السيرة الذاتية لممثل قبيلة الدواسر بشاعر المليون بنسخته الثالثة الشاعر سلطان بن حسين المسعري

[معلومات العضو الإداره]

بسم الله الرحمن الرحيم الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار موقع قبيلة الدواسر الرسمي يسرني أن أقدم لكم اليوم وبين أيديكم و عبر هذا المنبر الكبير السيرة الذاتيه لشاعر القادم بقوه لساحة الشعر والشعراء وأحد شعراء موقع قبيلة الدواسر الرسمي الاسم : سلطان بن حسين بن غازي المسعري الدوسري طالب في جامعه الملك سعود بالرياض يقول ابوحسين في احد قصائده دقت هواجيسي على المعنا ويالله يامعين=على البيوت اللي تنومسني ليا عديتها رصيتها وصفيتها لين اصبحت عقد ثمين= يلمع بجيد اللي تجي عندي ليا ناديتها بنت من افكاري ليا جت حزة اللازم تبين=رهن الاشارة ماتشوف الساعة وتوقيتها لها شهر وشوي ترتع من ورى حصن حصين= واليوم زاعت تبغي الصيدة وانا هديتها تطلع مطاليع الحرار اللي على الضلع المكين=وتقلط على صفر الدلال اللي لها صبيتها وانا معودها على الجزلات والقاف السمين=ولاّ الهزيلة ماتجي عندي وانا ماجيتها وان كان لامن جبتها ماسرت المتذوقين=نذر علي اني لموت ولابعد غنيتها لكن انا ادري انها كفو يطرب لها القلب الحزين=ولو كان ماادري انها كفو ارتحت ماسويتها ماجبتها لجل الغرام ولجل صافية الجبين=ولاهمني لجنة ولا ناس ابي تصويتها كله لعينك يارفيع القدر ياطلق اليمين=دعوتك من باب المحبة والغلا لبيتها لنك كسبت الاولة مع الرجال الغانمين=ومدات جودك تخجل المعطين لامديتها يشهد لك التاريخ وزحول القبايل خابرين=كم حاجة شحوبها اللي يكنزون اموالهم واعطيتها تعطي لوجه الله وتقدير الرجال الطيبن=هذي تبينها والاخرى للحساب اخفيتها وانا مدحتك وامدحك وابامدحك في كل حين=وشلون ماامدح وانت رجلك سقتها واحفيتها على دروب المرجلة بالعزم والعقل الرزين=وصعب العقد باللين واسلوب سهل حليتها وان قلت عبدالله تجي كلمة نعم في كل حين=وان قلت ابوفهاد جبت المرجلة من بيتها تدري وش اللي ميزك ؟ اخذ الخير علم يقين= انك صبي قدام وعيون الحسود اعميتها وباقول مادامي وقفت ووقفة الرجال دين=وانا ليامني تدينت الديون اوفيتها يامرحبا ترحيبة تشمل جميع الحاضرين=قد قلتها قبلي وانا بسمك هنا ثنيتها ترحيبة ماتذكر الا للرجال الوافيين=عد النجوم اللي يقدي فالغداري ليتها يامرحبا باللي حضر يقلط على سمن وسمين =من فعل شيخ قدّر رجال يذعذع صيتها قبيلة الاشراف تعرف من قديمات السنين=وافعالهم يكفل لهم مجد العرب تثبيتها يوم العجم ترطن على جثة معاديها رطين=افعالهم ياليت من هو شافها ياليتها قامو بعون الله صبر والله وكيل الصابرين= لين اختلط حمر الجنايز حيها مع ميتها يردون حوض الموت والمشروب من ماء معين=ومن دون بيت الله هلا بالحرب لادنيتها وان جيت ابكمل يعجز التعبير يملي الكاتبين = وتجف محبرة الكتابة مابعد وفيتها وحنا على نفس السجية لا يسار ولا يمين = قبيلة تخضع صناديد العرب لطريتها دواسرٍ لا وقفو لابد للقاسي يلين=وليا غزو قوم كتب رب الملا تشتيتها اللي هرب وانحاش واللي مات بالسيف السنين= واللي جلس يجبر كسور مانفع توتيتها هذا قبل يوم العرب متناحرين وتايهين=تلعب بهم بقعا بفرحتها على تنهيتها واليوم فضل الله جعلنا تحت قايدنا الامين=القايد اللي صورته لاشفتها حييتها حييت يابومتعب وحياك رب العالمين=كمٍ جروح غايرة ياسيدي داويتها وحنا معك وامر وتلقانا جنود مخلصين= نقلط على حمر المنايا لاقدح كبريتها ماهمنا هرجة مضل ولا صياح الضايعين=اللي تفجر في المرة والطفل ديناميتها يبغون عز الدين في ذبح العباد المسلمين؟=للد درك يامليك العز يوم انهيتها وقبل النهاية ودي انصح دام لي عقل فطين=وبقول اربع من ملكت العقل ماخليتها افدى الوطن والدار واصلي وابر الوالدين=هذي هي اللي تبعد الضيقة ليا سويتها نشأته / نشأ في محافظة وادي الدواسر التابعة لمنطقة الرياض في كنف والده. وهو من مواليد عام 1411 هـ موهبة الشعر فيه منذ أن كان صغيرا ٌفكان مولعاً بالشعر يحفظه ويقوله بالمجالس وهذا مما جعله أكثر جراءه . بدأ الشعر في المناسبات الخاصة لقبيلته قبيلة الدواسر في محافظة وادي الدواسر مع شعراء غير بارزين . ووجد التشجيع الكبير من شيوخ وأبناء قبيلته وهذا مما شجعه للخروج للمناسبات العامة . وكانت أغلب محاوراته في منطقة الرياض فوفق الشاعر ونال إعجاب الجميع من قبيلته ومن باقي القبائل الآخرى . وأصبح الآن يتجوال في أنحاء مملكتنا العزيزة . ويقول في قصيدة اخرى اللي يلوم اهل الولع في هوى نجد=ماحط له في وسط نجـدٍ تواجـد نجد العروبة ديرة العز والمجـد=فيها مراابينا وضحـك النواجـد دارٍ غلاها حط له فالحشـا بجـد=مابيـن جبنـون المعاليـق باجـد هي دارنا يوم الرمك جالها سجد=يوم الحروب ويوم ملي المناجـد من دونها نهجد كبار العرب هجد=وكم شيخ قوم عن مناويه ساجـد لاجيتها وعديت في عالي الرجـد=وهموم قلبي فوق صدري تراجـد اجر صوتي وانظر التختخ البجد=واسلى عن همومي ولوكان واجد واخير من ذكر المحبين والوجـد=دعوتك لامن صـرت لله ساجـد وكذلك في دول الخليج أتته الكثير من الدعوات ولكن نظراً لضروف دراسته لم يستطيع الحضور هناك . قابل الشاعر عمالقة شعر المحاوره بالخليج العربي : رشيد الزلامي - بكر الحضرمي - حمدان العصيمي - عبد الله العمى - صقر سليم - حمد الشيباني -سعيد ابن رحمه - أحمد العنزي - تركي العصيمي -مسعود العصيمي - مبارك المري - فيحان القعياني - مبارك الدوسري - ويقول ابوحسين ياحسين يـوم انـك تنشدنـي عليـك الاستمـاع=مع ان بعض الاسئلـة ياحسيـن توجعنـي بهـا اخذ الاجابة جعلهـا ترضيـك قـدر المستطـاع=وانـا اتظاهـر كنـي ابيهـا وانــا ماليبـهـا والضيقة اللي تذبـح المشتـاق والدنيـا وسـاع=من فعل دورات الزمن في العاشقـة وصحيبهـا الله ياشين الفـراق اللـي بعـد طـول اجتمـاع=انـا اشهـد انهـا عـلـة مافـادهـا طبيبـهـا ولا يذبح الرجـال ويهـزه سـوى لحظـة وداع=لا طاحـت الدمعـة علـى خـده ولا يدريبهـا دمعة وفا ماهي تنقص مـن مواقيـف الشجـاع=لكن في بعض المواقـف دمعتـك تصخيبهـا ماهو بخوف من العرب خوفٍ من دروب الضياع=اللي يحـدك حزنـك وجـور الزمـن تمشيبهـا وان طعت شـوري لا تعنـا فالهجـوم فالدفـاع=الحاجـة الـلـي تـاخـذ الايــام ماتاتيبـهـا

