قصيدة الدهمي في الودعاني

[معلومات العضو ودعاني ( السليل )]

[align=center][table="width:70%;"][cell="filter:;"][font=simplified arabic][size=5][color=black][align=center]بسم الله الرحمن الرحيم

في الحقيقة تعجبني قصيده عبيد الرشيد وفزعته عند خويه يوم تكلموا فيه وبدو يحرضونه على خويه وتعيب انه يهمل خويه.....

فما بالك من الرجل الصامت الذي لا يريد إن يعلم احد بفعله مع خويه وقفته يوم كلآ لاجات الصملات تخلى من رفيقه
فهو حين امسك خويه وطاح بين أيدي الرجال مافكه منهم اللي اهو يوم ساق الفكسار عليهم ثم أعرضه وحول برشاشه وساقهم لين تفرقعو وقدام عيونهم حول رفيقه غصب وخذاه منهم...

وعلم بالسالفة رجل من اليمن من دهم وشاش رأسه وتهيض وأرسل القصيدة مع العلم انه لا يعرفه ولم يسبق أن شافه أو جلس معه....,,,

إخواني زوار منتدى قبيلة الدواسر الرسمي هذه القصة واقعية حدثت قبل عدة أعوام وهي لأحد أبناء القبيلة من قبيلة الوداعين وذكر بمناسبتها أكثر من عشرين قصيدة لأكثر من شاعر ولكن عدم نشر الموضوع في ذلك الوقت حافظا على صاحب السالفة من أجل إن لا يفصل من وظيفته وان لا يسجن ولأن الفعل غانم تكتموا أصحاب الموقف على هذا الموضوع وإليكم قصيدة الدهمي الذي شاش رأسه بعد سماع القصة من شباب الدواسر وهم في دولة اليمن وقبل قصيدة سوف أدرج القصيدة التي جاراها الدهمي ..

القصيدة الأولى

الطيب فرصه والجمايل توافيق= ومن لاتوفق ماكتب له جماله
ومن لارقا بالطيب روس الشواهيق= مازان له وقته على مابداله
ومادام لفعول الجمايل عشاشيق= كسب الجمايل مايجي بالسهاله
ولو انها تشرب مع فكه الريق = كلا خذاله كل ماصبح ابياله
والطيب منوه للقلوب المشافيق = كلآ يتوق ومنوته راس ماله
والمدح مايزهي على الرجل ويليق = الا لاصارت وافياتآ خصاله
يستاهله رجلآ يفك المزانيق = اللى يقال ونعم لاجا مجاله
ومن ساقته نفسه وهو مابعد سيق = لجل الجميل يزين الله فاله
والمرجله ماهيب تحتاج تنسيق = من بين قلب اللى عشقها وباله
ومن عاده الدنيا تخون المواثيق = تفتر مكرتها سوات المحاله
ولو لا اللوازم ماعرفنا المخاليق = مانعرف الرجال لين أنعناله
والكفو تضهر فزعته حزت الضيق = وينشاف في الشده بعين العداله
نسل الرجال متعبين الملاحيق = متوسطآ من بين عمه وخاله
واللى يطيق ولابغى قال ماطيق = تحرم عليه المرجله والشكاله
والهينه تكبر على اللاش والهيق = له في الرخا قاله وفي الضيق قاله
والطيب شاره والضماير صناديق = وللاش طيبه ماتعدى أضلاله
وانا اسير اقلوب الرجال المغاليق = والصامت اقطع غايته من مقاله
ومادام في الدنيا رجال ومطاليق = نصيتهم واللاش مالي وماله

قصيدة الدهمي

بديت فـي قافـآ طلوعـه مزاليـق = طلعه فلا المشتـاق يرضـي بدلـه
وأنا سمعت احروف قافـأ بتنسيـق = من شاعرآ لاقـال يزهـي المقالـه
شاعر يسوق القول من دون تلفيـق = صادق صدوق الطيب طبعـه وفالـه
جتني أعلومآ شاقت القلب تشويـق = هزت خفوقـي ليـن قلبـي حنالـه
قم يانديبي فـوق زيـن المعاشيـق = جيبآ يقـرب طـاوي البعـد حالـه
اسرح مع المنهـاج مافيـه تعويـق = منصـاك ابودرعان رجـل الشكالـه
ابشر بعز الضيـف قـولآ بتوثيـق = في دار مـن دايـم تبهـر أدلالـه
عند الوجيه المسفـرات المطاليـق = حاش الكرم للضيف بإغلـى حلالـه
ثم قـل لبودرعان بعطيـه تصديـق = يشهد بفعل الجيـد فـي كـل حالـه
ليله خويه بيـن عبـس المواثيـق = مطلـوب لتقديـم يــم العـدالـه
تحادبتـه جيـوش أمـن وفواريـق = احدآ مسك يمنـاه واحـدآ شمالـه
شانت؟وابودرعان ياجالـي الضيـق = ومن الشجاعه قـام طـوح أعقالـه
اقبل عليهـم ميتـآ ناشـف الريـق = وأشتقهـم صفيـن يـوم انتخالـه
ماهاب من صف الجيوش المعاليـق = وقض أفروخ الجن وأرسى الجمالـه
طواه لين أسقاه بـن(ن) وأباريـق = أحياه بعد المـوت وافـرح أعيالـه
وأستاق علم الطيب بيـن المخاليـق = ودربه اصعيب اقطوع بأقصى الرماله
يابنت ياللي ترمق القلـب ترميـق = يـا ام الجعـود الناعمـه والهلالـه
غنت(محمد) راعي الطيـب ويليـق = وأرخت هدب الاعيان وصاحت وهاله
وأنا بديت القاف قافي وانـا اطيـق = وأرسلتها فاكسـات عبـر الرسالـه
فاكسـآ يسوقـه كمبيوتـر بتدقيـق = والمعـذره لاش(ن)علينـا فسـالـه
وأختامها بأقـول دهمـي بتحقيـق = بأقصى اليمين والحد عفرا صلالـه

عز يا ( حامي خويه ) على الطلاق أنها تعد من سوالف الدواسر وعلى الطلاق ان لقب ( حامي خويه ) تستاهله يالفحل ولا يليق على غيرك با كحيلان وعلي الطلاق انه يشوش راس كل حر من فعلك الغانم يا طير شلوى . عز يا لابتي عز يالاد زايد عز يالدواسر وفي الأخير اقول لحامي خويه ..نوم عيني يا محمد نوم عيني .. لعنبو من لا يسمي سميك يا حامي خويه

 

 

 

 

[معلومات العضو ناصر فياض الودعاني]

كفو بحامي الخوي وخصيم الوقت


والله إنه شيخ والشيخ مايستغرب الطيب منه



وشهادتي فيه مجروحه ولو بسرد الصفحه من القصيد والعلوم ماوفيته حقه


لاهنت ياودعاني السليل على طرح الموضوع


مع العلم اني سبق وأن طرحته انا في منتدى الولامين



لك مني أرق التحآآآآآآآيا

 

 

 

 

[معلومات العضو ودعاني ( السليل )]

أررحب يا حفيد عون بن مرزوق بيض الله وجهك على مرورك يا كحيلان . والكذب خيبة انا ناقل الموضوع من منتدى الولامين بعد سماعي بالموضوع وانه منزل في منتدى الولامين واللي منزل الموضوع يا كحيلان في منتدى الولامين هو عاشق المبرقع . ولا أدري انت عاشق المبرقع ولا لا يا حفيد عون بن مرزوق في منتدى الولامين . لا هنت على كل حال على مرورك على الموضوع يا ذيبان اللي شرف الموضوع يا صحاب الأساس في نشر الموضوع على حد قولك .

 

 

 

 

[معلومات العضو ناصر فياض الودعاني]

هههههههههههه

اي نعم أنا عاشق المبرقع

وابو درعان يستاهل

وانت يالذيب علمك غانم وبيض الله وجهك

الى ماتجيب الى العلوم الغاانمه الى تنومس القبيلة

الله يعطيك العاافيه

لك مني كل الود

 

 

 

 

[معلومات العضو ودعاني ( السليل )]

ووجهك يا حفيد واسم عصاه والعلم هذا باسم الوداعين خاصة والدواسر عامة وينومس كل حر ياحر وحسب المعلومات اللي وصلتني ان خويه من لاد المنيعي ( مخيرمي ) ولا له من ولا طيب من الأساس فيه ولكن الفعل يرفع الراس واتوقع انك ملم باكمل القصة يا حفيد عون بن مرزوق

 

 

 

 

[معلومات العضو ناصر فياض الودعاني]

اشهد بهالشي

واسمه محمد

ومن ضمن كلامه لي يقول والله وعلي الطلااق لو مابسمي محمد لسمي أول

ولد لي محمد

 

 

 

 

[معلومات العضو نايف العجمي]

كفوووو والله سالفة طيبة وتنومس كل رجال طيب وشكر على القصيدة والقصة

 

 

 

 

[معلومات العضو شيهانه بكف صقار]

بيض الله وجيهكم على ايراد القصة المشرفه

وماهي غريبة العلوم الغانمة على ابناء القبيلة

كل الشكر لك اخي الفاضل

 

 

 

 

[معلومات العضو الودعاني 33]

مشكووور

 

 

 

 

[معلومات العضو درعان بن عبدالله]

بسم الله الرحمن الرحيم في البداية بيض الله وجهك يا أخوي ودعاني السليل على إدراج مثل هذه القصة اللي ترفع الراس وتنومس يا ذيبان . أما حامي خويه فأقول بيض الله وجهك يا حامي خوية عز الله انه قليل اللي يسوي نفس هذا الفعل في هذي الايام يسوق نفسة ولا يحسب لعواقبها عز الله أنك كفو يابو درعان وشهادتي في مجروحة يا كحيلان . تقبل مروري يا أخوي ودعاني السليل ولا هنت على هذا الطرح المميز أيها المميز

 

 

 

 

[معلومات العضو الحب الاصيل]

صح الله السانه وكفووووو والله وتسلمون على طرح القصه

 

 

 

 

[معلومات العضو ودعاني ( السليل )]

ماعليك زود يانايف العجمي

مشكور على مرورك العطر على المشاركه

 

 

 

 

[معلومات العضو ودعاني ( السليل )]

تسلمين يا شيهانه ومشكورة على مرورك العطر على المشاركة

 

 

 

 

[معلومات العضو ودعاني ( السليل )]

الودعاني 33

لا هنت على مرورك على المشاركه

 

 

 

 

[معلومات العضو ودعاني ( السليل )]

ارررررررحب يابو عبدالله

اعتذر على انقطاعي لظروف العمل وامور الدنيا الله يكفينا شرها

وابو درعان يستاهل كل خير وانا ما جبت شي من عندي فعل يرفع الراس ولا لنا ألا نظهره لأنه ما يغط وفيه أفعال اظهرت وهي ما تاصل جزء من فعل أبو درعان حامي خويه بيض الله وجهك على مرورك على المشاركة يابو عبدالله .