قصيـدة الشاعـر بدر العجَالين في برنامج شاعر الشعراء

[معلومات العضو هيبــة الــدواســر]

السلام عليكم ورحمة الله وبركاته ‘‘

؛
هذه القصيدة التي شارك بها الشاعر بدر بن سعود العجَالين الدوسري


في برنامج شاعر الشعراء ..


لا أود أن أطيل عليكم ،،، إليكم القصيدة :

جيت من دار الخليفه دار عز وْدار جود = ديرة ٍ يطرخ علمها بالمحبه والسلام
ديرة ٍ لا ماتسام وْلا نعاملها ابصدود = حبها ممزوج يسري في نخاعي والعظام
إيهِ ياعشق ٍ رسخ وتوثق ابغلا البنود = وإيهِ ياديره كبيره في المعزه والمقام
كلّما أبعد عن البحرين لو شبر ٍ يكود = يبتدي شوقي يردني مثل أسراب الحمام
بوصلة صدري تحاكي عشقها يا لله نعود = للبلاد إللي ربينا واحضنتنا في وئام
هذيّ البحرين كانت من زمان ارض الخلود = ناسها والكل عارف طيبهم ناس ٍ كرام
الرَجَل يقسم رغيفه لا درى ابجاره نكود = اليسر من فضل ربي يسّره كلّه تمام
منعم ٍ ربي علينا بالستر خيره فزود = صاين ٍ ربي بلادي من فساد اهل الظلام
يابلادي لك ولائي وانتمائي والعهود = لك وعودي لك عهودي صامده والإلتزام
كل ولائي للمليك الوائلي زاكِ الجدود = الخليفي له نجدد عهدنا عام بعام
المليك إللي يسوق الخير راقى للسنود = طاعته واجب علينا ما نخالفه الكلام
مملكتنا صامده رغم المجوسي والحسود = سوّد الله وجه من راد الفتن بين الأنام
مانريد انخوض في بحر السياسه والحدود = لكن احنا في زمن يالله وكيلك في انهدام
ولاّ كيف المسلمين اليوم في قتْل وْشرود؟! = كلّن ايقتل خويّه مادرى ابسوء الختام
يحتزم بسلاح مايدري العواقب وش تعود = قتْل لنفوس البريئه من جنود وْمن عوام
كم يتيم ٍ قد تيتم ما بقى جنبه عضود = وكم بريئه راح منها والديها في الحطام
تفتكر في فعلتك نلت الشرف نلت السعود = تعتقد إنك رضيت الله بافعال الأثام
ماسمعنا عن يهودي فجر اخوانه يهود = وما سمعنا بالنصارى ذبّحو من اهل سام
غير بسّ احنا شطاره نذبح انفسنا جحود = يا أخي! اوعى! تنبه! فعلتك هذي حرام
ما علمنا عن نبينا غير كل فعل ٍ ودود = قيل عنّه كنّه القرآن يمشي باحتشام
وش بلاكم ياهل الإرهاب روّعتوا الحشود = انفجارات وْ تَـقَـتّـل بين ناس ٍ فالزحام
من متى صار المجاهد يقتل النفس الولود؟ = من متى كان المجاهد في خلاف ٍ للنظام ؟
من متى كان الحكم في شرعنا كله قيود ؟ = ديننا دين اليسر مابه نفور ٍ واحتدام
ديننا دين السماحه والتآخي والصمود = ديننا فيه المحبه والترابط والسلام
كالخليج اليوم يغبطه المباغض والحقود = كل دولها بينهم حب ٍ وود ٍ وانسجام
نحتمي بالله ولاغيره عن البلوى يذود = يحميَّ اديار العرب والمسلمين امن اللئام

وسلامة الجميــع ،؛،

أختكــم

هيبـــة الدواســر

 

 

 

 

[معلومات العضو الذيب العماري]

الله يصلحه ولا بيت في جماعته؟؟

 

 

 

 

[معلومات العضو فرحان فهد ال فرحان]

صحك لسانه والله يوفقه

ولاهنتي على النقل

 

 

 

 

[معلومات العضو مبارك الخييلي]

صح السانه لا هان راعي الموضوع

تقبلي مروري

مبارك الخييلي

 

 

 

 

[معلومات العضو ناصر بن بجاد الخييلات]

صح السانه لا هان راعي الموضوع

أبو سعود الخييلي

 

 

 

 

[معلومات العضو بنت الاكرام]

صـــــح لســــــانك يا بوسعــــود الله يوفــــقك



لاهنت يا هيبـــة الــدواســـــر على النقــــل



تحيـــــــــاتي

 

 

 

 

[معلومات العضو فيصل بن جزاء]

صـــــح لســــــانك يا بوسعــــود الله يوفــــقك



لاهنت يا هيبـــة الــدواســـــر على النقــــل



تحيـــــــــاتي

 

 

 

 

[معلومات العضو محمد^^التغلبى]

--------------------------------------------------------------------------------

صح السانه لا هان راعي الموضوع