الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور ) - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم تاريـخ قــبـيـلة الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 22-09-2009, 11:11 PM   #1
 
إحصائية العضو








الحميدي الغريري غير متصل

الحميدي الغريري is on a distinguished road


افتراضي الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )



الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار وروّاد الموقع الرسمي لقبيلة الدواسر






من مبدأ التعاون بين مختلف المنتديات الرسميّة لأفخاذ قبيلة الدواسر والموقع الرسمي لقبيلة الدواسر العريقة ، فإنه ليسعدنا أن نقدم لكم هذا اللقاء التاريخي والذي قدمه الموقع الرسمي لقبيلة المخاريم لأبناء القبيلة بمختلف أعمارهم بناءً على طلب ضيف هذا اللقاء وذلك بنقل للموقع الرسمي لقبيلة الدواسر العريقة إيماناً منه بالدور الفعّال من قبل الموقع هذا ، حيث يحمل بين طياته الكثير من الجواهر التاريخيّة والمعلومات الثريّة عن قبيلة الدواسر والمخاريم .

ضيفنا لهذا اليوم هو مولودٌ ببادية وادي الدواسر عام 1382 هـ تنقل مع قبيلته حيث مساقط الأمطار ومنابت العشب شمال وادي الدواسر ، وتعلم القراءة والكتابة ذاتياً وذلك من خلال المخالطة مع بعض المتعلمين من أبناء قبيلته ومن ثمَ إلتحق بالتعليم النظامي في المدارس بوادي الدواسر ، وبعدها إلتحق بمختلف الوظائف الحكوميّة حتى إستقرّ به الحال بـ العمل بوزارة التربية والتعليم بمحافظة وادي الدواسر .

إهتمّ الشاعر بجمه مأثر قبيلة الدواسر وأشعارها ، وبعدها توجه إلى التأليف إيماناً منه بأن الكتاب من أعظم الخزائن لحفظ موروث القبيلة الشعبي بعد نقلة من صدور الرواة ، وقد أصدر كتاباً مؤخراً هو ( من قصص وأشعار : وسامة عصا الجار )

ضيفكم لهذا اليوم هو الشاعر الكبير والباحث التاريخي محمد بن باني بن عقاب بن مدعث آل عيسى المخاريم الدوسري



الشاعر الكبير والباحث التاريخي محمد بن باني بن عقاب بن مدعث آل عيسى المخاريم الدوسري


أعدّ اللقاء وطرح الأسئلة :
إعلامي و مراقب الموقع الرسمي لقبيلة المخاريم : الأستاذ سعود (القناص) ، ومراقب الموقع الرسمي لقبيلة المخاريم: الأستاذ محمد بن فرحان

وقد قام أيضاً بإعداد الرحلة التوثيقية المصوّرة حول بعض أملاك قبيلة المخاريم :
ضيف اللقاء الشاعر الكبير والباحث التاريخي محمد بن باني بن عقاب بن مدعث آل عيسى المخاريم الدوسري ، و إعلامي و مراقب الموقع الرسمي لقبيلة المخاريم : الأستاذ سعود (القناص) ، ومراقب الموقع الرسمي لقبيلة المخاريم : الأستاذ محمد بن فرحان ، والأستاذ فهد بن فالح الشروخ ، والأستاذ مشبب بن فيحان الهلقمي .


بالمنتصف ضيف اللقاء الشاعر الكبير والباحث التاريخي محمد بن باني المخاريم ويظهر على يمين الصورة إعلامي و مراقب الموقع الرسمي لقبيلة المخاريم الأستاذ سعود (القناص) وبيسار الصورة ومراقب الموقع الرسمي لقبيلة المخاريم الأستاذ محمد بن فرحان .


ضيف اللقاء الشاعر الكبير والباحث التاريخي محمد بن باني المخاريم وبجانبه مراقب الموقع الرسمي لقبيلة المخاريم الأستاذ محمد بن فرحان .


ضيف اللقاء الشاعر الكبير والباحث التاريخي محمد بن باني المخاريم وبجانبه إعلامي و مراقب الموقع الرسمي لقبيلة المخاريم الأستاذ سعود (القناص) .

س : يسعدنا أن نستضيفك في لقاء حصري بموقع قبيلتك قبيلة المخاريم و ياليت تعرف عن بطاقتك الشخصية ؟

ج :

بسم الله الرحمن الرحيم وبه نستعين والصلاة والسلام على رسوله الصادق الامين سيد الاولين والآخرين وقايد الغر المحجلين وعلى ومن تبعه باحسان الى يوم الدين.

الإسم : محمد بن باني بن عقاب بن مدعث آل عيسى المخاريم الدوسري ، والعمر قرابة 47 سنة ، الحالة الإجتماعية متزوج وأسكن محافظة وادي الدواسر .

س : أبو باني متى بدأت في نظم الشعر وكم كان عمرك وياليت تعطينا أول قصيده كتبتها إذا كنت تذكرها ؟

ج : بدأت في نظم الشعر وعمري حوالي إثنا عشر سنة أما أول قصيدة قلتها للأسف لا أذكرها .

س : أبو باني أنت شاعر معروف عند قبيلة الدواسر وخارج القبيلة لكن ينقصك الإعلام .. نتساءل وينك عن الإعلام ؟

ج : بعدي عن الإعلام أو بعد الإعلام عني لعدة أسباب منها ظروف العمل ومنها بعض الظروف الخاصة .

س : هل سبق وأن شاركت في إحدى المسابقات الشعرية ؟

ج : لم أشارك في مسابقات شعرية ولكن لي مشاركات في بعض مناسبات قبيلة الدواسر كالمزاينات وبعض ملتقيات القبيلة السنوية .

س : أبو باني ما رأيك في برنامج شاعر المليون ؟

ج : برنامج شاعر المليون وما شابهه من البرامج الأخرى برامج تجارية ناجحة وبرز فيها بعض شعراء لم يسمع بهم من قبل ولكن لا يعتبر الشاعر الذي يحمل لقب شاعر المليون أو أي لقب في البرامج الأخرى إنه أفضل الشعراء المشاركين في البرنامج فقد يكون هناك شعراء أفضل من حامل هذا اللقب ألف مرة ولكن خانهم التصويت فالتصويت هو الركيزة الأساسية التي يستند عليها الشاعر لوصوله إلى المراحل النهائية أو الفوز باللقب سواَ كان شاعر بمعنى الكلمة أو عكس ذلك , بحيث إن نسبة درجة تحكيم اللجنة 50% ونسبة التصويت50% فإذا حصل المتسابق على نسبة التصويت كأمله فاللجنة لابد أن يحصل منها على نسبة معينه أقل ما تكون 25% أو 30% فيفوز باللقب فلو صارت نسبة تحكيم اللجنة 80% ونسبة التصويت 20% لبان الفرق بين الشعراء وكل أعتمد على الله أولاً ثم على نفسه وقوة شاعريته .

س : أبو باني هل سبق لك و نشرت قصائدك في المجلّات أو ما شابه ؟

ج : نعم نشر لي بعض القصائد في مجلة اليمامة وجريدة الجزيرة وجريدة عكاظ وجريدة اليوم ومجلة حقائق .

س : هل سبق وشاركت في إحتفالات أو مناسبات خارج قبيلة الدواسر ؟

ج : نعم شاركت في مزاين قبيلة قحطان في محافظة القويعية .

س : للشعر أغراض و مجالات كثيرة ما هو الغرض الذي تكثر كتابة قصائدك عليه ؟

ج : أكثر قصائدي في مجال الفخر والحكم والمدح .

س : لم نرى لك قصائد غزلية يا أبو باني ما السبب في ذلك ؟

ج : عندي قصائد غزلية كثيرة ولكن في بعض المناسبات لا يتسع المجال لقصائد الغزل .

س : نبي منك قصيده غزلية ؟

ج : طلبكم على الرأس والقصائد الغزلية كثيرة ولكن نختار لكم منها مقتطفات ، القصيدة الأولى بعنوان أنت دكتوري أفول فيها :


ياعذابي منـك ياسمـح المحيـا=منك داي ومنك يالغالـي دوايـه
أنت دكتـوري ولا فيهـا كنيـا=استشاري جرحي اللي في حشايه
جرحي الخافي علاجـه ماتهيـا=وانت طب الجرح ياغاية منايـه
وأنت في الخفرات ماجالك حليـا=فوقهن نوفك رفع للفـوز رايـه
القمر لونك وهن لـون الثريـا=ياهواة القلب ماغيـرك هوايـه
شوف حبك كيف سوابـي كذيـا=غير اوضاعي وشمت بي عدايه
وان عذلت القلب عن طاريه عيا=لين يصبح في بحر ذكراك تايـه
وهذي ثانيه بعنوان صار قلبي في يدك ، أقول فيها :


أه يا دنيا الشقا اللـي بالـردى مصحوبـه=صكت الأبواب مـن خلفـي ومـن قدامـي
من رداها تفرق المحبـوب عـن محبوبـه=لين يونس ميسـم بيـن الحنايـا حامـي
والمفارق هو سبايـب كيبـدي المصيوبـه=واتصبر واخفـي الونـه وجرحـي دامـي
أشهد إن كثر الفراق أكبر شقـا وعقوبـه=والمولـع لوشكـى جــوره فلاينـلامـي
أونس النيران في وسط الحشـا مشبوبـه=منك يامضفي على بيض الثمـان لثمامـي
يابوخـدٍ كنهـا بـرقٍ بـعـال نصـوبـه=والنهيد اللي بصـدرك تـو طلعـه زامـي
وفيك من عين الوحش في العصر لاهدوا به=وفيك من عنق الغزال اللي ذعره الرامـي
أنت ماغيرك حدٍ هاجـوس قلبـي صوبـه=وصوبك أقادامي تبـدل مشيهـا درهامـي
ياوجـودي لاتذكرتـك بخطـوى نـوبـه=وجد من شاف الشروب وصدروا به ضامي
أو وجد اللي لساحـة مذبحـه راحـوا بـه=حاولوا بإعتاق روحه ورفضـوا لخصامـي
حيثك اللي صار قلبي فـي يـدك لعبوبـه=نافذٍ حكمـك علـي وأعلنـت لاستسلامـي


القصيدة الثالثة بعنوان بعدك مرض قلبي ، أقول فيها


ياللي غلاك بخافقـي قـام يـزداد=وبعدك مرض قلبي ووقربك علاجي
وبنات فكري صوبك تروح شـراد=وإن شفتكم بالعين يضحك حجاجي
علم سمعته عنـك لاعـاد لاعـاد=زود عنـا قلبـي وكـدر مزاجـي
علم هجدني باخـر الليـل مهجـاد=ماعد لي من حـر نـاره ملاجـي
امضيت ليلـي ماتهنيـت برقـاد=عقب الكلام اللي لقلبـي مفاجـي
والكبد عقبه حرمـت لـذة الـزاد=واشرب قراح وكن شربي هماجي
صدمه عنيف لي واقوله وانا جـاد=عسى لها عند الكريـم انفراجـي
عيني تهل دموعها جـوز وأفـراد=غدا لها فوق الخـدود انزعاجـي
عليك يالطف الحشا غض الانهـاد=وراعي الثمان المرهفات اللعاجـي
لازال لي حبل الرجا فيـك منقـاد=رجاي بالله ثم أنـا فيـك راجـي
تقطع حبال المشكلة جـد واعمـاد=ويصير لك من كل ضيق مناجـي
وتبري جروح بي قديمات واجـداد=وتعيد صوبي فرحتـي وابتهاجـي

س : قصيدة أعجبتك لأحد الشعراء وتمنيت إنها لك ؟

ج : أغلبية الشعراء في المملكة فطاحلة وقصائدهم جزلة ولكن هناك بيت من قصيدة للشاعر محمد بن مريبد العازمي اعجبني جداً وتمنيت أن يكون لي ، اللي يقول :


المرجله لوهي ورا الجدي وسهيل=نسعى لها سعي الغريـم لغريمـه

س : أبو باني أنت شاعر محاورة ولكن لا نرى لك بروز كافي على ساحة هذا الفن ما السبب ؟

ج : أنا لدي استطاعة كافيه وموهبة شعرية ولله الحمد تؤهلني لخوض ساحة المحاورة ولكن كثرة مشاغلي هي السبب في بعدي عن ساحة المحاورات ألاّ نادراً .

