيبتنا الديار المقله والختم مني ياطويلين الاعمار=علمن ينبي كل منهو فطن له جمعا القبيلها عزها بين لقطار=ولاالتفرق ما بها خير لله واعيدها يامرحبا سر وجهار=يامرحبا بالي حضر في محله الشاعر بتال بن شلوان العمور ثم ألقى الشاعر بتال بن شلوان العمور قصيدةً بهذا الحفل ، حيث يقول في قصيدته : شرايد افكاري على الجم يردن=ومن صافي العد القراحي شربنا في غبة الجم العميقه تمكن=وفي ايدي حبل ارشاه لامن جذبنا وان صدرن صوب الخييلات ينصن=اللابه الي من غلاها كتبنا مثايلن يشفقلها من تمعن=فيها من اجزال المعاني سكبنا تنصاك يابن جريس يا هقوت الظن=يامن دعانا باسم ربعه وجبنا في ملتقى باسم الخييلات دون=شهر اربعه عشره على ما حسبنا جينا ومقصدنا غلاكم بلا من=انتوا مثل نوضن سناكم ندبنا يالابتن افعالكم من جهل هن=منها ردي الحيل مغتاض غبنا انتوا سند منهو عزومه تردن=طبتو ولا قلتوا نجا من سببنا ونتو سهومن للمنايا تهاون=على جموعٍ يومهنٍ اقتربنا يشهد لكم فعلن به الورق غنن=في ما مضى يوم السبايا ركبنا يوم اعتلق عج الرمك مايعنن=ما لجمن بحنوكهن ونقضبنا ويومن على مصلخ خذيتوا نصفهن=يوم العدا قالوا غزينا وكسبنا مايدري ان الذود لحقوا اهل هن=وسيوفهم بدم الاحمر خضبنا سبعة شيوخ بالمصلخ مدفن=عليهم اكبار النصايب نصبنا افعالكم لو تنحسب ما يعدن=لامن بغينا عدها ما انحسبنا قلته باسم ربعي صعوط المجنن=من لاد عمر الي يدارا غضبنا نروي الشبا بضرب القنى لا تلاقن=من دون شعبن نازلن به عربنا ومن الشحم غرسه حشم ما تدهن=اعمور بالواقع فلا احدن غلبنا من نسل تغلب يوم الاجداد عدن=تغالب اعدانا وقايد حطبنا وزايد ذخر وحزام لامن تلون=عند الطلب تحت الطلب في طلبنا دواسرٍ يرسخ لنا الأنس والجن=حنا صلاطين اللقى لا ركبنا دواسرٍ و منهوا زبنا يزبن=كسر الشريف وصاح بالصوت تبنا من فعلنا نشبع وحوشٍ يحومن=يوم العزاوي ولبنادق طربنا وكل القبايل بالفعل ما يغطن=وانا بطيب افعالها ما شذبنا والختم صلوا عد مالنود هبن=على النبي الي دعا وستجبنا الشاعر عقيل بن ناصر الخييلات ثم ألقى الشاعر عقيل بن ناصر الخييلات قصيدةً بهذا الحفل ، حيث يقول في قصيدته : وقفة لعيون القبيله على ساق=شاعر ولي وقفة شرف شرفتها والي يعرّض لحيتة كل حلاق=ما استنكر الامواس لا شطّبتها عملاق واقدّر جهد كل عملاق=واحشم لحا الاجواد بـ معاملتها من لابةً تعرف بـ مجداً لها لاق=اللي على وضح النقا مرجلتها خيالة الشرفا منشّفة الارياق=قومً مقابيس الحروب اصدمتها لاد الخييلي يومها طرد ولحاق=تمصع من متون الخصوم ارقبتها اتعلّق ارقاب العدا فوق معلاق=قومً تصبحّها وقوم اهجدتها عدوّنا من بطشنا صابه ارهاق=قومً جباروت الملوك اطحنتها دواسرً والعز في راس شوهاق=روسً مواقيف الشرف قدّمتها ربعي هل الطاله عريبين الاعماق=قبيلةً نار الفخر شاعمتها كل ابلجً منا على الطيب سبّاق=صوارمً كف الشرف صافحتها قومً لنا بالطيب عقداً وميثاق=أكابر بشوت الفخر لابستها اهل المفاخر والمكارم والاخلاق=خذنا نجوم المرجله واوسمتها وان صاح صياح الضحى والفـضا ضـاق=لـ مصادم الغارات وامداهمتها انغير وانصلفق عدانا تصلفاق=يا دوب ناكل عظمها بـ لحمتها فالارض زلزالً وفالجو برّاق=الله يحسن للعدا خاتمتها عملاق واقدّر جهد كل عملاق=واحشم لحا الاجواد بـ معاملتها شاعر ولي في ساحة الشعر ميثاق=ولي وقفةً كل العرب خابرتها المنشد خالد بن محمد آل بريك وكان لنا موعد مع الأوبريت الانشادي مع المبدع خالد بن محمد آل بريك الهب حماس الحضور بــ الشله الانشادية الجزله من كلمات الشاعرهادي بن زابن الودعاني .::::::.:::::: الشاعر فالح بن حليس الخييلات ثم ألقى الشاعر فالح بن