إهداء إلى قبيلة الدواسر العريقة ( أول مصافحه ) ,.

[معلومات العضو طراد السويدي]

بسم الله الرحمن الرحيم

هذه أول مشاركة لي وتعتبر المصافحه الأولى في هذا الصرح الشامخ
وقبلية الدواسر العريقه لها في قلبي مكانة وقدر وقد أبى شعري المتواضع إلا
أن يختار إعلان مشاعري من خلاله

أنا براق شعري قمت أخيلة = رزيمة فكري وقافي مسيلة
تحدر ماطره من نو جاشي = وموضوع القصيدة في هميلة
سلام الله عليكم يالدواسر = من أصغركم ليا كبار القبيلة
سلامٍ صادقٍ من قلب صادق = ولا غير الشعر عنده وسيلة
تغنى في فعول أولاد زايد = على كل الطروق المستحيلة
لهم تاريخ مختوم بجزالة = ولزوم أسوق قافي بالجزيلة
أهل طيب وكرم جود وحمية = وأهل وقفات مايوجد مثيلة
طوال شبورها سقم الأعادي=كواسر لاعدوا فوق الأصيلة
لهم طبع الشجاعة والبتاعة =وتشهد لمعة سيوفٍ صقيلة
عراقة طيب وجدود ومبادي= ولامالوا على دروب الرذيلة
عليم الله ماقلته مجامل =ولادورت من قولي حصيلة
وأنا من قوم له مجد وفعايل= تعلى صيتهم فوق الطويلة
طنايا لابتي شمر جدودي =هل الطولات شعري ينحنيلة
أقدركم مثل تقدير ربعي =ولاقد تاه من عقلة دليلة
كتبت اليوم ماكنة ضميري =وتبقى في نظر عيني قليلة
ولكم مني سلامي وإعتذاري=إذا قصرت أو بالقاف ميلة

أخوكم الشاعر والإعلامي :

طراد السويدي
مجلة حول الخليج

 

 

 

 

[معلومات العضو مبارك الخييلي]

	أرررحب والله أني صادق ونعمً بك وبشمر هل الطولات والناس يدرون حللت أهلاً ووطئت سهلاً نتمنى لك أقامة رائعه مفعمه بالنشاط كما هو واضح من قصيدتك ومثلك يسعدنا أنضمامه معنا \\\\ ومثل منته تحبنا والله أني أغزكم ولا قصور فيكم فخذ أسلم النفقان لي معهم علومً طيبه آسف على الأطاله لكن تستاهل أكثر\\\\ تقبل شكري والتقدير

 

 

 

 

[معلومات العضو ولد ودعان]

طراااد السوييدي صح السااانك وحياك الله بين بني عمك وخوانك وانشاءالله سوف نشاهج ابداعااتك فيه

تقبل شكري وتقديري

ولد ودعان

 

 

 

 

[معلومات العضو محمد الولامين]

طوال شبورها سقم الأعادي
كواسر لاعدوا فوق الأصيلة
لهم طبع الشجاعة والبتاعة
وتشهد لمعة سيوفٍ صقيلـة

طراد السويدي


مرحبا والله ومسهلا في محل بني عمك

صح لسااانك يالامير على ماقدمت من ابداع

وبيض الله وجهك


تقبل تحياتي

 

 

 

 

[معلومات العضو راشد المسعري]

الشاعر والإعلامي طراد السويدي ارحب ثم ارحب يالسويدي ، الله يحييك ويبقيك في منتدى الدواسر الرسمي وصح لسانك ويشرفنا والله تواجدك بيننا ومدحك للدواسر من طيبك وطيب ربعك يالسنعوسي . والله وسبع انعام بك وبربعك شمر ، الطنايا أهل الكرم والجود والتاريخ المرصع بالمفاخر والعز والطيب ، بيض الله وجهك على القصيدة الجزلة وحياك الله مرة اخرى بين اصدقائك ومحبيك قبيلة الدواسر ، فأهلا وسهلا وعلى الرحب والسعة يالسنعوسي . تقبل ودي وتقديري ،،،

 

 

 

 

[معلومات العضو شافي القويسي المخاريم]

مليوووووووووون نعم بشمر
صح لسانك على ما ابدعته
الله لايهينك
تحياااااااااااااااتي

 

 

 

 

[معلومات العضو ابو زابن المسعري]

بيض الله وجهك وصح الله السانك ونعم بك وبربعك

 

 

 

 

[معلومات العضو عبدالرحمن الشرافي]

ارررحب يا طرااااااد




والله يحييك في محلك


وصح الله لسانك يالقرم وبيض الله وجهك


وباختصار ...



