فقير , يحفظ لي وقاري ولا امير / يحط من قدري ويضيّع وقاري !!

[معلومات العضو ماجد المهنا]

بسم الله الرحمن الرحيم

السلام عليكم ورحمة الله وبركاته


متواضعه .. أتمنى تلقى بعض القبول


صلوا عـ النبي

الصدر زنزانة أدب والخافق اسير = والفكر عيّن للسان استشاري
والشعر ساحة حرب والشاعر مْغير = والقاف ذود وتحتميه الشباري
ولا يحصل حصته وافيه غير : = ( شوق العذارى لا بسات الخزاري )
وراسي معزب والطواري مسايير = يا مرحبا لبيه يا اغلى الطواري
تلفي علي وافز واصيح واشير = على كرامتها واقلّط فقاري
واشب ضو القاف وتشع وتنير = وتبحص معانيّه بجوف الغواري
وازلّها وسط الدلال المباهير = وامد فنجال الجزال الهراري
مثايلٍ فيها اعجاز وتصاوير = لزّم اتنقاها بحسّب اختياري
مثل الرفيق اللي يدوّر لي الخير = ويزعل علي لو يوم شاف انحداري
وادوّر لبعض السوالف معاذير = واحط لي منهج واحدد مساري
واحرص على نسل الرجال المناعير = اللي يماري بخوته لي واماري
فقير يحفظ لي وقاري ولا امير = يحط من قدري ويضيع وقاري
ابيه لا دارت علي الدواوير = يكون لي عزوة وجبر انكساري
خوة شرف ماهيب خوة دنانير = وان غبت ما يرضى علي الهذاري
يا ملّ عينٍ تحبس الدمع ويحير = ويحدها عن الدموع اعتباري
كن في حشاي من الغبينه دوافير = وتحوفني في كل ساعه عزاري
إلى ذكرت الحظ فالثلث الأخير = وحبٍ عجزت اقدم إْلِه اعتذاري
تعبت من طول السهر والمشاوير = ومن كثر ماحطت بعيني مواري
وازريت للقى للمواجع تفاسير = وعانيت من كبت الحزن والعباري
وسيلٍ من النكبات مامنّه مْجير = لا صرت اداري والغلا ما يداري
هقيت في وقتٍ هدرّ كنّه بْعير = وضاعت هقاويي وطال انتظاري
ان جيت طمعٍ في ليالٍ مغاتير = جتني مجاهيمه هزال وعواري
لكنّ ابسألكم احد شاف لي طير ؟ = خلا ضلوعي واخلِفتْه الحباري
قمت ازهمه والوّح بغترتي مير = روّح وقفت به هبوب الذواري
واصبحت مالي قلب يَروى من البير = من يوم ما شحّت بماها عذاري

 

 

 

 

[معلومات العضو خالد الخييلي]

مبدع يا ماجد مبدع

صح فكرك وصح لسانك وصح بوحك

سلمت يمينك بما خطت

تحياتي لك ...

 

 

 

 

[معلومات العضو عبدالرحمن الشرافي]

واحرص على نسل الرجال المناعير=اللي يماري بخوتـه لـي وامـاري
فقير يحفظ لـي وقـاري ولا اميـر=يحط من قـدري ويضيـع وقـاري
ابيـه لا دارت عـلـي الـدواويـر=يكون لي عـزوة وجبـر انكسـاري
خوة شرف ماهيـب خـوة دنانيـر=وان غبت ما يرضى علي الهـذاري

لله درّك و لا فض فوك

يا مــاجــد



الاخ العزيز والشاعر الكبير/ ماجد المهنا


صح اله لسانك ملااااااااااين

وبيض الله وجهك يالسنافي .... على هذه القصيدة الجزله وافية المعاني

والله ان هذه القصيدة من أفضل ما سمعت من القصيد المعاصر


ولاهنت على نقل مشاعرك لنا يالسنافي

ولاتحرمنا من قصيدك الجزل

وجعلنا مانخلا منك ولا من كتاباتك


وتقبل فائق التحية والتقدير

 

 

 

 

[معلومات العضو يحيى الودعاني]

صح السانك و عتلا شانك

وبيض الله وجهك على الجزله


لاهنت

 

 

 

 

[معلومات العضو العماني]

الشاعر المبدع ماجد المهنّا

صح الله لسانك يابوعبدالله على الابيات الرائعه والكلمات المعبرّه والتصوير الجميل ، وهذا ماتعودناه منك دائما

تقبل تحياتي،،

 

 

 

 

[معلومات العضو فيصل بن جزاء]

الاخ العزيز والشاعر الكبير/ ماجد المهنا

صح السانك واعتلى شانك على هذه الدره الرائعه

الابداع رفيق دربك ياابوعبدالله

انا ولي الشرف اني من المتابعين لكل ماتتحفنا به من ابداع قصايدك العذبه

سجل اعجابي بشاعريتك وقوة معانيك والا انت خابر اني من جمهورك من زمان ياالقرم

تقبل اصدق الاحترام والتقدير لشخصك الكريم

 

 

 

 

[معلومات العضو أبونواف الدوسري]

الأخ ماجد المهنا ..صح الله لسانك علي هذه القصيده ..عسي الله يوفقك ..

تقبل تقير أخوك أبو نواف الدوسري.

 

 

 

 

[معلومات العضو حنيان الدوسري]

الشاعر الفذ : ماجد المهنا

صح الله لسانك ، درة من رأس شاعر جزل

سجلني من المعجبين بطرحك

أمنياتي لك بالتوفيق

 

 

 

 

[معلومات العضو محمد الغريري]

ماجد المهنا

صح الله لسانك وابيض وجه

فقير يحفظ لـي وقـاري ولا اميـر = يحط من قـدري ويضيـع وقـاري

لا تحرمنا جديدك يالغالي ..


اخوك في الله

محمد الغريري

 

 

 

 

[معلومات العضو ابو زابن المسعري]

صح السانك واعتلى شانك وبيض الله وجهك

قصيده جزله

لاهنت

 

 

 

 

[معلومات العضو سالم بن صمهود]

واحرص على نسل الرجال المناعيراللي يماري بخوتـه لـي وامـاري
فقير يحفظ لـي وقـاري ولا اميـريحط من قـدري ويضيـع وقـاري
ابيـه لا دارت عـلـي الـدواويـريكون لي عـزوة وجبـر انكسـاري الاخ\ماجد المهنا صح الله لسانك يالمبدع ورفع الله قدرك يالشهم

 

 

 

 

[معلومات العضو عبدالله بن عريمة]

قصيدة تظهر فيها براعة الشاعر وقدرته

صح السانك اخوي ماجد المهنا

 

 

 

 

[معلومات العضو عبدالله الدوسري]

مثايـلٍ فيهـا اعجـاز وتصـاويـر...لـزّم اتنقاهـا بحسّـب اختـيـاري
مثل الرفيق اللي يدوّر لـي الخيـر...ويزعل علي لو يوم شاف انحـداري



ماجد




نص يحكي الروعة



وافية و جزلة من وافي و جزل


دمت بخير،،،

 

 

 

 

[معلومات العضو أبو زايد التغلبي]

صح لسانك دوم ياماجد وسلمت
مافيك حيلة ياماجد
وفالك التوفيق
وأما المليوووون فغدا به صبي مرة

 

 

 

 

[معلومات العضو عبدالرحمن النتيفات]

مبدع يا ماجد مبدع



صح فكرك


وصح لسانك




وصح بوحك



سلمت يمينك


تحياتي لك ...