حليس الخييلات قصيدةً بهذا الحفل ، حيث يقول في قصيدته : المجد يبنى من عزوم الرياجيل =ولا ينبني مجدٍ بلا علم ورجال والمال شاد صروح ويحط ويشيل=والعسر حرب المرجلة ضمن الامثال والجمع عزٍ للرجال الحلاحيل =الي تلم الشمل في كل الأحوال وراعى المنارة لاقدح في القناديل=يسري بها الساري مع درب الافعال حيث المواصل ياصل الجيل بالجيل=العرق يثر في صدى الجد والخال والعرق لامنه سقته الهماليل=ينبت بختريه على الوان وأشكال والعود لا منه رمع للمداهيل=للنار شبابٍ وللخيل خيال وقفت جعيري من صداها تراتيل =تبقى على مر الزمن تشغل البال وقفت حميّه والليالي محاحيل=وقفت شرف يرخص بها المال والحال جر الجيوش اللي تطم الغراميل =مثل البحر يلطم من الجال للجال عصبة محمد ماعن المجد تبديل =ميقافهم راس المعزه ولا زال لاد العميري متعب الضمر الحيل=في موقفٍ تشيب له روس الأطفال أهل الظفر والجود وأهل المعاميل=وأهل البيوت اللي لها ستر وظلال يوم الرخى تمحاه شهب البهاذيل=والناس ما تلقى من القلّ مثقال فزعاتهم تشفي صدورٍ مغاليل =ومداتهم تغني عن كنوز الاموال والأرض ما جاها سوى سيلٍ يسيل=قفرٍ جنبها يردع الخصم لا عال واللي غزاها محصل له محاصيل =عود شجاعٍ قبله وعاد محتال واليا ركبو فوق الرمك بالمصاقيل=تقول ما فيهم من الناس عقال شف حد تمره شامخٍ مابعد نيل=طاحت على سوره مقاديم الابطال يستاهلون أول مدار الفناجيل=في مجلسٍ ماحط له باب وأقفال الاستاذ فالح بن راجس بن نبجان الشرافا عضو المجلس البلدي بالمنطقة الشرقية وبعدها كان هناك كلمة لـــ الاستاذ فالح بن راجس بن نبجان الشرافا عضو المجلس البلدي بالمنطقة الشرقية يدعو من خلالها لــ الحفل التكريمي للمنشد جريم المصارير الشاعر بداح بن ثنوا الخييلات ثم ألقى الشاعر بداح بن ثنوا الخييلات قصيدةً بهذا الحفل ، حيث يقول في قصيدته : يا هجوسي جنبي صوغة القاف الزهيد=جمليني في جزالن ينومس عدّها شاعرٍ عند المنصّات عزمي ما يحيد=احتمي دوري و ذي وقفتي لابدّها شاعرٍ لا قمت الاعب طواريق النشيد=البيوت الناهيه صوب فكري ودّها في حفل ربعي هل العز و الراي السديد=مرحباً ترحيبةٍ ما يقايس حدّها مرحياً مليون واليوم كنّه يوم عيد=يوم جيتونا و حنّا القروم نودّها عقب ذا لا جيت اببدا واصوغ امن الفريد=و اصخر جزال المعاني و تاصل حدّها يقصرالتفكير والجهد و بيوت القصيد=عن فعول اللابه اللي عجزت اعدّها افخروا يا لابتي يا هل الباس الشديد=روسكم فوق السحايب ولاحدن قدّها روسنا تطبخ طناخه و هقوتنا بعيد=والله ان حنّا مقر النعاره و الدهى لابتي كسّابة المجد من ماضيٍ تليد=من خلقها الله تقدّم ولا احد يردّها يومها بمناطح القووم والسيف الحديد=روس قادات السرايا وطينا خدّها لا اشتبك عج الرمك ضربنا راس العقيد=ولا اعتزينا والتقينا الجموع نضدّها لا تحزّمنا و جينا على اليوم الوعيد=دون هزعاً لا تعزوا الخييلي ردّها لا رعت ذيداننا ما تهاب امن الضديد=عينه اليا شاف ضوح ( الرويكب ) لدّها في ذرا لاد الخييلي ملينت الحديد=كل دارٍ فالخطر راتعه في خدّها لابتي عون المجلّى ليا جاها ضهيد=وتنطح حياض المنايا وتارد عدّها يوم دقلات السبايا مطوعة العنيد=يوم نجدٍ تطّحن ، ما يقارب حدّها وقارنين الطيب فينا معا حبل الوريد=و السلوم الطيبه صوبنا مردّها الدواسر هم هل الفعل والسلم المجيد=دون حق الجار حتى الجبال نهدها ومن زبنّا في ذرانا وحنا له عضيد=السيوف الحدب دونه نروّي حدّها سطّر التاريخ الامجاد بالفعل الاكيد=وكلٍ حباله على الجم فعله مدّها والختام اكرر القول في قافي واعيد=روسنا فوق السحايب ولاحدٍ قدّها الشاعر عبدالعزيز بن محمد بن ردعان العمور ثم ألقى