 

 

 

 

[معلومات العضو ولد ودعان]

ونعم في الشااعر سلطان بن حسين المسعري ونسال الله له التوفيق

ومشكورين على هذه السيره الجميله

 

 

 

 

[معلومات العضو أبو سعود الودعاني]

والله والف نعم وكفوا

يستااهل كل خير

وبيض الله وجهه

يكفينا فخر انه وفي عمر الزهور ينااااد كبار الشعراء...


مع تمنياتي لأخي سلطان التوفيق في حياته العلميه والعمليه

تقبلوا خالص ودي وتقديري[/COLOR]

 

 

 

 

[معلومات العضو ساري الغدراء]

كفو يا سلطان بن حسين وانت خير من يمثل أبناء القبيلة من غير قصور في الباقين ولكن بروزك في هذا السن المبكر يدل على ان القبيلة ولله الحمد تضم فطاحلاً من الشعراء ولكنهم غنيين عن البروز في الإعلام ويتركون المجال للأشبال مثل سلطان وشرواه حتى لا تكون المنافسة فيما بينهم ولكن الأصح أن تكون المنافسة ضد الآخرين .
كفو يا إبن حسين سِر ونحن معك بقلوبنا وأصواتنا والغالي يرخص من أجل رفع رأس القبيلة التي هي غنية عن التعريف وتمطي صهوة المجد من قديم الزمان .

 

 

 

 

[معلومات العضو نديم القلم]

كفو والله يا ابو حسين تمنياتي لك بالتوفيق ان شاء الله

اشكر الادارة على هذا الموضوع

اطيب تحية

 

 

 

 

[معلومات العضو نايف الخييلي]

الله يحفظه

شاعر شاعر له مستقبل واعد , شاعر يمتلك الإلقاء الملفت والقصيد الجزل , الله يحفظه من العين والشر ويوفقه في حياته . أتمنى له الوصول للمراحل النهائيه في شاعر المليون.

 

 

 

 

[معلومات العضو الحميدي الغريري]

إخواني المجلس الإداري للموقع أشكركم على هذه النبذه الرائعة عن هذا الشاعر الذي له مستقبلٌ واعد ومميز بإذن الله تعالى ، ونتمنى أن يحضى بمراكز متقدمة بمسابقة شاعر المليون لنسخة الثالثة وامنياتنا تزداد معه كلما إزداد تألقاً على شاطئ الراحة ، وفقه الله في حياته الدارسيّة والعمليّة والشعريّة وتقبلوا فائق التقدير والإحترام أخوكم : أبومحمــد،،

 

 

 

 

[معلومات العضو زمان]

يستاهل ابوحسين
وبالتوفيق وإلى الأمام

 

 

 

 

[معلومات العضو سـ ع ـد]

ادارتنا الكريمة كفيتوا ووفيتوا والنعم بالسيرة وصاحبها وحقيقةً شاعرنا سلطان من الشعراء الذين اثبتوا وجودهم بين عمالقة الشعر في ما يقارب العامين واسأل الله العلى القدير ان يوفقه في مهمته الحاليه ويحقق المراكز المتقدمة في مسابقة شاعر المليون بارك الله فيكم على ماتقومون به من جهود سـ ع ـد

 

 

 

 

[معلومات العضو فيصل الشكري]

نشكر الادارة على السيره العطره لشاعر سلطان المسعري

ونسال الله له التوفيق في البرنامج


وتقبلوا تحياتي,,

 

 

 

 

[معلومات العضو خالد الوطيب]

كفــــــوااااااا كفــــــــــواااااااا كفــــــــواااااااااا



سلطان شاعر مبدع وجزل للغايه وجعل ربي يوفقه انشاء الله ويبشر والله فالسعد دام الدواسر احزامه ماهوب خايب وسلطان خير من يمثل القبيلة للامانه وفاله التوفيق انشاء الله


تكفون ياربعي ليا قام سلطان ------- قوموا معه قوم الخوي لخويه



وفالك التوفيق يالشيخ وحنا حزامك وارق سنود

 

 

 

 

[معلومات العضو غازي المسعري]

ادارتنا الغاليه

أشكركم على هذه النبذه الرائعة عن هذا الشاعر الذي له مستقبلٌ واعد ومميز بإذن الله تعالى ، ونتمنى أن يحضى بمراكز متقدمة بمسابقة شاعر المليون لنسخة الثالثة وامنياتنا تزداد معه كلما إزداد تألقاً على شاطئ الراحة ، وفقه الله في حياته الدارسيّة والعمليّة والشعريّة

غازي المسعري

 

 

 

 

[معلومات العضو سالم بن صمهود]

سلطان من الشعراء الذين اثبتوا وجودهم بين عمالقة الشعر ويستاهل كل تقدير

 

 

 

 

[معلومات العضو ابو زابن المسعري]

إخواني المجلس الإداري للموقع أشكركم على هذه النبذه الرائعة عن هذا الشاعر الذي له مستقبلٌ واعد ومميز بإذن الله تعالى ، ونتمنى أن يحضى بمراكز متقدمة بمسابقة شاعر المليون لنسخة الثالثة وامنياتنا تزداد معه كلما إزداد تألقاً على شاطئ الراحة ، وفقه الله في حياته الدارسيّة والعمليّة والشعريّة

 

 

 

 

[معلومات العضو السيف دايـم]

كفو والله يا ابو حسين تمنياتي لك بالتوفيق ان شاء الله