نادر ة لدغش بن بطي الغييثات رحمه الله

**معلومات** **العضو** · 13-12-2010, 11:07 PM

نادرة بين الشاعر/دغش بن بطي الغييثات وبين الشمري السنعوسي أبو مروان عساها ترقى لذائقتكم

البادي السنعوسي الشمري

يابن بطي ياتاج راسـي وساسـي=يافزعتي ياطيـب الذكـر والجـاه
لايادغـش لايابعـد كـل ناسـي=مثلك عزيز ونادرٍ شـوف شـرواه
مثلك من العربـان للعـز راسـي=ولااظن بدروب البخت ضاعت ارياه
يالدوسري صارت علينـا ماأسـي=واقفى بخيص السالفـه مالقينـاه
حضـارةٍ مابيـن كـوبٍ وكاسـي=تاخـذ ولاتعطـي وهـذي مزايـاه
صارت لحصانيها ورقط البساسـي=والذيب وسط شبوكها صار مربـاه
والسيف بدل في طوال الحساسـي=والمشيخه صارت لهيـسٍ جفينـاه
امست مراجلها لها الكـل ناسـي=ولعيوبها يامـا تسابـق مطايـاه
يبن بطي واشتد ياخـوي باسـي=لاماقدرت افـرق طمانـه وعليـاه
تمرجلو بالهرج نـاسٍ خساسـي=والكل منهم شيـد اليـوم مبنـاه
الهيس امسى بالمقـام متواسـي=ورجالهـا تنعـي زمـانٍ فقدنـاه
يافزعتي يبن بطـي تـاج راسـي=عطنا الحلول اليوم يالشيخ عطناه
حنـا نفجّرهـا بوقـم ومقاسـي=والا نخليـهـا لمـنـهو تنـصـاه
مختلـةٍ فينـا العقـول الرواسـي=جتنا ولكـن يالخـوي ماعرفنـاه
مختلفةٍ فـي مشيهـا واللباسـي=يالله دخيلك واحـدٍ هـو رجينـاه
عن موق عيني طار كل النعاسـي=مادام بارود الـردى طـال مرمـاه
يبن بطي ياتاج راسـي وساسـي=من ينتخي بك قربته ضايـعٍ مـاه

ولقد رد عليه رحمه الله بهذه القصيدة

الله مـن هجـسٍ تصافـق برآسـي=يصفقْ براسي صفقة الدلوْ وإرشاه
والعيـن عيـّت لاتـذوق النعـاسـي=عافت لذيذ النوم مـن شيـن ماجـاه
من عقب خط اللي كتب لي وقاسـي=قاس العلوم وجـورِ وقتـه وشكـواه
حـدَه زمانـه ليـن طـاح متواسـي=وسنَّد علـي شكـواه والهـم يبـراه
يامرحبا باللي به الطيب كاسي=إعداد ماهـل المطـر وإنتثـر مـاه
لاباس ياشيـخٍ له الوقت قاسي=يالشمري عذب النبا ريف من جـاه
أنته وخطك منزلـك فـوق رآسـي=وأنته وأنا مـن يرتجـي فزعـة الله
الواحد المعبود مجلي العماسـي=سبحانـه القـادر علـى مـاتـوَراه
لاشك سُفنك في محيطـي رواسـي=وعندي عهد مآأخلِفْ لمن مـد يمنـاه
تشكي زمـانٍ ربعـوْ بـه إخساسـي=وعاكس لربعٍ جاههم بالعـرب جـاه
كنَكْ قريت الخافيـه مـن إحساسـي=وكنَكْ عرفت بما حوى الصدر وأخفاه
وأنا زماني شيّب بنصف رآسـي=وكل الكدر ذا اللـي ذكرتـوْ لقينـاه
وإاليا قلت داله قالوْ النـاس ناسـي؟=وإليا قلت حالي قالوْ الناس وش جاه ؟
وأنـا ترانـي ملبسـي مـن قياسـي=وأعرف خفايا ماخفا الخـط وأقـرآه
فأحيانِ يآخذنـي بشعـري حماسـي=وأحيان أعيف الشعر والوقت وأنسـاه
وياطير شلـوى يابعـد كـل خاسـي=إصبر على جـور الليالـي وبلـواه
ترى الزمن يشبـه حيـاة الدراسـي=ومن يجتهد ياصاحبي حصَّـل إمنـاه
والريح مازعـزع إجبـال رواسـي=والذيب يآكل لو حرص راعي الشـاه
هـذا كـلام الدوسـري بالمقـاسـي=وإسلم وسامح ياأبـو مـروان بأتـلاه

**معلومات** **العضو** · 13-12-2010, 11:20 PM

لا هنت وبارك الله فيك على عرض القصائد..

