لاشـك أن الكــتــابـــة عــن قـــامـــة شــعــريـــة فريــدة بمكــانـــة وهــامــة أسطـــورة كتــب إسمــه من حروف من ذهــب في عــالم شعــراء العـــرب،شـــاعــر أجــــاد في فـنــــون الشعــراء بكــافــة أصنـــافـــه لكــن عـرف بفــن الرثـــاء وفــن المحـــاورة التــي يـعــتــبر أميرهــا فـهو شــــاعــر محـــاوره من الـطراز النـــــادر لــه محــاورات مــع العــديد من شـعــراء المحـــاورة البارزيــن في أنحــــاء الوطــن العــربــي الكـــبيرأمثال : رشيد بن زيد الزلامي ،مطلق الثبيتي،صياف الحربي،مستورالعصيمي،خلف بن هذال،حبيب العازمي،شــاعـر كـــبير لــه قصـــائــــد رائعــــة تــغــنـى بـهــا بعـض الفـنــانـين طبعــاَ من غـير مشورة أو رضــى مـنه!!!
شــاعـر تـعـجز الكــلمات عــن وصـف ماسطره من قصــائد ستظل محفوظه لدى متذوقي الشعر الحقيقي الا وهوالشــاعـر الكبير:
أحمدبــن مـحمــدبــن نــــاصـرالـشــايع آل مــوســى آل زمـــــام المســاعـرة الدوســــري
من مواليــد مـحــافظــة الزلـفـي في عـــام1340هــ تقريبــاَ متعـه الله بالصحــة والعـافيــــة.
عاش طوال عمره في محافظة الزلفي بدا كتابة الشعر منذ الصغر في المحافظه
و اول قصيده قاله عن محافظه ومسقط راسه الزلفي .
كما ان شاعرنا ابو محمد خرج من عائله اهل شعر ورويات . ولان ابنه محمد شاعر مثل ابيه .
كما يلقب شاعرنا بالقاب منها : العميد , ولامير
وهو يعد من اقوى الشعراء على الساحه الشعر الشعبي والمحاورة ( المراد )
ومن اخر الجوائز التي حصل عليها ابو محمد جائز الامير عبد العزيز بن سعود ( السامر )
كما شارك ابو محمد عددة امسيات منها : شعبيه في بيروت و الدوحه والمنامه و دول الخليج العربي وبعض الدول العربيه ومناطق المملكه ..
قال في محافظته الزلفي:
خلقت بديرة من ذاق ماها=
حشى الله ما نلحق جزاها=
وهي دار الحمية والمعزة=
وهي دار التعفف والتنزه=
**********************
ومن قـصـــائــد الشــاعـر الكبير:
سهرت البارحة واشغلت بالي =على الله اعتمـادي واتكالـي
أهوجس والهواجيس أتعبتني = وأعد اللي جرى ليه أو مني
هواجيـس تفيـد النـاس عنـي = أبين للبعيــد أو للمــوالــــي
ولا بـه راحـه إلا بعـد شـــده = ولا أحد يفتخر في ورث جده
ترى كل له أمـن العـرف قــده=وأنا مثل العرب من قد حالي
خلقـت بديـرت من ذاق مــاه = لو أنه غاب عنها ما نساهــا
حشى والله ما نلحـق جزاهـا = بهـا جيرانهـا مثــل الأهــالـي
وهـي دار الحميـه والمعــزه = وهي دار الوفــاء في كل حـزه
لها من شرق ضلع طويق بين = وعنها من جنوب القاع لين
هـو الزلفي لعـل السيـل فالـه=إلى منه نشـا وامطـر اخيـالـه
تزين أيام راعيـه أو ليـاليــه = سقـاك السيـل يازين المفـالي
بلاد الخـير ياهــاك البــلادي = تعيش الحضر فيهـا والبوادي
والى جاهـم بعيد الدار عانـي = يبـا الفزعـه وحاديه الزمانـي
عطاياهــم العانيهــم جزيلـــه = ولا قــد مـدوا المــده قليــلــه