س : هل سبق وان لعبت مع شعّار بارزين إعلامياً ؟

ج : نعم ، لعبت مع عدة شعراء منهم على سبيل المثال الشاعر رشيد الزلامي والشاعر سلطان الهاجري والشاعر فلاح القرقاح والشاعر عبد الله عتقان .

س : ياليت تذكر لنا أبيات بسيطة لإحدى محاوراتك مع أي شاعر ؟

ج :

يقول رشيد الزلامي في محاورة بيني وبينه :


يامحمد الدوسري وشبك علينا تضيق=إن كان مخطين علم كل رجل بخطاه
الهاجري والعضيله لازمين الطريـق=والكل منهم على دربك يدربي حصاه

رديت عليه وقلت :


مانيب ضايق وانا رجلٍ ثقيلٍ وثيق=والكل رجلٍ بما قدم يلاقـي جـزاه
كانك لزيد العضيله يالزلامي صديق=خلك معه وابن هاجر باقي في سراه

ويقول القرقاح في محاورة بيني وبينه لم أحفظ منها إلا بيت له وبيت لي :


ترفّق قبل تسحرك مقطوعة الصيب=تجرك وراها من مكـان لمكانـي
قلت :


ابصبر بصبرك ياحصان الأطاليب=سحرتك بجسم كنـه الخيزرانـي


أما الشاعر سلطان الهاجري والشاعر عبدالله عتقان للأسف لم أحفظ محاوراتي معهم .

س : نرى يا أبو باني من بعض الشعراء التعصب في القصائد القبلية التي تجلب الفتنه .. هل أنت مؤيد لها ؟

ج : في الحقيقة أنا لا أوئيد القصائد التي تثير الفتنه بين القبائل ولا أيد أي شاعر يتطرق لمثل هذه القصائد .

س : يا ليت تعطينا قصيدة في قبيلة الدواسر ؟

ج : عندي هذه القصيدة في قبيلة الدواسر وأسميتها معجزات الدواسر ، أقول فيها :


باسم من بامره تهـب الذاريـات=الالـه اللـي يعـلـم الخافـيـات
ربنا جلا وعلا فرد صمـد فـارض = الاركــان خـمـس كـامـلات
مخرج ذا النون من وسط البحـور=ناصر اهل الدين ومـذل الطغـات
ربنا اللـي باعـث طـه رسـول=بلغـه قولـه بـايـات بيـنـات
ابتدي نظـم القوافـي والقصيـد=من هجوس في لزومي حاضـرات
مستعد اتـن اليـا جـات اللـزوم=ما تجيـب الا الجـزال الوافيـات
تترك الواطـي وللعليـاء تشـوم=بالعلـوم الطيبـة مستـرسـلات
واتخير فـي نـوادر كـل زيـن=واهرج بالصـدق والعلـم الثبـات
والمثل قد قال في ماضي السنيـن=وافهموا يا اهل القلـوب الغافـلات
كـل قـوم مالهـم مجـد قـديـم=ما يسجل فـي السنيـن التاليـات
واحمد الله مجد ربعي مـن زمـان=ثابـت مثـل الجبـال الراسيـات
ما أهرج غير الحقيقة والصحيـح=في مديح أهل السلـوم المعجـزات
الدواسـر لابتـي نعـم الرجـال=بالكرم يـوم السنيـن المعسـرات
عن كرمهم بينـة قصـة جريـس=اليمانـي بالسنيـن الماضـيـات
والهلالي هو وربعه يـوم ضـاف=عند ابن بدران راعـى الطايـلات
ضيفـه خمسـه وتسعيـن عـداد=من كبار الابل وشاهدها الـروات
في الكرم جبنا قليـل مـن كثيـر=ومعجزات فعـول ربعـي باقيـات
استمعهـا بالتسلسـل يافطـيـن=خـل قلبـك والأذانـي صاغيـات
ورعنا اللي ذابـح ورع القصيـر=نذبحه فوقه ولا احسن من الذكات
ويوم اخونا في خوي الدرب خـان=ذابحينه عقب مـا سقنـا الديـات
وجارنا ندفع ديتـه مـن الجـدار=مكرمه ما هو بحكم مـن القضـات
كـل هـذي للوداعيـن الـقـروم=بالتـوارخ الـقـدام مسـطـرات
وموتر للشمـري علـم صحيـح=يوم وقف فـي ديـار موحشـات
فككـوه وحملـوه ابنـاء الرجـال=فوق ست مـن الماتـر جاهـزات
ثـم شالـوا حملتـه زود عليـه=والمدافـع قاصفـه والطـايـرات
خبرة سنـوا لهـم سلـم جميـل=اعتلـوا بالمجـد روس النايفـات
من ودعيـن وصخابـره عـزاز=وشكره يثنـون عنـد الجاذيـات
والخوي اللي بوسط البيـر طـاح=وانكسر ساقـه وامالـه ضايعـات
الخـوي اللـي معـه منـا وكـاد=دوسـري لـه فعـول سامـيـات
المعيبيـل للكريـم مـن الـكـرام=من مصاريـر يضـدون العـدات
يـوم قلـة حيلتـه ذكـا الذلـول=وجلدهـا حطـه حبـال مبرمـات
والتزم بالحبـل ثـم حـول عليـه=واخرجـه والله اراد لـه النجـات
وسلمنا يحكـم علينـا مـا نبيـع=اللحم والمـاء مـع كـل الجهـات
لو نبيع المـاء مـع كـل اللحـوم=جاء علينا مـن كبـار العايبـات
والخوي والجار ناسم لـه عصـاه=تمنـه وسـط الديـار الخاليـات
ذي عوايد لابتي سقـم الحريـب=اسسوها مـن سنيـن ماضيـات
ومن عوايدهم ليا جات الحـروب=اليا تعلـو فـوق قـب مكرمـات
موريات القدح في صلب الحيـود=فوقها اللـي ينطحـون النايبـات
يذبحون الشيخ واللـي لـه نديـد=بالبنـادق والسيـوف المرهفـات
في ضحا الهيجا تطيعـن الرقـاب=لهجمنـا والسيـوف مـجـردات
لحربنـا نـودع الكافـر يـتـوب=نضرب الميدان وتطيـع العصـات
في زمان الجهـل جعلـه مايعـود=الدواسـر هـم مزبنـت الجنـات
مـن تحداهـم بساحـات القتـال=قالـوا انـا كالجبـال الشامخـات
مايزعزعنـا صيـاح ولا نـذيـر=ننطح البـارود ونصـد الرمـات
نرد حوض الموت مانبغـا الحيـاة=لاتجلا الستر عن بيـض البنـات
وان زبنـا مجـرم جرمـه كبيـر=يامن ويرتاح فـي نومـه سبـات
يوم جانا اللـي مجنيـة الشريـف=يزهم و غيضه تطيق بـه اللهات
عقب خوفه عندنـا حـط الرحـال=في حما اللي ينطحون المعظـلات
واحتما الميـدان واشتـد القتـال=وارتكينـا للجمـوع القـادمـات
للجيـوش اللـي مدافعهـا ثقـال=ونحسبهـم بالألـوف وبالمئـات
ثم صرمناهم كمـا صـرم الـزرع=وأقفوا الحيين واللي مـات مـات
والقبايل في الجزيـرة مـن قديـم=بينهـم كـل الحرايـب حاميـات
لين وحدنا الملـك عبـد العزيـز=ولملـم شملنـا عقـب الشتـات
نصـرت العاجـز ولطـام العنيـد=والضواري تحت حكمـه طايعـات
ونحمد الله صار عقب الخوف امان=وحل وقت العلم والا الجهل فـات
تمت وصلـو علـى سيـد الأنـام=عد ما ترعـد مـزون ممطـرات


س : وادي الدواسر هل قلت فيه من القصائد ؟

ج : بلا شك محافظة وادي الدواسر هي مسقط رأسي وقلت فيها العديد من القصائد وسأختار لكم هذه القصيدة بعنوان (عفوا جوانبها) ، أقول فيها :


يسقيك يا وادي الدواسـر هماليـل=من مدلهـمٍ بـه تحـن الرعـودي
نوه كمـا زرق الجمـال المحاميـل=قافٍ من الدندان جا مـن وجـودي
عقب المطر يدرج على قاعك السيل=يا ديرةٍ بيـن السهـل والنفـودي
دارٍ حميناها علـى شـرد الخيـل=يومٍ كـلٍ عـن حياضـه يـذودي
عفوا جوانبها الرجـال الحلاحيـل=يوم الرماح ويوم قـدح الزنـودي
أبعد على الطامع من الجدي وسهيل=و أن كانها بالطيب يرقى سنـودي
دارٍ لنـا ورثٍ لجيـل بعـد جيـل=و أحبهـا وأنـا بسـن المهـودي
في موقعٍ يشفي الكبـود المغاليـل=كلٍ يريـده ميـر عنـه محـدودي
شمالها حمـر الطعـوس المهاليـل=وجنوبهـا سهـلٍ بليـا حـدودي
مدينـةٍ فيهـا جميـع المحاصيـل=من فضل ربي كـل يـومٍ بـزودي
فيها الغروس الداجيـات المظاليـل=مناظرٍ تعمـي عيـون الحسـودي
ومزارعٍ خضـرٍ سـواة المغاييـل=هـذاك مـزروع وذاك محصـودي
و مسبلة للناس بالصبـح والليـل=ولا خير في هرجٍ بليـا شهـودي
وفيها لسود البل مـرب ومداهيـل=جرد الرقـاب منزحـات العـدودي
سـود تقـل مداخـلٍ لونهـا نيـل=طفحٍ لواحيهـا وسـاع الخـدودي

س : أبو باني هل بينك وبين زملائك الشعراء مراسلات .. نود أن تذكر لنا بعض المراسلات بينك وبين الشعار ؟

ج : هذي مراسلات بيني وبين الشاعر محسن بن فيصل آل عريمه الودعاني والشاعر معيض بن مسفر الجماعيين الودعاني

الشاعر محسن بن فيصل يقول:


سـلام يـلاد المنيعـي هـل الطـالات=هل الجـود كلـه كاسبينـه باليمانـي
مخاريم لاجاء الهوش ماتعرف الـذلات=زحازيح قوم يالتـوي فيهـم الجانـي
صوارم حرار في الملاقا لهـم عـادات=اكعام المعـادي لرتكـز كـل شيطانـي
لهم بالسوالف عـدة ترفـع الرايـات=وراياتهم غصب علـي كـل حمقانـي
هل الميزه اللي في القبائل لها ميـزات=وجميع الخصايل عن ذربين الايمانـي
كرمين لاجا الضيف ذباحت الجـزلات=حـرار تعـز الجـار وتقـدر العانـي
سلامي لربع تكسب الجيش والسرفـات=سلامـي عليهـم عـد ماهـل ودانـي
خذوا حدهم بالرمح والسيف والسـلات=وحماها من اللي في الوطن كان طمعاني
شمال وجنوب وشرق والغرب له نكبات=علي اللي علي حد المخاريـم وجعانـي
علي النور ممشاهم ولاهمب اهل زلات=ولاجاء لهم راع الطمع راح خسرانـي
فـيالله يالمعبـود ياقابـل الطلـبـات=الاانك تعز اهـل الظفـر لاد منعانـي
سندنا نهار الهوش لاكثرت الفزعـات=الاد المنيعـي مطربـة كـل عمسانـي
ويالله يالمطلـوب ياغافـر السـيـات=الانك تعـز الديـن يـارب وعوانـي
وختمنا الكلام وعذري ان كان به زلات=وتحياتـي لربعـن عـزاز وشعـانـي


وهذا ردي عليه :


