ادخل وشارك بموقف او قصه مؤثره تعرضت له ولن تنساه .......

[معلومات العضو ابومبخوت الدوسري]

السلام عليكم ورحمة الله وبركاته أخواني الأعزاء تحيـــة طيبـــة لكم جميعــــا" أحبائي هذا الموضوع يطلب المشاركه من الجميع وهو عباره عن ذكر قصة او موقف مؤثر حصل عليك في حياتك ولن تنساه.... شاركوناء بقصصكم المؤثره ليستفيد الجميع من تجاربكم .

 

 

 

 

[معلومات العضو حماد الدوسري]

شكرآ عزيزي ابو مبخوت على الموضوع :

الذي يمكن يثير بغض الجروح والالام القديمه:

قصه غرام عنوانها

حبيت منهو دونها سكر الباب@@ وحسبي علا من سكر الباب عنها

تقديري وحترامي لكم جميعآ

 

 

 

 

[معلومات العضو دغش بن حمد بن منصور]

موضوع جميل وفي غاية الروووووعه

يابو مبخوت


والحين مايحضرني شي ,, لكن يمكن بعد ردود الاعضاء يفتر المخ شوي ويتذكر

لاهنت

 

 

 

 

[معلومات العضو ابومبخوت الدوسري]

أشكرك ياحماد الدوسري على المشاركه وإذا فيه مجال تذكر لنا القصة بكون ممنون لك وأن حبيت تحتفظ بالقصة لشخصك فهذا حقك .... تقبل تحياااتي وتقديري

 

 

 

 

[معلومات العضو ابومبخوت الدوسري]

بأنتظار مشاركات الأعضاء

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة دغش الصخابره

موضوع جميل وفي غاية الروووووعه

يابو مبخوت


والحين مايحضرني شي ,, لكن يمكن بعد ردود الاعضاء يفتر المخ شوي ويتذكر

لاهنت

ههههههه حلوه يفتح المخ لاهنت على المرور وأنا بجيبلك قصة حصلت معي ولن أنساها .....

 

 

 

 

[معلومات العضو ابومبخوت الدوسري]

كان يامكان في قديم الزمان <<< بالفصحه والا تدرون بجيب القصة باللهجه العاميه ... سنتن من السنين جاني واحد من عيال عمي وطلب خوتي معه لأن أخو يشتغل في شركة في البر جنوب من يبرين الشركه تبعد عن حرض تقريبا" 80 كيلو وطبعا" الخطوط كلها (ردميه)طرق صحراءويه المهم رووحت مع ولد عمي ومعنا أخوه لكي نوصله العمل ونرجع سوى المراد جانا الليل وحنى في طريق العوده والمشكله أني قلت ميد خووي قبل ندخل البر خلنا نفول البنزين من حرض حتى يكفينا نروح ونرجع قال ولد عمي يارجال أنشاء الله بنروح ونرجع وبيكفينا البترول ... المهم في الرجعه جانا الليل وخويي تداخلت معه الخطوط الصحراويه وضييع الجاده وقمنا ندوج في هالبران لين خلص البنزين وكان علينا برد شديد في هذه الحاله حولنا من الموتر أنا وخويي ونتلفت يمين يسار ماااااااابه أحد حولنا,, في أرض" خلى قال ميدي خويي حصل خير خلنا نمسي ولا أصبحنا بيمرون علينا البدو وينقذوننا << حلوه ينقذوناء المهم قلت ميده سلامتك طال عمرك وأن كان ماجانا أحد وش نسوي قال عادي نمسي يوم ثاني وأكيد بيجينا أحد هههههههههه أنا هنا طرى علي طواري وقمت أحسب ذنوبي وأكتشفت يااااااااااكثرها من ذنوب فقلت ميد خوويي أقول أنا مانيب جالس معك أنا بمشي كذا شمال مانيب جالس هنا وموت مستهلك أخرتي ودك تخاويني وإلا بتجلس قال بجلس قلت ابرك أصلن خوتك من البدايه تنعاااف << من الضيقه المهم سريت أنا تقريبا" الساعة 11 مساء" وكل ماذبحني البرد وثلجت أطرافي جمعت من الحطب وشبيت النار اتصلى عليها وددفي اطرافي وأعاود المسير وكل ما ذبحني البرد سويت نفس الطريقه وأكمل المسيس المهم سريت وسرى ليلي لين أصبح الصبح وكني أشوف روس ابل مدري حقيقه والا خيال المحم واصلت المسير وفعلا" عيينت أبل وعندها الراعي السوداني جيته وأنا ماشوف بس على لساني ياااازول عطني ماء اشرب وهو يسأل أنت وش جني والا أنسي وأنا أقول ياااازول ماء اشرب ماء ماء ..... بعد ماشربت من السحله وارتويت عررفة بنفسي وقلت ميد الزول وين معزبك قال أنا معزبي مري وبيجي الساعة 8 الصباح طبعا" قلت طيب أنا هذي قصتي وخويي وراي بأنتظر معزبك لين يجي ونروح لخوويي فقال يامرحبا والله يحييك وصراحح ماقصر زين لي ذا القرص اللي أزين أكله أكلها في حياتي في هذيك اللحظه وجاب الصبوح وشربت من الحليب وخت لي قفوه إلا بجيت ذاك الغليم المري ولد راعي الحلال رحب بي وعطيته السالفه وقال ابشر بالسعد هنا جركل بنزين بناخذه معنا ونروح صوب خلوك << والله ونعب بهاك الرجال اللي نسيت أسمه للأسف . المري يسأل وين موتركم وين خويك وأنا ارد عليه وأقول ميده أمش بس كذا وأنا أشرله جنوب قال طييب .... المهم وصلنا لسيارة ولا حصلنا فيها أحد ولد عمي مدري وين راح الله يستر قمناء نعبي الموتر بترول والمفتاح على الموتر شغلنا السيارة وأشتغلت بعدها قمنا ندور ولد عمي وين راح !! وأثنا تدويرنا لأبو الشباب جلس يسولف علي المري ويقول تدري كم كيلو مشيت أنت البارح قلت ميده مدري بس يمكن 10 كيلو قال ميدي ممشاك من سيارتكم إلى أبلناء تقريبا" 30 كيلو قلت ميده 30 قال 30 قلت الحمد لله على كل حال بس أنا حي زين بس المهم وين حصلنا ولد عمي !!!!!!!! حصلناه حافر حفره في ذاك القووز وداخل فيه وراقد له شخير ذبحه البرد دخلت يدي وسحبته من رجله >> قم قم لا بارك الله فيك راقد قم جبت البترول وشغلت الموتر ولا عادك بسايق كثر ماسقت ذا المره خلك المعاوني الشرهه على من مسكك الطاره... وعودنا لأهلناء والحمد لله اللي أحيانا وفكنا برحمته . هذه قصة من مغامراتي في الحياه وأتمنى تعجبكم ولا نستهين بالصحراء كم وكم واحد راح فيها وأستهلك فيجب علينا أن نأخذ الأحتياطات اللزمه يعني ( أعقلها وتوكل ) والمعذره على الأطاله وتقبلوووو تحيااااتي أخوكم/ أبومبخوت

