خلاد والصقر

[معلومات العضو حسن بن بطحيه]

ياجماعه العنو الشيطان والدعوى سهايل=والقصايد من حكي والحكي ماهو راس مالي
كلكم عينين في راس على الهامات طايل=والتسامح خير والدنيا بتاليها الزوالي
مد كف الطيب ياخلاد كساب الجمايل=والصقريمناه ماردت كريمين السبالي
العرب تعفي من ارقاب عليها السيف صايل=والعفو يرقا براع العفو عندالله عالي
من دمح زلات ربعه وافي والشك زايل=ماحد يدري بغيب المقبلات من اليالي

 

 

 

 

[معلومات العضو بدر بن صقر العجالين]

المشاركة الأصلية كتبت بواسطة حسن بن بطحيّه الودعاني

ياجماعه العنو الشيطان والدعوى سهايل=والقصايد من حكي والحكي ماهو راس مالي
كلكم عينين في راس على الهامات طايل=والتسامح خير والدنيا بتاليها الزوالي
مد كف الطيب ياخلاد كساب الجمايل=والصقريمناه ماردت كريمين السبالي
العرب تعفي من ارقاب عليها السيف صايل=والعفو يرقا براع العفو عندالله عالي
من دمح زلات ربعه وافي والشك زايل=ماحد يدري بغيب المقبلات من اليالي

كفوو كفوو ياحسن بيض الله وجهك على قصيدك الطيب الذي عودتنا عليه ياذيبان

وتأكد أني في أول مقعد من جماهيرك وعلى رأسهم ياحسن..

تسلم لاعدمناك يابن ودعان..

تقبل تحياتي،،

 

 

 

 

[معلومات العضو خالد المشاويه]

من دمح زلات ربعه وافي والشـك زايـل
ماحد يدري بغيب المقبـلات مـن اليالـي

قرم ولد قرم يابومحمد ولاهي غريبة منك يانسل القروم
وصح السانك وان شاء الله الأخوان ابوصقر وخلاد مايخلفون ظن اخوانهم اللي يبون لهم الخير فالشعر هو تعبير وان كانه بيهلك راعيه الله لايبارك فيه تعوذو من ابليس وانتم رياجيل وكفو ولاتاخذون ذنوب وانتم في غنى عنها الواحد حتى مايقدر يشيل ذنوبه كيف عاد ذنوب خلق الله

عشمنا فالقروم خير وهم ان شاء الله مايخلفون الظن

ابيض وجه يابن بطحية

 

 

 

 

[معلومات العضو راشد المسعري]

والقصايد من حكي والحكي ماهو راس مالي

ياسلام يابو محمد

عز الله كلام عاقل وكبير

وبإذن الله شاعرينا كبيرين ويقدرون هذا الكلام

كثر الله من امثالك ولك ودي وتقديري ،،،،

 

 

 

 

[معلومات العضو أبونواف الدوسري]

لا هنت وصح السانك ملايين أخي الغالي والشاعر القدير حسن

ويعلم الله أنكم جميعكم غاليين أنت يا حسن أجتمعت معاك أكثر من

مره والنعم فيك ...

أما بدر بن صقر فهو يعرف بأنه واحد من أبنائي وله معزه عندي..

والأخ القدير والعزيز خلاد الزايدي فأنا من متابعينه ولكتاباته في المنتدي

وهو شخص له مكانه خاصه في نفسي وأقدر وأحترم شخصه الكريم...

ما أقول إلا عسى الله يوفقكم جميعا ويسعدكم ويجمعكم ولا يفرقكم...

اللهم آمين...

 

 

 

 

[معلومات العضو محمد بن سالم الخضراني]

من دمح زلات ربعه وافي والشـك زايـل
ماحد يدري بغيب المقبـلات مـن اليالـي

حسن ابن بطحيه (ابو وليد)

صح الله لسانك هذه بيت عن الف قصيده

الله لايهينك ويبيض وجهك

 

 

 

 

[معلومات العضو عبدالله الحافر الغييثي]

يؤسفني جدا ماحصل بين الاخوين خلاد الزايدي وبدر صقر ولم الحق على الموضوع السابق وكان لدي رد ولكن سبقني بها ابومحمد وهم سباقين على الطيب وانا والله ما اعرف اخوي بدر صقر لكن يبين من كتاباته السابقه وقصائده انه رجل خلوق ومحترم جدا" لكن الخفي لايعلم به الا الله اما اخوي واستاذي الكبير خلاد الزايدي لاتعليق مهما وصفت من علو اخلاقه وشاعريته بحكم معرفتي به فلا استطيع ان اوفيه شي واقسم بالله ثم اقسم بالله ثم اقسم بالله انني ترددت في كلام لم اقله خوفا" من كلام البعض بقولهم على شانه مادحه بقصيده واقسم بالله انني لاعلم بالقصيده اللتي مدحني بها خلاد الا من الاخ محمد بن سالم وهو موجود وخلاد الزايدي مكسب ادبي نادر وجوده هذه الايام واخوي بدر صقر عاصفة شعريه قادمه بقوه للساحه فاتمنى ان يزول الزعل وتبقى المحبه بينهم

