الرفيق المرحباني

[معلومات العضو ابن الحرمين]

بسم الله الرحمن الرحيم
أخواني وأخواتي أعضاء هذا المنتدى الموقر
السلام عليكم ورحمة الله وبركاته ...أمـا بعد
بما أن هذه المشاركة الأولى لي حبيت أن أبتدئها بقصيدة رائعة وجميلة
للشاعر الكبير مبارك بن محمد بن عبدالله آل شواي الودعاني الدوسري
والــد الشاعر المعروف سعد الودعاني
ويقــول فـيــهــا:

قال من يبدع جزيلات المعاني = والهدف منـهـا يـدوّر حاجتلـه
وين بلقالي رفيقٍ مرحباني = لا تكدر خاطري رحت المحله
و إن تباطاني تعنالي وجاني = صافيٍ قلبه وقلبي صافيله
ما تغيره الليالي والزماني = منوتي شوفه وشوفي منوتله
يضحك حجاجه وسنه معشراني = من كبر حظه جليسه مايمله
و ان زهمته فبشر بسلة يماني = قاطع حده ينومس من يشله
فرخ حر مسكنه روس البياني = من صواريم تعالج كل عله
يكرم الضيفان هيف لسماني = و ان مدحته يستحق المدح كله
مقدر أعدد خصاله باللساني = كل خصلة طيب فيه ومستقله
تفتخر به كل ربعه والعواني = والله إن كبدي على مثله مغلّه
يا كثر ربعي وخلان الفهاني = بس طبع الناس كلٍ له اجبلّه
و الصبر محمود والله المستعاني = والرجل ما كل ما يبغي حصله
والمنافع فوقها والعمر فاني = ومن رحل منّا له كتاب يفلّه

 

 

 

 

[معلومات العضو شافي القويسي المخاريم]

صح لسان الشاعر
قصيده جميله جدا و تحمل من المعاني الرائعه
يقول والدي الله يطول بعمره

وين بلقالي رفيقٍ لا بغيته=ما يتوانا لا بغيته في اللزومي
يضحك حجاجه الى مني نصيته=و ما يتعقد ناضره و نفسه تزومي

على العموم شاكرلك على الطرح الجميل
تحيااااااااااااتي

 

 

 

 

[معلومات العضو ابن الحرمين]

صـح بـدنكـ
ونـورت الـصـفـحـة بـمـروركـ يـالـغـالــي

 

 

 

 

[معلومات العضو محمد الولامين]

صح لسان شاعرها


ولا هان من نقل القصيده

وبيض الله وجهك

في انتظار جديدك

 

 

 

 

[معلومات العضو ابن الحرمين]

ووجهك ابيض
والله لا يهينك على المرور

 

 

 

 

[معلومات العضو ابن الحرمين]

ووجهك ابيض
والله لا يهينك على المرور