الشاعر عبدالعزيز بن محمد بن ردعان العمور قصيدةً بهذا الحفل ، حيث يقول في قصيدته : سلام من شاعر يجمل لاحضر=اللي يقدم في البيوت جزالها حضرتنا والرأس يقدح من صطر=اخذ جزايلها واكب اهزالها انظم ألقيفان وانحت من صخر=لدرعي الضافي وأشد ارحالها حنا خذينا الدر من عمق البحر=عقب صبي وفقته مااحتالها من ديرتي دار المعزه والفخر=جات المعاني وانتثر همالها في حفل شيخن لاورد حوض الخطر=محمد ابن جريس هو خيالها له لابتن وقت المعاند والقشر=له لابتن تطرب بوقع أفعالها خياله الشرفا كما الموت الحمر=يشهد لها التاريخ عصر أجيالها لاد الخييلي ضربهم وسط النحر=كم جمع قومن تحت ضل اضلالها لاد الخييلي محزمن حزم الظفر=لاجا نهارن فيه ضرب سلالها من ضربهم كم طاح جمع وانكسر=مطوعين الترك يوم اقتالها قلته ونا ربعي يدوسون الوعر=وقت الوغى نجهل على جهالها لاد العميري فوق والعايل حدر=دارن وطيناها ندك جبالها في شعب تمرة مارضينا بالقهر=ياكم زعيمن هقوته مانالها وعن فزعه جعيري اليا جاه الخبر=قاد الدواسر والجموع إقبالها دواسرن وافعولنا سر وجهر=مثل المزون اللي يبين خيالها دواسرن وامجادناطول الدهر=امجاد طيبن والثناء يبرالها دواسرن عدونا ماله مفر=كل الهموم نشربه فنجالها قاله ولد شيخن وللعليا قدر=ون قام ابن ردعان شل اثقالها الشاعر مبارك بن حسن ال بريك ثم ألقى الشاعر مبارك بن حسن ال بريك قصيدةً بهذا الحفل ، حيث يقول في قصيدته : ياسلام الله سلامن نعم فيه الحضور =ملتقى جمع الخييلات عنوان الفخر بليلتن يكسي سماها السعاده والسرور=وارضها تنبت من الطيب ما يثمر ثمر جيت اشارك يابني عمنا والصدق نور =والله لكم ياهل الطيب في صدري قدر نايبن عن لابتن يوم طفرات الصدور =ربعي ال بريك يوم الهوش محزم للظفر جيت مع جملة نشاما لهم في الطيب دور =وشيخنا فيحان في مقدم الابه حضر في محال الشيخ والقرم والنمر الجسور =محمد بن جريس رحب تراحيب المطر عاش شيخ صلب راسه على النخوه تجور =ماخذ تاج المراجل بعزم و صطر الخييلي في الملقى كما الليث الزئور =وفالمكارم كانه الغيث في شهب الدهر ياخييلات المكاوم والتاريخ مخبور =ونعم ياهل الخبايا ليا رد الخبر لو في مدح الخييلات ابا سطر سطور=ما كفاني يالخييلات لو اميه سطر يا سلايل روس قوم صقورً من صقور=تنتخي في لاد تغلب ليا ديس الخطر تغلب وزايد هل العز والخصم معثور=كم عدوً في نحانا تردى وأنعثر الدواسر صف واحد على العايل دبور =تلطمه لطمه صمايل وتعطيهم ظهر متيهت سود الجهامه وللحدان سور=سورها قصى مع فجاج النحر قلته وانا ابن زمال واذا به قصور =المعذره يا هل العرف وابعاد النظر دغش بن حمد بن منصور الصخابرة وكان لنا موعد مع الأوبريت الانشادي مع المبدع ( وجه الوفاء) دغش بن حمد بن منصور الصخابرة الهب حماس الحضور بــ الشله الانشادية الجزله من كلمات الشاعر مشبب بن عرنان المخاريم::::::.:::::: _____________________________________ تفاعل الحضور مع الشلات الاربع التكريم والمكرمين صــور عــــامــه من الحفل وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لقبيلة الخييلات عامه ولــ الشيخ محمد بن زيد بن جريس الخييلات خاصة على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه (صوت قبيلة الدواسر) موقع قبيلة الدواسر الرسمي www.alduwaser.org/vb

 

 

 

 

[معلومات العضو نآصر البدراني]

بيض الله وجيه ربعنا الخييلات عامه

والشيخ محمد بن زيد بن جريس الخييلات خاصه على كرم الضيافه

وحفاوة الاستقبال وهذي عوايدهم جعلهم في الوجود والله يجمعهم

على المعزه والمحبه ويدوم افراح الدواســر ,


الله لايهيينكم يا ادارتنا على التغطيه والله يقويكم