اسمحلي بهذه الابيات الارتجاليه والسموحه على القصووور:

عدد ماهل فالديرة مخيله = الا واهلين بالطيب وعميله
لفانا شبل من نسل الطنايا = بجزلات التحايا نبتدي له
لانه من قبيلة لو علمتوا = قبيلة عز والسيرة طويلة
قبيلة بأختصار اقول فيها = هذه شمر الا نعم قبيلة
ولو ننشد تواريخ القبايل = يقول من الكرم " خوذوا" دليله
والا يا طراد منت بضيف لكن = من اهل الدار يا راع الاصيلة

 

 

 

 

[معلومات العضو أبن جلوي الشكرة]

ارحب ارحب يا طراد السويدي الشمري
الكل ترحب بك من ابنا قبيله الدواسر
شاعر واعلامي معروف على مستوى الساحه

صح لسانك واعتلاء شانك على القصيده الجزله من رجلآ جزل
ولا عليكم زود

مرحبا بك مره اخرى بين اخوانك

 

 

 

 

[معلومات العضو نواف الرجباني]

سلام الله عليكم يالدواسـر
من أصغركم ليا كبار القبيلة
سلامٍ صادقٍ من قلب صادق
ولا غير الشعر عنده وسيلة
تغنى في فعول أولاد زايـد
على كل الطروق المستحيلة

صح اللسانك


واررررررررررررررررررررررررررررررررررررررررحب


وان شاء الله تفيدنا مما يكتب قلمك من سطور الابداع اكيد

 

 

 

 

[معلومات العضو سالم بن صمهود]

الشاعر والإعلامي طراد السويدي


ارحب ثم ارحب يالسويدي ، الله يحييك ويبقيك في منتدى الدواسر الرسمي وصح لسانك ويشرفنا والله تواجدك بيننا ومدحك للدواسر من طيبك وطيب ربعك يالسنعوسي .

 

 

 

 

[معلومات العضو طراد السويدي]

المشاركة الأصلية كتبت بواسطة مبارك الخييلي

حياك الله
شرفني مرورك
الله لايهينك


تقبل تحيتي

 

 

 

 

[معلومات العضو طراد السويدي]

المشاركة الأصلية كتبت بواسطة ولد ودعان

طراااد السوييدي صح السااانك وحياك الله بين بني عمك وخوانك وانشاءالله سوف نشاهج ابداعااتك فيه

تقبل شكري وتقديري

ولد ودعان

حياك الله شرفني مرورك

الف شكر

 

 

 

 

[معلومات العضو غازي المسعري]

الشاعر والإعلامي طراد السويدي

ارحب ثم ارحب يالسويدي ، الله يحييك ويبقيك في منتدى الدواسر الرسمي وصح لسانك ويشرفنا والله تواجدك بيننا .

طنايا لابتي شمر جـدودي =هل الطولات شعري ينحنيلة

والله وسبع انعام بك وبربعك شمر ، الطنايا أهل الكرم والجود ، بيض الله وجهك على القصيدة الجزلة وحياك الله مرة اخرى بين اصدقائك ومحبيك قبيلة الدواسر ،
اكرر ترحيبي

اخوك : غازي المسعري

 

 

 

 

[معلومات العضو طراد السويدي]

المشاركة الأصلية كتبت بواسطة محمد الولامين

طوال شبورها سقم الأعادي
كواسر لاعدوا فوق الأصيلة
لهم طبع الشجاعة والبتاعة
وتشهد لمعة سيوفٍ صقيلـة

طراد السويدي


مرحبا والله ومسهلا في محل بني عمك

صح لسااانك يالامير على ماقدمت من ابداع

وبيض الله وجهك


تقبل تحياتي

حياك الله
شرفني مرورك الكريم
لاخلا ولا عدم

تحيتي