|
|||||||
21-06-2005, 04:25 AM
|
#1 | ||||
|
الشاعر حسـن بن وتيد {الحسـنيـه}
شرفت في مزمومةٍ تالي العشى= زبارةٍ مزمومةٍ في زبارها
في راس صبحى الجوب ياعلها الحيا=عسى جزيل المد يجلى غبارها من غيمةٍ ترخى هماليل وبلها=لاهبة النكبى وثور كدارها يالله طلبتك طلبةٍ وستجب لها=من جيز من يطلبك عطها ورارها يا قابل الطلبات طالبك يا ولي=وجناً من لعيرات نابيٍ فقارها جذرى فخوذ مثل بيبان تاجر=ومصفقاتٍ ركبة في جدارها منفوجة الكوعين منبوزة الظهر=جليلة العثنون تزها أعذارها تزها الرسن والكور لاحط فوقها=وتزها كلايفها وتزها قشارها ومعلقاً بردوفها لي خويه=عصملي بعد المرامي قرارها ناخذ عليها سجتٍ بعد ضيقه=ونترك بعض لطماع جعله ودارها والرزق مضمون ولاصك بابه=ولغمر نفسه ما يزيده ثبارها قلتة ونا من لابةٍ تكسب الثنى=بكرام خاطرها وبكرام جارها بتاعه قطاعةٍ في حريبها=قومٍ نهار الهوش ترخص عمارها حسنيةٍ يفرح بهم هاشل الخلا=ويريحون الي خفوقٍ زوارها تفرح بهم هجنٍ من البعد لاقبلة=لاعرضوها ليلها مع نهارها لاجت مزاهبها من الزاد خاليه=تبشر بربعٍ رافعين وقارها ذباحةٍ للحيل في الين والقسى=ما يذبحون إلا نوادي خيارها يوم الردي مهوب يظهر إنذورها=مع جلايلها يربي صغارها وهل دلال يقعد الراس كيفها=تجلى العمس من موجبٍ يوم زارها فيها الشنه والزعفران العماني=والهيل فإن الهيل سيد بهارها صباب دلتها إلا أرخى سبيلها=يعجبك في الفنجال فاخر شقارها يوم الردي لاشب في اليوم مره=خلا دلاله لين يمكن هجارها عسى دلالٍ من تعبها مريحه=تهجر وتطفي عين شباب نارها ياونتي ونت خلوجٍ تنهمت=مختلةٍ من عقب فرقا حوارها على ربوعٍ صرت في ضف غيرهم=أمصبرٍ نفسي بغير إختيارها غديت منهم مثل جرياً أطرد=لاشافو أهل المال بين غبارها والحال مني مثل حال مهيومه=لا عافت المرعى وهندم شنارها حنا هل البلها وحنا آل مانع=كم عزبتٍ زعنابها من ديارها ياما عدينا القوم غصبٍ من إبلهم=ويا ما تخززنا نوادي إخيارها مرن تجي منهم علينا وننهزع=ومرن خيال الضد تعطي دبارها زيزومنا فرز الوغايا محمد=يوم الفتيل يزوع منها شرارها ياما نزعنا من لاجاويد هجمه=حلول الصفاري لاتبين عشارها وآلاد عمار الموالين ربعنا=كم ديرةٍ بالسيف فضو جدارها من خلقت الدنيا ترى الطايله لنا=جندٍ مع العالم رفيعٍ وقارها ياحاضرين القول صلوا على النبي=عدة حصى مكه ومن كان زارها
|
||||
|
|
|
|
21-06-2005, 04:47 AM
|
#2 | |||||||||||||||||
|
رحم الله الشاعر الكبير حسـن بن وتيد العماري
واسكنه الجنه ونعم فيه وفي ربعه الطيبين قليب الذيب بيض الله وجهك على نقل القصيده الطيبه وجعل يمناك سالمه والله يعطيك العافيه اخوك ابو عبد الله الشكري
|
|||||||||||||||||
|
|
|
|
21-06-2005, 11:59 AM
|
#3 | ||||
|
لاهنت ياقليب الذيب على القصيده
|
||||
|
|
|
|
21-06-2005, 12:56 PM
|
#4 | ||||||
|
|
||||||
|
|
|
|
21-06-2005, 06:22 PM
|
#5 | ||||||
|
|
||||||
|
|
|
|
21-06-2005, 11:30 PM
|
#6 | ||||
|
السلام عليكم ورحمة الله وبركاته
|
||||
|
|
|
|
22-06-2005, 08:45 AM
|
#8 | ||||
|
الله لايهينكم يا جماعه على تعليقكم الطيب ومروركم العطر الذى شرفني وأسعدني جداً
وبموقفي هذا أمامكم أقوم بشكر كل من قام بإنشاء هذاالمنتدى والإشراف عليه من مراقبين وأعضاء في {منتدى الدواسر} وأشكركم جميعاً لإتاحت الفرصه لي بالمشاركه في هذا المنتدى الشيق جداً وأشكر كل من : الشكري عماري السيح أبن غرير وأبو فهيد والخزامي و دوسري لي الفخر أخوكم -${قليب الذيب}$- Bandornet@hotmail.com
|
||||
|
|
|
|
25-06-2005, 05:14 AM
|
#9 | ||||
|
رحم الله الشاعر الكبير حسـن بن وتيد العماري
|
||||
|
|
|
|
08-05-2008, 11:02 PM
|
#10 | ||||
|
رد: {حسـنيـةٍ صـهيـبيــةٍ زايــديــه}
رحم الله الشاعر الكبير حسـن بن وتيد العماري
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 12:18 PM