ولا بايمانهــم يمنـا بخيـلـــه = ولا يعطي الجزال الا الجزالــي
**************************
الله اكبر ياحمام من صلاة العصر ناح= وانشغل قلبي معاه لاجزاه الله بخير
الله اكبر يوم ناض طار ورفرف بالجناح=ودي اتبع ساقة الراعبي وازريت اطير
ودي اتبع ساقته بالمقيل وبالمــــراح =شوف عيني بين هاك المباني يستدير
واهنيك بالمــسا ياحمام وبالصـــباح =كل يوم تشاهد الترف ملهوف الضمير
ياحمام الورق قل للغضي سيد المـــلاح=عن ذهابي قل لزين الوصايف يستخير
وصف خده بارق الوسم من منـــشاه لاح= يوم شعشع زاد نور البلد عقب الاخير
والعيون عيون خشف(ن)تربى بالبيـــاح= كل ما هبت نسيم الهبايب يستذير
*************************
يا ناس راعي المحبة لا تعذلونة=
لو يسهر الليل كلة لا تلومونة=
لى صاحب ما قطعت الياس من دونة =
الصاحب اللي سحر هاروت بعيونة=
يا هيف الخصر عيني فيك مفتونة=
الروح يا صاحبي بحماك مرهونة=
ياكود وصلك على مثلي ويا هونه=
عن غيرك القلب غسلتة بصابونة=
ما يجرح القلب كود فراق مضنونة=
أجر صوت جميع الناس يوحونة=
*****************************
البارحه واليـوم عينـي طواريهـا كثيـره= عيني طواريها كثيره وش اسـوي بعينـي
ماجا خبر وعلوم وطروش من ديره لديـره= وطروش من ديره لديره يسلـون االحزينـي
من ينصر المظلوم كوده الى سمع السريره =كوده الى سمع السريره حكم بينـه وبينـي
هجر وسهر وهموم ضاقت على كل الجزيره =ضاقت علي كل الجزيره وانا ضلعي متينـي
لاهل الغرام سلوم ومصيبه الفرقى كبيـره= ومصيبه الفرقى كبيره عساهـا ماتجينـي
عيني تعاف النـوم بالليـل يالله الستيـره =بالليل يالله الستيـره يبـا الخافـي يبينـي
نادو عقيد القوم ياقـوم ملـزوم استشيـره =ياقوم ملزوم استشيره لـو انـه مايبينـي
يازارع اليشموم ليتك تبيع بحسـن سيـره= ليتك تبيع بحسن سيره علـي او تشترينـي
ان بعت باول سوم سموك ابو خير وخيـره =سموك ابو خير وخيره وابو قلـب فطينـي
رضيت بالمقسوم سافر عساها لك سفيـره= سافر عساها لك سفيره وانا وش في يديني
انا له المحكوم ماهمنـي مخلـوق غيـره= ماهمني مخلوق غيـره بحبـه مشترينـي
لو قيل لي منجوم راضي وخلوها قصيـره =راضي وخلوها قصيـره ولا بّيـح كنينـي
='هجر وسهر وهموم ضاقت على كل الجزيره
=ومصيبه الفرقى كبيره عساهـا ماتجينـي
=بالليل يالله الستيـره يبـا الخافـي يبينـي
=ياقوم ملزوم استشيره لـو انـه مايبينـي
=ليتك تبيع بحسن سيره علـي او تشترينـي
******************************
البارحه يوم كلن نام=مالجلج النوم بعيوني
جيت ولقيت الحرس قدام=وارجع من الباب مغبوني
اصفق بكفي واعض ابهام=ابهم يمناي بسنوني
اتلى الخبر بالحبيب العام=وجدي على شوف مظنوني
ورود قلبي عليه اهيام =مااطاوع الي يعذ لوني
من صابه الحب مايلام=لاصار عاشق اومفتوني
حبه بنى بالضمير اخيام=خلوا عشيري اوخلوني
ابا اتبعه والسلام ختام=لو المخاليق يدروني
*****************************
ليت العمر ينباع والله لشريه = وأروح للطيّب وأزوّد سنينه
