التقاعد.............؟؟

[معلومات العضو خالد الغريري]

السلام عليكم هذي قصيدة عن التقاعد واللي يدور التقاعد

حبيت أنقله لكم مثل ما جاتني وانشاء الله اتحوز على رضاكم

الـــتــقـــاعـــــد



ليت منهو وقع اوراق التقاعد

والاداره وافـقـت والهــم زاحــــي

استلم كامل حقوقه والعوايد

سلم العهـده وغادر واسـتراحــي

مانتظر حفلن توزع به شهايد

وصـور تذكـار مافيـهـا صلاحـــــي

اكتبواله نشكرك خدمتك واجد

ونـتــمنى لك بدنيــاك النجاحــي

صار من عقب ارتباطه يابوعابد

حـر مثـل الطيـر كفــاخ الجنـاحـي

ماحداه الزام عن بعض المقاصد

لانــوى له ديــرة شــغل وراحـي

واصلن غاليه ولربعه معايــــد

في اعياد الفطر واعياد الاضاحــي

لا زمه يقضيه وبكيفه يواعـــــد

ما يراجـع ريسـه يبغى السماحـي

لا اشتهى يرقد تخير بالوسايد

وان سهر ما هوجس بزام الصباحي

والهدف عند العرب ماهو بواحد

كل رجـل له مـرام وله مشـاحـــي

من يبي يقنص عساه يعود فايد

فيه بالمقنـاص رزق وانشــراحـــي

لاذكر في صحصح نزل وطرايـد

قال هـيا مايقـول الصيـد نــاحـي

ومن تنيشط حالته جدد بناهـد

ما فهـق لجـازته عقـد النـكاحــي

وكان حاله ماش والا ما يساعد

ينسـدح ويكثـر مـن الانسـداحــي

وكان شفه بالسفر ماهو بناشد

في بـلاد اللة مع السـياح ساحــي

وخيرهم من كان في دنياه زاهد

يطلب الله بالثـبـات وبالصـلاحــــي

بين مكة والمدينة والمساجــــد

دايـم دربـه عسى دربـه سـماحـي

قايم بالليل للرحمن ساجـــــد

وكل ما نـادى المنـادي للفـلاحــي

قلتها وانا اعرف ارضاء الناس كايد

ولاني بفارض على الناس اقتراحي

والوظايف جمعت شتى البدايـــــد

من جميع النـاس مجنون وصاحـي

فيهم الطيب عزيز النفس راكـــــد

عل يفـدونه مشافيـح شحاحـــي

وفيهم الانـذال والرديــان تاجـد

خمـة دايـم سوالفهم صيـاحــــي

دايم وجه الردي واللاش بـــــارد

ياعسى يمحـاه من دنيـاه ماحــي

والحظيظ اللي يبي يطلع تقاعــد

دام به قـوة وقبل يقــال طـاحــــي

وتقبلو تحياتي

 

 

 

 

[معلومات العضو سالم الغريري]

صح لسان الشاعر ولسان الناقل


قصيده رائعه فيها معاني جميله تخفف من معانات بعض المتقاعدين الذين تعلقت قلوبهم
بالوظيفه والعمل


الف شكر لك
وعساك على القوة دايم الدوم

 

 

 

 

[معلومات العضو خالد الغريري]

هلا و غلا بو مشنان

وتمون يا بو مشنان على اللي تسويه وتقبل تحياتي

 

 

 

 

[معلومات العضو العماني]

قصيدة رائعه اخوي خالد وتسلم يمينك على النقل

بس ماخبرتنا من شاعرها؟؟

 

 

 

 

[معلومات العضو رعاد]

صح لسان الشاعر ولسان الناقل
قصيدة رائعه اخوي خالد وتسلم يمينك على النقل

 

 

 

 

[معلومات العضو خالد الغريري]

هايف العماني

رعاد

لا هنتو على المرور وتقبلو تحياتي

وبالنسبه لشاعر صاحب القصيدة م عندي خبر منهو صاحبها