 

 

 

 

[معلومات العضو خلاّد الزايدي]

المشاركة الأصلية كتبت بواسطة حسن بن بطحيّه الودعاني

ياجماعه العنو الشيطان والدعوى سهايل=والقصايد من حكي والحكي ماهو راس مالي
كلكم عينين في راس على الهامات طايل=والتسامح خير والدنيا بتاليها الزوالي
مد كف الطيب ياخلاد كساب الجمايل=والصقريمناه ماردت كريمين السبالي
العرب تعفي من ارقاب عليها السيف صايل=والعفو يرقا براع العفو عندالله عالي
من دمح زلات ربعه وافي والشك زايل=ماحد يدري بغيب المقبلات من اليالي

مرحبا عدّ النجوم وعدّ همّال المخايل=يارفيع الساس والنوماس حمّاي التوالي
شاعرً تشهد على شعرك مناعير القبايل=ماتجيب ألا السمين ولاتذبّ ألا العوالي
ياحسن خلاد باالعلم الردي ماهوب عايل=والخطا ماله على دربي ولانهجي مجالي
حاشمً ربعي ونفسي عن متاهات الرذايل=وأحفظ احقوق الرجال اللي يعرفون الرجالي
طلبتك ياصلب جدي في الشحم لوهي ثقايل=مير أنا ماأخطيت من شان أعتذر وأسحب مقالي

 

 

 

 

[معلومات العضو خلاّد الزايدي]

الإخوة الأكارم الذين شرفوني بردودهم ومشاعرهم الطيبة :

هذه الردود وأمثالها مما كان يردني سابقاً على العام والخاص هي سبب
بقاء خلاد الزايدي هنا وحرصه على تقديم مايليق ويخدم المصلحة العامة
فمكسب اخوة أمثالكم هو والله أكبر المكاسب وشهادتكم أعتز بها
وأتمنى ألا تنظروا للأمر بأكبر من حجمه الحقيقي .. فأخوكم خلاد لايرى شيئاً..
ماعدا محبة أبناء عمومته وحرصهم على سمعة المنتدى الذي يجمعنا واهتمامهم بكل
مامن شأنه الرقي بصورة الواجهة الدوسرية التي هي راقية منذ الأزل .. ولكن
من رقي إلى رقي بإذن الله وعونه

 

 

 

 

[معلومات العضو فيصل بن جزاء]

الشاعر الكبير شعرآ وقلبآ وقدرآ :حسن بن بطحيه
صح لسانك يالقرم وعز الله انك وافي وكل علومك ترفع الراس
والشاعرين خلاد الزايدي وبدر العجالين واجهه مشرفه
مكملين لبعض واخوان وابناء عم حتى لوحصل سوء تفاهم
تبقى القلوب صافيه ونقيه ومحبه وهذي من شيم ابناء القبيله
وصح لسانك ياخلاد الزايدي على ردك الجزل والجميل

دمتم بحفظ الله جميعآ

 

 

 

 

[معلومات العضو خلاّد الزايدي]

المشاركة الأصلية كتبت بواسطة فيصل بن جزاء

الشاعر الكبير شعرآ وقلبآ وقدرآ :حسن بن بطحيه
صح لسانك يالقرم وعز الله انك وافي وكل علومك ترفع الراس
والشاعرين خلاد الزايدي وبدر العجالين واجهه مشرفه
مكملين لبعض واخوان وابناء عم حتى لوحصل سوء تفاهم
تبقى القلوب صافيه ونقيه ومحبه وهذي من شيم ابناء القبيله
وصح لسانك ياخلاد الزايدي على ردك الجزل والجميل

دمتم بحفظ الله جميعآ

أخي الشاعر فيصل بن جزاء :

صح بدنك .. ممتن كثيراً لتعليقك ومداخلتك ...

فأنت بهذا التعليق تثبت فعلاً أن الشدائد هي المحك الذي
تتبيّن معه معادن الرجال على حقيقتها .. فلم يردك نقاش سابق بيننا عن
قول ماتراه الحق .. فالكرام لايعرف الحقد إلى قلوبهم سبيلاً ... كما قال
الشاعر القديم :
ولا أحمل الحقد القديم عليهمُ ... وليس رئيس القوم من يحمل الحقدا

شكراً لك ألف ولاتكفي ..

 

 

 

 

[معلومات العضو حسن بن بطحيه]

ماعليك زود يابدر والله يجمعنا على العز والطاعه اخوان وبني عم ..
وفقك الله شاكر ومقدر..

 

 

 

 

[معلومات العضو نادر الناهشي]

اخي حسن صح لسانك وموقف طيب


ولو اني ما اعرف السالفه



والله يوفق الجميع

 

 

 

 

[معلومات العضو محمد مبارك ماجد]

صح لسانك واعتلى شانك

 

 

 

 

[معلومات العضو ناصر بن فهد]

:::
::
:








ارررحب يا ابو محمدوصح لسااااااااانك يا القرم
وخلاد والصقر اخوووان وان شاء الله ما بينهم شيءُ
وانت يا ابومحمد اعلومك كلها طيبهُ وانت ووافي يا القرم
وتقبلُ موروريُ