بدينا باسـم رب المـلا فـارج الكربـات=إلـه أحـد فـردٍ صمـد مامعـه ثـانـي
عزيـز الجـلال ويعلـم السـر والغايـات=وكريـم وتغلـب سلطتـه كـل سلطانـي
وبعد ذكـر فـلاق النـوى عالـم النيـات=الـهٍ رفـع سقـف السمـا دون عمدانـي
تخيرت جزال الهرج ماختـرت بالهـزلات=واقود المعاني قـود الانضـا بالارسانـي
حتى القاف يوم اقدمـه يزعـل الشمـات=ويطرب له اللـي يستمـع لـه بالاذانـي
اجيبه علـى ماقيـل نـزه مـن الغلطـات=ولا افتح عليّ من راعـي النقـد بيبانـي
لحيث الفتى لابد له فـي الدهـر عثـرات=عثـرة قـدم ولسـان لاصـار غلطانـي
و انـا اقـول كـان العثـر لابـد مـرات=فعثـرة قـدم رجلـي ولا عثـرت لسانـي
وترى اللي حدانـي للطواريـق والأبيـات=رسالة وفا من شان ربعـي ومـن شانـي
بعثها أبو فيصل طيب الصيـت والوقفـات=وأنا أقول يوم الخط مـن صاحبـي جانـي
هلا مرحبا ما لجّـوا النـاس بالاصـوات=وعدد مايلوح البرق فـي غـر الأمزانـي
وعدد ماحوى المصحف من الشرح والآيات=وما غرد القمري على خضـر الأغصانـي
بخـطٍ علينـا مرسلـه وافـي الشّـارات=محسن حليـف المرجلـه طيـر حورانـي
ومن لابةٍ لا جا اللقـى تخلـف الهقـوات=وداعين تكثـر فـي المعاديـن الأكوانـي
صنايد قوم وفـي الحرايـب لهـم هـدّات=ترسم بـروس اخصامهـا حـد الأوطانـي
لهم في مجال الطيـب تاريـخ و سجـلات=تسجل لهم مـن عصـر عامـر وبدرانـي
هل المنسف المنقاد في اليسـر والشـدات=يشبع به الطرقي والأقصـى مـع الدانـي
وهل سربةٍ منها تـروح الجمـوع شتـات=ويشهد لهـا التاريـخ فـي كـل ميدانـي
كم شيخ قـومٍ مـن يديهـم وفاتـه جـات=رموا به عشاً للطيـر والذيـب سرحانـي
أقول الكلام اللي صحيـحٍ وعليـه اثبـات=ولا همني في الحـق راضـي وزعلانـي
ترى الاد ودعـان هـل العـز والنخـوات=ويعرف طعنهـم يـوم تختـف الاضعانـي
وثمان السوالف عندهم مـن زمـان فـات=ولا خير في هـرجٍ علـى غيـر برهانـي
وان جات الحمايا والدهر صار له صكـات=وكـلٍ ذكـر ربعـه اليـا كـان ماكـانـي
فهم ذخرنا في الحرب لا اشتدت الأزمـات=وهم درعنا اللي نلبسـه فـوق الامتانـي
وختام الكلام ان صار لي في الدهر عثرات=فعثـرة قـدم رجلـي ولا عثـرت لسانـي


وهذا قصيده مجارات الشاعر معيض مسفر الجماعين الودعاني :


يالله يالمعـبـود ياغـافـر الــزلات=عفوٍ كريـمٍ تغفـر ذنـوب الإنسانـي
خلقت البشر من شكل واحد وجو اشتات=وصار البشر مسلم وشيعي ونصرانـي
احد يكسب السيّه واحد يكسب الحسنات=جزا طايعك جنـة وعاصيـك نيرانـي
يارب وفقنـا علـى منهـج الطاعـات=عسى أعمالنا يرجح بها كـل ميزانـي
ومن بعد طلبة من خلقني كتبت ابيـات=أبا أجاري محمـد ومحسـن بقيفانـي
أنـا ودي ارقـد مـال للكـرى لـذّات=عداني هواجيس مـن النـوم تشعانـي
عدا النوم خلجٍ في ضميري لها لجّـات=بعد ماقريت كتاب ابن محسن وابن باني
مع دربكم ياهـل الوفـا قـادي نيـات=وعلى شوفكم يالربع بالحيـل شفقانـي
لاني بملقوفٍ ولا اعـارض العجـلات=والا ابغا الذي من الناس ماهو بيبغاني
ولا ابغى هل الكبرة ولا اداني الشـلات=ولا ابغي رفيق رفقته ضحكـة اسنانـي
احب الرفيق اللي يجنب عن الهـزلات=ومن رافق الطيب فلا هـو بخسرانـي
سلامي على اللي مابعد لحقهم شكـات=رجالٍ لهم مع منهج الطيـب عنوانـي
تعيش الرجال اللي لهم ترفـع الرايـات=مخاريم ضد الخصـم لاثـار عكنانـي
الاد المنيعي ذكرهـم يرفـع الهامـات=خذوا حقهم حقين مـن كـل طمعانـي
ورجالهم بثنيـن صـدق بـلا ظنـات=وهذا صحيح القـول ماهـوب بهتانـي
مخاريم في كل المواطـن لهـم هيبـات=تهز الجموع وتروي السيـف شامانـي
وحنا ترانـا درعهـم حـزة النخـوات=ولافيـه لا شـك ولافيـه جحـدانـي
وهم سيفنا البتاع في ساعت العـزوات=الى من تلاحقـن الذيابـه بالازغانـي
الى كبرة القاله وراحت علـوم وجـات=فحنـا وهـم متماسكيـن بالايمـانـي
الى قيل يالاد المنيعـي هـل الفزعـات=رسوا في المواقف وانهزم كل قومانـي
سلامي على لاد المنيعي هـل الطـالات=سـلام يكملهـم شـبـاب وشبـانـي
وياهل الركايب فوقها حطـوا الكيفـات=بنات العماني كـل منهـا مـن الثانـي
عليها الكلايف والنشاما تجر اصـوات=توجه الى الـوادي بخطـي وعنوانـي
والى جات ابن باني نطحها بترحيبـات=وياهل الركايـب وقفوهـا بالارسانـي
عشاكم مواحيل على الصيـن مجيفـات=كريم وذا طبعـه الـى جـاه ضيفانـي
عطوه الكتاب ورجعوها سنـع ماجـات=ونرجي المعذره كان في القول نقصاني
وفي المنتهى نطلبـك ياغافـر الـزلات=عسى اعمالنا يرجح بها كـل ميزانـي


وهذا ردي على الشاعر معيض :


بدينا بسـم رب المـلا قابـل الدعـوات=الـه بتدبـيـره خلقـنـي وسـوانـي
يجازي هل الطاعات في الاخـره جنـات=ويجازي بناره مـن تمـادى بعصيانـي
لطيـف خبيـر يعلـم السـر والغـرات=عزيز الجلال اللي فرض خمس الاركانـي
خلق عالم في الارض تفرقهـم اللهجـات=وجعل خلقهم متفـاوت اشكـال والوانـي
على ادم وحوا كلهم ميـر جـو افـوات=فـرق شكلهـم رب عزيـز و رحمانـي
وبعد ذكر خلاق البشـر طيـب المـدات=تخيـرت جـزلات المعانـي والالحانـي
صعاب القوافي لو ابيها تجـي طوعـات=تجي لي على كيفـي ولاهـي بتعصانـي
سبحنا بحور الشعر فـي المـد والغبـات=وخذيت البيوت اللي جزيـلات وسمانـي
وصرفت القوزافي صرف دولار وجنيهات=من حساب بنك داخـل الصـدر مليانـي
وقلبـي مديـره والتفاكيـر صـرافـات=ولساني حسابي نقـد صاحـي وفهمانـي
ليا شاب طرق القاف واعطيته الوجهـات=اسوقه كما ينسـاق فـي دربـه لسانـي
بغيت اتريح ميـر ماعـاد بـه راحـات=لفاني كتـاب هيـض القلـب واشقانـي
بغيت المنام ولا حصل للكـرى فرصـات=عدا النوم هاجوس رمـع بـي وقزانـي
وشغل الحواس الخمس ماعاد فيه سكـات=ليا صار ابن مسفر على القاف جارانـي
هلا مرحبا والف هـلا وابـرك الحـزات=بخط الرفيق اللـي مـن البعـد نادانـي
بعث بالبيوت اللي على الطرس مرسومات=مع هل الركاب اللي على الوصف تنصاني
ولفوني وقالوا لـك مكاتيـب ورسـالات=وعطنا علومك يا ابن باني مـن الانـي
وقلت اقلطـوا لـدلال بالكيـف مركيـات=وبعدهـا نقلطكـم علـى قـرح الضانـي
وقالوا غنيت إنـا ورانـا بعـد شغـلات=ولا تحير الطرقي ليـا صـار عجلانـي
وقلت اصبروا ياهل الركايب قدر ساعات=اعطيكم علومي من لصيـدق لصدقانـي
اعطيكـم بيـوت كنهـا الـدر منقيـات=سوات الذهب بنحور خـدرات الاعيانـي
وبعدها فمـان الله خـل النضـا هجـات=كبار الترايب وصل ابوهـا مـن عمانـي
صغـار المواطـي والذراعيـن مبريـات=ووساع النحـور وكـن الازوار تيجانـي
واصايل عن عيال المجهاهيم محفوظـات=وعليها الاشـده كلهـا صنـع نجرانـي
روحـوا للسليـل دار حمايـة الساقـات=وردوا سلامـي للوداعيـن مـن دانـي
وحصوا معيضٍ بالعلـوم الخصوصيـات=حمايـض علومـي بلغوهـا كحيـلانـي
مع ازكـى سلامـي والتحيـات مثنيـات=سـلام نثنـي بـع علـى لاد ودعانـي
نحاز الحريب وريف من لحقهم خصـات=كبار الصحـون مضيفـة كـل جيعانـي
قـروم سوالفهـم جــداد وعامـيـات=لهم في مجال الطيـب تاريـخ واعلانـي
ودو جارهم من جدرهم يوم طاح ومـات=اقول الكـلام اللـي ليـا قيـل وكدانـي
وباقـي سوالفهـم تـورخ ومعروفـات=نفاخر بهـا وانـا بنـي عـم واخوانـي
وختام الكلام ازكـى صـلاة وتسليمـات=على المصطفى سيد البشر نسل عدنانـي

س : كتاب ((من قصص وأشعار وسامة عصا الجار)) هو من تأليفك .. و نريد منك نبذه عن مشوارك في تجميع هذا الكتاب ؟

ج : خطرت الفكرة على بالي من مده طويلة وبدأت في تأليف هذا الكتاب من بداية عام 1425هـ حتى صدر في عام 1429هـ وأسميته بهذا الاسم نسبة إلى سلم الدواسر المعروف وهو وسم العصا للجار والخوي علماً إن من أسباب نجاح هذا الكتاب هو مساندة بعض الرجال الأوفياء من قبيلة الدواسر الذين ساندوني مادياً ومعنوياً ولا يسعني إلا أن أتقدم لهم بجزيل الشكر و العرفان وعلى رأسهم الشيخ عمر بن محمد بن خشنان المخاريم الذي تكفل بدفع تكاليف وطباعه كتابي على نفقته الخاصة وهذا ليس بغريب على أبو فهد ، كما اشكر كل من الأستاذ قبلان بن محمد الحزيمي الدوسري والأستاذ الباحث التاريخي مسفر بن محمد الشرافي والأستاذ الشاعر عبدالله بن حمير السابر الدوسري والأستاذ عبدالله بن راجس الخضاري الدوسري الذين وقفوا بجانبي وقفة صادقه في كل ما أحتاجه لإنجاح هذا الكتاب .

غلاف كتاب ((من قصص وأشعار وسامة عصا الجار))



س : هذا الكتاب حاز على رضا الكثيرين من أبناء القبيلة ويخبرني احد سكان محافظة الخرج يقول في أحد المكتبات كل يوم تنزل 15 نسخه ولا يأتي بعد العشاء إلا جميعها قد بيعت وعليها طلب وإن دل هذا على شي فيدل على أنك أحسنت تأليف الكتاب و قد وفقت في اختيار اسم الكتاب إلا أن هناك يوجد بعض من المنتقدين الذين ينتقدون بصوره عكسية .. ماذا تقول لهم يا أبو باني ؟

ج : أبى الله أن يجعل الكمال إلا له ومن ألف فقد استهدف ورضاء الناس غاية لا تدرك وان أصبت فمن الله وان أخطأت فمن نفسي والشيطان وأرجو المعذرة إذا حصل قصور فوالله انه غير مقصود وإن الدواسر عندي أقصاهم وأدناهم في الحق سواء .

