|
|||||||
13-04-2007, 02:47 PM
|
#1 | ||||||||
|
أنخى الدواسر00
يـاالله ياعالـم خفيـات الأســرار=يـا واحـد كـل الخلايـق عبـيـده
يارب يا رحمـن يـا المغنـي البـار=يـا منتهـى كـل الامـور البعيـده ياثالـث ثنيـنٍ تشـرف بهـم غـار=يـا ناصـرٍ عبـده وجنـده شهيـده باسم الله ابدأ وانتهي به ولا احتار=والشعر شرياني وانا في وريده شاعر وخيال القوافي والاشعار =ذبـح القوافـي عادتـي والشريـده بـدع المثايل شاقني قطف الازهار=من كل بستان أعذب، احلى قصـيـده سلامٍ احلـى مـن لبـن در الابكـار=للي حضر أزكـى التحايـا عديـده ولهلي هل الطـالات ودّايـة الجـار=عيد القصيـد الـي تفاخـر فريـده ماجيت اغني فـوق الاطـلال تذكـار=ولا جيت اعدد مجدهـم في نشيده جيت اتفكـر وافتكـر شُلت أفكار=بالـلي نريـد وبالـلذي مـا نـريـده عندي لكم خمسٍ أنادي بها امرار=مانيب من ينقل خطاه وبديده الاوله تبغى العزم تبغي إصرار=سفك الدما 00والقتل صرنا نجيده انخى الدواسر عزوتي صغار وكبـار=ياسعد مـن صرتـوا نبـاه ورفيـده تكفـون ياكلل القبايل يــالاحــرار=أعيادنـا واعراسنـا فـي وقـيـده تقول فـي الفلوجـه اهتـزت ديـار=شب السمـا بـارود بـرق ورعيـده خافوا من الله قبل قصّـاف الاعمـار=من سن سنـّه سيئـه فـي رصيـده كم فاجعه جتنـا بـلا سابـق إنـذار=ماتنفع الأعـذار مـن طـاش حيـده والثانيه نر فع لها شعار وشعار=الجاهليه لاوله والجديده عيال آدم كلنا نن واحبار= عيال تسعه وقف ماحدٍ يزيده القبيله المنتنه كلها اخطار=ماهي علامة خير ياهي مكيده والثالثه جونا من الغرب ثوّار=سلاحهم أبيض عسى الله يبيده في بيوتنا عاثوا بنا عبر الاقمار=قناة سحر وعهر كانت بعيده ياكم وكم حرّه هوت سر وجهار=عقب الشرف والعز صارت وحيده وياكم وكم حرٍ تتقّا00 من العار=ماعاد به غِّيره وأريا سديده والرابعه لا للمخدروالأشرار=كمٍ شنب أصبح ذنب راح بيده والخامسه إصحب هل الدين الأبرار=إلا الصلاة إياك إحذر وعيده عليك بالتقوى وإحذر من النار=إبليس والشيطان ونفسٍ عنيده أصل الجروح قصاص يامحيي الثـار=تفكروا في مـا مضـى وش مفيـده لاهيب بالسنـه ولا عندنـا أخطـار=الحـمـدلله والحكـومـه رشـيـده ما مثلنـا والله فـي كـل الامصـار=أمن وأمـآن وغيرنـا فـي طريـده حكامنـا وملوكنـا أبرار وأخيار=من عهد بـو تركـي إليـن الوليـده عبد الله اللي شـرفه ربي وصار=عيـد القلـوب الـي تحبـه وعيـده خـادم بيـوت الله والسيـف بتـّار=إستأصل الإرهـاب واهـل المكيـده وسلطان عضده طير حـاران لاغـار=يدمي عدو الدين مـن قبـل صيـده وامير نجد ابو فهـد وافـي أشبـار=سلمـان يبقـى بيـرق العـز بيـده وختامها صلى الله على من هو إختار=الهـادي المعصـوم صفـوة عبيـده
|
||||||||
|
|
|
|
13-04-2007, 03:04 PM
|
#2 | ||||||
|
رد: أنخى الدواسر00
الاخ محمد صح لساانك ولاهنت على القصيده الجزله
|
||||||
|
|
|
|
13-04-2007, 03:06 PM
|
#3 | ||||||
|
رد: أنخى الدواسر00
الاخ محمد صح لسانك ولاهنت على القصيده الجزله
|
||||||
|
|
|
|
13-04-2007, 03:19 PM
|
#4 | ||||||
|
رد: أنخى الدواسر00
مشاركة جميلة تشكر عليها
|
||||||
|
|
|
|
13-04-2007, 07:44 PM
|
#5 | ||||
|
رد: أنخى الدواسر00
انخى الدواسر عزوتي صغار وكبـار=ياسعد من صرتـوا نبـاه ورفيـده
الشاعر القدير / محمد فراج الدوسري....صح الله لسانك ملاييين على الجزله ودايم وافي يابوفراج... بصراحه أبدعت يابوفراج....والدواسر كلها بتشوف ابياتك بإذن الله... مشكور وبيض الله وجهك وماقصرت وجعلها الله في ميزان حسناتك... تقبل تحياتي،،
|
||||
|
|
|
|
14-04-2007, 11:35 PM
|
#6 | ||||
|
رد: أنخى الدواسر00
ابو فراج
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 09:31 AM
