لك البيِض يا هذّال

[معلومات العضو عبدالله الدوسري]

قصيدة الشاعر صالح بن محمد الصليبي الحقباني في هذال بن راشد الحقباني في حفل تكريمه من قبيلة الغياثين من آل مرةبعد موقفه الشجاع في التنازل عنهم بعد وفاة ابنه فهد رحمه الله .

زهمني هجوس الشعر من خاطرٍ شفقان=يسوقه على جزل المثل صادق شعوره
يقول احتزم للطيب و اضرب على النيشان=جزيل المعاني وقته اليوم و حضوره
و انا لا بغيت اللعب ما احترْت في القيفان=خيالي يصوغ من أجزل الشعر باكورِه
على الطيب و الطيّب نسوقه بدون عنان=على اللي فعوله في المواجيب مشهوره
لك البيِض يا هذّال ترفع على ما بان=على النّير و العارض و سلمى و مزبوره
جزاك الرّضى من خالق الكون و الغفران=كسبت النّعم من كل من طالت شبوره
كفيت و وفيت و شِمْت و آمنت يا كحيلان=و جبرت النفوس اللي من الضّيم مكسوره
في الآيه رقم ستّين من سورة الرّحمن=رجيت الثواب و لِنت و النفس مسروره
عسى الله يجازيك بحسانيك بالإحسان=على ما عفيت و يغفر الذنب و قصوره
نقلت الحمول اللي على أهل الحمول أحزان=و بهجت النفوس و نزغة ابليس مدحوره
ترى ما حصل غلطة جهل قادها الشيطان=و لا من وقف له مؤمنٍ ينتهي دوره
الا من وقف له بالمواقف طليق أيمان=يحب الصلاه و يكره ابليس و شروره
و لا هي غريبه وقفة الطيب يا بليهان=مَدامك من اللي تمّن الجار من جوره
عياضيّة لا كلّح الناب للنّيبان=تضد الحفيف و تدهش حماه و تزوره
اهل سربةٍ من حربها تشبع العقبان=على كل مزغافٍ من الصوت مذعوره
دواسر كواسر تدّي الجار بالمجّان=من جدارها لا طاح ما هيب معذوره
دواسر لهم في الطيب مبنىً رفيع و شان=هل الغرس و أهل البلّ و الأفعال مخبوره
ثعوا في الشريف و راح عقب السِطر منهان=يبي ابن مطرّف ثورة و إحتسى الثوره
على الشرّ سيفٍ ينسف الرّاس من الأمتان=و على الخير و أهل الخير بالخير مأموره
على اللي زبنهم جنّة سلمها بستان=وسوم العصا للي شكى الخوف مذكوره
و يا مرحبا و اعداد ما ينشي الودّان=تراحيب بدوٍ بالحيا تشكي دهوره
بعد ما لفاهم طارشٍ بشّر البدوان=يقول أبشروا بالسّيل في ظامي دهوره
نووا و إنتووا و أقفوا من العد و المقطان= مشوا في هوى السرفات و القاع ممطوره
و تراحيب من هو بالعفو بشّره سجّان=عطاه القرار و شاف من نسخته صوره
هلا و مرحبا و اعداد ما غاب نجم و بان=بكم يالقروم اللي لكم بالوفا دوره
غياثين لا من ثار وسط الرّمك دخّان=من آلاد مرّه لا اعتلوا كلّ ممروره
صناديد يام ان ساقوا الخيل في الميدان=يبيعون غالي الروح و الروس مسطوره
و حنّا قبل هذي و هم في الأمور اخوان=و لا نستمع هرج الدّويني و لا شوره
و كل القبايل حقّها وافيٍ مليان=لهم يشهد التاريخ و تعبّر سطوره
و انا بأحمد الله لابتي للوفا عنوان=هل الطيب و الناموس من ماضي عصوره
دواسر عزيزٍ جارها و الفعول سمان=وصاة الرسول اللي على الجار مبروره
عسى الله يثبّتنا على الحقّ و الإيمان=و عسى الله يعزّ الدين و الدار منصوره
على منهج السنّه و ما شرّع القرآن=تحت راية التوحيد و شعار أخو نوره

 

 

 

 

[معلومات العضو مبارك بن الجوير]

صح الله لساااان شاعرها ياعبدالله
واضاءة لوفا بني العم
دام عزكم وعساكم على القوة
استمتعت بمروري تقبله لاهنت..

 

 

 

 

[معلومات العضو شافي بن راشد النتيفات]

صح لسانك ولسان شاعرها وبيض الله وجهك على النقل

 

 

 

 

[معلومات العضو محمد مسفر شارع]

صح الله لسانك ولسان شاعرها وبيض الله وجهك على نقل هذه القصيده الجزله ويستاهلون بني العم وشكرا............................................. ............................



....................................تقبل مروري............................................. ...........................

 

 

 

 

[معلومات العضو ناصر فياض الودعاني]

صح لسانك ولسان شاعرها وبيض الله وجهك على النقل

 

 

 

 

[معلومات العضو ناصر بن فهد]

صحح لسااانك واعتلىىى شااانكُ
ولاهنت على القصيده الجزله يا القرم

 

 

 

 

[معلومات العضو ابومبخوت الدوسري]

وبيض الله وجه الشيخ / هذال بن راشد الحقباني الدوسري والله يعضم اجره في ولده والله يغفر له ويسكنه الجنه يارب العالمين موقف قوي ويحسب للشيخ هذال وجزاه الله خير اللي نقل الكايده والعسيره . قال الله تعالى {وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا} وبيض الله وجهك ياعبدالله على نقل قصيده الشاعر / صالح بن محمد الصليبي الحقباني وبيض الله وجهه وكفو والله ببني عمنا الحقبان بادرةً طيب تحسب لهم وللدواسر كافه ...

 

 

 

 

[معلومات العضو عبدالله الحافر الغييثي]

هذه نقطه من بحر في مواقف بني عمنا الحقبان اللي ترفع لهم البيضا على كل مابان عز الله فعل قل مايفعله من الرجال لكن كل علم غانم ونادر تلقاه عند الحقبان من غير قاصر في باقي الدواسر بيض الله وجهك ياعبدالله على النقل الرائع

 

 

 

 

[معلومات العضو الثقيل]

ولك البيض ياعبدالله على النقل الممتاز وصح الله لسان شاعرهاااااااا ويجزاه الله خير العافي عن القاتل والله يرحم ميتهم والرجال تعطي الرجال وان شاء الله انهم من أهل الخير

 

 

 

 

[معلومات العضو محمد بن سالم الخضراني]

بيض الله وجهك ياعبدالله على نقل القصيده لنا

وصح لسان الشاعر , والله يبيض وجه هذال الحقباني

ولاهيب غريبه على صبيان الحقبان العلم الغانم

 

 

 

 

[معلومات العضو محمد بن سالم الخضراني]

بيض الله وجهك ياعبدالله على نقل القصيده لنا

وصح لسان الشاعر , والله يبيض وجه هذال الحقباني

ولاهيب غريبه على صبيان الحقبان العلم الغانم

 

 

 

 

[معلومات العضو عبدالله الدوسري]

مبارك الجوير


لا هنت



و تسلم يالغالي





اسعدني مرورك



كل الود،،،