ظابط بمعهد الدراسات الفنية للقوات الجويه بالظهران

[معلومات العضو النشمي222]

ابداء بنبذة عني انا التحقت بمعهد الدراسات الفنيه لسمعته الممتازة ولمستقبله الزاهر حيث يخرج المعهد كل سنه دفعه من الخريجين برتبة وكيل رقيب فني حيث ندفع الطائرات الحربية الى السماء ودخلت المعهد اول يوم وبتداء مشوار 45 يوم لتأهيلنا عسكريا حيث كان الوضع صعب لتحولك من الحياة المدنيه حياة الدلع والوناسه الى حياة عسكرية حيث يغلب عليها طابع الانظباط والاوامر العسكرية البحته , ونهلنا من 45 يوم كل الحركات العسكريه من مشاة ومن كيفيه احترام الاقدمية وكذالك احترام ظباط والحمدالله تخرجنا من 45 يوم وبتدينا بالانخراط باول مرحله وهي مرحلة اللغة الانجليزية حيث المعهد يعتمد على التعليم باللغة الانجليزية كشرط اساسي من هنا ابتدت المعاناة مع اللغه ومع ظباط معهد الدراسات الفنية ولكن يوجد ظابط واحد فقط من بين كل الظباط الموجودين بالمعهد ولا زال موجود الى هذا الوقت في المعهد حيث اقسمت بان ارد الدين له ولو بكتابه عنه عبر الشبكة العنكبوتية كجزء بسيط من رد الجميل حيث عنونة موضوعي هذا تحت عنوان(ظابط بمعهد الدراسات الفنية) وش رايكم نبداء بسرد ما فعله هذا الظابط:


ملاحظة: انا كتبت الموضوع هذا بعد تخرجي وليس انا وحدي من كتب هذا الموضوع كتبه معي مجموعه من زملائي الخريجين وكذالك بمساعدة من اولياء امورنا .


عندما بدانا مرحلة اللغة الاجليزيه بمدرسه اللغه انتابنا شعور وخوف من هذه المرحله حيث كان الظابط مسؤول عنا بالعربي مسؤول عن امورنا الدراسية اخفقنا اول( الترم ) نحن وزملائي نحن 10 طلاب وقلنا والله شكلنا ماراح ننجح شكلنا بننفصل وبدينا بالخوف ومعنوياتنا بالحضيض المهم اجتمع معنا هذا الظابط وهو برتبه ملازم اول ذالك الوقت والان هو نقيب الله يوفقه وعطانا نصايح من قلب اخ كبير الى اخوانه الصغار حيث قال عبارة لنا لازلنا نتذكرها عندما قال( النفوس القوية لا تعرف اليأس) فعلا بث فينا روح من جديد وارتفعت معنوياتنا ووعدنا بالوقوف بجنبنا والحمد الله عدينا ونجحنا وكان هو اول المباركين لنا , ثم دخلنا الاختبار النهائي وتذكر حادثة قبل الاختبار حيث حصلتني مشكلة يوم الاربعاء وانا خفت يحجزوني الخميس والجمعه واختباري يوم السبت حتى كنت ابصيح ذالك الوقت وقلت وش الحل قلت بروح للملازم اول لعلى وعسى يحل الموضوع دخلت علية المكتب وانا خايف وارتجف قالي: بكل تواضع وبكل احترام وبكل شهامه ( عسى مااااااااااااااشر) قلت : الشر مايجيك قلتله صارلي كيت وكيت هذا الكلام الساعه 10 الصباح قالي اوكي بشوف موضوعك ومرني بعد الظهر وانا جالس في الفصل ادعي ربي يارب ان شاء مايحجزوني وابي يجي بعد الظهر بسرعه المهم جاء بعد الظهر ورحتله وقالي اوكي بتطلع اليوم بس اوعدني ماراح تكررها مرررة ثانيه بغيت احب خشمه ونط عليه بس تعرفون العسكرية وقوانينها والله انه يستاهل من يحب خشمة عطيته التحية العسكرية ونصرفت منه وانا مبسوط وادعيله الله يوفقه ويسعده , المهم دخلنا الاختبار وكان يتابعنا من بعيد مو انا وبس بالعكس كان حريص على جميع الطلبه المهم عدينا هذي المرحله وطلعنا من المدرسه ناجحين وصعب علينا فراقه وذكرنا ه بعبارته الشهيرة حينما قال ( النفوس القوية لا تعرف الياس) وقام يضحك وقال اي شيء تبونه انا حاضر. مواقفه كثيرة مع الطلبه حيث كان محبوب من جميع الطلبه ومن جميع اولياء امور الطلبه حيث يسرد زميل لي قصه مع هذا الظابط يقول:
كنت محجوز الخميس و الجمعه وابي طريقة اطلع لاشوف والدتي المريضه بالمستشفى حيث ان والدتي مريضة كلمت والدتي يوم الاربعاء العصر وقلتلها يا امي انا مقدر اجي الرياض لانني محجوز قالت ابي اشوفك يمكن ماراح اشوفك بعد هذي المكالمه قلتلها وانا العبرة خانقتني : استهدي بالله ان شاء الله بتشوفيني قالت ابي اكلم اي ظابط عشان يطلعك قلت يا امي صعبه مايقدرون قلت عطني اكلمه قلت خلاص اشوي وبدق عليك . قفلت منها وانا اقول منهو الظابط الي راح يساعدني كلمت الظابط مسؤول عنا قلتله امي مريضه وابي اشوفها وحالتها صعبه وتبي تكلمك قالي بمل وقاحه: واذا مرضت امك خير يطير , صدمني بها العبارة المهم جاء المغرب وقالولي العيال كلم الملازم الاول الي بالمدرسه تراه بينفعك قلت وشلون اجيب رقمه وتفاجات بان معظم الطلبه يتداولون جوال هذا الملازم الاول قلت عطوني اياه بخلي امي تكلمه بسرعه اخاف اكلمه وبيقولي منين جبت جوالي وشلون تكلم من المعهد حيث ان الجوال ممنوع داخل المعهد بس حنا نهربه بطريقتنا ههههههههههههه المهم كلمت امي وقلت هذا رقمه جلست العشاء الا الملازم الاول النقيب حاليا موجود بالمعهد قلت جاك الفرج وهذا النقيب غير مسؤول عني بس اخلاقه وحب مساعدته للناس المهم ناداني وقال يالله شيل شنطتك واطلع وانا استانست وشلت قشي وطلعت . وكلمت امي وقالت كلمته ورحب فيني وكان كلامه وتجاوبه معي في قمه الاخلاق ولازالت والدتي عايشه وتدعيله لليل ونهار على هذا الموقف......


هذا الظابط ولا زال موجود بالمعهد وله قصص كثيرة مع الطلبة ومساعدة جميع الطلبة بالي يقدر عليه ولكن مو كل واحد نصاب يساعده بالعكس كان حكيم وسديد الراي ويعرف النصاب من الصادق بحنكته حتى يساعد جميع الطلبه بدون تعصب قبايل والان حان دور الافصاح عن اسم هذ الظابط ورد جميله ولو عبر الشبكه العنكبوتيه حيث كان يرفض الهدايا منا بعد التخرج وكان يقول( انا وضعت هنا لخدمتكم ومراعاة الله في عملي).. وحبينا انا وزملائي ننشر هذي القصص عن الظابط الخلوق المتواضع الرجل في كل وقت وندعو له بالتوفيق وان يسعده بحياته ويرزقه من حيث لا يعلم انه سميع مجيب الدعاء وابيكم تدعون له واسم الظابط هو:

النقيب / مبارك محمد الفصام المسعري الدوسري.

منقـول

اعجبني هذا الموضوع وقريته بكذا بمنتدى وفعلا الدواسر مايجي منهم الا الطيب
وحبيت انقله لكم وتقبلوا تحياتي

 

 

 

 

[معلومات العضو أبونواف الدوسري]

الله يوفقه ...

القياده هي فن التعامل مع المرؤوس .. دائما العسكري ينظر ألي آمره بأنه هو كل شئ

بالنسبه له في حياته العسكريه..وأذا ما أستخدم حسن المعامله مع من تحت أمرته أو

غيرهم فأنه سيجني حب الأفراد له ...

دائما الكراسي لا تدوم ...ولكن يدوم حب الأفراد والمجتمع لك بعد ذالك...

(( لو دامت لغيرك ...لما أتصلت أليك ))

 

 

 

 

[معلومات العضو النشمي222]

شاكرلك ابو نواف الحضور والمشاركة لا هنت

 

 

 

 

[معلومات العضو ابن دمجان الودعاني]

يستااااااااااااااااااهل ابو محمد العلم الغانم وبيض الله وجهه والمعدن الطيب لايستغرب منه العلم الغانم فهو اهل له،،،،،،،،،،،،،

تقبل تحياتي وتقديري،،،،،،،،،،،،،،،،

 

 

 

 

[معلومات العضو النشمي222]

ابن دمجان لا هنت

 

 

 

 

[معلومات العضو صاحب السمو]

:: ونعم مليون بمباركـ الفصام ونعم الرجل صديق عزيز ووفي مع زملائه اصبحه بالخير من هذه الصفحه واتمنى له التوفيق بعمله ومشكور اخوي النشمي على اللفته المستحقه لهذا الشخص الرائع ::

 

 

 

 

[معلومات العضو النشمي222]

لا هنت ياصاحب السمو على المشاركة