ما يحس القلب في جرحك وهو كله جراح

[معلومات العضو في صمتي لك كلام]

السلام عليكم ورحمة الله وبركاته


اللهم صل على محمد وعلى آله وصحبه أجمعين


ما يحس القلب في جرحك وهو كله جراح !


في وسط قلبي سفينه وفي سما حُبك سدَم ،
تشتهي بحرك وتجري عكس شهوتها . . الرياح !

كن هذا الصبح بـ العتمه بليّاك ، إنردَم . .
يا صباح الخير من غيرك بلا ( خير ) الصباح !

أثر ثلج فراقنا يلسَع وشوقك ، ما خِدَم ،
توّي أفهم :

شنهو تعني [ لسعة الثلج ] . .
لـ ( فلاح ) !

لا تحارب . . ما أبيك تعض إبهامك [ نِدَم ] ،
جيت لك :

قصدي إنتـ فاهم ،
شوووف . .
ما أحمل سلاح !

الزعل : غلطة حبايب قلب من قلب إنصِدَم . .
والرضى ساكت ، وعزة نفس تتثاقل سماح !

ياحبيب الجرح . . شوف إحساس محبوبك ( عَدَم ) :

ما يحس القلب في جرحك وهو كله جراح !


كان في وجهك بقى لك دمعتين ، وفيه دَم ؟
هذي [ هُدنه ] نتّفق بـ شروط وننساه اللي راح . .

يا أجي أرضك . . وأترك فيها لي بصمة قدَم ،
أو أصد وأكتب عليها : ( أرض مافيها صلاح ) !


يا أعيش بـ وسط قلبك ونبني كل شي إنهِدَم . .
وإلا قدامك أموت وأوقف بـ وجه [ الرماح ] !

إعتبر نفسك معزّب . . و المشاعر لك : خَدَم
وإنت كيفك دام قلبي ( أرض منزوعة سلاح ) !


وإنت كيفك دام قلبي ( أرض منزوعة سلاح ) !


تحياتي ^_^

 

 

 

 

[معلومات العضو ابو حسين الدوسري]

صح منقولك ولاهنت على هذه الرائعه والانتقاء الجميل

فائق الشكر والتقدير

 

 

 

 

[معلومات العضو سلفر]

صح الذوق
يعطيك العافيه

 

 

 

 

[معلومات العضو مبارك بن شافي النتيفات]

في صمتي لك كلام

روووووووووووووووووووعة الله يعطيك العافية على النقل الجميل

تحياتي وتقديري

 

 

 

 

[معلومات العضو ناصر بن فهد]

أهنيئك ع ذائقتك العاليه التي تختار لنا من أجمل الكلام , هذا النص عبر بما داخلنا كأنا محصورين بين حروفه ! شكرا لك ي مبدعه , والى الأمام

 

 

 

 

[معلومات العضو فهد المقابله]

لاهنت على النقل الجميل

ودمت ودام ابداعك


تحياتي وتقديري

 

 

 

 

[معلومات العضو في صمتي لك كلام]

لو اخلص رشاش اخوي ترحيب بردودكم ماوفيت شكرا لكم *_^