خبر عاجل : أبشركم تم العفو عن فتاة خميس مشيط والحمد لله ..............

**معلومات** **العضو** · 12-04-2007, 11:03 PM

نعم بفضل الله تم العفو عن فتاة خميس مشيط جزى الله خيرا من عفا عنها وكتب الله لها حياة جديدة نسأل الله أن يوفقها لعمل الخير.
للعلم عائلة أهل الدم لم تأخذ أي مقابل مادي مقابل التنازل والعفو ، وتم الشرط وهو خمسين حالف من قبيلة أهل الفتاة بأنها وحدها من قامت بقتل الشاب لأنهم في شك أن تكون لوحدها من قام بالقتل وحصل لهم الحلف وتم بذلم العفو نسأل الله أن يعتق رقاب كل من سعى في هذه القضية من النار.

منقول من الساحة

**معلومات** **العضو** · 12-04-2007, 11:21 PM


	جزا الله خيرررررررررررراً من سعى بذلك0 لكن ودي اعرف يالمغترب وش سالفتها وليش قتلته0 ااااااااااذا ماعليك كلافه؟؟؟؟؟؟؟ مع جزيل الشكر والتقدير0

**معلومات** **العضو** · 13-04-2007, 12:43 AM

جزاك الله خير

وجزاء الله ذوي المقتول

لكن انتظر ردك على شوووق ولاتهون

**معلومات** **العضو** · 13-04-2007, 01:49 AM

جزاك الله خير

**معلومات** **العضو** · 14-04-2007, 12:13 AM

حقيقة لانريد الدخول في تفاصيل تلك الحادثة المؤلمة وليس المقام من المتسبب ومن المخطىء ومن يستحق العقاب ومن لايستحق فالقضاء قال كلمته وربنا سبحانه وتعالى جعل الحدود لتستقيم بها حياتنا ( ولكم في القصاص حياة يأولى الالباب ) ومن منطلق تقديرنا لمشاعر أهل القتيل وإحساسنا بمرارة الألم الذي يعتري قلوب أهل القتيلة نفضل عدم الدخول في أي حديث جانبي في سير القضية وملابستها ولم أضع هذه الرسالة التي نشرت قبل فترة لتلك الفتاة من داخل سجنها إلا من أجل الدعاء في هذا اليوم الخميس 24/3/1428هـ أن يعجل الله بالفرج لها حيث سيكون هناك اجتماع كبيرهام وحاسم في محافظة خميس مشيط ونسأل الله أن يلهم أهل القتيل الصبر والسلوان وأن يفتح على قلوبهم ويجعل عفوهم في ميزان حسناتهم وحسنات القتيل وسبب لحياة أسرة أخرى .. اللهمّ عجل بالفرج لها ولكل مهموم وأرحم من زلة به القدم ياأرحم الراحمين ... وهذه رسالة الفتاة .. ( وتبدا كلامها بأمنيات ودي أرجع لأهلي ودي بأمي .. ودي أحضنها بقووووة .. ودي بزوجي أحب على راسه .. ياما وقف معي .. وياما هلّ بسببي مدمعه .. من ست سنين وأنا ما أعرف إلا الموت .. والخوف هو الوحيد اللي أعرفه .. ست سنين وانا ما أعرف إلا ثلاث حروف .. ميم وواو وتاء .. موت !! كلها حتوف وخوف وأحزان جارفة .. صدر الحكم .. وصدقته المحكمة !! مابقى على الموت شيء .. يمكن اليوم .. أو بكرة ! بس الأكيد إني مت قبل بكرة .. كل يوم أموت في يومي .. وكل يوم أموت البارحة !! لله حكمة بالغة .. يمكن أكون عبرة لكل بنت صغيرة ! تعيش لحظات سكرة ولهفة .. مع شاب يغازلها وهي تبادله .. وتصغي لكلام الحب والعشق وتصدقه .. ثم تمر الأيام وتتزوج .. ويوم تبغى تعيش .. تدري إن الماضي شبح يظهر لها كل لحظة في عمرها !!! وفي لحظة خفت فيها على نفسي .. وخفت على بيتي وزوجي اللي حبيته .. وروحي وروحه متآلفة !! بعد ما هددني .. أنه بيفضح سري الطاهر !! ويفقدني حياتي الحالمة .. ومادريت ان الانسان .. لو نسى هو الماضي .. الماضي هو اللي ماينساه .. وبيظل طول عمره يلاحقه !! وفي لحظة استسلمت فيها للشيطان .. قررت اتخلص منه ّ!! وجت اللحظة الحاسمة .. ولحظتها مافكرت في عواقب فعلتي .. والخاتمة ! قتلته !!! أيه قتلته !! والله يرحمه ...هو اللي بدا ! هو قتل فرحتي !! ونظرتي ...ولحظتي ! وقتل أحلى لحظات عمري ! من يوم زفافي ...إلى هاليوم ! عشت أيام وسنين .. لا ليلي ليل ولا نهاري نهار !! طول وقتي خايفة .. عشت ايام وسنين .. أدفع ثمن لحظة خاطفة .. لاتتركوني مع الموت والعذاب !! وأنا انتظر لحظة يقولون اسمي ! لحظة أتقابل أنا والسياف ... والسيف !! كل يوم افكر في هاليوم .. وعجزت أبعده .. أتلمس حلقي .. رقبتي .. وأتخيل أن السياف بيقطعها قريب .. وأتخيل راسي يتدحرج .. وعروق دمي .. نافرة .. وأناظر وجهي في المراية ! عيني !! وفمي وخدي .. حتى شعري .. وكل جسمي !! وكل جزء أتحسس موضعه .. ياخسارة .. جسمي بيفقد راسي .. وراسي بيفقده ! وأتخيل جسمي لحظة الموت .. ينتفض ويرتجف .. ورجلي جافة .. ثم تلين .. ثم تسكن .. ثم تموت.. ثم انتهي ! ينتقل جسمي المذبوح لبيت أهلي .. وأمي تغسله .. وتكفنه .. واخوي يدفنه ! وأتخيل الناس تصلي علي .. اللي يبكي بحسرة !! واللي يدعي علي ويقول .. تستاهل أحسن !!! هذا جزاها القاتلة !! لاذكرت الموت طار النوم عن عيني .. وسالت دمعتي .. ولا نمت .. حلمت .. وعشت مع أمي وأبوي وأهلي في النوم .. أشوف أحلام .. تعطيني الأمل.. وتخليني متفائلة !! شايفين كل هالكون الكبير؟؟؟ وكل هالدنيا الوسيعة !! كأنها عندي خرم ابره .. وودي لو اني أطير .. وأطير وأطير !!! ودي أذوب .. ودي أختفي من هالوجود !! ودي أن كل شيء في هالكون ينسى ينسى اني .. كنت في يوم .. قاتلة ! وياحر قلبي على أمي .. تدمع عيوني .. وأنا اتخيل منظر عيونها وهي تبكي على فراقي ! أخاف عليها تموت .. بعد ابوي .. وفاة عاجلة ! يمه .. يمّه .. يا يمّه .. ابوي بعد سجني .. مات بحسرته !! عارفة .. اعذريني .. تراني خذيت منك كل شيء .. أبوي .. وبنتك اللي هي أنا .. والبسمة .. وخليتك في هالديرة سالفة !! يمه .. الله يخليك يا يمه .. أدعي لي .. تكفين يمه !!! تكفين يالغالية .. وادعي لكل القلوب اللي معي متعاطفة !! وينكم ؟؟ وين الرجاجيل ؟؟ ارحموا بنت ضعيفة .. ارحموا بنت هي في الأصل مظلومة .. لكن البندق خلاها في لحظة ظالمة .. وين النشامى ؟؟؟ وين الرجاجيل اللي إذا صاح الغريب وصاح الأسير .. يفدونه بارواحهم الغالية !! ياأبوي عبدالله .. بنتك بيقتلها السيف .. وأنا بك منتخيه .. وبعيرنا عند بابك ناخية !! نصيتك ياسلطان الخير .. ودي بخير منك ... وأعظم خير ياسلطان .. أنك تعيشني مع السيف بأمان !! يا نايف .. أمن قلبي.. ترى قلبي من الموت خايف !! ياسلمان .. ماودي أمي تذوق حرقة فراقي !! وفراق الضنا مامثله فراق .. حزنه اعظم الاحزان ! ودي أجلس مع اهلي وزوجي .. ودي أعيش .. ودي أعيش ... ودي أصوم رمضان ! ياعبد العزيز .. ياولد فهد .. الأمير اللي إذا جاه الفقير .. يقول له : ابشر .. وسم ! وين اللي كنت أشوفه في الجريده ؟؟ يحط يده على خشمه .. ويقول للناس : على هالخشم .. ثم تقول أفعاله : تم !! وين المشايخ اللي عرفوا بقصتي ؟ وعرفوا .. قبيلتي .. وأهلي و الخال والعم !! ياشيخ عايض .. وياشيخ سعد ! الوقت يمر .. والموت حكمه .. تم ! وصدقته المحكمة ! يمكن أموت في أي لحظة .. الدقيقة غالية !! ست سنين والموت يلاحقني .. ست سنين وأنا في سجني في هم وغم !! ست سنين وأنا مايعرفني إلا الموت .. والخوف هو الوحيد اللي أعرفه !! ست سنين وانا في سجني .. ما أحدن تحرى .. ما احدن راح لابو القتيل يستسمحه ويقنعه ! ودي المروة تدخل قلوب الرجال !!! و ينسون الكرامة .. اللي مالها هالحين لزمة !! ودي بالشهامة وتروح للأبو تستشفعه !! وياحظ من أحيا نفس بتموت .. كأنه احيا كل الكون بأجمعه .. وياسعد من قدم في الدنيا هالمنفعه .. يارب .. يارب .. اعتق من عتقني .. واحيي من احياني .. ويارب .. تمد في عمر من يمدد لي سنيني الخالية .. ويارب .. تعطي من عطاني الأمل ! جنة عالية .. جنة عالية .. جنة عالية ! يا أهل القتيل .. سامحوني .. أنا قاتلة .. واعترف أني قاتلة .. قتلت ولدكم .. لكنه هو قتلني قبل وبعد ! ثمان سنين عشت فيها الموت ! ثمان سنين متواصلة .. أخذت جزاي .. وإذا أنتم تبون تأدبوني .. تراني تأدبت ! والله العظيم تأدبت .. والله تبت ... والله ندمت ! والله تبت .. والله ندمت ! والله أني نادمة ! خلوني أعيش .. واتركوا الموت يجيني في ساعته !! يكفيني السجن .. يكفيني الخوف ... يكفيني الوعد بالموت !! يا أهل القتيل .. سامحوني .. لا تعدموني .. عدوني .. ميته ! وش تخسرون لو عتقتوا رقبة بنت ضعيفة !! بحبل الموت عالقة .. اعتقوني لوجه الله .. لوجه الله .. لوجه الله .. لأجل الله .. لأجل الله وبس .. يعتقكم الرحمن من نار حارقة .. لا ذكرت كل هذا .. أصيح .. وأصيح وأصيح .. بصوت عالي ! اتمنى الكون كله يسمعه .. ويجيني بكى .. ما اقدر أدفعه ! لا ذكرت الموت .. تخنقني العبرة .. تخنقني خنق!! ويوقف الزاد في حلقي .. وما أقوى أبلعه !! وكل ما تضيق .. وتضيق .. وتضيق .. أفك عن نفسي .. وأردد .. لو يضيق الكون كله .. عند الله سعة !! ولا فكرت بالموت .. ذكرت الله .. وذكرت أن راسي ما يتقطع إلا بأمره !! هو اللي خلقني وراسي هو اللي ركبه .. وهو اللي إن شاء ... وأراد .. هو بس اللي يقطعه ! بعدها ...اتنفس براحة ... وأرتاااح وأحسن ظني بربي .. وظني ان ربي بيعتقني ! إيه هذا ظني .. وربي عند حسن ظن عبده به .. و من نصاه ما ضيعه ! وأنام وأعرف أن بكرة بيجي الصبح .. وكل صبح رزقه معه !! يارب مالي إلا انت .. اعتقني أنت .. اعتقني أنت .. اعتقني أنت .. في الدنيا الحين .. وفي الآخرة ! يارب صوت العفو .. ودي هاللحظة أسمعه !! ودي هاللحظة اسمعه !! ودي هاللحظة اسمعه !! للأمانة منقول

