قم يانديبي فوق هجن(ن) مذاعير .. قصيده رد ثناء على قصيدة الشاعر ناصر بن حمد الخالدي

[معلومات العضو فارس الدبالين]

بسم الله الرحمن الرحيم
السلام عليكم .. صباح/ مساء ... الخير

هذي قصيده متواضعه رد ثناء على قصيدة الشاعر الجزل/ناصر بن حمد بن ضاحي الخالدي التي قالها في حفل زواجي ومدح الدواسر وأثناء عليهم وذكر افعالهم
بيض الله وجهه وصح الله لسانه ملايين وعزالله انه كفو ومن قبيلةٍ وافيه اهل علومٍ غانمه واهل مراجل ولايستغرب العلم الطيب من الرجال الطيبين.
هذي بيتين من قصيدته :

من طارف الدمام تليتها عصير=صوب الرجال اهل الوفا والشهامه
ربعٍ لهم عندي معزّه وتقدير=لو انّهم قفّوا بريش النعامه
مادامت لعنتر وابو زيد والزير=وجمع الدواسر مالحقهم ملامه

وقصيدته كامله تجدونها على الرابط التالي بصوته:




وهذا ردي عليه واتمنى ان يحوز على اعجابكم
اقـول :

قم يانديبي فوق هجنٍ مذاعير=ينبيك من خير النجايب فحامه
هجنٍ ليا من سقتها تسبق الطير=وتصلك قبل الليل يظلم ظلامه
جرد الرقاب اللي سواة الخوازير=وساع النحور وطولها باستقامه
مفتلات عضود حد النواظير=حرايرٍ للقرم غاية مرامه
دق الوجيه وكنهن الشناظير=فيها لطوي البيد عزم وصرامه
ترعا الخزامى والنفل والنواوير=وتارد على عدٍ بعادن حيامه
حيلٍ خفاف وصغر خف ومضامير=عوصٍ تشوش فالوغا والعسامه
روح بها ياجعل دربك تسافير=ويصلك ربي يالشلي بالسلامه
روح من الخرج وتوكل على خير=احدربها وانحر بيوت الكرامه
وفي طارف الدمام وانتو محادير=بيتٍ هلْه فالطيب تاخذ سنامه
اقلط على شيخن دلاله مباهير=شيخٍ شهر من طيب ذكر وقرامه
حمد ولد ضاحي كبير الصقاقير=مزبان من جور المعاسير ضامه
ومدهال طيبن للوجيه المسافير=للضيف جود وللمعادي كعامه
وسلم على ناصر سليل المناعير=معرّب الجدّين طيب وزعامه
من صلب قومٍ فالمعارك بواتير=عيال خالد كاسبين الشهامه
سلم وتلقى منه قدرٍ وتوقير=واوصل كتاب اللي يكنّ اهتمامه
لاهنت ياشوق البنات الغنادير=ياللي على الوقفات مرهي حزامه
شاعر جزل تنقى سمان التفاكير=والمستمع غصبٍ تشد انسجامه
يابوحمد عرفك يشادي دنانير=والطيب شاره والفعايل علامه
اسوق لك بيض النوايا طوابير=ياللي مقامك فوق راس العدامه
عرف النشاما نعشقه دون تبرير=النادرين اهل العقل والفهامه
وانته من اللي تنطح الضد وتجير=من لابةٍ فالهوش تروي حسامه
ويوم الحرايب مثل ورد ومصادير=وكلٍ على فعله يخضب سهامه
ابن عريعر مثل ابانات والنير=حرٍ رقا في هامة المجد هامه
وامن الحسا للشط وصفٍ وتصوير=محدٍ قدر يقرب ألبيض النعامه
شيخٍ بفعله واردٍ جمة البير=محدٍ هقى من سطوته بالسلامه
من خلقة الدنيا وحنّا مداوير=كلٍ جعل طيبه وفعله أمامه
وربعك بني خالد زحول ومغاوير=حطوا لهم في صفحة المجد شامه
ويابوحمد والشعر مافاد تعبير=جعله فداك اللي نشى بالرخامه
من طارف الدمام تليتها عصير=يامرحباً عد وبل الغمامه
جتك المعاني والقوافي مغاتير=واقبل تحيات الشعر في ختامه

وسلامتكم جمـيـــع ..

 

 

 

 

[معلومات العضو شافي بن راشد النتيفات]

صح لسانك يابوسالم ولاهنت وصح لسان ابن ضاحي
كفوووووووووووو فيكم شعار ولافيكم حيلة

 

 

 

 

[معلومات العضو راشد المسعري]

ارحب يافارس

صح لسانك وسلمت على الرد الطيب والجزل على الشاعر ناصر الخالدي

وهو راعي الاولة وراعي الطيب ولازم يجاري بطيب

ماقصرت بيض الله وجهك ولك ودي و تقديري ،،،

 

 

 

 

[معلومات العضو مبارك بن الجوير]

صح الله لساااااان ابن ضاااااااحي يافارس
وعز الله انه كفؤ ومخاوي كفؤ وانت تستاهل
ويسلم منطوووقه ماشاءالله عليه
وأنا اشهد انه وافي وجزل عساه على القوة..
............................

وربعك بني خالد زحول ومغاويـر
حطوا لهم في صفحة المجد شامه

وسبعة انعام في بني خالد ويستاهلون والله ماقلت

وصح الله لسااااااااانك وعزالله انك كفيت ووفيت
ويكفيها القصيدة جزالة وصف الهجن ومسياقها..
وعز الله انك وافي وجزل ويسلم منطوووقك وانا اخوك
ويستاهلون الطيب اهل المواجيب...
اسعدني وامتعني الشعر والجزالة من الخالدي
وجزالة قصيدك وردك يامال الغنيمة والله...
فعسى الله يسعد ايامك يافارس ..
وتقبل مروري المتواضع..
وادام الله عزك وابداعك..

 

 

 

 

[معلومات العضو دغش بن حمد بن منصور]

مررررررررحبا والله ومسهلا يالخالدي

والله يبيض وجهك على هذه القصيده الجزله جعل شيبانك في الجنه


وبيض الله وجهك يابو سالم على رد الثناء الطيب واللي مهوب غريب منك

صح الله السانك على هذه الابيات الشامخه يافارس اشهد بالله انك ماقصر ..

ويستاهلون مارثة ابن عريعر ماقيل فيهم ..


لاهنت وتقبل مروري المتواضع

 

 

 

 

[معلومات العضو فارس الدبالين]

اقتباس:المشاركة الأصلية كتبت بواسطة شافي النتيفاتصح لسانك يابوسالم ولاهنت وصح لسان ابن ضاحي
كفوووووووووووو فيكم شعار ولافيكم حيلة

ارحب ياشافي وصح الله بدنك عني وعن الخالدي

اشادتك تاج على راسي طال عمرك

تحياتي ..

 

 

 

 

[معلومات العضو ناصر بن فهد]

صح لسان الخالديُ ونعم والله بربعهُ اهل الطيب والوفاءُ ،،
وبيض الله وجهك يا ابوسالم على القصيده ولآهنت يا الذيب

 

 

 

 

[معلومات العضو خالد المشاويه]

صح السنتكم

شعار وافين ولافيكم حيله

ولاعلى الخالدي زود

وماقصرت ياقهيدان بالرد رد وافي من شاعر اوفا

 

 

 

 

[معلومات العضو عقاب بن هذال ال بريك]

صح لسانك وسلمت على الرد الطيب والجزل على الشاعر ناصر الخالدي

وهو راعي الاولة وراعي الطيب ولازم يجاري بطيب

ماقصرت بيض الله وجهك ...

 

 

 

 

[معلومات العضو فارس الدبالين]

اقتباس:المشاركة الأصلية كتبت بواسطة راشد المسعريارحب يافارس

صح لسانك وسلمت على الرد الطيب والجزل على الشاعر ناصر الخالدي

وهو راعي الاولة وراعي الطيب ولازم يجاري بطيب

ماقصرت بيض الله وجهك ولك ودي و تقديري ،،،


البقى بك طال عمرك

وصح الله بدنك ومن قال سالم نفداك

وصدقت اي والله هو راعي الاوله ويستاهل كل علمٍ غانم

اشادتك وتعليقك اضاف للقصيده وراعيها الشي الكثير طال عمرك

وجهك ابيض ياراعي الطيب ولاهنت على كرم مرورك ..

 

 

 

 

[معلومات العضو فارس الدبالين]

اقتباس:المشاركة الأصلية كتبت بواسطة مبارك بن الجويرصح الله لساااااان ابن ضاااااااحي يافارس
وعز الله انه كفؤ ومخاوي كفؤ وانت تستاهل
ويسلم منطوووقه ماشاءالله عليه
وأنا اشهد انه وافي وجزل عساه على القوة..
............................

وربعك بني خالد زحول ومغاويـر
حطوا لهم في صفحة المجد شامه

وسبعة انعام في بني خالد ويستاهلون والله ماقلت

وصح الله لسااااااااانك وعزالله انك كفيت ووفيت
ويكفيها القصيدة جزالة وصف الهجن ومسياقها..
وعز الله انك وافي وجزل ويسلم منطوووقك وانا اخوك
ويستاهلون الطيب اهل المواجيب...
اسعدني وامتعني الشعر والجزالة من الخالدي
وجزالة قصيدك وردك يامال الغنيمة والله...
فعسى الله يسعد ايامك يافارس ..
وتقبل مروري المتواضع..
وادام الله عزك وابداعك..


مرحبا ومسهلا بالغالي مبارك بن الجوير

صح الله بدنك عني وعن الخالدي ولاعليك زود ياحكيلان
ولاهنت وبيض الله وجهك على ردك اللي يعطي ويزيد القصيده جمال

والله يامبارك انك وافي وجزل بشعرك وبردك وبشخصك الكريم
وهذا بشهادة الجميع لك بصمه مميزه وحضور يشرفك ويطلق وجهك


ويستاهل الخالدي ماقلت فيه والطيب مايستغرب من اهله

واشادتك وتعليقك اعتبرها وسام طال عمرك

اسعد الله جميع اوقاتك ودمت في حفظ الله ورعايته

ودمت ودام حضورك وتشريفك الكريم .

 

 

 

 

[معلومات العضو محمد بن سالم الخضراني]

ابو سالم صح لسانك وبيض الله وجهك على الرد الطيب

والقصيده الجزله وصح لسان الخالدي ولاهان على القصيده

تقبل ودي وتقديري ,,

 

 

 

 

[معلومات العضو ابو زيد الغييثي]

اررررررررررررررررررررحب ترررااااحيب المطر

" فارس الدبالين "

صح السانك انت و الخااالدي ملايييييييييييييييييييين

ولا يوفووون يالسناااافي ابيات راااائعه

وجزله غير مستغربه منك

لا عدمناااك يا كحيلااان

 

 

 

 

[معلومات العضو فارس الدبالين]

اقتباس:المشاركة الأصلية كتبت بواسطة دغش بن حمد بن منصورمررررررررحبا والله ومسهلا يالخالدي

والله يبيض وجهك على هذه القصيده الجزله جعل شيبانك في الجنه


وبيض الله وجهك يابو سالم على رد الثناء الطيب واللي مهوب غريب منك

صح الله السانك على هذه الابيات الشامخه يافارس اشهد بالله انك ماقصر ..

ويستاهلون مارثة ابن عريعر ماقيل فيهم ..


لاهنت وتقبل مروري المتواضع

ارحب ارحب يابوحمد

وصــح الله بدنك عنّـآ جميع , ويستاهل اخوي الشاعر ناصر ماقلت فيه

ووجهك ابيض شرفتني بمرورك وتعليقك الكريم

اشادتك اعتبرها وسام طال عمرك

لاهنت وعساك على القوه ياذيبان

تــقـــديــري .

 

 

 

 

[معلومات العضو فارس الدبالين]

اقتباس:المشاركة الأصلية كتبت بواسطة ناصر بن فهدصح لسان الخالديُ ونعم والله بربعهُ اهل الطيب والوفاءُ ،،
وبيض الله وجهك يا ابوسالم على القصيده ولآهنت يا الذيب

اخوي ناصر بن فهد
صح الله بدنك عنّآ جميع
ويستاهل اخوي ناصر المدح والثناء
ووجهك ابيض ياكحيلان
شرفتني بمرورك الكريم
تحيآتي .