س : هل هنالك نسخه ثانيه لكتاب من قصص وأشعار وسامة عصا الجار أم تكتفي بالنسخة الأولى ؟

ج : نعم ، هناك كتاب تحت الإنشاء وربما يحمل اسم آخر يليق بأحد مسميات القبيلة إنشاء الله وأرجو من الرواة والمهتمين في جمع موروث القبيلة ومن لديه قصص من جميع قبائل الدواسر إن لا يبخل بها علينا وله منا جزيل الشكر.

س : نريد منك قصيده من إختيارك :

ج : هذي مرثية في والدي رحمه الله وأسكنه فسيح جناته ، أقول فيها :


دنياك ياجاهـل فيهـا لهـا هـده=تسقيك من كدرها من بعد صافيهـا
لابـد رجـل جهـل دنيـاه لابـده=تذوّقه مرّها مـن عقـب حاليهـا
اتغفله ميـر تالـي وقتـه تضـده=تغريه بالزين مير الشيـن تاليهـا
تطحن رحاها غضب وتعد له عـده=الين كبـده بحـر النـار تكويهـا
وانا كوتنـي بكيّـة نـار ومجـده=بيـن المعاليـق بينـتٍ مواريهـا
جتني نهار الثلاثـا خيلهـا كـده=غارت علي غارةٍ مانيب ناسيهـا
تغير وتواصل الهجمـات مرتـده=لين افجعت روحي القشرا بغاليهـا
الغالي اللي رحل عنـا قبـل مـده=سافر وانا رجعته مانيـب راجيهـا
رحل نهار الفراق و واصل الشـده=وانا اونس النار في قلبي وكانيهـا
ابوي عز الرفيق وضد من ضـده=راعي يمين على الطاله مضريهـا
وان كان ثار الصياح بساعة الشده=واهل البنادق تلوو فـي كرازيهـا
يقدم على الموت مايعطي عنه صده=ويحول أهل المحاجي من محاجيها
يوم الردي لابدا الماجوب ماسـده=مافاد في حاضر الدنيـا وماضيهـا
وابوي يبكونه الشجعان مـن بـده=والا الردي كبوته ماعندنـا فيهـا
يزعل ويرضا على كيفه متـى وده=نفس مازعلتها مانيـب مرضيهـا


س : أبو باني والدك رحمه الله شاعر .. يا ليت تذكر لنا بعض من قصائده ؟

ج : قصائد والدي رحمه الله كثيرة ولكن لم يحضرني منها إلاّ القليل ومن قصائدة قصيدة قالها في خوالة آل شافي من آل أبو فريّه المخاريم عندما تغرّبوا عن ألديره عدة سنوات فمر على غار كانوا نازلينه فهاضت قريحته بقصيدة لم أحفظ منها إلاّ هذه الأبيات ، ويقول فيها :


ياليتني ماجيت مدها لهم في الغـار=وطيته على اللي بدل السير زوما لي
تنحوا خوالي دونهم نوست لأخبـار=هل الكيف والردات لا ثّرب التالـي
مشب المنارة مابنو من وراه وجار=خوالي هل النالات ذربين الأفعالـي
كم ذود مصلاح شعوه وخذوه جهار=مضاهير نجمٍ عرضوه أشهب اللالي


وهذي أبيات من إحدى قصائده في الهجن ويفدي عليها بالسيارات لأنه يرى إن السيارات تتعطل والهجن ما عليها خوف :


عسى الموتر اللي يختلف فدوة العيرات=كبـار الثمايـل مبعـدات المصابيحـي
يازينهـا لاروحـت فوقهـا كيـفـات=عليها ربوعٍ مـن لأدانـي مفاليحـي
ناخذ على عوص النضا ياحمد سجـات=ويا ماحلى ركب على الفطـر الفيحـي
متان لياقفّـت ولا ناحـرت حسنـات=وليادهمـت جـا للأشـدة تصاييحـي
على كيف اهلها وثنةٍ وان بغو عجلات=بتر المفخوذ من الغوارب مواضيحـي
حـرار تشاقرهـا وفيهـا عمانـيـات=تخـم الوعـر لا لوحـو بالملاويحـي
تشادي لصيد من حجا الرجم مرميـات=رماها المبندق عقب مالاعها الريحـي


س : أبو باني حدثنا عن قبيلة الدواسر وسلومهم وعوايدهم ؟

ج : قبيلة الدواسر قبيلة من اكبر وأشرس القبائل في الجزيرة العربية وتنقسم إلى جذمين كبيرين وهم (تغلب وزايد) وكل من الجذمين يمثل الأخر في الأفعال الطيبة مثل الشجاعة والكرم وغيرها من الأفعال الحميدة وتمتاز قبيلة الدواسر بسلوم وعوائد وأفعال لا توجد إلا فيهم بدون قصور في حقوق القبائل الأخرى فمنها على سبيل المثال إجارة المستجير الذي تعذره القبائل , ومنها وسم العصا للجار والخوي , ومنها عدم بيع الماء , ومنها عدم بيع اللحم , ومنها عدم دخول النساء على القصاب لغرض شراء اللحم بحيث إن دخول المراءة على القصاب من أكبر المعيبات في سلم الدواسر , ومنها عدم منع أهل الحلال من دخول المزارع بعد الحصاد بدون مقابل لأن جميع المزارعين في المملكة لا يسمحون بدخول أحد في مزارعهم كود بمبلغ مادي وكذلك يعرفون الدواسر بزود الكرم فمن كرمائهم أيام العسر والمجاعة عامر بن بدران أمير الدواسر في عصره الذي ضيّف آل أبوهلال وقيل الضياغم بخمسه وتسعين ناقة ومن الغنم أكثر من ذلك بكثير وها هو شاعر بني هلال وقيل بن شهوان الضيغمي حيث قال :


وليلة وردنا العد عند ال زايـد=ليا قلن نها مـن جمامـه زاد
ضفنا وضيفنا بن بدران عامر=حييت يا غمـرٍ فلاحـه بـاد
فلا ظل الا ظل غارٍ من الصفا=ولا شيخ الا عامر بـن زيـاد
شيخٍ يسوق المال في يمة العدا=ونشر العدا من لايليـه يـذاد
ذبح لنا خمسة وتسعين فاطـر=والاكباش معها مالهن اعـداد
وعبا مزاهبنا على كثر عدنـا=وخلى الجمال تشيل كثر الـزاد

وكذلك هذال بن وقياّن الشكرة راعي الأحمر الذي إختار بناء بيته على مجمع الطرق التي تودي إلى بلاده الأحمر حتى لا يتعداه أحد من الضيوف وقيل إن ناره لم تطفي عدة سنوات والدليل قول الشاعر القحطاني حيث قال من قصيد طويلة نستشهد منها بهذه الأبيات :


كريم يابرق سمر يمتـه شـرق=أخايله لين أول الصبـح بانـي
يادار هذال لهـا رايـح البـرق=لعل يسقيها حقـوق الغشانـي
حر على حر ومجناه من غـرق=ماهو من اللي موكرة مشبهاني
عطيته لامن عطا يعطي الفـرق=ماهوب من يرتد فيهـا مثانـي
ياباني بيته على مجمع الطـرق=ويا مأخذ ضيف الحمر بالضماني

وكذلك غانم بن دليعه الودعاني الذي ضيف مجموعة من الضيوف وهو ضيف عند أهل الجنينه , والشاهد قصيدة واحد من جيران بن دليعه في وادي الدواسر :


مالي بدار شـد عنهـا غانـم=اقول لا عـل الحيـا زبارهـا
هو شيخنا وابوه قبله شيخنـا=هيف الغنم لامن دنـا جزارهـا
قصيرته ماهيب تمشي خايفـه=ولا يوايق مع فتـوق جدارهـا
جا قادمٍ صوب (الجنينه) ضايف=بغى يضيف فضافته خطارهـا

المبيعيج الودعاني الذي قتل ولده في ولد جاره , ومنها فعل فايز بن خليف الودعاني الذي دفع دية ولد جاره عندما انهال علية الجدار فقتله , ومنها احد رجال آل عويمر الوداعين الذي قتل أخوه عندما قتل خويّه , ومنها فعل قبيلة المخاريم الذين لا يقبلون الصلح في الرجل الواحد منهم إلا بقتل رجلين من اختصامهم , ومنها فعل المعيبيل المصارير الذي نحر ذلولة وقد جلدها سير واحد وأخرج خويّه من البير بعد إن وقع فيها , ومنها فعل خمسة أو سته من الوداعين وواحد من الشكره وواحد من الصخابره عندما تعطلت سيارة خويهم الشمري أيام حرب اليمن وفككوها وصله وصله وحملوها على سياراتهم وشالوا حملتها , وتعرف قبيلة الدواسر(بألقاب) منها خطلان الأيدي لزود كرمهم , ومنها وداية الجار من الجدار , ومنها مزبنة الدخيل هذا ما حبيت اذكره لمن تجهله بعض سلوم وعوايد قبيلة الدواسر .

س : حدثنا عن الدخيل عند الدواسر ؟

ج : يقول بعض الناس إن الدواسر ما يزبنون الدخيل فإذا رجعنا للصحيح فهو ما يزبن الدخيل عن الحكام من جميع القبائل بدون قصور في حقوقهم إلا الدواسر أما الجيرة التي تعمل بها بعض القبائل بما يسمى سنه وشهرين فهو سلم تعمل به بعض القبائل بين أفراد القبيلة فقط ولكن إذا جاهم دخيل من خارج القبيلة لا يطبقون عليه هذا السلم ولا يقدرون الوقوف في وجه غريمة إذا كان بالذات حاكماً أما الدواسر فيعتبرون هذا السلم معيبة في سلومهم لأن الدوسري لا يرضى أن يرى قاتل أبيه أو قاتل أخيه أو قاتل ابنه بالعين المجردة كل يوم وهو لا يقدر على أخذ الثار بحيث إن غريمه كل ما مضى سنه جدّد مع فخذ من القبيلة ، أما إذا صار الدخيل من خارج القبيلة فهو لا يزبنه مثل الدواسر، وخير شاهد قصة ابن مطّرّف العجمي عندما جلاه الشريف حاكم مكة ذلك الحين وأعطاه الثلاث المهربات وقال أنا أصعقه لا أسمع وأعمى ما شوف حتى أقتلك وأي قبيلة تستقبلك سوف أقضي عليها من أولها إلى أخرها فهرب بن مطّرّف وزبن على قبيلة(....) فقالوا نحن لا نستطيع حرب الشريف فزبن على قيبلة (....) فتبادلوا الأراء والأشوار فاتفقوا على عدم إجارته فزبن على قبيلة(.....) فكثرت برائزهم فقالوا يا إبن مطرف مالك عندنا قعاد دور غيرنا من القبائل فزبن على الدواسر فقالوا مرحبا فأنت في ذرا الله ثم في ذرانا فعلم الشريف بأن الدواسر أجاروا بن مطرف فجهز الجيش بألات الحرب من مدافع وغيرها من الأسلحه وغزا على الدواسر وعندما علم الدواسر بقدومه وصار على مقربة منهم أرسلوا له مراسيل وقالوا نعطيك أعداد كثيرة من الإبل والخيل واعف عن دخيلنا فقال لا اسمح إلا بقتل غريمي فقالوا سوف نتشاور في الأمر ونخبرك فظن أنهم سيظهرون بن مطرف وعندما وصلوا المراسيل وأخبروا جماعتهم بكلام الشريف تجهزوا للحرب ونطحوه قبل أن ياصلهم فقامت الحرب بين الطرفين فانكسر الشريف وقتل واحد من الأشراف وقتل أعداد كثيرة من الجيش فاخذ الدواسر الغنائم من سلاح وخيل وهجن فقال بن مطّرف هذه الأبيات من قصيدة طويلة لا يحضرني منها إلا هذه الأبيات :


جلينا وجلانا الشريف بـن هاشـم=وذا طبع من جلا الشريف يخـاف
زبننـا علـى (......) ولازبنونـا=قلوبهم من يم الشريـف سخـاف
وزبننا على لما (................)=يدوسون الأريا والعـزوم ضعـاف
وزبننا على ........ لاكثر حيهـم=كثـار البرايـز والعقـول خفـاف
وزبننا صناديـد الرجـال ال زايـد=أطوال القنـا للحاربيـن إعسـاف
ومن قبلنا كم زبّنـوا مـن قبيلـه=وداووا عمى من لايشوف وشـاف
فيا نعم ياولد ابن خطاب في اللقـى=سيفه على راس الشريف أنصـاف
ويانعم بالشيـخ المبيعيـج ناصـر=جواده في العـج إتغبـا وتشـاف
وعمري سطا بالسيف والسيف باتر=جواده منهـا السابقـات إتخـاف
وترى عزوتي منهم إرجال ال فادر=غشاهم من البيضـا ذرا ولحـاف
عسى الله يحيهـا بـلاد ال زايـد=وعساها من عقب الربيع إتصـاف
ما زبن اللي مثلنـا كـون مثلهـم=كسروا عساكـر دولـة الأشـراف
يوم إصفقوا بالقوم في القوم فأرتكو=اثقال المواقف هم ذرى من خـاف


أما السلم المعروف عند أكثر القبائل في الجزيرة العربية الذي هو سنه وشهرين حسب ما رواه لي بعض كبار السن , كان متداول بين أفراد قبيلة الدواسر كأمثالها من القبائل في قديم الزمان فقتل أحد أفراد القبيلة رجل أخر فرّد الشأن عند أحد رجال القبيلة وبقي صاحب الثار لا يقدر على أخذ ثاره خوف من أحداث مشكلة مع جماعة الرجل الذي أجار الجاني فقال أحد جماعة صاحب الثار هذه الأبيات محرضاً هذا الرجل على اخذ الثار :


محى الله من يرضـى بسلـم يذلـه=عساها على قبـره تركّـز نصايبـه
جزاء من نزل صوب الطمانه من العلا=و رضى بسلم يلحقـه منـه عايبـه
تدور السنين وهـو يعايـن غريمـه=ولضا النار في قلبـه توقـد لهايبـه
الى صـار مـادزه برمـح مشلشـل=من الخلف ويطيّر من احدى ترايبـه
يبقى علـى الدنيـا سـواد بوجهـه=وله علّـة بيمـوت ماهيـب طايبـه

فسمعها صاحب الثار فقتل غريمه وسار على إثرها مشاكل فرفضوا عموم الدواسر هذا السلم الذي اعتبروه معيبة بينهم إلى يومنا هذا .

س : حدثنا عن قبيلة المخاريم وعن سلومهم وعوايدهم ؟

ج : المخاريم من الدواسر هم أبناء منيع بن سالم بن زايد الملطوم ، أما مواطنهم التي يملكونها ويقطنونها في البر فهي منطقة الهضب ومنطقة صاحة ويحد ديارهم من جهة الشمال قبيلة عتيبة وقبيلة قحطان ومن جهة الغرب قبيلة سبيع ومن جهة الجنوب والشرق فتحدهم ديار قبائلهم الدواسر,ولهم من الهجر في منطقة الهضب هجرة بلثقى , هجرة العسيلة , هجرة النميص , هجرة أبو سرحه , هجرة مكلبّة , ولهم في منطقة صاحة هجرة صاحه , ولهم في وادي قمران هجرة قمران , أما عزوتهم فهي ألاد منيع نسبة إلى جدهم منيع بن سالم بن زايد , أما عوايدهم وسلومهم فهي صعبة جداً فمنها على سبيل المثال حماية الدخيل مهما تكون قوة خصمة ومنها أيضاً في أوقات الحرب إنهم يفزعون لمن يستنجد بهم ولا يستنجدون بأحد إذا صارت الحرب عليهم , ويشتهرون بفعل لم يفعله احد من قبلهم ولا من بعدهم بدون نقصاً في حقوق القبائل الأخرى وهو إذا قتل رجل منهم لا يقبلون الصلح إلاّ بقتل رجلين من أخصامهم حتى عرف عند القبائل رجّال المخاريم برجّالين واستمروا على هذا الحال حتى عهد الدولة السعودية الأولى على يد الإمام محمد بن سعود وبعد انتشار الدعوة على يده رحمه الله وعلى يد الشيخ محمد بن عبد الوهاب رحمه الله وبعد قيام الدعوة في وادي الدواسر على يد الأمير ربيع بن زيد المخاريم أمير وادي الدواسر في عصره حيث قام رحمه الله بنشر الدعوة السلفية في وادي الدواسر بمناصرة قبيلته المخاريم له ومن معهم في سبيل الدعوة إلى الله حتى عم الدين أرجاء وادي الدواسر ثم ابلغ ربيّع قبيلته المخاريم حيث قال إن أمركم في قتل رجلين من أخصامكم في الرجل الواحد منكم أمر لا يرضاه الله ولا رسوله إنما النفس بالنفس والسن بالسن والعين بالعين فامتثلوا لأمر الله ورسوله وتراجعوا عن بطشهم وجبروتهم , أما المخاريم فهم ينقسمون إلى أربعة فروع وهم : آل ابالديون , آل معيلي , الضبان , الهمله .

وبلادهم في وادي الدواسر هي المعتلا , الزويراء , وتقع في قلب محافظة الوادي ويوجد بها ثلاثة مراكز حكومية , مركز المعتلا القديم المخاريم ويعمل عليه الشيخ محمد بن جلعود آل ربيّع , مركز المعتلا المخاريم ويعمل عليه الشيخ محمد بن سلطان آل ربيّع , مركز الزويراء ويعمل عليه الشيخ ظافر بن مشبب الهلقمي .

س : حدثنا عن الأمير ربيّع بن زيد رحمه الله ؟

ج : الأمير ربيّع بن زيد المخاريم أمير وادي الدواسر في عصره حسب ما أورده العلامة المؤرخ حسين بن غنام في كتابه تاريخ نجد , وحسب ما أورده المؤرخ الشهير عثمان بن عبد الله بن بشر في كتابه عنوان المجد في تاريخ نجد انه بعد ما اقر الدعوة السلفية في وادي الدواسر وهدى الله به كثير من الناس استمرت غزواته بقبيلته الدواسر , منها غزوته على بيشة حيث غزاها بالدواسر ونزل في الجنينة والشقيقة وصار يعاقب عليها جيشه ورجاله حتى بايعوه أهلها على الدخول في الإسلام ثم أمر فيها سالم بن شكبان ثم بعد ذلك غزا بالدواسر على رنيه وبنا فيها قصر ووضع فيه ألة للحرب وكثير من الطعام لكن أهلها لاستطاعوا الحرب ولا الخروج منها فبايعوه على الدخول في الإسلام ثم أمر فيها سعيد بن قطنان وكذلك قاد الدواسر بأمر من الإمام عبد العزيز بن محمد آل سعود إلى الجمانية لمساندة بعض شيوخ القبائل , منهم الشيخ ابن قرملة شيخ قبائل قحطان والشيخ محمد بن ربيعان شيخ قبائل الروقة من عتيبة والشيخ فيصل الدويش شيخ قبائل مطير وبمساندة بعض القبائل مثل العجمان , سبيع , السهول , للوقوف في وجه الشريف حاكم مكة في ذلك الحين حتى هزموه ومن معه , أما الأمير ربيع بن زيد فهو تولى أمارة الوادي سنين طويلة وكان مقر إمارته رحمه الله في قصره الموجود حالياً في بلدة المعتلا والمسمى بالمقصورة ثم تولى الأمارة بعد وفاته ابنه قاعد , وربيّع هو المقصود في قصيدة الشاعر عساف بن ناصر بن مبخوت المخاريم حيث قال :


منا ربيع نصرة الديـن والهـدا=بنور يقدي في الدجا من سرابها
حوّل على غتم القرايا المضلـه=عمر مساجدها ووضـح كتابهـا
بنا بيوت العز بالسيـف والقنـا=وصلوا صلاة بعضهم مارضابها
وأرث لنا من ترثة الجود عصبه=كل المراجل ماسكيـن عقابهـا
شياب وسم الخير باعلى وجيههم=مثل الجبال مزبنة مـن رقابهـا


س : هل قلت شيء من القصائد تخص قبيلة المخاريم ؟

ج : في الحقيقة أنا لا أحب الخصوصيات ولكن في يوم من الأيام كان فيه رجل صديق لي وكان هذا الرجل يعرف الكثير عن قبيلتي المخاريم وفي أحد الأيام قال لي يا بو باني هل المخاريم لهم أفعال معروفه وأنا أدري انه يقولها عن طريق المزح فقلت له أصبر علي ربع ساعة وأعطيك الخبر, فكتبت هذه الأبيات وأعطيته إياها ، وأقول فيها :


الا ياصديقي ليـه عنـا اليـوم تسـال=مع انك تعرف امجادنـا أول وذالحينـي
اباعلمك مير افهـم العلـم دون جـدال=تمعن كلامي وافتـح سمـوع الأذنينـي
إذا انك تجاهلنا فباعلمـك فـي الحـال=اباعلمـك ذالحيـن ماهـوب بعديـنـي
ترانا الرجال اللي لنا في العـلا منـزال=ولامـن تعزوينـا تهجـد الشياطينـي
وترانا رجال في اللقـى نكعـم العيّـال=ولاخيـر فـي هـرج بليـا براهينـي
مخاريـم معروفـيـن تاريخـنـالازال=يجدد وعرف بنصـرة الحـق والدينـي
مخاريم لامن ذبح مـن ربعنـا رجـال=ماناخذ قضاه من العـدا كـود رجلينـي
ثنين بشرط انهم يكونون مـن لأبطـال=والأنذال مانقضي بهـم نائـب الدينـي
مخاريم معروفيـن لاصـك جـال جـال=عصاة العرب يقفـون عنـا مطيعينـي
ومن لاذ بحمانا غدينـا عليـه ضـلال=على الجار سهلين وعلى الضد قاسيني
وإبنا الهضب وآمنة حدوه سهل واجبال=تبيـه القبائـل ميـر حنـا معييـنـي
حماته رجال والمراسيـم روس رجـال=نرسّـم حـدوده بالرجـال المسمينـي
ومنا ربيّع نصرة الديـن صـال وجـال=بوقتٍ مضى فيه أكثر الناس عاصينـي
وهداهم إلى الإسلام في كل ابو لاحـوال=إلين اصبحو بأركان الإسلام راضينـي
وتأمر على الوادي على اجيال بعد أجيال=و وقاد الجيوش اللي تـدك الميادينـي
وله هيبة منهـا رزيـن العقـل يهتـال=وتواريخ نجـدٍ لـه عليهـا عناوينـي
هذي نبذةٍ عـن لابـةٍ توفـي المكيـال=ألاد المنيعـي ملحقـيـن المخليـنـي
وتمت وصلوا عـدّ مـا يمطـر الهمـال=علـى سيـد الأمـه رسـول الثقلينـي


وعندما أعطيته القصيدة قال المعذرة والله إني قلتها قصدي أمزح معك ولا دريت انها بتصير في خاطرك فقلت له أنا ما صار في خاطري شي لكن هذا للإيضاح فقط .

س : ماذا تقول عن الشاعر خلف بن هذال العتيبي عندما نسب وسم العصا لقبيلة عتيبه ؟

ج : خلف بن هذال ينطبق عليه البيت العربي ، إللي يقول :


إن كنت تـدري فهـذي مصيبـة = وان كنت لاتدري فالمصيبة اعظم


لقد شاهدت احد القنوات الفضائية ورأيت الشاعر خلف بن هذال العتيبي يلقي قصيدة نسب فيها وسم العصا لقبيلة عتيبة حيث قال في بيتين من القصيدة :


قصيرنا يامن ورا الوجه ماخاف=يرقد وتحماه السلوم الصريحـه
نأسم عصاه ولو يبا حج وأطاف=تحت الحما ماواحـد يستبيحـه

وفي الحقيقة أن أول من سن وسم العصا وعمل به في الجزيرة العربية لحماية الخوي والجار والدخيل هم قبيلة الدواسر وهو سلم من سلومهم وفخراً من مفاخرهم وليس لقبيلة عتيبة ولا لغيرهم من القبائل الأخرى بدون نقصاً في حقوقهم لكن وسم العصا عند الدواسر شيء تعرفه جميع القبائل إلا من يتجاهل الحقائق علماً بأن قبيلة عتيبة قبيلة عزيزة ومن أشهر القبائل في الجزيرة ولها تاريخ مشرف ولها من السلوم والأفعال الحميدة والأمجاد ما يبيّض الوجوه ويطلق الألسنة وليست بحاجة لأي سلم من سلوم القبائل ينسبه خلف بن هذال بالظلم والكذب سواءً وسم العصا أو غيره من السلوم , وأنا في الحقيقة من المتابعين لقصص وقصائد عتيبة ولم أسمع ولو بيت واحد لأحد من فرسانهم و شيوخهم القدامى ولا من شعرائهم في الماضي والحاضر من يتطرق لوسم العصا وهذا دليل قاطع على أن وسم العصا ليس لهم , وزوداً على ذلك اتصل الشاعر حسين بن ضيف الله الكبرى الدوسري على الشاعر الكبير غازي بن دخيل الله بن عون العتيبي وسأله عن وسم العصا فأجابه قائلاً إنه ليس من سلوم عتيبة فأنا الحقيقة أشكره جزيل الشكر على إظهار كلمة الحق .

أما الشاعر خلف فهو لا تخفاه سلوم القبائل وعوايدهم لكن لا أدري لماذا تجاهل هذا السلم الواضح كالشمس ، ومهما يكون الأمر لا يصح إلا الصحيح علماً بأن وسم العصا عند الدواسر له شواهد من خارج القبيلة و أكثرهم من قبيلة عتيبة فمن الشواهد بيت من قصيدة للشاعر عبدالله بن نايف بن عون العتيبي في مراسله بينه وبين الشاعر حسين بن ضيف الله الكبرى الدوسري ، إللي يقول فيها :


مانزلنا الهدب ياحسين عندك بالقصير=ولاوسمت عصينا مثل من تاسم عصاه


ويقول الشاعر مرزوق بن معتق المقاطي العتيبي :


سلام الله عليكـم يالدواسـر=أهل وسم العصا لاصرت جاني

ويقول الشاعر سلطان بن نايف الحويقل العتيبي :


عن القبائل يفرقون الشياهين=في حاجة وحدة ولابه بدلهـا
وسم العصاعند الثقات الثقيلين=مافيه حيٍ قبلهـم قـد فعلهـا
ويقول الشاعر علي بن بلال اليامي :


بني زايد اللي تنطح الضد فـي الميعـاد=دواسر تمكـن فـي عداهـا مضاربهـا
هل العرف واهل السيف والمنسف المعتاد=واهل جيرة ياسم عصا الجـار صاحبهـا

ويقول الشاعر مانع بن شلحاط العجمي :


وصات الرسول المصطفى طبقت باحكام=وكنه يخص الدوسـري خيـرة الأمـه
يسوقون جار البيت لوصابته لاسهـام=ويدله غريب الـدار معهـم ولا همـه
ووسم العصا ماحد سبقهم عليه شمـام=هنا الفرق ياللي تحفظ العلـم وتضمـه

ويقول الشاعر سيف بن سعيد الجروي القحطاني :


جار الدوسري يمشي وهو ماعليه قيود=بعد مايسلـم لـه عصاتـه وياسمهـا


وغير هذه الشواهد أكثر مما ذكرته بكثير لكن نكتفي بما حصل ، ولو استشهدنا بقصائد شعراء الدواسر فانه لا يوجد شاعر من الدواسر إلاّ وتطرق لهذا الموضوع في قصائده ، أما الشاعر خلف بن هذال فقد رد عليه شعراء من الدواسر لكن لا يحضرني منها سوى قصيدة الشاعر ماجد بن عيسى بن خفران المساعره الدوسري الذي رد بقصيدة وافيه جزلة يستحق الشكر عليها حقيقةً وإن دلت هذه القصيدة فإنما تدل على قوة شاعريته ومعرفته الواسعه وحكمته ، ويقول فيها :


يقـول مـن يـارد بقولـه وينـشـاف=قـدم الرجـال أهـل الوجيـه الفليحـه
ابني على قاف مـن الحيـد مرصـاف=وارفع صروح فـي العلالـي المشيحـه
واليا صرفت ارهي علـى كـل صـراف=فكـري ورا سبـح الكواكـب سبيحـه
طوفان جاشي لاصطفق وأعصف عصاف=تهتـز منـه الراسـيـات الرزيـحـه
عديت في شرع المعرفـه والأوصـاف=ردٍ يخـط بـكـل بيـضـا صفيـحـه
خـذ ياخلـف هـذال ردٍ علـى القـاف=الـلـي تمثلـتـه بنـفـس بجيـحـه
وزنك طفح كيله علـى ميـل واجحـاف=زليـت لـك زلـة لـسـانٍ جويـحـه
نحسبك كـان مـن العواريـف عـراف=إليـن منـك العلـم بـايـن نضيـحـه
عليك مشـروهٍ كبـر عـوف وكتـاف=عمد الخطايـا مـن الصفـات القبيحـه
لو اختصرت بمدح مجمـول الأوصـاف=وتفصيـل زيـن أم الخـدود المضيحـه
مالحقتـك شرهـه ولا منطـقٍ حــاف=ولاطحت فـي مـوج الخطايـا الفديحـه
لكـن فـي مدحـك لربعـك تــزلاف=علـى السلـوم الواضحـات الصحيحـه
وربعك عتيبه مرويـة حـدب الأسيـاف=أهـل الـوزان اللـي كففهـم رجيحـه
اهل الفخر والمدح فـي كـل الأوقـاف=وأهـل السلـوم الوافيـات الوضيـحـه
لطامـة العايـل بضربـات الأعـنـاف=وذباحـة الحـايـل بيمـنـاً سميـحـه
مايكتسون مـن العـواري والأسـلاف=وامجادهـم مـن قبـل مدحـك مديحـه
ويش وصلـك حـد الطمـع والتزهـاف=تنقش على وسـم العصـا لكـن قيحـه
وسم العصا سلـمٍ لمـن مجدهـم نـاف=روس الجبـال النايـفـات المصيـحـه
سلم الدواسر مـن قديمـات الأسـلاف=ولا يقـدر أحـدٍ غيـرنـا يستبيـحـه
لوياخلـف تنشـد تواريـخ الأعـراف=تشهـد بنطـق العامـي والفصيـحـه
بوسم العصا نفرق على سبع الأطـواف=سلـمٍ بطيـب العـز ينـفـح نفيـحـه
وباعلى المكارم نتسـم سلـم واهـداف=والعـز يقـدح مـن سطرنـا قديـحـه
دواسـر نسقـي العـدا سـم الأتـلاف=علـى العـدا منـا هجـاد وصبيـحـه
واليـا تعلوينـا علـى كـل مـزغـاف=وعلـى النقـا واجـه نطيـحِ نطيحـه
بنحورنـا خيـل المجـاويـخ تـنـلاف=ولاتنتـداوى مـن طعـنـا الجريـحـه
خطلان الأيدي ممنـة كـل مـن خـاف=فـي ضلنـا عنـه المعـادي نزيـحـه
كم بيـرقٍ جانـا جموعـه لـه ارداف=ومن فعلنـا راحـت جموعـه طفيحـه
زدنا وزدنـا بالفخـر عـز واشـراف=وراياتنـا فـي كـل علـيـا مليـحـه
خوينـا والجـار فـي عـز واكـنـاف=عـز وفخـر مايشتـكـون الجنيـحـه
ومن سلمنا ما يـاز الأجـواد مـزلاف=وقلـب العـودو مالـه علينـا فريحـه
والا مشيـنـا بالخـفـا والتضـعـاف=وراع الخـطـا مانرقـبـه يستميـحـه
نضرب علـى العايـل وراع التعجـراف=ضـرب النيـازك بالشهـاب المضيحـه
من مال عـال وشـال حمـلٍ بلأكتـاف=ومن رزحتـه يكثـر رغـاه وفحيحـه
ومـن لايحسـب للعواقـب والأكـلاف=يصبـح وقـا روس النيـاب الكليـحـه
والحق لـه سيـفٍ سطـي ٍ وقصـاف=يسطي علـى صـم العضـام المتيحـه
هذا الكـلام اللـي بـه العقـل يكتـاف=وعـن طـول مـاروده يكفـي مليحـه
علـمٍ يابـن هـذال يسمـع وينشـاف=واذنـك تسمـع لـه وعينـك شبيحـه


س : أبو باني ياليت تخبرنا عن المعارك التي صار فيها مناوخ بين المخاريم وأحد القبائل ؟

ج : نعم ، المعارك التي صار فيها المناوخ كثيرة وسوف أعطيك موجز عن بعضها فمنها على سبيل المثال هية الشبيكه وهي بين المخاريم وسبيع وبعض من البقوم وكان النصر للمخاريم وخير شاهد أبيات من قصيدة للشيخ سيف بن محمد بن كلاوى حيث قال فيها :


جانا من الحـرة بقـوم وسبعـان=والكل منهم راح ينـزف صوابـه
من ضرب جبعاً فعلها في العدو بان=طريحهـا داجـت عليـه الذيابـه
سبعة عشر منهم على الجال طيحان=واللـي صويـبٍ ماعرفناحسـابـه

وحنا لا نذكر مثل هذه القصص نقصد بها إثارة النعرات أو نقصد بها هضم حق لأحد من القبائل كل من القبائل فيه حقه من الشجاعة والعلوم الطيبة ولكن الأيام يوم لك ويوم عليك والحقيقة تقال سواء لنا أم علينا .

أما المعركة الثانية فهي معركة قهب الخضر وهي بين العجمان بقيادة الدامر ومعهم عدد قليل من القحاطين وبين المخاريم وكان عدد غزية العجمان تسع مائة رجل والمخاريم لا يتجاوز عددهم أربعون رجل على رأسهم الشيخ سمرة الهلقمي واستمر القتال من طلوع الشمس حتى غروبها وكانت الغلبة للمخاريم والشاهد بيتين لأحد شعراء العجمان حيث قال :


الدوسري سـد الطريـق=والبل تهايـق مـن وراه
والله أن يموج من الطريق=وألا يجـوز مـن الحيـاه

فقال أحد شعراء المخاريم :


والله ما موج من الطريق=لعيون مـردوع الشفـاه
ياذيب ياعجـل الرميـق=رد الخبر لاهل الحصـاه
تسع أمية وإنـا فريـق=والذيب نرهي له عشـاه
من ضربنا راحو طقيـق=ياويل منـا فـي نحـاه

ويقول هادي بن فلحان أحد شعراء المخاريم في عصره عندما أبلغه رجل يقال له جمعل :


علم لفابه جعمل ما طرب البـال=امسيتنا والنـوم ماعـد جانـي
ياراكب من فوق ماتقطـع الـلال=بنت أركٍ وألاّ ضروبـة عمانـي
تلفي بني عمي ذرا المجرم الذال=لامن وزاهم بايـق فـي لأدانـي
قد جاهم الدامر بسيـرات وادوال=ارجـال يـام كلهـم وأقحطانـي
ونطحوه ربعي ضاهرين من المال=من دون خلفات قمعهـا متانـي
وهم اربيعين مايزيـدون رجـال=كبارهـم واصغارهـم والعوانـي
ذيب السلاميـات ياكـل ويكتـال=ياكل حويل عقب ثالـث زمانـي
كم فاطر من حجزها نيهـا مـال=عيو عليهـا شاربيـن الوزانـي
ياليتني معهم ولو كنـا ماحتـال=لو كان في شل المزرج وكانـي

ويقول الشاعر الهذيه الودعاني في هذه المعركة هذي الأبيات من قصيدة طويلة :


يذكر لنا الغاوي غـزا فـي جـرده=تسـع اميـة يقولـهـا حـزارهـا
يـام مداجـرة الملـوك بروسـهـا=لاجات ضو الحـرب تشعـم نارهـا
يـام هـل الـردات مـن عاداتهـم=نعم الرجال اللـي تشيـع أذكارهـا
يـاقـوم ماقـوادكـم بمـشـبـب=والله انكم أمحق من تعلوى اكوارها
ياقوم طحتـو فـي مـورّث سالـم=لاد المنيعـي مرخصـة عمـارهـا
واهـم اربعيـن مايزيـدون واحـد=والنـار شبـت بينكـم باقطـارهـا
صارت سباع الخضر تاكل من العرب=تجدل من الشيخان فـي مجحارهـا
ياذيـب لا تاكـل لحـوم (بصيـص) =وألاّ الرجـال الباقـيـه ودارهــا
خله وخل (السيلامـان) أهـل السخـا=كبار الصحـون ومكرمـة خطارهـا

(بصيص) و (السيلامان) المذكورين في القصيدة كلهم من مشاهير العجمان .

س : ممكن تذكر لنا سالفت الدويخ ؟

ج : سالفة الدويخ بن شداد القحطاني وقصيدته عندما أخذ ذلولة بن رشيد أمير حائل في ذلك الحين حيث أتوا مزكية بن رشيد ليأخذوا زكات اهل الوادي وكان بن رشيد إذا علم بذلول طيبه أخذها من صاحبها ولو بالقوة فعلموا مزكية بن رشيد بذلول الدويخ وأخذوها وذهبوا بها إلى حائل وادخلها بن رشيد في حوش الهجن المنقية , أما الدويخ فلن يجد له حيله في استرجاع ذلولة فقصد له قصيدة يستنجد فيها بالشيخ سمرة الهلقمي وجماعته المخاريم حيث إنهم اهل فزعة ومعروفين بنصرة من يستنجد بهم حيث قال في قصيدته :


يافاطري ياللي تشيلين الأضماد=نوب مع قوم ونـوب وحدهـا
انا احمد الله يومهـا ذم بجـاد=شوق الطموح اللي تنثر جعدها
ذم لصبيان المنيعـي بالأكـاد=قوم تسرع بالبلى في هددهـا
حلفتنا اني ماقتفيهـم بسـوّاد=مادامت الدنياوهم في طردهـا

وعندما وصلت القصيدة إلى الشيخ سمرة الهلقمي رحمه الله تخير رجال من المخاريم وأرسلهم إلى حائل في طلب الذلول فواصلوا السير حتى وصلوا إلى حائل فقتلوا حارس الهجن واخذوا ذلول للقحطاني واتوا بها إلى الهلقمي فسلمها لصاحبها ثم بعد ذلك رد الشاعرمترك بن عبد الله بن فلحان المخاريم رحمه الله قصيدة رد على قصيدة الدويخ حيث قال :


ياراكب اللي كنهـا الهيـق لاحـاد=مالمسها المرقاع فـي خـف يدهـا
تنصى الدويخ من ورا ضلع مغمـاد=ثم بشـره بالفاطـر اللـي فقدهـا
لاهو قصير ولا خويٍ علـى الـزاد=مير قومتنا ابياتـه اللـي قصدهـا
حطيتهـا ذم لنـا يابـن الأجــواد=وإنـا برييـن مـن اللـي عمدهـا
من بعدهـا راحـو مناعيـر الأولاد=ثم جوبها غصب من اللـي جحدهـا
من وسط حائل جوبها غصب واعناد=قوم تواعدكـم وفـت فـي وعدهـا
جتك الذلول وفوقها الخرج واشـداد=وتفقـد اللـي باقـي مـن وهدهـا
هذي عوايدنا على وقـت الأجـداد=لاكبرت القاله نجـي فـي نصدهـا


س : ممكن تفيدنا ما سبب تسمية سمرة الهلقمي( بجّاد) ؟

ج : اللي أعرفه عن هذا اللقب أن الشيخ سمرة إذا أراد الذهاب لأي ديره من ديار القبائل لطلب الربيع أنه يبجد أي ديره يريدها بدون يعلق العاني عند أهلها , هذا على حسب ماسمعته من بعض كبار السن والله أعلم .

س : أبو باني هل ممكن تفيدنا عن بعض غزوات المخاريم ؟

ج : المخاريم لهم مغازي كثيرة ومنها غزوتهم على قبيلة المقطة من عتيبة وأخذوا منهم أعداد كثيرة والشاهد بيتين من قصيدة للشيخ موفي بن وحيمد آل عيسى ويذكر في القصيدة الشيخ جهجاه بن حميد حيث قال في قصيدة لا يحضرني منها إلاّ هذين البيتين :


طق جهجاه ورا السنفان ذايـر=عقب ضرب الصمع طيار عيونه
لاحضرنا عند جهجول العشايـر=حالـف يافيدنـا ماياخـذونـه


ومن غزوات المخاريم غزوة الشيخ شافي الرفيدي آل أبو فريّة حيث غزا ومعه بعض من المخاريم على أهل الوديان في ضواحي الحجاز وأخذوا أعداد كثيرة من الإبل وأتوا بها إلى وادي الدواسر فوزع بعضها على كبار أهل الوادي وكان خراجه في تلك الغزوة مائة ناقة وضحا ، والخراج هو : كل ما يختاره عقيد القوم من الإبل المكسو به بحيث يخرج من كل ابل أطيبها فيسما ذلك الخراج .

ومن الغزوات أيضاً شافي الرفيدي آل أبو فريّه حيث غزا في إحدى السنين ومعه ركب من المخاريم باتجاه منطقة ظلم وكسبوا ابل كثيرة وفي أثناء رجعتهم بالإبل قل عنهم الماء ولحقهم ظمأ شديد ولأفيه موارد على طريقهم سوى بئر تسمى العويجا وهي في ديرة عتيبة وتقع جنوب الحوميات وكان ماء هذه البئر هماج أي ملح فورد الإبل عليها ورووا صملانهم منها وواصلوا السير حتى وصلوا ديار قبائلهم ، ويقول الشيخ شافي الرفيدي هذه الأبيات :


لوا هني العذب ساحـب ثيابـه=مالوّحت رجليه يبرى هل القـود
ماشاف ظلم زامي فـي سرابـه=والهجن قدهي مع قرأ الحزم يبود
وتالي شرابه جغمة فـي قرابـه=راقـت مـع شـقٍ وهـو كـان
ولاخذا من ما العويجـا نهابـه=من الضما يشرب قراح وهو دود


ومن غزوات المخاريم غزوتهم على إبل الخنافر وآل سويدان من قحطان وكان عقيد القوم في تلك الغزوة الشيخ ظافر الهلقمي فأخذوا أبل آل سويدان وهي في ضواحي جبال السيدان فأتوا بها وفي طريقهم صادفوا إبل الخنافر فأخذوها إضافة إلى إبل آل سويدان بعد أن حصل عندها معركة عنيفة بين الطرفين فصارت الغلبة للمخاريم وراحوا بالإبل بعد أن قتل من القحاطين المحسن بن حويزي , من آل سويدان والمسكون من الخنافر , وابن مهجد , وابن زرجان , علماً بأن ابل الخنافر وابل آل سويدان لم توخذ من قبل إلاّ على وقت المخاريم فالناس على هذه الدنيا غالب ومغلوب .

س : أبو باني ممكن تخبرنا عن أسماء شعراء المخاريم القدامى أيام المغازي والمعارك القديمة ؟

ج : من شعراء المخاريم القدامى الذين سمعت عنهم من كبار السن : 1 – عيد بن فاضل آل معيلي المخاريم . 2 – الفلاحين مترك بن عبد الله بن فلحان وإخوانه وهم أيضا من آل معيلي المخاريم 3 – ظافر بن محمد بن الخناء من النمارين من المخاريم

س : منهم شعراء المخاريم الذين لحقت عليهم أنت ؟

ج : الشعراء الذين لحقت عليهم كثيرين ولكن لا أستطع سرد أسمائهم كلهم ولا أقدر أذكر إسم أحد منهم وأترك الأخر .

س : منهم شعراء المخاريم في الوقت الحالي من الشباب ؟

ج : شعراء المخاريم من الشباب كثيرين وكلهم فيهم الخير والبركة وفي مقدمتهم إلى الآن كل من الشعراء : مفرج بن ناصر بن جنبان المخاريم و مشبب بن عرنان بن القضيع المخاريم و سعد بن باني بن عقاب المخاريم و سعود بن عبدالله المخاريم .

س : ممكن تعطينا نبذة بسيطة عن الهضب وعن مسميات بعض موارده وبعض معالمه ؟

ج : الهضب هو ملك المخاريم من الدواسر من قديم الزمان وهم الذين صمدوا في وجيه القبائل دون حدوده , وتغنوا فيه شعرائهم بأكثر القصائد ومنهم الشيخ سيف بن محمد بن كلاوى المخاريم ، حيث قال :


يرسخ بنا هضب رسا بين عـدوان=كل يبي مـن شربـة منـه قرهـود
شددت اخو هملا ولا نيـب غلطـان=يمشي بسلـم الزايديـة ولـي زود
شرط شرطته رضي به واهو غضبان=شروطنا تمشي على طالـب الـزود

ويقول الشاعر مترك بن فلحان المخاريم :


من الحفاير الى الضيرين ماليّه=واسيولها كل عدٍ خربت جالـه
هضب حمينا جنابه بالكريزيـة=وان طاح فيه أجنبي ماحد شاله



أما مسميات بعض موارد الهضب وبعض معالمه البارزة فقد قام وفد الموقع برحله توثيقية مع ضيف اللقاء الشاعر والباحث التاريخي محمد بن باني المخاريم وهي كالتالي عبارة عن لقطاة مصوّرة من الهضب ذاتها :


جبال الحمره وهجرة آل خشنان


أيضا من جبال الحمره


جبل نشب


جبل الدهم


هضبة خزام


سد مويسل


سد مطيريحه


سد عليق


أيضاً سد عليق من جانب آخر


أحد آبار عليق


آحد آبار عليق وتصوير مقرب


أحد آبار مطيريحه


يحامر القمرا


هجرة بلثقى


غيران مطيريحه


لوحة مشروع الأمير عبدالرحمن بن عبدالعزيز الخيري


جبال الحمرة

(من أشهر معالم الهضب البارزة) : حمرة بن ونيّة من المخاريم وتعرف عند أكثر الناس بحمرة الهضب حيث قال فيها أحد الشعراء من قصيدة طويلة :


ارسخي ياحمرة الهضب والبسي الجمال = دام صبيان المنيعي على قيـد الحيـاه

والحمرة فيها موارد كثيرة منها : ماسل , ومويسل , وفغران , والحدرج , وسقمان , والمضل , و بئر الشيخ عمر بن محمد بن خشنان المخاريم .


بدوه السفلى ويظهر من اليسار جبل العسيلي

(جبل بدوة السفلى) : من معالم الهضب البارزة جبل بدوة السفلى وفيها أبار كثيرة ، منها على سبيل المثال : سمر وهو لـ آل عيسى وآل كلاب من المخاريم , ومنها أم شيعه وهي لـ آل عيسى ,ومنها العاجا وهي لـ آل عيسى , ومنها الرويقي وهو لـ آل كلاب , ومنها ماروك وهو لـ آل معيلي .


مركز العسيله


جبل بدوة العليا

(جبل بدوة العليا) : هي من أكبر المعالم البارزة وفيها أبار بلثقاء وكذلك هجرة بلثقاء وهي لـ آل عيسى المخاريم ويوجد بها مسجد جامع ومساجد أوقات , ومدرسة بنين , ومدرسة بنات , وكذلك في بدوه العليا أبار أبو سرحه وكذلك هجرة أبو سرحه وهي لفخذ النمارين من المخاريم .


جبل الحندقي الأحمر

(جبل الحندقي الأحمر) : هو من معالم الهضب البارزة , ويوجد به بئر تعرف بإسم الحمراء وهي لـ آل عيسى المخاريم .


جبل العرفا

(جبل العرفا) : هضبة وتقع جنوب بدوه السفلى وهي من أبرز المعالم في الهضب وليس فيها أبار وهي للمخاريم .

(جبال عليق وعلاق) : هي من أبرز المعالم في الهضب ويوجد بها شعب عليق وهو شعب فيه أبار كثيرة وهو من أقدم الموارد في الهضب وتعود ملكيته لفخذ آل معيلي وفخذ آل أبا الديون من المخاريم وكذلك يوجد بها شعب علاق وفيه أبار قديمه وتعود مالكيتها لـ ’ل عيسى المخاريم وعلاق هو الذي حصلت فيه المعركة بين المخاريم وقبيلة بني هاجر بقيادة الشيخ بن شبعان وكان النصر لقبيلة المخاريم ، حيث قال أحد شعراء المخاريم هذين البيتين من قصيدة طويلة :


اكسو علاق جوخة يابن شبعان=لولا علاق كـان هلكـو يمنـا
وعكيرمه بالرمح قد دز ليفان=كله لعين اللـي جعـوده تثنـا



منظر من سد (الهباله)


جبال الضيرين

(جبال الضيرين) : هي تقع في حدود المخاريم من جهة الشمال .


جبل التيس

(جبل التيس) : هو جبل أسود اللون وهو معلم بارز جداً ويقع في أعلى الحزم وهو للمخاريم .


جبال القرينات

(جبال القرينات) : هي من المعالم البارزة المعروفة في الهضب وتقع شمال غرب جبل الرحيل وليس فيها شيء من الأبار وهي للمخاريم .


صورة لهجرة العسيلة ويظهر خلفها جبال بدوه العليا وأمامها جبل أم ولع يساراً وصاهوده يميناً

(هجرة العسيلة) : تعدّ من اكبر هجر الهضب وهي لقبيلة الضبان من المخاريم ، ويوجد بها مركز العسيلة ويعمل عليه الشيخ براك بن سلطان بن دريميح المخاريم , ويوجد بها مركز صحي , ويوجد بها مدرسة بنين وكذلك مدرسة بنات , ويوجد بها مسجد جامع ومساجد أوقات ومركز أمني تابع لمحافظه وادي الدواسر ومركز شرطة .


جبال نشب

(جبال نشب) : هي تقع في الحزم في ديار المخاريم .

(جبل يحامر الهضب) : هو من المعالم المعروفة في منطقة الهضب ويقع شرق أبار عيبان وشمال وادي مطيريحه وغرب هجرة خزام وهو للمخاريم .

صور ولقطات مصوّرة من للقائمين بهذه الرحلة الإستكشافيّة :









س : هل من كلمة أخيرة في نهاية اللقاء ؟

ج : أشكر كل القائمين على موقع قبيلة المخاريم الرسمي من إدارة ومراقبين وأعضاء على ما قاموا به وسيقومون به أنشاء الله في المستقبل فيما يخدم القبيلة في جميع المجالات واكرر الشكر لإدارة الموقع ، وأمل أن يحوز اللقاء على رضا الجميع و أيضاً أحب أن أشكر أخي الغالي شافي بن مبارك القويسي مراقب عام الموقع على جهوده و تمثيلنا في الكثير من المنتديات الخاصة بقبيلة الدواسر و أنا شاهدت قسم في الموقع بإسم ديوان شعراء قبيلة الدواسر و القائم عليه شافي القويسي فهذه فكره تحسب له وهو سباق للطيب دائماً و بيض الله وجهه و هذه أبيات بسيطة في أبو مبارك أختم بها اللقاء وهي لن توفيه حقه ، وأقول فيها :


أهدي من الأعماق شكرٍ وعرفان=عليك ياراعي العلـوم الجزيلـه
لك يالقويسي ننشـره ياكحيـلان=تستاهله ياللـي خدمـة القبيلـه
مثلتنا في المنتدى سر و إعـلان=وخدمتنا عسى حياتـك طويلـه
الاحسان يا شافي يجزا بالاحسان=واللي زرع له زرع يجني حصيله
ثنّوا عليك اللي لهم بالوفا شـان=واللاّش ماله في مجاراك حيلـه

ختاماً ، بإسمي وإسم إخواني أعضاء مجلس إدارة الموقع الرسمي لقبيلة الدواسر العريقة وكافة المراقبين والمشرفين نتقدم بالشكر الوافر لضيف هذا اللقاء الشاعر الكبير والباحث التاريخي محمد بن باني المخاريم على هذه المعلومات القيّمة التي قدمها للمطّلع من خلال هذا اللقاء الثريّ ، وكما نشكر له أيضاً توجيهه بنقل هذا اللقاء من الموقع الرسمي لقبيلة المخاريم إلى الموقع الرسمي لقبيلة الدواسر العريقة ؛ وذلك إيماناً منه على الصدى الواسع والتأثير الكبير الذي سوف يحمله هذا اللقاء للمطّلعين والباحثين عن المعلومة الصحيحة عن قبيلة الدواسر العريقة ، وأيضاً كما نشكر القائمين على الموقع الرسمي لقبيلة المخاريم بالتعاون معنا وذلك لكي يتمّ نقل اللقاء هنا عبر الموقع الرسمي للقبيلة .



(صوت قبيلة الدواسر)
منتدى قبيلة الدواسر الرسمي
www.alduwaser.org/vb

 

 

 

 

    

رد مع اقتباس
قديم 22-09-2009, 11:21 PM   #2
 
إحصائية العضو







ابن شميعان غير متصل

ابن شميعان is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

لا هنت يابو محمد على نقلك لي القاء وبارك الله فيك


تحياااااااتي لك


نايف ابن شميعان

 

 

 

 

 

 

التوقيع



اشكر اختنا العنود على التوقيع

    

رد مع اقتباس
قديم 23-09-2009, 01:19 AM   #3
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

لاهنت يا بو محمد على هذا النقل الموفق ونشكر

منتدى المخاريم على هذا اللقاء الشيق

ولا خلا ولا عدم

 

 

 

 

    

رد مع اقتباس
قديم 23-09-2009, 02:51 AM   #4
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

لاهنت يابو محمد على هذا اللقاء الطيب وكذلك الشكر موصول للشاعر والباحث القدير محمد بن باني المخاريم على نقل هذا اللقاء هنا في المنتدى الرسمي لقبيلة الدواسر والشكر موصول إيضاً للإخوان اللذين قاموا بعمل هذا اللقاء.
ويستاهلون لاد المنيعي كل علم طيب وحقهم وافي أول وتالي ورحم الله الشاعر محمد العبيد المخاريم القائل:
لابتي لاد المنيعي موطية الصعوب
تحتسي حسو النواميس في محيانها
وان وزاهم مجرم لازم غصب يتوب
يرجع لربه ويعتاذ من شيطانها
إلى آخر القصيدة وعز الله كفو قول على فعل .
لاهنت مرة أخرى وللجميع ودي وتقديري ،،،

 

 

 

 

    

رد مع اقتباس
قديم 23-09-2009, 03:22 AM   #5
 
إحصائية العضو







ابوبدر المصارير غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

ابوبدر المصارير is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

تغطيه مميزه لاهنت يابو محمد الله يعطيك العافيه

 

 

 

 

 

 

التوقيع

[IMG][/IMG]


توتر

@11_sa3od

    

رد مع اقتباس
قديم 23-09-2009, 06:52 AM   #6
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

لاهنت يا بو محمد على هذا النقل الموفق ونشكر

منتدى المخاريم على هذا اللقاء الشيق

ولا خلا ولا عدم

 

 

 

 

    

رد مع اقتباس
قديم 23-09-2009, 10:04 AM   #7
 
إحصائية العضو








سعيد الصخابره غير متصل

سعيد الصخابره is on a distinguished road


:r-r-5: رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

نشكر الأخوان الي سوو القاء مع الشاعر محمد بن باني المخاريم


وعندي طول الله عماركم ملاحظه انتوا مقصرين شوي مع شعار الدواسر وهم كثيرون

وياكم منهم شاعر جزل مهضوم حقه إعلامين وأذكر منهم الشاعر دهيمان الهوامله صاحب القصيد الطيب والشيلات الحلوه وعزف الربابه والشاعر محمد بن قحيفان الخضران وغيرهم كثير لكن هذولا ء شعرهم له ذوق خاص


واتمنى من اخواني الأعلاميين في منتدى الدواسر الرسمي ان لايبخلوا علينا مثل هذه اللقائات والمنتدى اولى بها .


ومشكورون مره ثانيه ولكم تحياتي .

 

 

 

 

 

 

التوقيع



f-P-i-11@hotmail.com

    

رد مع اقتباس
قديم 23-09-2009, 10:07 PM   #8
 
إحصائية العضو







غازي المسعري غير متصل

غازي المسعري is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

لاهنت يا بو محمد على هذا النقل الموفق ونشكر

منتدى المخاريم على هذا اللقاء الشيق

ولا خلا ولا عدم

 

 

 

 

    

رد مع اقتباس
قديم 23-09-2009, 10:36 PM   #9
 
إحصائية العضو







أبـ ريماس ـو غير متصل

أبـ ريماس ـو is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

كل الشكر لمنتدى قبيلة المخاريم الرسمي لاجراء اللقاء الشيق مع الشاعر والباحث التاريخي محمد بن باني المخاريم والذي لا يقتصر بقبيلة المخاريم فقط بل لقبيلتنا الدواسر العريقه كافه جهد صراحة يشكرون عليه...
والشكر موصول لادارة منتدى الدواسر الرسمي على نقل اللقا
تقبلوا شكري

 

 

 

 

 

 

التوقيع

    

رد مع اقتباس
قديم 24-09-2009, 11:10 AM   #10
 
إحصائية العضو







دغش محمد الصخابرة غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

دغش محمد الصخابرة is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

لاهنت يا بو محمد على هذا النقل الموفق ونشكر

منتدى المخاريم على هذا اللقاء الشيق

ولا خلا ولا عدم

 

 

 

 

    

رد مع اقتباس
قديم 24-09-2009, 01:17 PM   #11
 
إحصائية العضو







أفلاطون دوسر غير متصل

أفلاطون دوسر is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

موضوع تاريخي نشكر القائمين عليه و الشكر موصول للشاعر ابن باني و كنت أتمنى رؤية مجاراته للشاعر طلال السعيد

 

 

 

 

    

رد مع اقتباس
قديم 24-09-2009, 11:46 PM   #12
 
إحصائية العضو







عســافةالخيل غير متصل

عســافةالخيل is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

الله يعطيكم العافيه على اجرء اللقاء مع الباحث

وازادتنا بمعلومات قيمه عن القبيله

تحيتي

 

 

 

 

    

رد مع اقتباس
قديم 26-09-2009, 04:10 AM   #13
 
إحصائية العضو








ناصر بن فهد غير متصل

وسام الدواسر الفضي: للأعضاء المميزين والنشيطين - السبب: النشاط والتميزوسام الخيمة الرمضانية 1430هـ الفضي لصاحب المركز: الوسام الفضي لصاحب المركز الثاني بالأفضلية - السبب:
: 2

ناصر بن فهد is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

تغطيه مميزه ولا هنت يا ابومحمد



ولا هان من قام في هذا اللقاء




ونشكركم على التعب والمجهود المبذول





الله يعطيك الف عافيه






*
*

آحتــــرآمـــي

 

 

 

 

    

رد مع اقتباس
قديم 26-09-2009, 04:18 AM   #14
 
إحصائية العضو







ابومبخوت الدوسري غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

ابومبخوت الدوسري has a spectacular aura aboutابومبخوت الدوسري has a spectacular aura aboutابومبخوت الدوسري has a spectacular aura about


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

لاهنت يا بو محمد على هذا النقل الموفق ونشكر

منتدى المخاريم على هذا اللقاء الشيق

ولا خلا ولا عدم

 

 

 

 

    

رد مع اقتباس
قديم 26-09-2009, 11:26 AM   #15
 
إحصائية العضو







خالد المشاويه غير متصل

خالد المشاويه is on a distinguished road


افتراضي رد: الشاعر الكبير والباحث التاريخي محمد بن باني يرصد رحلة توثيقيّة مصوّرة حول بعض أملاك قبيلة المخاريم ويتحدث عن تاريخ القبيلة بتفصيل ( لقاء - صور )

لاهنتو على هذا اللقاء الرائع واخص بالشكر لأخواننا محمد بن فرحان المخاريم وسعود بن مسفر المخاريم وبيض الله وجيهم على هذا اللقاء والشكر موصول إلى ادارة منتدى المخاريم ومنتدى الدواسر الرسمي على هذا التعاون والله لايهينكم جميع

 

 

 

 

 

 

التوقيع

ماني من اللي زلة الصاحب لاجاته تفرحه = بعض البشر ماميّزت باصحابها وخصومها
وان جا يحرّث جمر صحبة عمر بالطيب اطرحه = لي عادةٍ يوم العرب بطبوعها وسلومها
يوم الجدي ماغاب نجم سهيل بالعام المحه = مراجلٍ تحضر مع الموسم تغيب نجومها
والقرم فعل الغانمة عند اللوازم مشلحه = والا الضعوف ضعوف لو تكشخ بكل هدومها

    

رد مع اقتباس
إضافة رد


الذين يشاهدون محتوى الموضوع الآن : 12 ( الأعضاء 0 والزوار 12)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 07:01 PM


Powered by vBulletin® Copyright ©2000 - 2024, Jelsoft Enterprises Ltd.
---