رديه مع الجن

**معلومات** **العضو** · 15-09-2010, 07:12 PM

بسم الله الرحمن الرحيم

يقال ان فيه رجال[ن] جالس على ظوه وعنده شخص مجدور [مصاب بمرض الجدري]
وكانت الذيابه تجي على ريح المجدر وكان هذا الشخص يغني يسلي المريض
فإذا برجل غريب جا وجلس على جال الضو حول الرماده فسأله صاحب المحل بقوله انت من لعلين ولا من لسفلين بمعنى (انت جني ولا انسي) قال له إلا من لسفلين وجيتك بهذي لبيات

سمعت نجرك يوم حسه يدني =وجيتك على حس الغنا والدنيني
الليل ظلما والذيابه حدني = وحساس نجرك يذهن النايميني

فرد عليه المعزب بهذي الابيات

ابوك ماعندك مريض يوني=مالك مريض يسهرك بالونيني
مايجتمع فالمجلس انسي وجني = قم وانقلع من مجلسي ياللعيني

**معلومات** **العضو** · 16-09-2010, 01:12 AM

لاهنت يابوشافي على ايراد القصة والله يستر من الجن

**معلومات** **العضو** · 16-09-2010, 05:35 AM

لاهنت يابو شافي على القصة والقصيدة الشيقة

وترى إن كثرت من قصص الجن وقصايدهم

بعض العرب بينحاش من المنتدى

تقبل ودي وتقديري ،،،،

**معلومات** **العضو** · 16-09-2010, 07:01 AM

ايه بالله اللي بينحاش

هههههههه

والله لو انه بعض العرب ماجلس معه ثانيه وحده

لاهنت والله يعطيك العافيه

**معلومات** **العضو** · 16-09-2010, 07:12 AM

شافي النتيفات
لاهنت على المرور المميزتحياتي

**معلومات** **العضو** · 16-09-2010, 07:14 AM

راشد المسعري ارحب ولاهنت على المرور الجزل

تقديري

**معلومات** **العضو** · 16-09-2010, 07:19 AM

خالد المشاويه ارحب ولاهنت على المرور الجزل

تقديري

**معلومات** **العضو** · 24-09-2010, 03:07 PM

بيض الله وجهك ياابو شافي على النقل ولاهنت

**معلومات** **العضو** · 24-09-2010, 04:04 PM

ابو حصين الله لايهينك

ومرورك يشرفني

**معلومات** **العضو** · 24-09-2010, 04:13 PM

الله يستر علينآ ويحفظنآ من الجن ~

عوآفي لآهنت

**معلومات** **العضو** · 24-09-2010, 04:45 PM

اررررررحب يالشرافي وشاكر لك المرور

**معلومات** **العضو** · 25-09-2010, 01:46 AM

صح لسان الجني

وصح لسان الانسي

والله مب سهل هالجني طلع شاعر ماشاءالله

لاهنت ياابوشافي على ايراد القصه

الله يعطيك العافيه ..

**معلومات** **العضو** · 25-09-2010, 03:39 AM

اقتباس:

المشاركة الأصلية كتبت بواسطة راشد المسعري

لاهنت يابو شافي على القصة والقصيدة الشيقة

وترى إن كثرت من قصص الجن وقصايدهم

بعض العرب بينحاش من المنتدى

تقبل ودي وتقديري ،،،،

تراه مايقصدني هههههههههههه
بيض الله وجهك يابوشافي وحفظت هالابيات والله انها تطرب خاصه مع المغرب

**معلومات** **العضو** · 25-09-2010, 11:06 PM

بنت الذيب شاكر لك المرور العطر

شرفتي ولاكلفتي

**معلومات** **العضو** · 25-09-2010, 11:10 PM

ارحب يالغييثي ارحب

لاهنت على المرور العطر

وابرك الابيات اللي تطرب خاطرك

الذين يشاهدون محتوى الموضوع الآن : 4 ( الأعضاء 0 والزوار 4)

		منتديات صحيفة وادي الدواسر الالكترونية