فلانه حاجرها ولدعمها..!!!!

[معلومات العضو الموادعه]

{.. الْسَّلاَمُ عَلَيْكُمْ وَرَحْمَةُ اللَّهِ وَبَرَكَاْتُهُ
■■■

بسم الله الرحمن الرحيم


( الحبر يخلص وقضايا مجتمعنا ماتخلص )

نجي لقضيتنا ومحور حديثنا

( ياولدي بنحجز لك بنت فلان )

( يابنتي ترى ولد فلان حاجزك )

( فلانة محجوزة لفلان )

_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مب مناسبة حق الولد ..افكارهم غير ..شخصياتهم غير..لكن منو يسمع ..خلاص البنت محجوزة لفلان

قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت
خصوصا ان الولد لو كبر وغير رايه مايتتأثر
لكن البنت حساسة وتتأثر
وفوق كل هذا ماراح بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها حقهـ ..

لكن البنت هي اللي تتأثر اكثر

يخلص الحبر والكلام مايخلص
منو المذنب .في هذا كله

. الشاب

, الشابه ,

الأهل ,


العادات والتقاليد ؟؟

ومنو اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا حقج أهلج انه يبي يحجزج شو بيكون موقفج ؟

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟


>> ملطوووش من هونيــــــــــــــــكـ،،

■■■
لكم مـ ح ـبتي ..}

 

 

 

 

[معلومات العضو بنت الشايب]

السلام عليكم ورحمة الله وبركاته ..

بصراحه موضوع حساااس جدا وعليه القيمه في نفس الوقت ..

( البنت محجوره لولد عمها )

طبعا هذي احد امور العادات والتقاليد الاكثر تعقيداً..

انا مو ضد ان البنت تاخذ ولد عمها .. بالعكس القريب اولى من البعيد ..

لكن مثل مانتوا عارفين ..

بوقتنا الحاضر صارت اغلب الزيجات الفاشله هي اللتي تحدث بين ابناء وبنات العمومه ..

ولاسباب متعدده ولا حصر لها .. مابي اتطرق لها .. لان المساحه لاتسمح بذلك

لكن ارد واقول الحجر محد يتضرر منه الا البنت .. < مو على كل حال طبعا ..


الموادعه .. طرح موفق .. لاهنتي يالغاليه ..

دمتي بود

 

 

 

 

[معلومات العضو الموادعه]

،،

كلامك عين الصواب

مشكوووره خيتووو

على هالطله الحلوه

،،

 

 

 

 

[معلومات العضو بدر بن صقر العجالين]

بصراحه هذه عادات وتقاليد قديمه ومعقده ولها نتائج وخيمه..

وأنا أعتبره تخلف ، نفرض مثلا أن البنت احجروها لولد عمها وولد عمها طلع فــاســد وعذب البنت معاه وبهذل عيشتها من يتحمل الذنب..؟

وياما بنات عنسوا بسبب الحجر ، مثل واحد كان حاجر بنت عمه ويوم كبر صارت مشاكل بينه وبين عيال عمه واختلفوا في موضوع وترك البنت ....!!

بلا شك ولد عم البنت اولى فيها من الغريب لكن من دون حجر وامور مثل كذا..

أنا بالنسبه لي البنت ليست لولد العم ولا غيره البنت لمن هو كفؤ ولـ الرجل القادر على ( الزواج ) بمعنى الكلمه..!!

ومشكووره ولاهنتي يالموادعه على الموضوع الهام جدا..

وتقبلي تحياتي،،

 

 

 

 

[معلومات العضو USER]

وعليكم السلام

يعطيك العافيه على موضوعك للاسف موضة غلاء المهور اللي كانت مسيطره على الاباء في التسعينات رجعت وهي حامل بموضه جديده
وهي التحجير لدرجة صار الواحد يستحي يخطب حتى من خواله طيب اللي ماعنده بنات عم وش يسوي ! !

يارجال الحلال صار صعب ؟

وصل في بعض الدول العربيه وحتى الخليجيه

الزنا نسأل الله العافيه صار بسعر اقل من سعر الشيله

اللي يلبسونها الحريم

والسبب مثل ماقلت لك لاننا صعبنا الحلال وصار الحرام سهل ! ! !

الله يستر علينا وعلى بنات المسلمين ويجنبنا الحرام

 

 

 

 

[معلومات العضو ابوبدر المصارير]

ظلم بكل ما تعنيه الكلمة ظلم

بدون وجه حق سلبت هذه الإنسانة حق من حقوقها

في اختيار شريك حياتها لسبب
(( الحجر على بنت العم أو الحجز ))
لكن هل هي مساهمه في القضية قد تكون كذالك في عدم مشاركتها القرار المعنية به هي في كل الأحوال إذا كانت لا تريده توصل رسالتها له بأي شكل من الإشكال ويبقى الرجل صاحب القرار فمن باب الرجولة والمروءة سيتنحى عنها لعدم رغبتها بالزواج منه فأي رجل يقبل على نفسه إن يعيش مع زوجة لا تقبل به زوج ولا حول ولا قوة هل يعتبر نفسه زوج أو مغتصب لها والله الذي لا اله إلا هو لن يا خذها بمثل هذه الطريقة لو كان لي في مثل هذا الموضوع صلة سوا كنت أب أو أخ لها .. كيف يرضى مثل هذا الأب والأخ إن يبقيا مهمشين لا يستطيعون نصرتها وليس لهم أدنا مسؤولية
مع الأسف هذا التخلف لا يزال يسمع عنه اليوم ............ تحياتي

 

 

 

 

[معلومات العضو ابو متعب التغلبي]

لاتعليق



تحياتي

 

 

 

 

[معلومات العضو (أبوعلي)]

عادات باطلة ومخالفة للشرع

 

 

 

 

[معلومات العضو ميهاف]

فعلا اختي موضوع كثير مانسمع عنه لكن انشاء الله تتعدل هالتقاليد
مشكوره وما قصرتي

 

 

 

 

[معلومات العضو محمد الولامين]

اللي بقوله انه على ولي المرأة أن يتقي الله ولا يجبر موليته على الزواج ممن لا ترغب فيه


الموادعه


جزاك الله خير على ادراج الموضوع

 

 

 

 

[معلومات العضو ولدالشيوخ]

والله الموضوع غريب اول مره اسمع فيه وش هالحاله يعني لازم اتزوجها مابيها بصراحه ماعندنا هالسوالف
اكذب عليكم مسوي لبناني
الحقيق الله يرحم الشيبان لهم نظره احنا مانفهمها وهم مايفهمون وش نبي لاكن لعل الامر فيه خيره