إرقصي يابنـت والـروم مغلوبـه

**معلومات** **العضو** · 28-01-2011, 02:56 PM

مل قلبٍ مـع هـل الـود لعبوبـه = زادو التاليـن جــرح الأوليـنـي
إن دروا بالجـرح ولاّ مـادروبـه = أشتهي مـن كـان قلبـه يشتهينـي
إرقصي يابنـت والـروم مغلوبـه = والله (ن) كنك فوق روس الحاسديني
يوم قالوا كـل ذنـبٍ لـه عقوبـه = الهـوى ماهـو بذنـب العاشقينـي
إيه أنا عاشق وفي عشقي صعوبـه = فـي مـدارات الثريـا دوّريـنـي
ماأسري بليل الغشوم اللي سروبـه = ولاعشقـت إلا بنـات الطيبيـنـي
عشقتي عن كل الأنظـار محجوبـه = درّةٍ مالمّـسـوهـا العابـثـيـنـي
شامخـه بيـن العـذارى ومهيوبـه = دونها طاحـت قلـوب الطامعينـي
صعبةٍ سهله ، على البعد مغصوبـه = قلبهـا عنـدي وكنـهـا ماتبيـنـي
يوم أعاتبهـا عقـب نوبـه ونوبـه = وأنفعل وأصيـح وأقـول إذبحينـي
تعب قلبي والهناء ماهـوب صوبـه = ريحينـي مـعـك ولاّ ريحيـنـي
كيف أجي وأروح والأرض معروبه = أبعديـنـي مـنـك ولاّ قرّبيـنـي
تبكـي بدمـعٍ يحرّقـنـي لهـوبـه = وانكسر وأعود وأقـول إعذرينـي
آه مـن قلـبٍ سواقيـه محطوبـه = نـار كبـدي مايطفيـهـا ونيـنـي
ياحبيبي كم سقانـا الصبـر كوبـه = كم لنا في سجن حبـك صابرينـي
طيفك اللي زارني طـوّل هروبـه = كـان يشبعنـي غـرام ويحتوينـي
جيت في ليلٍ صور حلمـه كذوبـه = تعتـذر بشويـش وتقبـل جبيـنـي
ياعذابي من هـواك ومـن عيوبـه = وأكبر عيوبـه مسافـات السنينـي
كل ماجيت أنتهـي وأقـول توبـه = مرت الذكرى على قلبـي وعينـي
طالت الدعـوى والأيـام محسوبـه = وأنت فالقلب ولاجيـك ولاتجينـي
ليت شرق الكون يقرب من غروبـه = لين يـدك الناعمـه تلمـس يدينـي
الغـلا بقلوبنـا هـبـت هبـوبـه = والـدروب مسكّـره بينـك وبينـي
مهتويك وكلـك إحسـاس وعذوبـه = أعذب من المزن وأصدق من حنيني
مل قلبٍ مـع هـل الـود لعبوبـه = زادو التاليـن جــرح الأوليـنـي

للشاعر الكبير
فيصل الرياحي
يرحمه الله