أحب أهل الوفــا وأمشي وراهـم...لمهنا العتيبي

**معلومات** **العضو** · 28-10-2008, 12:18 AM

السلام عليكم ورحمة الله وبركاته

شيله بصوت المبدع مهنـــــــا اااالعتيبي

حمام ناح بالاغصـان طارب

درست من الدروس اللي كفاني= كسبت العلم من طول التجارب
اميز به عدوي من صديقي= من الاجناب والا بالاقارب
عرفت اللي بني بيت الصداقه= يصاحبني لتحقيق المأرب
يصادقني يبي يقضي لزومه =والا سنع لزومه فر هارب
عرفت اهل النفاق من النميمه =وياما كدروا صفو المشارب

للاستمـــــاع اضغط هنا

وسلامتكــــــــــم

**معلومات** **العضو** · 28-10-2008, 12:57 AM

بارك الله فيك أبنتي الزين على هذه القصيده

وأسمحي لي أن أنقلها كتابتا هنا ...

حمام ناح بالأغصان طارب = وأنا قلبي تجاذب بهالمكارب
مكارب وقت الي علمتني = على الشدات حتى أصبحت ذارب
نشدت الورق عن سبة طربها= وقالت لي لقيتها بالمضارب
وهنيت الحمامة بالمباري = يوديها المشارق و المغارب
وأن من حاست الأيام هاين = أزاين فكري الي فيه تضارب
واسجل من بنات الفكر وأبدع =على قولت المثل سدد وقارب
درست من الدروس الي كفاني = كسبت العلم من طول التجارب
أميز به عدوي ومن صديقي= من الأجناب ولا من الأقارب
عرفت الي بنا بيت الصداقة = يصاحبني لتحقيق المآرب
يصادقني يبي يقضي لزومه = ولا سنع لزومه فر هارب
عرفت أهل النفاق من النميمة = ويا ما كدروا صفوا المشارب
اليا جونا أعز اصدقانا = وعند غيابنا مثل العقارب
ولوصالوا لجا أشحنونا = ولا قد حصلوا كود المتارب
أحب أهل الوفا وامشي وراهم = ولا اصادق صديق فيه ذارب
لونه غرني عند البداية = مصيره ينكشف كله عذارب
على ماقيل في جل المعاني = يطيح البيت تناسا سخارب
يضر الجبن معدوم المروة = ومعروف المعالي المحارب
وطريق المجد واضحة المعالم = قناديل تغديها الكهارب
لكنه صعب ماكل يناله = يفر اللاش عنه مع المسارب
اليا جت حاجتي بيّن صديقي = دليلي هذا في كثر التجارب
للشاعر :عبدالله بن طلق بن خويتم العتيبى رحمه الله

**معلومات** **العضو** · 28-10-2008, 01:10 AM

تسلميـــــن اختــي الزين

والله يرحم الشااعر//عبدالله

وبااارك الله فالشاااعر//مهنا

تتحياتتي

**معلومات** **العضو** · 28-10-2008, 01:49 AM

تسلمين عالنقل
والاختيار الرائع
دمتي بخير

**معلومات** **العضو** · 28-10-2008, 01:56 AM

اختيار رااائع لقصيده جزله وصوت عذب

تسلم يدج يالزين وماقصرتي

وتسلم يد ابونا الكبير ابو نواف على تنزيل القصيده كتابه

والله يرحم شاعرها العتيبي

ويسلم صوت المنشد مهنا العتيبي

**معلومات** **العضو** · 28-10-2008, 08:50 PM

اقتباس:

المشاركة الأصلية كتبت بواسطة أبونواف الدوسري

بارك الله فيك أبنتي الزين على هذه القصيده

وأسمحي لي أن أنقلها كتابتا هنا ...

حمام ناح بالأغصان طارب = وأنا قلبي تجاذب بهالمكارب
مكارب وقت الي علمتني = على الشدات حتى أصبحت ذارب
نشدت الورق عن سبة طربها= وقالت لي لقيتها بالمضارب
وهنيت الحمامة بالمباري = يوديها المشارق و المغارب
وأن من حاست الأيام هاين = أزاين فكري الي فيه تضارب

لاهنت وبيض الله وجهك علي المرور الطيب

وتسلم يمناك علي نقل القصيده كتابيا لنا

**معلومات** **العضو** · 28-10-2008, 08:53 PM

اقتباس:

المشاركة الأصلية كتبت بواسطة حازب الووودعاني

تسلميـــــن اختــي الزين

والله يرحم الشااعر//عبدالله

وبااارك الله فالشاااعر//مهنا

تتحياتتي

لاهنت وبيض الله وجهك علي المرور الطيب

**معلومات** **العضو** · 28-10-2008, 08:56 PM

اقتباس:

المشاركة الأصلية كتبت بواسطة نجــــــــــديه

تسلمين عالنقل
والاختيار الرائع
دمتي بخير

الله يسلمتس من كل شر ولاهنتي يالنجديه

**معلومات** **العضو** · 28-10-2008, 09:40 PM

اقتباس:

المشاركة الأصلية كتبت بواسطة البدويه

اختيار رااائع لقصيده جزله وصوت عذب
تسلم يدج يالزين وماقصرتي
وتسلم يد ابونا الكبير ابو نواف على تنزيل القصيده كتابه
والله يرحم شاعرها العتيبي
ويسلم صوت المنشد مهنا العتيبي

لاهنتي وبيض الله وجهتس علي المرور والتعليق الطيب