ياطيب فعلٍ يالدواسر فعلتوه

[معلومات العضو راكان بدن السبيعي]

اتصل بي الأخل العزيز : سلمان الهدلا الرجباني

أثناء بداية التجهيزات الأولى لإقامة مزاين الدواسر مقدماً لي الدعوه بالمشاركه في أمسيات المزاين
فكتبت هذه الأبيات المتواضعه في ( خطلان الأيدي ) لعلّها ترتقي لذائقتكم

اللهم صلي وسلم على نبيّنا محمد :

اليا دعاكم داعي الطيب لبّوه=هذي عوايد كاسبين النفايل
مايلحق الطيّب ورا الطيب مشروه= يبقى كلام الصدق والشك زايل
ومن يسفه زحول الرياجيل مسفوه=ياعل جنسه فالرفاقه قلايل
وأنا دعيت وجيت والقاف خلّوه=عندي وأنا راع البيوت الجزايل
اطرب مع القيفان واسجّ واتوه=واتعب على الجزله بشتّى الوسايل
وصّوني السبعان والشعر وصّوه=بأنه يجمّلني مع أهل الجمايل
دواسرٍ راس الطويل اعتليتوه=سلايلٍ متسلسله من سلايل
اليا وقفتوا فاللزوم احتميتوه=وافعالكم ندّر ليا قال قايل
قد قالها (دسمان) قبلي وأنا أخوه=هذا الكلام اللي عليه الدلايل :
(ياطيب فعلٍ يالدواسر فعلتوه= فعلٍ سبقتوا فيه كل القبايل
حتى لو الناس بعدين سوّوه=أنتم هله من قبل وأنتو لأوايل)
أول مزاين يالدواسر جعلتوه=اشركتوا الضيفان ياهل الفعايل
وحتى ولدكم من مصيبته شلتوه=يوم أن ابن عواد شاف الهوايل
زهم زهم وأنتم على طول جيتوه=ماحالكم من دون فكّتْه حايل
خمسه معا عشرين مليون سقتوه=وقفة شرف تبرد كبودٍ غلايل
يحفظكم المعبود من كل مكروه=آمين يامحيي الثرى بالمخايل
ماقلت غير الصدق والكذب مشبوه=الصدق يبقى يارجال الحمايل
وختامها ياطيب فعلٍ فعلتوه=فعلٍ سبقتوا فيه كل القبايل

دسمان المذكور في القصيدة هو / شاعر القبيلتين الشاعر : دسمان بن مناحي السبيعي


تقبّلوا فائق التقدير

أخوكم / راكان بن بدن السبيعي

 

 

 

 

[معلومات العضو مشاري الرجباني]

اررررررررررحب



ياااااااولد الغلباااااااااااااااااااااااا






وصح لسااااااااااااااااااااااااااااااانك








وهذا من طيبك وشهامتك ...............




اخووووووووووووووووووووووووك





مشاااااااااااااي الرجباااااااااااااني

 

 

 

 

[معلومات العضو راشد المسعري]

الأخ الشاعر / راكان بن بدن السبيعي

صح لسانك على القصيدة الجزلة ولاهوب غريب عليك الطيب أنت وربعك ، وعز الله ما أخطى الأستاذ سلمان الهدلاء عندما وجه الدعوة لك للمشاركة في امسيات المزاين ، ونتمنى مشاركتك بإذن الله عز وجل وهذا يسعدنا ويشرفنا.
وكذلك لا أنسى أن نشكر الشاعر الكبير دسمان بن مناحي السبيعي على قصيدته التي اقتبست منها ( البيتين ) في قصيدتك وقد ذكرت قصيدة دسمان بن مناحي في هذا المنتدى أكثر من مرة وقد قام بمجاراتها أكثر من شاعر دوسري منهم على سبيل المثال شاعر المنتدى ( نايف بن مسرع ) وكذلك الشاعر ( سعد بن سالم الدوسري ) وإليك أنت والإخوان مجاراة الشاعر نايف بن مسرع لها:-

دن القلـم لـي ونـاصـع الـطـرس هـاتـوه=الـوقـت حـــان لـصـادقـات المـثـايـل
هـاج القصيـد وصابـنـي مـنـه مـشـروه=ولا جت مواجيبه يجيله ملايل
يزمـر كمـا حـر(ن) مــن الـوكـر هــدوه=ولا كـمـا واد(ن) مــن الـغـيـث سـايل
سمعتنا دسمان لافض له فوه=وطربتنا لأبياته اللي دلايل
يجبـرنـي المعـنـى عـلــى قـافـيـة أوه=ولا تــرى لــي فــي قصـيـدك مسـايـل
مدحـك بربعـي يافـتـى الـجـود سمـعـوه=وتـفـاخـروا بـــه يـاكـريـم الـسـلايـل
تثنـي علـى اللـي طـيّـب الفـعـل سـنّـوه=وتـوارثـوه مـــن الـجــدود الأوايـــل
آلاد زايــد مــن شـكـى الضـيـم لـبّـوه=ويـفـرح بـهـم منـهـو زمـانـه تمـايـل
والطـيـب فـنـجـال إلا مـنــه صـبّــوه=ينـسـاق لـلــي يكـسـبـون الجـمـايـل
ورجــم المعـالـي ياسبـيـعـي رقـيـتـوه=وســاع البـشـوت وكاملـيـن الخـصـايـل
وبافعالـكـم ثــوب الـمـراجـل لبـسـتـوه=وأشبـاهـكـم بـيــن القـبـايـل قـلايــل
يقـولـه الـلـي شــاف... مـاقـال قـالـوه=وعـاشـر نشـامـاً يكـسـبـون الـطـوايـل
حـازوا علـى الفـعـل الجمـيـل وتحـامـوه=وتـمـيـزوا بالـطـيـب بـيــن القـبـايـل
وهـذا جـوابـي يـاهـل الـعـرف حـطـوه=فــي صفـحـة(ن) فيـهـا تـخـط الفعـايـل

