أموتك شـوق وأحيـآبك (أولـى) ..!

[معلومات العضو بدر آل شآفي]

مـدخـل :

أبطيت عني وأشوفك ماتكلمني=ماتدري إني أشوف النور من نورك
أبكي غيابك عشان أغريك ترحمني=مدري متى تستخير وتعتق غرورك
ماني معاتبك بس أبغاك تفهمني=حسسني إنك تبيني وإتبع اشعورك
وان كان تبغى فراقي لاتعلمني=خلك مقفي وانا بتأمل حضورك

أحبك يابعد نزف الشعور اللي ضماه الجور=أنا مالي سوى قلبك أموتك شوق وأحيابك
تباكاني طموحاتي وحلمي خاطره مكسور=قهر تستنزف جروح الغلا والود يزهابك
تعبت أبكي على غيابك وأجاوب صرختي مقهور=تعبت أعزف على أوتار الشقا والجرح غنابك
تعبت أحبس خيالاتي ولاكن الأمل مقبور=أنا كل مابغيت أنسى وداعك هاجسي جابك
يغص الضحك بأانفاس الحزن وأستوعبه مجبور=عجزت أتنفس افراحي عزيت الضحك بأسبابك
أخيلك والغلا باقصى محاديب أضلعي مأسور=وأحن لشوفتك وأشكي على السلسال واثيابك
حرام إنك تخليني وأنا كلي غلا وشعور=أسولف باالطريق اللي جرح قلبي وقفابك
تعالي يابعد وجه الصباح وياسبات النور=متى مابان نورك غاب نور الشمس بااهدابك
تبطايتك وأحس إن الفضا من غيبتك مهجور=قسم بالله من رحتي عجزت اتحمل اغيابك

مخـرج :

صبري نكرني من كثر ماأتصل فيك=مدري متى تعطف على اللي مقدرك
كل مانسيتك قمت أهذري بطاريك=ساعدنى أنسى وأوعدك ماأتذكرك

 

 

 

 

[معلومات العضو محمد بن حمد الشكرة]

صح الله لسانك واعتلا شانك يابدر

 

 

 

 

[معلومات العضو الهاج ـري]

أبطيت عني وأشوفك ماتكلمني
ماتدري إني أشوف النور من نورك
أبكي غيابك عشان أغريك ترحمني
مدري متى تستخير وتعتق غرورك
ماني معاتبك بس أبغاك تفهمني
حسسني إنك تبيني وإتبع اشعورك
وان كان تبغى فراقي لاتعلمني
خلك مقفي وانا بتأمل حضورك




,,


صح لسانك مليووون واعتلا شانك

وتسلم يمناك يالجزل على هالرائعة

حروف من ذهب من شاعر مبدع

رائع وأكثر

دمت بهذا التألق ودام لنا عبق حروفك


لك فائق تقديري

 

 

 

 

[معلومات العضو محمد بن سالم الخضراني]

اخوي بدر ال شافي نرحب بك بالمنتدى الرسمي للقبيله ويامرحبا ويامسهلا بك . وصح لسانك واعتلا شانك مدخل ومخرج وقصيده فانت شاعر ولنا الفخر بوجودك بيننا تقديري واحترامي

 

 

 

 

[معلومات العضو آلأرجــٌوآنْ]

صح لسانك ملاااايييييين ولاهنت

 

 

 

 

[معلومات العضو عســافةالخيل]

صح لسانك عالمصافحه الجزله ,, والابيات الرائعه

تحيتي

 

 

 

 

[معلومات العضو رداد]

صح والله لسانك او لاهنت او لاهان غاليك...
أنا اشهد انك شاعر كفو بيض الله وجهك....
______________________________
((وشلون اضيف ابمجمل احروف ردي........دامك ملكت احروفها والمعاني))

(((تقبل مني هذا البيت او تقبل مروري)))
>>>>اخوووك ردااااااد<<<<

 

 

 

 

[معلومات العضو ابو عمر الشمري]

صح الله لسانك واعتلا شانك يابن شافي

 

 

 

 

[معلومات العضو فارس الدبالين]

اخوي بدر ال شافي

نرحب بك بالمنتدى الرسمي للقبيله

ويامرحبا ويامسهلا بك .

وصح لسانك واعتلا شانك مدخل ومخرج

وقصيده جزله فانت شاعر ولنا الفخر بوجودك بيننا

تقديري واحترامي

 

 

 

 

[معلومات العضو بدر آل شآفي]

صح بـدنك يآمحمد بن حمـد ولآهنت على مرورك ..!

 

 

 

 

[معلومات العضو بدر آل شآفي]

الهآجري / صح بـدنك طآل عمرك ولآهنت علىآ روعة مرورك وحضورك العذب ولآخلآ ولآعَدم ..!

 

 

 

 

[معلومات العضو بدر بن صقر العجالين]

أررررحب يا بــدر سميي وخالي في نفس الوقت

صح الله لسانك ألين ترضى جزل ومبدع ياذيبان أتمنى تواجدك الدائم بيننا لاعدمناك..

وتقبل تحياتي،،

 

 

 

 

[معلومات العضو بدر آل شآفي]

تبقىآ يآمحمد بن سآلم الخضرآن ولآهنت علىآ روعة مرورك وحضورك العذب والشرف لي يآغآلي / جعل ربي مآيهيينـك ..!