قصيدة الشاعر المرحوم محمد بن الرفعه المسعري في اخوانه المساعره الدواسر- قديمه

[معلومات العضو محبكم الدوسري]

بسم الله الرحمن الرحيم

قصيدة الشاعر المرحوم محمد بن الرفعه المسعري
في اخوانه المساعره الدواسر.

وهذه القصيدة نشرت
عام 1381هـ , 1961م.

والمعذره لا اعرف تاريخ الشاعر , ولكن استنتاجا ,
ومن سياق القصيدة يبدوا انها كُتبت في عهد الملك عبدالعزيز آل سعود رحمه الله .

( منقوله حرفيا للامانه العلميه)

سيّرتنا امسٍ صــوب ديرة اخواني

ولقيـــت لناسه مــع كـــل داقـــــان

آلاد ابو مسعــــر ذيــاب الغــداري

حمّايــــةٍ قطّاعـــــةٍ سِـــمْ ديبــــان

فهـــودْ ونمَــارَه بضرب السواري

وسيوف مــاسٍ ما يوقِيْهــن عظـام

زبن المجنّـــا لااعتـــذره المـداري

لامن وزاهم جـاو من دونه اسنــان

فرســــان نجــدٍ مــن قديــم وتالــي

اللي خـــذوا ريشــة مطيـرٍ بالامان

لامـــن تحامــوا جاو مثــل الجبالي

صبيــان حــربٍ كلّــهم فعلهــم بان

ذيدانهـــم ترعــى نبـــات المغالـي

واســـودهــا تبرى لهـا كل سكران

وهل سربــةٍ لارخوا عليهـا الحبالي

كــم شيـــخ قومٍ علّقـوا فيه الاكوان

وصنع اليهود اللي تسمى التجاري

تبـــرق وترعــد حسّهــا له تـرنان

طريحهــم خـلّى عشـاً للضــواري

ومرمتــــه للضبعـــة ولام عثمـان

ومرخصـةْ غرسٍ حسيـن الظلالي

مقيـاض زين الدّل سحّـاب الاردان

دقيــق رمـش العـين زاه الخـزاري

ابو نهيـــد فــي الحشــا تّوْ ما بــان

اللي نحــرها مثل صافـي القمـاري

وحديثهـا احلـى من لبن كل مسمان

فلا انساهــم عقــب ما اقعــد لحالي

عيّنـــت مــرانٍ وعينـت سلـــطــان

وعينت زابن شـــوق سمـح القبالـي

وعيّــنتنـــا متعــــب وعينت جروان

وعيـنتنـــا معـــدّي عشـير الرجـالي

وعينتنــا متـــرك وعينـــت فيحـان

وعينتـــنا ربــعٍ علــى كل حالــــي

ولد شجـــاع معلـّق الخيل الاكـوان

شوق الطمــوح اللي باهلهـا تماري

تقـــول مادونــه ولو كــان ماكــان

فلا عشقتــه ما عليــها بــــــزاري

قـــرمٍ كريــمٍ وافــيٍ ذرب الايمـان

له مجلـــسٍ مشــَرّعِه للرجـــــالي

من يــوم يصبـح ليــن ياتي مسيّان

وبنــــى لربـه مسجــــدٍ بالحلالــي

يرجــي بها اللـي عند ربه كحيلان

الَصلْــبْ جــده ملحقيـــن الهزالـي

الاد تميـــم عطيبيــــن الاكـــــوان

وعينتــــنا شيبــــان ذيــب الغداري

اللــي خـذ ابل ناشــر آل دمنـــان

شــوره براسه ما استشار الرجالي

حــــرٍ الى منّه شهر يقضي الشـان

فلا مــن هوى للصيد ينقى الجلالي

ومجناه طيّب واصله طيور حوران

يــــوم الجهـــاد متبـــرعٍ بالـحلالي

ومسبّــلٍ نفسه وزيــزوم الاخــوان

في راي اخو نوره منجّـي التوالـي

ابو فهـــد اللي خســف كل شيطان

اللـــي سهــدها من التهـم للشمالـي

ومن البحر الى حدود ارض عمان

ومن كلهــــم يثنــي خلاف التوالي

بمشـــوّكٍ لاثـار في الجــو دخــان

ومن كلهـــم عيد الركـاب الهزالي

لاجـــات باهلهـا تخافق بالارســان

يلقــــون بنٍ صافـــيٍ في الدلالــي

وصحــــون برٍ فوقهـا قِرّح الضان

ومن كل منهــــم شامــعٍ له دلالــي

وكل يقــول الحق عنـدي ولا شـان

ومفرشيــنٍ عندهــم في العلالـــي

وهذي عوايدهـــم شيــوخٍ وكرمـان

وكاسينهــــا زلٍ ونجـــرٍ يلالـــــي

ومسانــدْ وبرقـــاةْ ودلال رســلان

الى جا المسيــّر لين قدمــه رجالي

يبشر بكيــفٍ عندهم معه سفطــان

بنٍ وهيــل وسكـّر وطيِـــب فالــي

وزعفران وعود في مجلس اخوان

المرحوم محمد بن الرفعة المسعري

جمع وتحرير

محبكم الدوسري

 

 

 

 

[معلومات العضو حمد ابن فهد]

يفيدنا ان شاء الله شاعرنا راشد المسعري عن التاريخ وانت بيض الله وجهك للنقل والمواضيع الجزلة لاهنت لاهنت ابومحمد

 

 

 

 

[معلومات العضو ابو زابن المسعري]

ارحب واسهل وحيااااك الله وبيض الله وجهك على هذه القصيده الجزله النادره نشكرك جزيل الشكر ونتمنى منك ان تفيدنا باسم الشاعر كامل وببقية قصائده

 

 

 

 

[معلومات العضو محبكم الدوسري]

اخي الغالي
حمد ابن فهد
تشرفت بتواجدك وردك الراقي
تحياتي وعيد سعيد باذن الله
للجميع

 

 

 

 

[معلومات العضو محبكم الدوسري]

الأخ الفاضل
ابو زابن المسعري
ماعليك زود يا ولد العم ,
وبارك الله فيك واشكرك على تواجدكم
وكل عام وانتم بخير
وابشر بسعدك يالغالي وهذا الموضوع لعيونك والاخوان والاخوات جميعا

http://www.alduwaser.org/vb/showthread.php?p=746872#post746872