عذراً يا أهل الحفل " لقد مات دغش " !

**معلومات** **العضو** · 20-01-2007, 10:08 AM

الأخوة الغالين إدارة وأعضاء ومتصفحي هذا المنتدى الراقي
لا أريد الإطالة عليكم ومن حضر حفل قبيلة الغررة أكيد سمع اعتذاري واعترافي بالعجز عن المشاركة بأي قصيدة تقرأ ما بداخلي بسبب فاجعة وفاة أخونا الغالي (( دغش )) رحمه الله
ولكن اسمحوا لي بهذه الأبيات المتقضبة التي ارتجلتها في الحفل الكبير

قالوا دعيت لحفلـةٍ عنـد اغـرره=وش عندك بنسمع من انتـاجٍ جديـد
في ليلة والها مـن العمـر ثمـره=عسى هجوسك من نوادرها تصيـد
قلت البداية بـا شكـر الله واذكـره=الواحد الرحمن فاعـل مـا يريـد
الواحـد اللـي نعبـده ولـم نـره=الله يجملـنـا بميـقـافٍ سـديـد
سلام يا هل الحفل من قلـب شـره=على قصيدٍ غاب في يـوم القصيـد
وسلام للي ساق رجلـه وحضـره=في ليلةٍ كنهـا مـن الايـام عيـد
واللي قرا في خافي الفكره اعذره=إن كان عجز اليوم عن نظم الفريد
موتة دغش تسوى من الناس اعْشره=أنا اشهد إنـه فاجعـه وانـه فقيـد
وانا اشهد انه صعب تضنا به مـره=وصعبن نحصل له مثل شخصه نديد
الله يبيحه كـل مـا البـال اذكـره=ويالله تبيحه لا طرق بابـك وحيـد
واختامها وان كان جينا يا غـرره=كلمة نعم لأمثالكم شيـك ورصيـد
واللي عرف وش خافي القلب اعذره=أرجو المعذره..كان ما تم القصيـد

**معلومات** **العضو** · 20-01-2007, 11:12 AM

صح لسانك يانايف
والله يرحم الاخ دغش البطي ويسكنه فسيح جناته
والله يبيض وجه الغرره على استضافتهم لحفل القبيله
وتقبل تحيات اخوك

**معلومات** **العضو** · 20-01-2007, 11:43 AM

صح الله لسانك يا ابو عبدالمحسن

ولا هان منطوقك

والله يرحم ابو محمد ويسكنه فسيح جناته

**معلومات** **العضو** · 20-01-2007, 02:49 PM

صح الله لسانك اخوي نايف على القصيدة الارتجالية الجزله ولاهوب غريب فانت شاعر من فحول شعراء الدواسر

والله يرحم ابو محمد ويسكنه فسيح جناته ، والله يبيض وجيه الغرره على ماقاموا به

تقبل تحياتي،،

**معلومات** **العضو** · 20-01-2007, 03:08 PM

الجزل دائماً مايجي منه إلا جزل
صح الله لسانك
والله يرحم الفقيد
ويستاهلون أهل المدح

**معلومات** **العضو** · 20-01-2007, 04:17 PM

الله يبيحه كـل مـا البـال اذكـره
ويالله تبيحه لا طـرق بابـك وحيـد

الله يغفر له ويسكنه الجنه

واختامها وان كان جينا يـا غـرره
كلمة نعم لأمثالكـم شيـك ورصيـد
واللي عرف وش خافي القلب اعذره
أرجو المعذره..كان ما تـم القصيـد

يستاهلون الغرره النعم و بيض الله وجهك يا نايف

والقصيده كايفه وافيه وقاف مميز

صح الله لسانك وسلمت يمينك

وتشرفت بسماعها في الحفل

تحياتي لك ..

**معلومات** **العضو** · 20-01-2007, 04:48 PM

صح لسانك يابن مسرع والله يرحم الفقيد رحمة واسعه
واسكنة فسيح جناته وان يلهم اهله الصبر
وعظم الله اجرنا واجركم في شاعرنا ابو محمد
عائلة ال حمود الدوسري بالشرقيه

**معلومات** **العضو** · 20-01-2007, 05:07 PM

لا هنت يا نايف

وافي

و عسى الفقيد الفردوس الأعلى

تقبل كل الود،،،

**معلومات** **العضو** · 21-01-2007, 02:41 PM

صح لسانك يانايف
والله يرحم الاخ دغش البطي ويسكنه فسيح جناته
والله يبيض وجه الغرره على استضافتهم لحفل القبيله
وتقبل تحيات اخوك

**معلومات** **العضو** · 21-01-2007, 03:10 PM

الشامخ

صح لسانك علي هالقصيدة وليس غريب عليك 00

قصيده جزله من شاعر لا يعرف الى الجزاله 00

ورحم الله الأخ دغش وأسكنه فسيح جناته

تقبل مروري

أخوك

المحبوب

**معلومات** **العضو** · 21-01-2007, 05:26 PM

صــح لســـانـــك أخي الغــالي الشـــاعــر الرائــع نــايـف بـــن مسرع

قصيــدتــك جميـــلة ومـعــبره وهـذا غـير مستــغـرب عـلى شــــاعــــر

مميــز لــه صولـه وجولـه في بحــور الشعـر العمـيق،،،،،

حقيقــة لا أخفي إعجـابي بشـاعـريتك وإستمتـعـي بـهـا في الحفــل

ورحم الله فقيــد الجميــع أبــامـحمد دغـش البطي ( محب الجميــع )..

**معلومات** **العضو** · 21-01-2007, 08:25 PM

الله يرحم ابو محمد ويبيحه عزالله انا فقدنا رجال عن الف رجال

وصح اللسانك

وجزاك الله خير على مشاعرك واشهد اني سمعت من ابو محمد قبل ايام من وفاته يثني عليك

محبك ومحب دغش :ابو زيد

**معلومات** **العضو** · 21-01-2007, 11:07 PM

اولاا عظم الله اجركم يا دواسر في الفقيده دغش بن بطي

انا والله لا اعرفه ولكن ارى ردوده ومشاركاته اللي تدل على طيبه

اسكنه الله فسيح جناته

بأسمي ممثلا عن قبيلة بني هاجر

اقدم واجب العزاء

الله يرحمه ويسكنه الجنه

ويلهم اهله الصبر والسلوان

وثانيا

بالنسبه للقصيده فأنها تدل على المصاب الجلل

ولانيب لايمك

والله يلوم اللي يلومك

وصح اللسانك يا دوسري

اخوك ذيب الهاجري

**معلومات** **العضو** · 22-01-2007, 06:28 AM

الأخ :: نايف بن مسرع

صح الله لسانك ولا هان الله منطوقك

ومعذور ففاجعة وفاة أخونا دغش تلجم اللسان لمن لم يعرفه فكيف بمن عرفه مثلك

**معلومات** **العضو** · 22-01-2007, 06:52 AM

صح السانك ملايين ورحم الله فقيدنا الغالي المحبوب ولاقصرة في مشاعرك النبيلة تقبل كل معاني الود ألأحترام

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
التغطية المصوّرة لـ حفل الشيخ فهد بن فريج الشكره بمناسبة حصوله على سيف الشرف للرجل المثالي مقدما من صاحب السمو الملكي الامير مشعل بن عبد العزيز رئيس هيئة البيعة رئيس اللجنة العليا لجائزة الملك عبد العزيز طيب الله لمزاين أم رقيبة	الإداره	:: قسم اللقــاءات والفعاليات والتغطيات الخاصة::	24	10-02-2011 05:10 PM
التغطية المصورة لحفل المسابقة الشعرية الأولى لموقع قبيلة الدواسر الرسمي	الإداره	:: قسم المسابقة الشعرية السنوية للموقع الرسمي لقبيلة الدواسر ::	17	11-12-2010 11:09 PM
التغطية المصوّرة (الحصريّة) لحفل الشيخ بادي بن ناصر آل بوزمام المساعرة تكريماً لموقف الشيخ هذّال بن راشد بن هذّال الحقباني .	الإداره	:: قسم اللقــاءات والفعاليات والتغطيات الخاصة::	24	28-06-2010 09:57 AM
التغطية الـمصّورة للحـفل الثـاني لموقع الدواسر الرسمي برعاية الغرره	الإداره	:: قسم اللقــاءات والفعاليات والتغطيات الخاصة::	29	18-08-2007 06:40 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية