بمناسبة سلامة سلطان الخير

[معلومات العضو عبدالله بن بخيتان]

هذه القصيده بمناسبة عودة وسلامة صاحب السمو الملكي الامير :سلطان بن عبدالعزيز ال سعود ولي العهد حفظه الله ورعاه

شيخ على الارض البسيطه اقامته=تخضع له الهامات من عضم هامته
له في قلوب الناس قدر ومنزله=رسّم على قلوب الاوادم علامته
شيخ سرق ونقول يازين سرقته=سرق قلوب الناس شوف ابتسامته
كل يحبه ويتنومس بشوفته=مهيوم فيه وكل الاجواد هامته
الحول مر نكابد الخوف والرجا= متى يجي نور الرياض ويمامته
سافر وشعبه رافقه وقت رحلته=ولاتساوت وجدته وانعدامته
سافر وعاد وسرنا يوم عودته=حتى المطر قام يهطل من غمامته
تباشر الشعب بقدومه وجيته=وتباشر الموطن وغنت حمامته
كل فرح في مقدم الشامخ الابي=اللي هموم الشعب اشد اهتمامته
خصم الردى بحر الندى قاهر العدى=وكل الشهامه نبذة من شهامته
اذا رضا عسل مصفا من الشهد=واذا زعل بحر ياشين التطامته
سيف لنصر الحق نجدته منجده=وعلى رقاب القوم بانت حجامته
كم مفلس جاله من الغبن يشتكي=وبدل مواري ضيقته بأنسجامته
وكم واحد من فوقه السيف يرقبه=واعتقه من جوده وسدد غرامته
وكم واحد قرم ليا منه ناطحه=يعود خايب ماتسره قرامته
واليا بحلو قوم الفهامه بفهمهم=شيخ تدل اهل الفهامه فهامته
للعسر متنطح وللشعب معتني=رام المعالي والعلا اليوم رامته
ان قيل منهو قلت سلطان سيدي=عضيد عبدالله مساند زعامته
ولي عهد وبأمره الجيش كلهم=وارقى المناصب كلها بأستلامته
يالله لاتفجع ملكنا بساعده=اللي يسر العين يوم احتزامته
اللي ليامنه ومر له على العدا=يطش من زود الحميه عمامته
ونايف على اليمنا وسلمان مرتكي=صف عسانا مانشوف انقسامته
اخوان نوره مزبن اللاجي ان لجا=في دارهم ماقالو القوم ضامته
تحمى الوطن من كل عابث ومعتدي=وسوامة الاوطان مايوم سامته
عيال من ينطح ولاهوب ينطح=لاشافه الصارم يضيع صرامته
ينطح صناديد الرجال ويضدها=لادبر الهابي وبانت رخامته
من عانده ماياجد الطيب والشبب=قوم على راس المعاند قيامته
من عانده عقب ابتهاجه وراحته=يعض اصابيع الندم من ندامته
عبد العزيز اللي رفع راية الهدا=ورسّا رواسي دولته بأستقامته
شال الجهل والنعصريه وغيرها=وهدت نفوس الناس والليل نامته
صار الامان وديرة العرب وامنه=نسمع الى المذن ونسمع اقامته
صار السعودي عايش عيشة السعد=مكرم معزز ما تدنس كرامته
صار السعودي عقب جهله وحاجته=فخم يماري في الديار بفخامته
كل العيون تناظره من مكانته=وتحسده الحساد ماهيب شامته
الله يعز الحكم والشعب والوطن=ولايفكك وحدته والتحامته
غنيت قافي خالص من مشاعري=ومشاعري بالصدق ماهيب صامته
مشاعري بالصدق تنطق وقافها=مايسمع الناقد ويسمع ملامته
قدمت باقة شعر بالحب خالصه=للي فرحت بعودته وبسلامته

وسلامتكم

عبدالله بن بخيتان

 

 

 

 

[معلومات العضو فهد الغريري]

الاخ العزيز : عبدالله بن بخيتان صح الله السانك وعتلا شانك وزادك الله من زوايد فضله قصيده جزله بما تعنيه الكلمه تقراها مرارٍ ولا تملها من سهولة معانيه وعذب قوافيها فبارك الله فيك اخي العزيز ويستاهل ابوخالد جعله المعزه ونسأل الله ان يسلمه من كل مكروه وننتظر جديدك المميز وتقبل تقديري واحترامي اخــــــــوك / فـــــهـــــد الــغـــريــــري,,,,,

 

 

 

 

[معلومات العضو ناصر فياض الودعاني]

صح لسانك ياعبدالله


شاعر بحر


يعجز القلم في وصف ماأبدعت به


ويستاهل أبو خالد ماقيل فيه


لك مني أعذب التحآآآيا

 

 

 

 

[معلومات العضو فارس الدبالين]

اخوي عبدالله بن بخيتان

صح السانك ملآيين على هالجزاله يالجزل

ويستاهلة ابوخالد ماقيل فيه والله يدوم عليه الصحه والعافيه وجميع المسلمين

تقبل مروري ولك اجزل الشكر والتقدير ..

 

 

 

 

[معلومات العضو محمد بن سالم الخضراني]

ابن بخيتان

لله يبيض وجهك ولله يسلمك من كل شر

درر واعجابي بها يفوق الوصف

والحمد لله على سلامة

سلطان الخير

 

 

 

 

[معلومات العضو درعان بن عبدالله]

ابن بخيتان صح لسان واعتلا شانك مليون ولا يكفون جزل والجزل عادته ما يجي منه الا الجزال تقبل مروري المتواضع يا كحيلان ,, أخوك / درعان بن عبدالله بن عريعر بن درعان

 

 

 

 

[معلومات العضو عبدالله بن بخيتان]

المشاركة الأصلية كتبت بواسطة فهد الغريري

يامرحبا ومسهلا يالغريري

والله لايهينك على مرورك وكلامك الوافي

وهذا اقل مانقدمه للامير الله يحفضه

تحياتي

 

 

 

 

[معلومات العضو آلأرجــٌوآنْ]

يستاهل سلطان الخير ماكتبت عنه يالشاعر الجزل وصح الله لسااااانك ملااااااييين

لاهنت وتسلم يمناك لاعدمناك

 

 

 

 

[معلومات العضو برنسيسه الريــــاض]

صح لساااانكـ و أعتلى شاانكـ ,

لاهنت أخوي ..,,

 

 

 

 

[معلومات العضو عبدالله بن بخيتان]

المشاركة الأصلية كتبت بواسطة حفيد عون بن مرزوق

صح لسانك ياعبدالله


شاعر بحر


يعجز القلم في وصف ماأبدعت به


ويستاهل أبو خالد ماقيل فيه


لك مني أعذب التحآآآيا

يامرحبا ومسهلا طال عمرك

والله لايهينك على كلامك الطيب ومرورك الاطيب

تحياتي

 

 

 

 

[معلومات العضو عبدالله بن بخيتان]

المشاركة الأصلية كتبت بواسطة فارس الدبالين

اخوي عبدالله بن بخيتان

صح السانك ملآيين على هالجزاله يالجزل

ويستاهلة ابوخالد ماقيل فيه والله يدوم عليه الصحه والعافيه وجميع المسلمين

تقبل مروري ولك اجزل الشكر والتقدير ..

ياهلا ومرحبا يافارس

والله لايهينك على مرورك وكلامك الطيب

تحياتي

 

 

 

 

[معلومات العضو بدر بن صقر العجالين]

كفووو كفووو يا عبدالله

ويستاهل أبوخالد كل خير

صح الله لسانك يالقرم..

تقبل تحياتي،،

 

 

 

 

[معلومات العضو أبـ ريماس ـو]

الا ياللي تسوي الكيف جهز دلت الرسلان=وزعفرها ومن هيل الحبش لاهنت قندها ههههههههههههه صح لسانك يابو بخيتان و قصائدك جزله كلها مثلك
دمت بخير

 

 

 

 

[معلومات العضو راشد المسعري]

صح لسانك ياعبدالله وبيض الله وجهك على هذه القصيدة الوافية ويستاهل سمو الأمير سلطان بن عبدالعزيز مثل هذه المشاعر من ابناء الوطن الغالي . جزل ياعبدالله ولك ودي وتقديري ،،،،

 

 

 

 

[معلومات العضو محمد بن حمد الشكرة]

صح الله لسانك ياعبدالله على قصيدتك الجزلة والحمد لله على سلامة سيدي ابو خالد ارق التحايا