بعد الغياب أغار من شعري

[معلومات العضو حزين الحرف]

السلام عليكم ورحمة الله وبركاته
أخواني الأعضاء
أسف على التأخير والغياب وأحب أن أهديكم هذه القصيدة الجديدة
والتي لم يجف حبرها أتمنى من كل قلبي أن تنال ولو قدر يسير من رضاكم وإعجابكم
ولا أنسى أن اقول كل عام وانتم بخير بمناسبة العام الجديد واقول لجميع الطلاب والطالبات بالوفيق في الاختبارات اتمنى لكم النجاح في امتحان الدنيا والآخرة
لكم القصيدة ولي الشرف

تصدقين إن حبك طاح من عيني = مستغربة صح ؟ طيب اسمعي عذري
يومي سألتك وش اللي معجبك فيني؟ = قلتي قصيدك وبس اللي شغل فكري
من بعدها أدركت إنك ما تحبيني = ومثلك مثل أي شخصٍ معجب بشعري
عشقتي الشعر فيني ما عشقتيني =ياويل قلبي وياناري وياقهري
يعني لو أهديك نسخة من دواويني = تغنيك عن شوفتي وعن حبي العذري
يالعنبو حظي اللي دوم مشقيني = مستقعدٍ لي وطايح حيل من صغري
نفسي وبس آعرف وش بينك وبيني = وش غيرك ؟ ما انتي ذيك اللي على خبري
هذيك تزعل عليها الكلْ وترضيني = تزهد بجنات غيري وتحتظن جمري
هذيك تشتاق لي وتحن وتجيني = ومافين أمل تسري إلا بعد ما أسري
هذيك لاغبتنا عنها تحاتيني = ولاجيت تشره علي وتقول لي : بدري
هذيك ماهيب تعشقني وتغليني = لكن تعيش بوصالي وتنتهي بهجري
هذيك لو قلت بأطلب شي تعطيني ؟ = قالت تدلل وآمر فدوتك عمري
هذيك لاشافها جنبي عدويني = ماتوا قهر ودهم لو يحفروا قبري
هذيك أكبر طموحي وشمعة سنيني = تنور سنيني بسناها ووجهها البدري
هذيك تسكن خفوقي وفي شراييني = وتذوب في روح روحي وفي دمي تجري
هذيك عن كل خلق الله تغنيني = من غيرك أهواه ياأم المبسم الزهري
هذيك ; ولا خلاص الهم يكفيني = ليه آتذكر وأضيق خلقي وصدري
خلاص حبك ترى ماعاد يعنيني = الوجه مالوجه أبيض وأنقضى صبري
طبعي كذا اي شخص يطيح من عيني = أنفيه من عالمي وأمحيه من فكري
الله يبيحك كثر منتي جرحتيني = والله يسامحك صرت أغار من شعري

وسلامتكم
اخوكم ومحبكم
عبد الرحمن سعد الدوسري
حزين الحرف

 

 

 

 

[معلومات العضو راشد المسعري]

صح لسانك ياحزين الحرف

ابو سعد أسعد الله صباحك بالخير والمسرات ويسعدني أكون أول من صافح قصيدتك الجديدة والجميلة ولكن ترانا ماعاد نسمح لشاعر كبير بحجمك بالغياب كل هذه المدة عن منتدانا ونتمنى لك التوفيق ولك مني اجمل الود والتقدير ،،،

 

 

 

 

[معلومات العضو ابومبارك الدوسري]

حزين الحرف

صح لسانك مليوون

وأبدعت في هالقصيدة

تقبل مروري

 

 

 

 

[معلومات العضو العماني]

من طول الغيبات جاب الغنايم

مرحبا بك اخوي عبدالرحمن وصح الله لسانك واعتلا شانك على الابيات الرائعه

ولاتقاطعنا ياخوي ولا تبطي علينا بابداعاتك الجميله


تقبل تحياتي،،

 

 

 

 

[معلومات العضو حزين الحرف]

أبو عبد المحسن
كم يسعدني ويشرفني أن تكون اول من يرد علي
فالف شكر على ردك الجميل
الذي جعل كل من يأتي بعدك يعتقد أنه جمال قصيدتي ونورها
وأنما هو جمال حرفك وروعة عزفك
حظور أتشح بالنور وردك أختلط باريج الورد
لك مني كل الود والورد
وأبشر بعزك

 

 

 

 

[معلومات العضو فجـر العيــــد]

صح لسانك وتسلم يمينك على الابيات الرائعه..

وبإنتظار جديدك..

 

 

 

 

[معلومات العضو حزين الحرف]

خلف الدوسري
صح بدنك ولاهنت
لك مني كل الود والورد

 

 

 

 

[معلومات العضو يحيى الودعاني]

صح السانك

وبيض الله وجهك

من طول الغيبات جاب الغنايم

 

 

 

 

[معلومات العضو حزين الحرف]

أخوي هايف العماني
صح بدنك ولاهنت
ألف شكر على الرد
وأن شاء الله مابه قطاعه

 

 

 

 

[معلومات العضو حزين الحرف]

فجر العيد
صح بدنك ولاهنت
ألف شكر على ردك

 

 

 

 

[معلومات العضو حزين الحرف]

أخوي يحيى الودعاني
صح بدنك ولاهنت
ألف شكر على الرد لك الود