وإلا الردي لعل تقصر لياليه = ما من وجوده فايده خابرينه
أفزع مع الطيّب عسى الله يخليه = اللي لفعل الطيب تبذل يمينه
خل الردي لعل تكثر بلاويه = ثقيل دم وفوق ذا ثقل طينه
ياللي عبيده تطلبه ثم ترجيه = أعطف على عبدك وقوّه بدينه
وإلا الردي ما همني وش يجي فيه = لو غاب ما همب العرب فاقدينه
لا واحسافه كيف يصبح مساويه = النذل والطيّب سوى بالسفينه
مواقف الطيّب تعزه وتغليه = وإلا الردي لعل ربي يهينه
أشكي على اللي شامخات هقاويه = أبو محمد جعل ربه يعينه
مواقفه هالحين وإلا بماضيه = ترفع له البيضاء على أعلى جبينه
اللي يلبي كل صوت يناديه = رجل المواقف كلنا عارفينه
إليا لفى كل الجماعة تحييه = أحد يحب الخشم وأحد يدينه
من حشمته كل يحبه ويغليه = أبو محمد جعل يبطي ونينه
أقول كلمة حق والله ما أرجيه = أرجي كريم كلنا عابرينه
****************************
=كثره اهجوسه في طويل المشاريف
=اصخر عسيرات المعاني على الكيف
=غض النهد راع الثمان المراهيف
=لوف الهبوب الي تسمى العواصيف
=افرح الياهب الهوىلي من الهيف
=هاف الحشا المجمول ترف الاطاريف
=انا مريض وداوني بالسواليف
=انا على بعده كثير التحاسيف
=لا شك جرحك يايريش العين بي شيف
=ومن عرفتي لك شفت سبع التخا ليف
=همك ابقلبي نشف الروح تنشيف
=عليك ماتنطح هبايب هوى الصيف
=عندك خبر وش لون ضرب المناديف
=ارفق بحالي ياحسين التواصيف
=مافيه عاشق مايجيله صواديف
***************************
محــاورات الشــاعــر مــع بعـض الشعـراء:
جرت له مع رفيق دربه الشاعر المعروف حمود المحيشير القحطاني - رحمه الله - والتي بدأها الناصر بقوله:
أنا لي صاحب ما قد نشد عني ولا مرّه
=ولنه شافني هلا مثل غيره يهلي
=ولاني راجي خيره ولاني خايف شره
ولكن للرجال اسلوم وحقوق ومواجيبي
فهد:
أنا لي صاحب فيه أكثر العربان مغترّه
=يكمخني بوجهي مير في الضيقة يماريبي
أنا ما خبر علي للناس مثقال ذرة
=ولا حد كاشف صدري ولا معطيه من جيبي
أحمد:
ولا له في السما طاري ولا له فالوطا جره
=وهو يبخس محلي والجفا كله عذاريبي
رفيقك لو يجيه الموج لا سره ولا ضرّه
=سواة الطير ولرياح تقبل بي وتقفيبي
فهد:
يقولون العرب من طاوع الشيطان أو مرّه
=تغيره الروابع فالقرايب والاصاحبي
صحيح أن هالسنة عنا سفينة نوح مفترة
=أحد يقطف زهرها وأحد تقالبه الواهيبي
أحمد:
أنا عيني تنام الليل مرتاحة ومسترة
=أكمّل مطلب الاصحاب ثم آخذ مطاليبي
إليا منه و فا لله ياهل المعرفة درّه
=واليا جفا عديت في عالي المراقيبي
فهد:
عيونك دالهة وأنا عيوني دوك محمرة
=على جنبي شهر ما شفت خط ولا مناديبي
وأو زيد الهلالي يوم لبس الثوب ما زره
=يشوفون العرب علباه بين الشك والريبي
أحمد:
مكينة موترك يا بن الحلال العصر محتره
=لقيت اصحاب غيري والدهر كله تجاريبي
يقولن العرب كم واحد ضوح القمر غره
=أضنه ظن ولا ما حد يدري عن الغيبي
فهد:
حشا الله ما صبيت من غربي وال كره