**معلومات** **العضو** · 14-04-2007, 03:02 PM

جزاك الله خير

وجزاء الله ذوي المقتول

**معلومات** **العضو** · 14-04-2007, 03:23 PM

الله يرحم ميتهم ويتقبل توبة بنيتهم

وياعساها تكون من النادمين المقبولين وعند رب البريه من الناجين

**معلومات** **العضو** · 14-04-2007, 05:16 PM

الله يرحم ميتهم ويتقبل توبة بنيتهم

وياعساها تكون من النادمين المقبولين وعند رب البريه من الناجين

**معلومات** **العضو** · 30-05-2007, 01:30 PM

عندى اقتراح يتمثل فى ان تخصص السلطات المختصه ارقام خاصه يمكن لمن تتعرض من البنات للابتزاز او التهديد ان تتصل بها وتتم معالجة الامور بسرية تامة تحفظ فيها الاعراض و الانفس

**معلومات** **العضو** · 31-05-2007, 02:05 PM

واضم رايي الى اخي وسام العصا في اقتراحة

**معلومات** **العضو** · 01-06-2007, 10:28 PM

بسم الله الرحمن الرحيم
وبه نستعين
السلام عليكم ورحمة الله وبركاته

الله يعافينا من مابتلاهم
يستر علينا وشوفات المسلمين
فلا" اضم صوتي لخواني وسام ومغترب
الله الله بستر

لاهنت ياخوي على البشاره وجعلك بشير يفرح

مع حبي وتقديري
جــــــــــرهوده؟؟

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية