هذي قصيدة الشاعر // سعود بن حسن بن بطحية .بعنوان ((العذال))

[معلومات العضو سعود حسن آل بطحيه]

السلام عليكم ورحمة الله وبركاته

هذي قصيدة الشاعر الكبير كما عرفناه// سعود بن حسن بن بطحية ..

بعنوان ..**(( العـــــذال ))..**





يقول من قال الكلام بدلائله
...........................دلايله دلة على القول قايله

يقولها ويختار منها عجيبها
.........................لا جابها نقص ولا جات مايله

يقول قول وهيض القول ماطرى
..........................يطري على قلب تمثل مثايله

مثايله كأنها على ذا تسوقني
.........................من ذا لذاك تشد صوبه رحايله

رحايله عشت بساحت عذولها
........................لا شافها المقصود تقصد نزايله

نزايله يزلها ماشي القدم
.......................ممر لامن مر ضحاه قايله

هذاك عذال قلال منافعه
......................لالي ولا للغير تحمد فضايله

الفضل لله يالله أنك تعينني
......................على مثل هذا أتخطا حبايله

حبايله حطتني أطرح حبايلي
......................أحبل لحبال الردى في دغايله

هذي لذي والرديه بدابها
.....................والبادي أظلم والجزى من فعايله

فعايله لو فتش النفس لالقى
..................... يلقى بنفسه أكثر العيب شايله

أن قلت خل الناس في حال حالهم
.........................فالناس ما خلوك بالقول قايله

أحد صديق وقاصر العرف ماعرف
...........................بلى يلومك لوم هذي وسايله

وأحد صديق لسان والغش باطنه
..........................يضحك ويخفي لك خفاياه هايله

وأحدٍ لهذا ولا ذاك يصتدفق
.......................يعرف ويفهم والحسد في عمايله

هذي فئه من ناس كفى الله شرهم
.........................أتقول على حق وهي منه عايله

أنا في رجا الله وأرتجي محمد
..........................يصلحه رب البيت منشي مخايله

لامن صلح يرتاح ويريح والده
............................ويحل حلال الحلل في حمايله

أوصيه بالتقوى وطاعة ربه
........................وأمه وأبوه يرد صوبه جمايله

مال الردى مجال والطيب منبعه
.........................إلا الله بارك فيه وأكمل كمايله

جنيت من أرض الكنانة ثمرها
........................وأبوك وجدك جيتني من فصايله

يأبني ترا للرجال طيب المراجل
.........................كلمة هلا وأقلط من أحسن خصايلة

تشوف ياأبني بعض عيال تفوقو
.........................بالمستوى وصلوا مكانات عالية

وبعض العيال تشوف ياأبني مسيرهم
.........................مسير شر وعلته من علايلة

علايلة ناشت أبوه وقبيلته
.........................الله يأخذ روحه ويقصر مهايله

ممشا الردا راعي الردا يكسب الردا
..............................راعي الردا لابوه هذي حصايله

هذاك خله لاتجالس جليسه
.....................خله ومثله لاتجالس نذايله

معزت الرجال نفسه عن الردا
....................ترفع مقامه والمكاسب نفايله

قلته وأنا من لابتا ًَ معروفة
...................دواسر إلى من عد رجل قبايله

وداعين أهل الثمان السوالف
...................يصعب على بعض القبائل فعايله

يسعد وقت الضيق من ينتخيبهم
.........................يروون حد المرهفه من سلايله

وختمانها صلات ربي على النبي
.......................على محمد المختار مدي رسايله

 

 

 

 

[معلومات العضو الشقرديه]

صححححح لسانك واعتلى شانك ولاهنت قصيده رائعه تسلم يمناك

 

 

 

 

[معلومات العضو سعود حسن آل بطحيه]

الله يعطيك العافية

ومشكورة على الرد


تقبلي مروري

 

 

 

 

[معلومات العضو دغش محمد الصخابرة]

صــــــــــــــح السااااااااااااانك,,,,,,,,,,,وقصيدة رائعه يعطيك العافيه...........

 

 

 

 

[معلومات العضو نفل ناهض الصخابره]

صح الله لسانك قصيده جزله من شاعر جزل

تقبل مروري

 

 

 

 

[معلومات العضو سعود حسن آل بطحيه]

مشكووووورين على المرروور

الطيب

ولاهنتو جميعكم

وصح الله أبدانكم

 

 

 

 

[معلومات العضو بدر بن صقر العجالين]

صح الله لسانك وكفوو يآل بطحيه

بيض الله وجهك

تقبل تحياتي،،

 

 

 

 

[معلومات العضو سعود حسن آل بطحيه]

الله يعطيك العافيه

ومشكور على الرد يأبو صقر

 

 

 

 

[معلومات العضو الجراح]

صح الله لسانك تحياااتي

 

 

 

 

[معلومات العضو سعود حسن آل بطحيه]

	مشكور وصح بدنكـ يالجراح

 

 

 

 

[معلومات العضو سعود بطحيه]

بعض العرب لو ماعزم رحتنا صوبه
اروح له من زين خلقه وتقديره .

ناس تجيها ناس تدهل ومرغوبه
وناسن تجنب شينة الخلق والسيره .

فلان لبس له ثوب كبرن مهوب ثوبه
كنه ملك بغداد والشام والحيره

وهو لا جسم ولا دسم يستر عيوبه
والا جيت تسال منه ماعرف ف الديره .

شاعر قصيده زين والناس غنوبه .
وشاعر ماهوب يبين في الناس تاثيره

يالله ياللي يعطي العبد مطلوبه
عطنا طاعتك ورضاك كثر لنا خيره

يازين شوف البر لانبتت عشوبه
تشوف فيه الذود رتع مصاغيره

هاذي رضعها حوارها وذيك محلوبه
وهاذي غبوق البيت لاجاو مسايبره .

راعيها الا ساق الجمل تتبع دروبه
والا من هدر قام تقانف معاشيره .

وهناك وسط البيت من البيض رعبوبه
رعبوبتن دقيقة الحقو وصغيره

خذاها وهو شايب عسا تغفر ذنوبه
يحاول وعيا ينزل الدلو في بيره .

ان رضيت عليه يعين الضو مشبوبه
وان زعلت عرف ان البلا جاه من طيره .

 

 

 

 

[معلومات العضو سعود بطحيه]

سلامن لابن فياض مجدل وجده عون
وسام العصا في الجاهلية لابن هادي

وسمها بطيب وهيبة وسيفه المسنون
تركز له البيضا على روس الاشهادي .

فعولن وجات سلوم بها العرب يدرون
ولا ينكر الطالات يكون حسادي .

يفرح صديقه والعدو كن فيه طعون
ومن ينكر التاريخ هجري وميلادي .

بنو مجدهم الاجداد واحفادهم يبنون
وعون ولد مرزوق ثبت له شدادي .

لنا مثلكم سلم كبيرن عسا تدرون
اداية ابل الخال في سلم الاجوادي .

كسبنا السلوم الطيبه جاتنا بالهون
وكسبنا المراجل بين صادر وورادي .

من غير الثمان اللي تغطي جميع الكون
يعجز ماكسبها عنترة بن شدادي .

كرمان الايماني يوم جور الدهر يعطون
يشهد على ماقلتنا عامر زيادي .

الشاعر : سعود بطحيه .