نظام ساهر ,,والتناقض ,, من المسؤل

[معلومات العضو بدر سلطان التمامي]

ليتهم يهتمون بالشوارع وصيانتها قبل لايطبقون نظام ساهر

* من يقوم بتعويض المواطن عندما تتلف سيارته من حفره وسط الشارع

*ومن يعوض المواطن عندما ترتطم مركبته في حواجز خرسانيه لايوجد عليها اي لوحات تنبيهيه

*ومن يعوض المواطن عندما تسقط سيارته في احدى الحفريات وقد حصلت هذه الحادثه مع احد اقاربي وانا من قام بسحبه بالجيب وبالدبل الثقيل واحمد الله على سلامته

* الشي المضحك عندما يتاخر المواطن عن تسديد المخالفات
تدبل عليه ,, ,,, وفي المقابل نجد الاستهتار الواضح من قبل بعض البلديات بشوارعنا ,, ولاحسيب ولارقيب


* نجي لموضوع التريلات وما ادراك ماالتريلات ,,من مدة اسبوعين ذهبت عائله كامله الى المقبره بسبب تريله لايوجد عليها اي علامات او لمبات خلفيه والخبر موجود في منتديات بني تميم ,, هل اخذ الموضوع حقه اعلاميا ؟؟ هل تفاعل المرور مع هذه الحادثه ووعد بمحاسبة المستهتر بارواح المسلمين ,, ام ان اهتمام المرور فقط محاسبة من يقود مركبته بسرعة 121 هههههه الغريبه ان هذه التريلات تمر من نقاط التفتيش زي سلام عليكم


* يجب على المرور ان يحاسب نفسه قبل ان يطبق اي نظام جديد على المواطن


* المطبات الصناعيه اللتي اصبحت مثل قفز الحواجز ,, هل يوجد اشارات او علامات تنبيهيه قبلها بالتاكيد لاااااااااااااااااااااااااا


*قبل فتره شاهدة سياره من نوع فورت تقفز احد المطبات الصناعيه بقوه لتقف بجانب الطريق لانها اصيبت بنزيف حاد في الرديتر

بتقولون وين المرور

اقول لكم مشغول مع نظام ساهر
وللحديث بقيه

 

 

 

 

[معلومات العضو عقاب بن هذال ال بريك]

اشكر أخوي بدر سلطان التمامي على طرح وإثارة قضية تمس نصف الشعب السعودى ..

في قضيه ماناقشتها أخوي بدر وهي الرخصه,,,

((أخذ الرخصه ثم تعلم القياده هذا هو النظام عندنا)) ...

بعدين تنظيم المرور لن يكتمل من دون ان يكون عندنا نظام قضائى ومحاكم مروريه واتمنى ان يكون هناك اهتمام بالجانب الانسانى وان يشرف على المحاكم المروريه هيئة حقوق الانسان .....

دمتم بود ..

 

 

 

 

[معلومات العضو ناصر بن فهد]

الله يعطيك العافيه وبارك الله فيك
ولآهنت

 

 

 

 

[معلومات العضو بدر سلطان التمامي]

المشاركة الأصلية كتبت بواسطة عقاب ال بريك

اشكر أخوي بدر سلطان التمامي على طرح وإثارة قضية تمس نصف الشعب السعودى ..

في قضيه ماناقشتها أخوي بدر وهي الرخصه,,,

((أخذ الرخصه ثم تعلم القياده هذا هو النظام عندنا)) ...

بعدين تنظيم المرور لن يكتمل من دون ان يكون عندنا نظام قضائى ومحاكم مروريه واتمنى ان يكون هناك اهتمام بالجانب الانسانى وان يشرف على المحاكم المروريه هيئة حقوق الانسان .....

دمتم بود ..

اشكرك اخوي عقاب على تعقيبك

واغلب الاجانب عندنا السواقه شرق وهم غرب

بس وش لون خذو الرخصه ماادري ,, وين نظام ساهر عنهم ,,

تلقاه في خط سريع ويمشي 60 ومعطل الحركه المروريه

هذا المفروض ياخذ بدل القسيمه ثنتين لانه يسبب حوادث

وفيه مسئلة ربط الحزام هاذي تعتمد طال عمرك على مزاج العسكري المستلم

بعضهم يشدد واغلبهم يغض الطرف ,,

والحلول من وجهة نظري ,, ان يطبق نظام ساهر على جهاز المرور نفسه

بعدين يطبق على المواطن هذه وجهة نظري وقد اكون مخطي وقد اكون مصيب
تحياتي

 

 

 

 

[معلومات العضو ابومحمدالودعاني]

الله يعطيك العافيه

 

 

 

 

[معلومات العضو بدر سلطان التمامي]

المشاركة الأصلية كتبت بواسطة ناصر فهد الدوسري

الله يعطيك العافيه وبارك الله فيك
ولآهنت

اشكرك اخوي ناصر على مرورك
تحياتي لك

 

 

 

 

[معلومات العضو عبدالرحمن بن فلاح آل بريك]

أبو سلطان يعطيك العافيه على موضوعك المميز .





نظام ساهر فيه أخطاء كبيره جداً وأتوقع راح يوقف عن قريب .

أما الحفر فصدقت الرياض كلها صارت حفريات ولازم كل يوم تاكل لك كم مطب ع السريع .

 

 

 

 

[معلومات العضو راشد المسعري]

يعطيك العافية اخوي بدر على الموضوع القيم

وبالنسبة لقولك

واغلب الاجانب عندنا السواقه شرق وهم غرب

بس وش لون خذو الرخصه ماادري ,, وين نظام ساهر عنهم

شوف عيني في دلة اللي جهة السلي بالرياض ، المسؤول عن تدريب الأجانب جنسيته مصري وجلست اتابعه وعنده حوالي عشرين هندي يجرون الاختبار ، وياليت تشوف وش لون يختبرهم!!

كل واحد يركب السيارة ويقدم متر ويريوس متر وتشوف بعضهم يطفي به الموتر مايعرف يقدم وبعضهم (يحن) على الموتر لين يفقع ماطوره عشان يعطيه نمرة واحد ، وكلهم نجحهم المدرب الله يعطيه العافية!!!

والحصيلة أبناء هذ1 البلد في مستشفى الشميسي وبعضهم الله يرحمه .

ادري إني طلعت عن موضوع ساهر ، واللي اشوفه في الرياض أنه طلع له نتائج جيدة وهي تقليل السرعة عند قائدي السيارات ، لكنه يحتاج إعادة نظر في السرعة المسموح بها في بعض الطرق حيث انك ترى سرعة ( 60 ، 70 ، و80 ) في طرق شبه رئيسية !!! وهذا صعب التقيد به.

تقبل ودي وتقديري ،،،

 

 

 

 

[معلومات العضو عبدالرحمن بن فلاح آل بريك]

88888


الله يوسع صدرك يا أبو عبدالمحسن .


وعز الله صدقت ..

 

 

 

 

[معلومات العضو خليفه الفصام]

لاهنت على هذا الموضوع

 

 

 

 

[معلومات العضو بدر سلطان التمامي]

المشاركة الأصلية كتبت بواسطة عبدالرحمن آل بريك

أبو سلطان يعطيك العافيه على موضوعك المميز .





نظام ساهر فيه أخطاء كبيره جداً وأتوقع راح يوقف عن قريب .

أما الحفر فصدقت الرياض كلها صارت حفريات ولازم كل يوم تاكل لك كم مطب ع السريع .

اشكرك اخوي عبد الرحمن على تعقيبك
تحياتي

 

 

 

 

[معلومات العضو بدر سلطان التمامي]

المشاركة الأصلية كتبت بواسطة راعي مشعوفان

لاهنت على هذا الموضوع

اشكرك على مرورك
تحياتي

 

 

 

 

[معلومات العضو بدر سلطان التمامي]

المشاركة الأصلية كتبت بواسطة ابومحمدالودعاني

الله يعطيك العافيه

مشكور اخوي ابومحمد الودعاني على مرورك


تحياتي