الشباب

[معلومات العضو البعيد]

الصبي لامن تردي في شبابه = مايحوش المرجله باخر مشيبه
يحسبن المرجله كشخه ثيابه = مايفكر في الامور اللي تعيبه
من طريق المرجله فيه انقلابه = هو بلاه وعلته خوه صحيبه
من رداه الحظ يمشي في خرابه = في دماره ماشين درب المعيبه
شارين له جيتي ورقه هبابه = جعل ربي يقلعه ولايجيبه
مع هل التقحيص في وجهه ترابه = يوم قحص قالو الخبلان طيبه
يضرب الهرنات يجمعله عصابه =لاضرب هرنه يجي عنده لعيبه
قال هيا بالكفر نكتب كتابه = كتبه الخمسه تري ماهي صعيبه
فرها ثم صار راسه تحت بابه = وهقوه وراح رد الله نصيبه
والشريده كل يومن في النيابه = وفي الجرايد كل يومن له مصيبه
ابتلش ثم بلشوه اهل الرقابه = والحكومه من عبث لازم تجيبه
السجون المركزى مفتوح بابه = وكل يوم زايدين بتعذيبه
ذا جزا اللي مابهم عز ومهابه =لانفع جارن ولاينفع قريبه
يدرج الحارات وفتل اشنابه = ذي مراجلهم عساهم للذهيبه
بالكلام اخص خطوات الزلابه =كم شبابن غير ذولا نقتدي به
يكرم الضيفان ويعز القرابه = والعرب من صوته دايم تهيبه
والرجال ازوالها دايم تشابه = غير عند افعالهم مابه تشبيه
واذكر الله والنبي وال صحابه = ذكر ربي في كلامي وانتهيبه

 

 

 

 

[معلومات العضو ابومبارك الدوسري]

البعيد

صح لسانك علي هالقصيدة

وبيض الله وجهك

دمت بخيررررر

 

 

 

 

[معلومات العضو عبدالرحمن الشرافي]

بالكلام اخص خطوات الزلابه =كم شبابن غير ذولا نقتدي به
يكرم الضيفان ويعز القرابه = والعرب من صوته دايم تهيبه
والرجال ازوالها دايم تشابه = غير عند افعالهم مابه تشبيه

الله يكثر منهم

ويهدي شبابنا ويصحهم


اخوي البعيد

الله لا يهينك على نقل هذهالقصيدة الوعظية والجزلة لنا

ولاتحرمنا من أمثالها



وتقبل فائق التحية والتقدير