وسوف انزل القصيدتين بإذن الله في موضوع مستقل ، وللجميع مني أجمل الود والتقدير ،،،

 

 

 

 

[معلومات العضو هتلرالعرب]

صح لسانك وتستاهل الدعوه ياراعي الطيب

 

 

 

 

[معلومات العضو ابو زيد الغييثي]

أرررررررررررررررررررررررحب تراحيب البدو للربيع

يــا (( قـــرم الغلبا ))

صح اللسانكـ واعتلا شانكـ ولا فض الله فوكـ


كتبت فأبدعت وقلت فأصبت وما كذبت

دواسرٍ راس الطويل اعتليتوه=سلايلٍ متسلسله من سلايل
اليا وقفتوا فاللزوم احتميتوه=وافعالكم ندّر ليا قال قايل

ما عليك زود

اطرب مع القيفان واسجّ واتوه=واتعب على الجزله بشتّى الوسايل

يبين من الابيات

وصّوني السبعان والشعر وصّوه=بأنه يجمّلني مع أهل الجمايل

نعم الوصاه

ماقلت غير الصدق والكذب مشبوه=الصدق يبقى يارجال الحمايل
وختامها ياطيب فعلٍ فعلتوه=فعلٍ سبقتوا فيه كل القبايل

صادق وبيت من الحكمه يحسب لك

ورجم المعالي ياسبيعـي رقيتـوه=وساع البشوت وكاملين الخصايل
وبافعالكم ثوب المراجل لبستـوه=وأشباهكم بيـن القبايـل قلايـل

أهداء من ابيات نايف بن مسرع الى مقامك الكريم


ولاهنت يا راشد المسعري على لاضافة ابيات شاعرنا المتميز

نايف بن مسرع


أخوكـ


ابو زيد الغييثي

 

 

 

 

[معلومات العضو ابو المثنى التركي]

الاخ راكان بدن السبيعي صح لسانك
الاخ راشد المسعري صح لسانك

ومشكور ين للجميع

 

 

 

 

[معلومات العضو فيصل بن جزاء]

صح السانك ياراكان قصيده جزله يالقرم وماعليكم زود يالغلباا


خالص التقدير والاحترام

 

 

 

 

[معلومات العضو ناصربن محمد]

صح لسانك

 

 

 

 

[معلومات العضو سالم بن صمهود]

وصّوني السبعان والشعر وصّوه
بأنه يجمّلني مع أهل الجمايل
دواسرٍ راس الطويل اعتليتوه
سلايلٍ متسلسله من سلايل
اليا وقفتوا فاللزوم احتميتوه
وافعالكم ندّر ليا قال قايل
قد قالها (دسمان) قبلي وأنا أخوه
هذا الكلام اللي عليه الدلايل :
(ياطيب فعلٍ يالدواسر فعلتوه
فعلٍ سبقتوا فيه كل القبايل

راكان السبيعي
صح الله لسانك واعتلى شانك

 

 

 

 

[معلومات العضو رفيع النفس]

الاخ راكان بدن السبيعي صح لسانك
الاخ راشد المسعري صح لسانك

ومشكور ين للجميع

 

 

 

 

[معلومات العضو ابن ذيب الودعاني]

صح الله لسانك ولا على سبيع زود ونعم القبيلة في شجاعة وفي كرم والمراجل كلها حايزينها ووارثينها

 

 

 

 

[معلومات العضو دوســــــــري]

صح الله لسانك يالقرم ولا فظ فوك

تقبل مروري مع خالص التقدير والإحترام

أخوك / سعد بن أحمد بن سعد آل بوعلي الدوسري

 

 

 

 

[معلومات العضو ابو زابن المسعري]

الاخ الشاعر راكان السبيعي
صح الله السانك وبيض الله وجهك على القصيده الكايفه ولا عليكم زود

 

 

 

 

[معلومات العضو فارس الدواسر]

صح لسانك ياراكان يالشاعر الجزل.

 

 

 

 

[معلومات العضو أبـوشـبيـب @]

بيض الله وجهك على القول الطيب ...


ولاهي بغريبة على اللي مثلك..