=ولا عديت من بيتي ولا بيت المعازيبي
كثير الناس لا يطرق لسانه ثم نجتره
=ويقعد طول عمره لا لسان ولا لغابيبي
************************
سلامي على آل سعود واللي حضر من كل نية=
تـغيب يـا مـطلق لـك ايـام و الدنيا فضية=
هـلا مـرحبا تـرحيبة بـالرجال الـصيرفيه =
أنـا كـيف أشوفك وأنت دونك رجال بوارديه=
يـقولون مـطلق صـار بـالبلد روحه وجيه=
أنا أشره على الأصحاب شرهه كبر قاره طميه=
مـحل الـكريم الـلي يـعزك ولـه مذرا وفيه=
لـكن الـخوي الـلي يـبا العدل لا يظلم خويه=
يـقولون سـا فـرتوا هـاليام قـدام الضحية=
أنـا طـول عمري ما بعد شفت نور اسكندرية=
أنـا مـا أقبل الزحمة ولو كان جو فالجودرية=
وأنـا جـيتهم طرقي مسافر على وسق المطية=
تـرى الـرفقة مـا تـسر الـرفيق امجاملية =
إلا واهـني الـلي يـخاو الـطراقي واهـنيه=
تـقوله تـقوله وأنت شيخ النحل جوف الخلية=
*******************
من مرثيــات الشــاعــر:
مرثيته في ابنه عبدالعزيز الذي توفي في حادث سيارة طريق الحجاز
غفر الله له واسكنه فسيح جناته والهم ذويه الصبر والسلوان
نـهار ثالث عــقب عيــد رمضــــاني=
أحد قضى عيده ســــلام وتهانــــي=
صادفت صدفه من صدوف الزماني=
هذازمـــان الهـــــم والإمتحانـــــي=
الاولــه كـــامل جميـــــع المعـــاني=
محمــد اللـــي في القسى والليــــاني=
والثانيــه باقـــرب قريــب ودانـــي=
قـالوا مابين الخـــاصره وحلبــاني=
جـا يومه المـوعودباربـع ثواني=
عــلم عـلى الكبد الصخيفه كواني=
تهشمت كـــل الضلوع المــحاني=
أخذت لي ساعـه وأنـا في مكـاني=
ألـيا بغـيت الهـرج ييبـس لسانـي=
قــمت أتلــفـت واتسـمـع بـاذانـي=
مما بقـلبي رحـت باللـيـل عـاني=
عـن روحـتي ياليت ربي نهـاني=
قـمت ودفنتـه والـله المـستعـاني=
يـم الـقويـعيـه بـلاد قـحـطـانــي=
وأقفيت من عنده وعشري ثماني=
والله لـولا نـي وســيع البطانـي=
طاوعت نفسي مير عقلي قواني=
**************************
رثاء ابنه محمد رحمه الله الذي بحادث مروري فقال هذه القصيدة الباكية :
صبر على ما صار من وال الأقـدار=
أضحك مع العالم وكني علـى نـار=
يعلم بها العلام فـي كـل الأسـرار=
من يوم قالوا جـا محمـد ونصـار=
عز الله اني عقب ما صـار صبّـار=
ونة غريب بالخلا ضـاع واحتـار=
لا طير مثل الطير من كـف صقـار=
واحترت مثل مصالي النار والغـار=
كنه على قلبي رصـاص أم كـرار=
هــذا يعزيـهـم وهــذاك زوار=
جتني هموم القلب من كل الأقطـار=
الله يكافيكـم صواديـف الأشـرار=
ناصر ونايف ذخـرا سـر واجهـار=
صغار سن وان بـدا الـلازم كبـار=
محيي العروق الميته عقب الأمطار=
لو رحت شرق وغرب ويمين ويسار=
أطلب لـه اللـي للخطيـات غفَّـار=
في ماقفٍ ما ينفعن فيـه الأعـذار=
بالماقف اللي به يضيعـن الافكـار=
تمت وصلى الله على سيد الأبـرار=
************************
01-06-2007, 05:55 PM
الشاعرالكبير: احمد الناصرالشايع( أميرشعر المحاورة)
العرض العادي
المواضيع المتشابهه