الله يرحم دغش بن بطي في رحمته الواسعه..

وصح السان السنعوسي...

وفقك الرحمن..

**معلومات** **العضو** · 13-12-2010, 11:25 PM

صح لسان الشمري ورحم الله دغش واسكنه فسيح جناته
ولاهنت يابومطر على النقل

**معلومات** **العضو** · 13-12-2010, 11:50 PM

لاهنت يأبومطر على النقل
وصح لسان الشمري والله يرحمك يادغش

تقبل تحياتي ..

**معلومات** **العضو** · 14-12-2010, 12:56 AM

يالله يا رب انك تجعل الجنه مثواه وتغفر له وترحمه .

ولاهنت أبو الشوخي على النقل المميز .

**معلومات** **العضو** · 14-12-2010, 01:26 AM

الله يوسع قبره ويجعله روضه من رياض الجنه اللهم امين ياخميس تشكر على هذه الاختيار وفقك الله وبارك بك اخينا العزيز

**معلومات** **العضو** · 14-12-2010, 11:01 AM

لاهنت يا ابو مطر وصح الله السان الشمري والله يغفر لبطي ويرحمه ويسكنه فسيح جناته

**معلومات** **العضو** · 14-12-2010, 11:56 AM

صح لسان الشمري ورحم الله دغش واسكنه فسيح جناته
ولاهنت يابومطر على النقل

**معلومات** **العضو** · 15-12-2010, 11:47 AM

اللهم ارحمه برحمته واغفر له ...لاهنتوا جميع اخواني الاعزاء اللي شرفوني بمرورهم العذب وصح لسان الشمري
خالص تقديري واحترامي للجميع

**معلومات** **العضو** · 15-12-2010, 01:42 PM

صح السان الشمري

والله يرحم الشاغر دغش البطي ويسكنه الجنه

رجل لم نعرفه لكن سمعنا ذكره الطيّب وهذا البخيت اللي يروح ويبقا ذكره الطيّب

عسى الله يرحمنا برحمته

لاهنت يابومطر

**معلومات** **العضو** · 15-12-2010, 04:26 PM

المرحب باقي يابوغازي والله يرحم دغش بن بطي
واسعدني تواجدك المميز

**معلومات** **العضو** · 17-12-2010, 12:35 PM

ارررررررررررررررررررحب مليوون × مليوون

حي الر جال و حي ما جاب

جعل يمناك ما يجيها العطب يا ابو مطر

على هذا النقل و لشاعرنا الكبير دغش

شعر متناثر في مواقع ادبيه حاولت جمعها و لكن جهازي قبل

مدة ليست بالقصيرة كانت يحتاج إلى اعادة برمجه ففقدت جميع

قصائده التي استطعت جمعها من مواقع كثيرة كان هو الذي

قام بنشرها و اغلبها ما بين الحكمه و الغزل

اكرر شكري لك يا ابو مطر على هذه نقل هذه المجاراه

أخوك / ابو زيد

**معلومات** **العضو** · 19-12-2010, 01:19 AM

مرحبا ومسهلا بك يابوزيد والله يغفر لدغش ويتغمده بواسع رحمته وياليت لو نقدر نجمع قصائده في هذا الموقع
تشرفت بمرورك

**معلومات** **العضو** · 19-12-2010, 05:37 AM

صح لسان الشمري ورحم الله دغش واسكنه فسيح جناته
ولاهنت يابومطر على الطرح الطيب ,,,

تقبل تحيـــاتي وتقديـــري

**معلومات** **العضو** · 19-12-2010, 05:59 AM

صح السان الشمري

والله يرحم الشاعر دغش البطي ويسكنه الجنه

ولاهنت يابومطر على الطرح الطيب

تقبل تحيـــاتي وتقديـــري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية