قصيده غزل للشاعر .محمد مسفر شارع ال ناهش

**معلومات** **العضو** · 02-04-2010, 03:46 PM

وجودي على اللي حبها مبطي مكنون
وجود الظمايا اللي عن الحوض مطروده
تنهدت ثم ونيت والناس ما يدرون
وكبدي على سيد الغنادير ملهوده
غزال ملك عقلي وقلبي معه مفتون
عليها توجد وجد من شتتو ذوده
غدا القلب مني في هوا الجازل المزيون
دقيق المعنق ساحر لين عوده
تعاهدت انا وياه نمشي على المضمون
على سكه الاحباب واعطاني عهوده
وجار الزمان وحط وسط الضمير طعون
وقفى وليفي عقب ماوثق قيوده
ذبحني هواه وصابني رمحه المسنون
عليها الله كثر ما ذعذعه نوده
وراعي المحبه بالخطا دايم مغبون
وسلم الهوا من قبلنا طرق موروده
امثل على قيس الملوح غدا مجنون
من اسباب ليلى راحه النفس مفقوده

**معلومات** **العضو** · 02-04-2010, 04:11 PM

صح الله لسان الشاعر بن العم محمد بن مسفر آل ناهش ،،،،

محمد بحر من الشعر قصايده لا تمل ،،، يكتب بما تجود يده من أفكار وذوق ،،،
راع في قصايده ،،،

ولا هنت يا محمد على إحضارها وبيض الله وجهك ،،،

أعتقد الموضوع يبيله تعديل من (( عزل )) إلى (( غزل ))

تقبل مروري وتحياتي بصدر رحم ،،،،

**معلومات** **العضو** · 02-04-2010, 04:25 PM

صح الله لسانك واعتلا شانك على القصيدة الجزلة

شاعر جزل ومبدع و ماشاء الله عليك تغرف من محيط

واسمح لي على تعديل عنوان الموضوع وتنسيقه

تقديري,,,,,

**معلومات** **العضو** · 02-04-2010, 04:41 PM

ابو سيف الناهشي و محمد احمد الشكره .................................................. ........................اشكركم على كل حرف كتبتموه واعدكم بالجديد انشاء الله ...........تقديري .............

**معلومات** **العضو** · 02-04-2010, 09:30 PM

قصيده غزليه في قمة الإبداع
صح لسانك يابومسفر
تقبل مروري

**معلومات** **العضو** · 02-04-2010, 10:00 PM

ابومسفر صح لسانك مليووووووووون قصيدة

من العيار الثقيل مرة ثانيه صح لسانك

**معلومات** **العضو** · 03-04-2010, 12:30 AM

الشاعر الكبير :محمد مبارك ماجد ال ناهش .
الشاعر الكبير :نادر محمد فهاد ال ناهش .
.........................................اشكركم على تعليقاتكم ومشاركاتكم الجميله ..................
تقبلوا مروري وتقديري .

**معلومات** **العضو** · 03-04-2010, 06:48 AM

تنهــدت ثم ونــيت والنـــاس ما يدرون
وكــبدي على سيد الغـنــادير مـلـهــوده

غزال ملـك عـقـلي وقـلبي معه مفــتون
عليها تــــوجد وجـــد من شـتـتـو ذوده

غدا القلب مني في هوا الجادل المزيون
دقيق المعـــــنق ساحـــر لين عــــــوده
××××××××××××××××××××
صح الله لساااانك ملايييييين
يابومسفر
مبطين عن الغزل الطيب جعلك تحيّا
صح لسانك واعتلا شانك يامحمد
دمت بالابداع ولاخلا منه وانا اخووك
سعدت بمروري يابن ناهش تقبله لاهنت..

**معلومات** **العضو** · 03-04-2010, 07:16 AM

صح لسانك وأعتلا شانك يابو مسفر

شاعر جزل وابيات قمة في الروعة

وبيض الله وجهك يالذيب ولاتخلينا من قصايدك

ابو سيف هههههههه انت صححت كلمة غزل لبومسفر وانت يبيلك تصحح

من (رحم) الى (رحب)

تحيااااااتي للجميع ولشخصك يابو مسفر

**معلومات** **العضو** · 03-04-2010, 09:04 AM

اقتباس:

وجودي على اللي حبها مبطي مكنون
وجود الظمايا اللي عن الحوض مطروده

ابو مسفر

صح لسانك وسلمت فكرك

قصيدة أقل مايقال عنها جزلة ومن جزل

تقبل ودي وتقديري ،،،

**معلومات** **العضو** · 03-04-2010, 03:45 PM

وجودي على اللي حبها مبطي مكنون
وجود الظمايا اللي عن الحوض مطروده
تنهدت ثم ونيت والناس ما يدرون
وكبدي على سيد الغنادير ملهوده
غزال ملك عقلي وقلبي معه مفتون
عليها توجد وجد من شتتو ذوده

ابيات من ذهب يابو مسفر صح لسانك عليها ملايين

**معلومات** **العضو** · 15-05-2010, 12:05 AM

ولا هنتو جميعا على متابعتي.

**معلومات** **العضو** · 15-05-2010, 12:20 AM

صح لساانك وعتلى شاانك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية