احب انقلكم رديه بيني وبين هاشم الشريف

[معلومات العضو بندر الموسى]

بسم الله الرحمن الرحيم


السلام عليكم ورحمة الله وبركاته


هذي رديه بيني وبين الاخ هاشم الشريف واتمنى ان تحوز على رضاكم



هاشم الشريف:

سلام ردية وفا يلقى بها الخرمان كيف
بهرتها زعفرتها فنجالها مايمتلي

لاصارت اخطانا سوى نمشي على الدين الحنيف
لاماتفرقنا المذاهب شافعي او حنبلي


بندر الموسى:

يامرحبا ترحيبة ن ماصابها شك ن وزيف
من هاجس ن ماياتي الا بالجواهر والحلي

بعض الامور تخلي الشايف كما وضع الكفيف
من عقب ماكنا علي حطت بنا من العلي

هاشم الشريف :

ياصاحبي لك ميزة ن بالملعبه لعبك نظيف
ولابتك تبغى منك تعلن للعرب عن مقتلي

من بعد ماصرت المرشح لبن شايع والوصيف
يامبعدك يالثاني اللي جيت بعد الاولي

بندر الموسى:

وشبك على المسرى عجل نطيت من فوق الرصيف
خذني على مهلك وخل القدر بشويش يغلي

خلك على دربك وخل الهزل يالدم الخفيف
خلك على دربك عدال ونستمع وشهو يلي

هاشم الشريف:

والله ماسنيت رمح ولابعد سليت سيف
لكن على ماقيل لابد انتصف لموكلي

مير انت حدد موقعك اما عدو ولا حليف
من بعدها نقدر نحدد منزلك من منزلي

بندر الموسى:

انا كما من ضاف دار ولا لقى قطعة رغيف
عود ونفسه بالشحم مير العرب مامن ولي

ارسم هدف نمشي سوى واحذف من افكارك وضيف
انا افتهم لاهل العقل واجهل كلام الجهلي

هاشم الشريف:

دربي عسير ن مسلكه لاكن تمسك يالرديف
مدري ابتليت بخوتك ولا انته اللي مبتلي

الفال يقفاه العقال اقولها بسم المضيف
حزت اشحم ويا اللحم لكن بقى لسان الطلي


بندر الموسى:

كل ن على ركابه ويشعبها على درب ن مخيف
وليا هلع قلبك فنا كلي حماسه واصملي

ابجدع لسان الطلي للي على المعنا ضعيف
ولا انا ياصاحبي فوق السحابه معتلي



وسلامتكم ........

 

 

 

 

[معلومات العضو الكاتم]

كفو يابندر بك وبخويك
شاعر الشريف وانت ابيض وجه ماقصرت وردودك جزله

 

 

 

 

[معلومات العضو تريحيب بن زابن]

بيض وجهك ولاهنت ياكحيلان

 

 

 

 

[معلومات العضو بندر الموسى]

تسلمون جميعا وشهاده يالكاتم افتخر فيها