 

 

 

 

[معلومات العضو دغش بن حمد بن منصور]

ههههههههههههههههههه الحمدلله على السلامه يابو مبخوت

اثرك منتب هين 30 كيلو هههههه ماشاء الله عليك

لكن طريقة ممسى خويك زينه لكن شكلك عنيد وعنادك بغى يهللك


لاهنت على هذا الموقف الملهك خخخخ

 

 

 

 

[معلومات العضو المقناص 502]

اول شيء بسم الله الرحمن الرحيم

ابو مبخوت الله يوفقك هذا الموضوع وضعته انا والى الان موجود بالصفحه الاولى

ووفقك الله

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة المقناص 502

اول شيء بسم الله الرحمن الرحيم

ابو مبخوت الله يوفقك هذا الموضوع وضعته انا والى الان موجود بالصفحه الاولى

ووفقك الله

مرحبا يامقناص خااابر موضوعك يا الغالي وأنا رديت عليه قبل انزل هذا الموضوع ,, وموضوعك عباره عن مواقف طريفه,, وموضوعي عباره عن مواقف مؤثره,,

 

 

 

 

[معلومات العضو راشد المسعري]

لاهنت يابو مبخوت على الموضوع القيم الموضوع للاستفاده من قصص الآخرين
وبالنسبة لموقفكم هذا والاستهانة بالبر وعدم أخذ الاحتياطات اللازمه فهو كثير مايحدث من الكثير من الناس وأذكر أنه قبل حوالي 15سنة في وادي الدواسر فقدنا ثلاثة شباب من زملاء الدراسة ومن أبناء القبيلة بوادي الدواسر (مستهلكين) شمال الوادي بحوالي 20 أو 30 كيلوا فقط أثناء الإختبارات النهائية وكانوا يتمشون ونشبت سيارتهم في (تغريسه وسط العروق) رحمهم الله جميعاً وهو واحد شكري وواحد سبّاعي والظاهر إن فيه ثالث ونسيته ، وكانوا أصدقاء عزيزين علي ونعم الأصدقاء ، عموماً الله يغفر لهم ويرحمهم.

 

 

 

 

[معلومات العضو عبدالله الحافر الغييثي]

هههههههههههه يالله من العناد في راسك يابومبخوت بغيت تموت ومن ثم نفقد مراقب مهم ههههههههههه لاهنت

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة راشد المسعري

لاهنت يابو مبخوت على الموضوع القيم الموضوع للاستفاده من قصص الآخرين
وبالنسبة لموقفكم هذا والاستهانة بالبر وعدم أخذ الاحتياطات اللازمه فهو كثير مايحدث من الكثير من الناس وأذكر أنه قبل حوالي 15سنة في وادي الدواسر فقدنا ثلاثة شباب من زملاء الدراسة ومن أبناء القبيلة بوادي الدواسر (مستهلكين) شمال الوادي بحوالي 20 أو 30 كيلوا فقط أثناء الإختبارات النهائية وكانوا يتمشون ونشبت سيارتهم في (تغريسه وسط العروق) رحمهم الله جميعاً وهو واحد شكري وواحد سبّاعي والظاهر إن فيه ثالث ونسيته ، وكانوا أصدقاء عزيزين علي ونعم الأصدقاء ، عموماً الله يغفر لهم ويرحمهم.

الله يرحمهم ويغفر لهم يارب العالمين ومشكووور يابومحسن ع المرور والأضافه جعلك تسلم

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة خميس مطر الغييثي

أدري مبسووط وودك أني أستهلكت بس الحمد لله ربي أحياني عشان أنشب بحلقك ------------------ أقول بس عطنا وحده من سوالفك الزيناء حتى نستفيد يا......... من تجاربك

 

 

 

 

[معلومات العضو آلأرجــٌوآنْ]

ابو مبخوت الشكره

موضوع أكثر من رآئع الف شكر لك و الله يعطيك العافيه