استعد للمعركة ياشوعي

[معلومات العضو ماجد الدوسري]

ام قحم ، كيف حالك وحال أم جماعة ، هيّا ياام قحم شد حزامك وشرّفنا بحضورك:-

سلام ياهل المنتدى ياهل الكرم = إعداد من يسكن ديار المملكة
وين أنت ياشوعي تقدّم واحتزم = ذالليل أنا وياك وسط المعركة

 

 

 

 

[معلومات العضو احمد شوعي]

ابشر بسعدك والبدايه عندك

بس انت الله يهديك تشوفني العب مع اثنين غيرك

ماعندي مانع لكن القابله ان قاله الله وعدنا لا وازيدك من الشعر بيت

بيجيني قاااااااات اصلي من الديره اكرب حزامك ياماجد

 

 

 

 

[معلومات العضو ماجد الدوسري]

ما انتبهت لكم ، اشوف الموضوع حقكم قديم واحسبكم خلصتوا ياام قحم ، طيب طيب بكرة وعدنا وترا القاف هذا رااااااااااااااااااااااااح وبكرة أبشر بالعوض لكن لايغشونك بقات قوي ثم تجيب العيد وانت مادريت. تصبح على خير وشكرن لك

 

 

 

 

[معلومات العضو احمد شوعي]

ابشرك كل شي تمام يام قحم هبلك مصيبه تتحدى

مرحبا الف وانشاء الله بتعرفني بعد المحراف

لكن خلها والعه نبيها قصف متبادل ومعاني مغطاه وانت المخير

خلووووووووووووووووووووها

يامرحبا اعداد من زار الحرم=والدرب واضح قدم عينك واسلكه
من عالي المرقاب جيتك منصرم=حذراك تخمر ثم صدغك نفركه

 

 

 

 

[معلومات العضو أبو سعود الودعاني]

من جد خساااااااااااااااره

اني بكره ما اقدر اتابع المحاوره المرتقبه

واللي اعتقد انها بتجي فله


وفيها مكامخ

لاهنتوا وبيض الله وجيهكم

تقبلوا خالص ودي

 

 

 

 

[معلومات العضو احمد شوعي]

استمر على هذا الطرق ولنا وياك مقابلات ماهي مقابله وحده

انت شاااااااااعر وانا ما اشك بذلك لكن قولتك انك كتمت بلوف شعاااار

ابيك تحددهم والا الوعد قدااااااااااام .

كمل على نفس الطرق وانشاء الله انا ابدأ بالثاني وهكذا

انا ودي اتعلم منك وهذا شي انا اعترف فيه

تصبح على خير انت والجميع

 

 

 

 

[معلومات العضو مصعب الدوسري]

يا ماجد اعطه فرصةٍ دوبه سلم = توي تركته عقب ما شفته بكه
ارحمه جعل الله لمن يرحم رحم = بكره تجيه و اليوم لازم تتركه

ذا المره يا ماجد

أنا بتوسط لم قحم ذا الليل

على شاني يا ماجد خله و بكره عندك أياه

تحياتي

 

 

 

 

[معلومات العضو شوق2]

	لا اله الا الله0 هنا عجةً ثايره؟؟؟؟؟؟؟؟؟ اررررررررررررررررحبوا يالقروم0 صح السااااااااانك ياماجد الدوسري وصح السااااااااااانك يااحمد شوعي0 وااااااااااااااااصلوا الله لا يهينكم وازهلوا تعقيد الشوش0 مع تحيتي وتقديري0

 

 

 

 

[معلومات العضو احمد شوعي]

المشاركة الأصلية كتبت بواسطة مصعب الدوسري

يا ماجد اعطه فرصةٍ دوبه سلم = توي تركته عقب ما شفته بكه
ارحمه جعل الله لمن يرحم رحم = بكره تجيه و اليوم لازم تتركه

ذا المره يا ماجد

أنا بتوسط لم قحم ذا الليل

على شاني يا ماجد خله و بكره عندك أياه

تحياتي

هههههههههههههههههههههههههههه

الله يستر من هالابيات اظن احمد الناصر على رفعة قدره لو قراها اعترفلك

بان عندك قدرات خاصه بتطوير القواااااااااافي ( بكه ) من وين جبتها ان اشهد

انك لقيت الذهيبه يامصعب ( لمن يرحم رحم) لا حول ولا قوة الا بالله

يالله ياماجد شد حيلك

 

 

 

 

[معلومات العضو (( بعيد الهقاوي ))]

احمد شوعي


يمكن

( لم يرحم رحم)

و

( بكه )

فيه دفن وحن ماندري

ههههه

 

 

 

 

[معلومات العضو ماجد الدوسري]

المشاركة الأصلية كتبت بواسطة احمد شوعي

ابشرك كل شي تمام يام قحم هبلك مصيبه تتحدى

مرحبا الف وانشاء الله بتعرفني بعد المحراف

لكن خلها والعه نبيها قصف متبادل ومعاني مغطاه وانت المخير

خلووووووووووووووووووووها

يامرحبا اعداد من زار الحرم=والدرب واضح قدم عينك واسلكه
من عالي المرقاب جيتك منصرم=حذراك تخمر ثم صدغك نفركه

والله مادري كيف نجيلك ياشوعي ..تواعدنا هناك وترجع بنا هنا ... لكن يالله استلم:

هات ورقة وانا باسجّل بالقلم = الوعد ياشوعي علامك تتركه
من خاف من الأقدار ماظنه سلم = خل التمادي ياولد والفبركة

 

 

 

 

[معلومات العضو (( بعيد الهقاوي ))]

الله الله

اللييييييييييييييييييييل يا ماجد

و يا ام قحم


اللييييل لا يسري

متابع

وزورونا في معركتنا مع واثق خطى


اليييييل

 

 

 

 

[معلومات العضو ماجد الدوسري]

المشاركة الأصلية كتبت بواسطة مصعب الدوسري

يا ماجد اعطه فرصةٍ دوبه سلم = توي تركته عقب ما شفته بكه
ارحمه جعل الله لمن يرحم رحم = بكره تجيه و اليوم لازم تتركه

ذا المره يا ماجد

أنا بتوسط لم قحم ذا الليل

على شاني يا ماجد خله و بكره عندك أياه

تحياتي

هلا يامصعب والله يعطيك العافية وابو شوعي علّة أكباد لكن ازهله وصح لسانك على المداخلة.

 

 

 

 

[معلومات العضو ماجد الدوسري]

شوق 2 .. بعيد الهقاوي ... مصعب الدوسري ... أبو سعود الودعاني


هلابكم جميعا ويعطيكم العافية على تواجدكم الذي يسرنا وشكرن لكم

 

 

 

 

[معلومات العضو احمد شوعي]

المشاركة الأصلية كتبت بواسطة ماجد الدوسري

والله مادري كيف نجيلك ياشوعي ..تواعدنا هناك وترجع بنا هنا ... لكن يالله استلم:

هات ورقة وانا باسجّل بالقلم = الوعد ياشوعي علامك تتركه
من خاف من الأقدار ماظنه سلم = خل التمادي ياولد والفبركة

ما عليه مقبوله ياماجد ومثلك له الحشيمه والقدر مهما صار

رغى وهو في غرقة النوم يحلم=وشلون لو هو صاحي وسمع حركه
قد قلت له فتح عيونك وافتهم=ما كل طير لا بغيته تشبكه