قصيدة سالم بن ثنوى الخييلات في هجاج بن جريس الخييلات

**معلومات** **العضو** · 10-06-2007, 02:56 AM

هذه القصيدة قالها سالم بن ثنوى الخييلات في هجاج حليس بن جريس الخييلات حين ما أصلح بين جماعته الخييلات:

إهداء إلى الأخ الفاضل/ هجاج حليس بن جرس الخييلات حفظه الله ورعاه:

يقول من يعطي المعاني حقوقها=يوم الرجال مسجل منطوقها
نظم المعاني والقوافي والمثل=ما غرني يا أهل الوفى طاروقها
والكلمة اللي ما لها وجه وقفا=في ذمتي مانيب راعي سوقها
قلته وأنا اللي سابح غبه بحر=في الجمه اللي زارق زاروقها
سلام مني عد همال المطر=من المزون اللي تلوح بروقها
وعداد من راد الحرم وطاف به=وعد النخيل وعد تمر عذوقها
سلام رديه تخط بما الذهب=كسره ذهب وألماس رصع فوقها
كن العسل فحروفها لون وطعم=والفرق فأنواع العسل من ذوقها
رذية تنصا ولد مروي القنا=شهب الرماح مزرجات حلوقها
مني اليا ابن جريس هجاج أبو فيصل=ابن الرجال اللي حشام طروقها
الساس طيب والمراجل وافيه=من شجرة كن الزباد عروقها
أهل الشجاعة لا احتمى ميدانها=يوم الرجال قلوبها فحلوقها
لاجا نهار فيه مقظات الديون=هل سربة يوم الملاقي يشوفها
كن البروق سيوفها وكن الرعد=صوت العزاوي والمنايا حقوقها
ألاد ابن عاضد امتعبت الرمك=عوق العداه إن قدر الله عوقها
هم درعنا وحنا لهم حصن حصين=نرفا العبايه لا تزيد فتوقها
بالراي والحكمة أبو فيصل حصل=يبيع ويشري لا غلت في سوقها
قالوا نعد الصف والصف واحد=ورموش عيني ما تجرح موقها
انتوا لكم سطوه وخطوه طويله=وقلوبنا متوحد معلوقها
والله ما أنسى وقفة له وقفها=يوم الليالي كشرت بشدوقها
تمت بذكر اللي له راجيه=اللي كفل غروبها مع شروقها

الشاعر: سالم بن ثنوى الخييلات

**معلومات** **العضو** · 12-06-2007, 11:18 PM

يستاهل الطيب

و صح لسان الشاهر سالم بن ثنوى

لاهنت على النقل الطيب

**معلومات** **العضو** · 02-07-2007, 02:43 AM

صح الله لسان الشاعر /سالم بن ثنوى الخييلات وهذا مو غريب على الخييلات
وتسلم على النقل المميز ...راعــي الرمــح.

**معلومات** **العضو** · 02-07-2007, 02:45 AM

يستاهل الطيب

و صح لسان الشاهر سالم بن ثنوى

لاهنت على النقل الطيب

**معلومات** **العضو** · 05-07-2007, 07:34 AM

صح الله السان الشاعر سالم بن ثنوى الخييلات

ويستاهل هجاج حليس بن جريس الخييلات ماقيل فيه

واللي يدور الصلح بين بني عمه بيض الله وجهه

الاخ العزيز دوسر لاهنت وبيض الله وجهك

**معلومات** **العضو** · 06-07-2007, 08:47 AM

أخوي / دوسر

الله لا يهيينك على نقل القصيدة الجزلة

وبيض الله وجهك

وصح الله لسان الشاعر/ سالم بن ثنوى الخييلات

ويستاهل المدح/ هجاج حليس بن جريس الخييلات

تحياتي وتقديري للجميع

**معلومات** **العضو** · 07-07-2007, 06:27 AM

اخوي \ دوســـر

الله يعطيــك العافيه على الموضوع وصــح لسانك ولسان ابن ثنوا

وونــعم والله بهجــاج بن حليس وجــزاه الله خير وكل من يصلح بين بنى عمه

بيـــض الله وجـــهكـ

**معلومات** **العضو** · 07-07-2007, 08:11 AM

صح الله لسان لشاعر سالم بن ثنوى ، وبيض الله وجهك بوحليس ويستاهل المدح

ولاهنت اخوي دوسر على ايراد القصيدة وماقصرت يالقرم

تقبل تحياتي،،

**معلومات** **العضو** · 07-07-2007, 08:35 AM

صح لسان بن ثنوه وبيض الله وجهه

ويستاهل المدح أبوفيصل

مدير موقع قبيلة الدواسر الرسمي
العبد الفاني أبوعبدالرحمن الودعاني

**معلومات** **العضو** · 01-09-2007, 01:40 AM

كفو الخييلات كفو ثم كفوووووووو عند بني عمكم اوجيهكم بيض وعلى الاجناب المتعدية سم ذحاحي والله كفوووووووووووووووووو يالاد الخييييلي او نعم ماتكفي احاول ادور مصطلح فوق اونعم والله انكم تستاهلونه يالاد الخيييييييييييييييييييييييلي

محبكم يالاد مخيل/ فايز الدووووووووووووووسرى

**معلومات** **العضو** · 01-09-2007, 03:28 AM

[QUOTE=dosar;172164]

هذه القصيدة قالها سالم بن ثنوى الخييلات في هجاج حليس بن جريس الخييلات حين ما أصلح بين جماعته الخييلات:

غير صحيح

السالفه بين شخصين وحاصل بينهم كلام بس لااكثر ولا اقل ,

وانت الله يهديك حطيت ان الخييلات بينهم مشاكل ,

ما يجوز تكبرون السوالف على حساب بنى عمكم

**معلومات** **العضو** · 18-09-2007, 05:26 AM

عسى ماشر يا عبدالله مافي الا كل خير

**معلومات** **العضو** · 18-09-2007, 10:31 AM

ماشر ان شاءالله

**معلومات** **العضو** · 20-09-2007, 09:45 AM

ونعم في هجـــاج بن جريس

بس وأنـــا أخوك ترى الدعوه سهالات لا مشـــاكل ولا هم يحزنزن

مثل مــا قال عبداللـه لا تكبرون السوالف

ابن جريس تراني واحد منكم وفيكم بس الحق حق

مــاكان فيـه سالفـه ... بل سوء تفاهم بين شخصين

تقبل مروري المتواضع والأول في المنتدى ....

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة الشاعر /عبدالله بن محمد ابن هجاج الصخابرة في مدح الشيخ ناصر ابن بداح ابن سالم الصخابرة بمناسبة مشاركتهم في مزاين ام رقيبة 2010	عبدالله الخييلات	:: قسم قصايد مدح وفخـر في الــدواسـر ::	3	26-01-2011 12:21 AM
لقاء مع طريق خريص	الوسمي الدوسري	:: قسم المـواضيع الـعامــة ::	10	12-10-2010 11:54 PM
مناسبة قصيدة هجاج بن عيد وسالفة نخيعان القحطاني	العماني	:: قسم تاريـخ قــبـيـلة الــدواسـر ::	34	08-09-2010 07:44 PM
قصيدة فالسيد محمد بن سالم الوسمي المشاوية	خالد المشاويه	:: قسم قصايد مدح وفخـر في الــدواسـر ::	4	07-08-2010 04:31 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية