الأمير محمد السديري و رد زبن بن عمير

[معلومات العضو يحيى الودعاني]

السلام عليكم ورحمة الله وبركاته

مداعبة إستفزاز

وفي أحد الفترات لم يقول الشاعر زبن بن عمير العتيبي أي قصيدة غزلية وهذا الشئ أثار فضول الأمير محمد بن أحمد السديري الدوسري حين واجه الشاعر عمير بن زبن بن عمير وساله عن والده بأبيات شعرية والغرض منها تهييض شجون والده

ياعمير خبرني عن العود هو تاب = وقضب طريق ملفلفين العمامة
و أعرض عن الزينات تلعات الأرقاب = وعوّد معيف وطالبٍ للسلامة
والا يصافح لاجلهن كل مرقاب = وعلى هوا قلبه تشيلة عظامة
منّولٍ سرجان عادي ونهاب =ودايم من الغارات تنطف إلكامه
واليوم مدري وش جرا له بالأسباب = ماعاد نسمع بالعذارى غرامه
والحروة إنه قاريٍ قروة الداب = وحتى خرزها ناظمه في حزامه
لو هو يتم الخمس في كل محراب = باقٍ بقلبه من هوى البيض شامه
الله يخون البيض غضات الأشباب = حطّن في هاك البراطم علامة
قلّه نبي منه البراهين بكتاب = وحنّا نميز غايته من كلامه
وياعمير قله مانسيته ولاغاب = لو كان في العارض وأنا في تهامة

فجاوب عمير بن زبن على قصيدة الأمير بدلاً من والده بهذة الأبيات

ياشيخ ياحلال عسرات الأنشاب = ياللي حويت المرجلة والشهامة
إن كان تنشدني عن العود هو تاب = ومسك طريق ملفلفين العمامة
أفيدك أنه تاب للرب وأناب = و أظهر على مافات منه الندامة
غض البصر من يوم شاف الشعر شاب = وخلا طواريق الهوى بانهزامه
ما عاد له بملاقف الصيد مضراب = لو يعترض قدام عينه نعامة
العود يوم إنه بغى الصيد ماهاب = يلقف لهن مع كل نابي عدامة
وإليا نوى مهيب تنهار الأعصاب = يسطي إلى هاب الذليل الجهامة
واليوم تاب وخاطرة بس ماطاب = إلى ذكر بالكف رفع اللثامة
وده بطرد الصيد مع كل مهذاب = لاشك خالٍ الفشق من حزامه
ويخاف تال العمر من غضة الناب = ثمٍ تصير من العلامة علامة

فوصلت هذه القصيدتين إلى مسامع شاعر الكويت ((مرشد البذال)) فخرجة منه هذه الرائعة

بالله يالربع تكونتوا أحزاب = والكل منكم عارفينٍ مرامه
ترى دعاويكم على زبن تنجاب = هو وش حدث في حالته وش علامه
وترى كلام الود مابين الأصحاب = مثل المتاع الي لذيذٍ إدامه
يالربع عندي راي كان السهم صاب = شورٍ يخليكم بليا خصامة
لاتنذرونه ثم يجفل ويرتاب =تراه حذرٍ إلى إنتبه من منامه
أخذوه بالغفلة بلاجزر وعتاب = لينه يوقع بصمته في بهامه
أوصافكم هذي على الدرع من هاب = أوصاف بصري يوم يلبس حرامه
وأنا ترى مالي على زبن مطلاب = مالي سوى تقديرته وإحترامه
يوم الأمير بقصته بطل الباب = أنا سمعت أنه نديم الحمامة

وعند وصول هذه القصائد إلى الأمير خالد بن أحمد السديري الدوسري رد عليهم جميعاً قائلاً

يامن تعرضتوا لخطرات الأنشاب = ياللي على زبن تبون الزعامة
حظفٍ إلى حرك من الغاب وإنساب = كلٍ يدور من غثاه السلامة
لاهوب نشادٍ ولاهوب حساب = يركز على روس المشارف خيامه
حرّاب وإن جيته من البعد حرّاب = وعيدٍ لهل هجنٍ يبون الكرامه
ريفٍ لضيفه فاهمٍ كل الأداب = يفهم ولا ينشد لاكثروا خصامه
لاهوب عيالٍ ولاهوب هياب = يارد على الما ماحدٍ عنه ظامه
يارد على الما كان جا حزم كلاب = يشرب وبعض الناس يطرد جهامة
شوري عليكم لاتوطون الأنشاب = خصيمكم رحلٍ رفيعٍ مقامه

وعندما علم الشاعر زبن بن عمير أن الأمير خالد قال هذه القصيدة رد على الأمير

يعيش من جوّد مناسيب الأطناب = لاوى على عهد القديم ونظامه
أنا أشهد أنه من عريبين الأنساب = ومن إلتجابه ماتهزهز عضامه
أبو فهد خالد إلا كلّح الناب = هو عز من ضده زمانه وظامه
شيخٍ إلا منه نوى الدرب ماهاب =يمضي لمعركة الشرف والكرامة
يوم القا ماهزهزه ظرب الأطواب = مركاضه اللي بان يجلى الملامة
أحيا بفعلة ذكر أبازيد وذياب = بيوم الوديعة مثل كون الرغامة
جاء دون ربعه بالقاء درع وحجاب = ماهوب يوم الكون ثور عسامه
اللي ثنا دوني عن الربع الأقراب = يوم أنهم شدوا علي المسامه
أضحك لهم وأنا من الربع مرتاب = وأسكت وأنا ناوٍ لهم بإنبرامه
لو أنهم بالملتزم شدوا الباب = وصلّوا ورا ماطا الخليل ومقامه
العلم الأول مالهم عنه مجناب = يبو فهد مثل الرضيع و فطامه
يرهبنون وسحرهم وسط الأجياب = والله علم بأكل الطعام وحرامه
ظنيت بالربع ظنٍ ولا خاب = ظني بربعي زاد فوق العلامة
ومرشد فزع فزعة صديقٍ بمطلاب = ولاهوب ناوٍ للصديق بقوامه
يشير شور إن كان للشور مضراب = يسعى بصلح بنيته وأهتمامه
إن فاد ولا مشعل الحرب شباب = ولمقيط لو صارت تقوم القيامة

منقول.....

 

 

 

 

[معلومات العضو ابو فهد الغييثي]

الله يعطيك العافيه على طرح القصائد الرائعه والجزله

 

 

 

 

[معلومات العضو الهول الودعاني]

يعطيك الف عافيه اخوي على نقل القصايد الجزله

تقبل احترامي وتقديري

 

 

 

 

[معلومات العضو ابو زيد الغييثي]

لاهنت على هذا النقل

وجعل يمناك ما يجيها العطب

أخوكـ / ابو زيد

 

 

 

 

[معلومات العضو يحيى الودعاني]

ابوفهد الغييثي

الله يعافيك و يبقيك

 

 

 

 

[معلومات العضو يحيى الودعاني]

الهول الودعاني

الله يعافيك و يبقيك

 

 

 

 

[معلومات العضو يحيى الودعاني]

ابو زيد الييثي

لاندمت

و حياك الله

 

 

 

 

[معلومات العضو محمد الجبريني]

اخوي يحيى الودعاني
لاهنت وبيظ الله وجهك على نقل
هذي القصائد الجزله تقبل فاائق تقديرري

 

 

 

 

[معلومات العضو يحيى الودعاني]

يا هلا بخوي محمد الجبريني


حياك الله

 

 

 

 

[معلومات العضو المطنوخه]

اشكرك على نقل القصائدالجميله...

 

 

 

 

[معلومات العضو عزوة أخوها]

جميل أن يكرر ماهو مميز لجمالة وروعته فشكرا للأخ يحى الودعاني على أيراد هذه المداعبة والشكر موصول للأخ سعود بن أحمد السديري الذي أوردها سابقاً في موضوع مثبت في هذا القسم على هذ الرابط

http://www.alduwasser.com/vb/showthread.php?t=14972

 

 

 

 

[معلومات العضو السيف دايـم]

لاهنت يالغالي على نقل الجزل بيض الله وجهك

 

 

 

 

[معلومات العضو محمد الولامين]

لاهنت على نقل المجااااراااة بين الشاااعرين


في انتظااار جديدك

 

 

 

 

[معلومات العضو يحيى الودعاني]

حياك الله اختي معسفة المهار

 

 

 

 

[معلومات العضو يحيى الودعاني]

حياك الله اختي عزوة اخوها


و بيض الله وجهك على التنبيه


لاهنتي