ماجدبن رويه وعبدالله بن مرضي محاوره سبشل جدا ؟؟اهداء للاحبه في قسم المحاوره

[معلومات العضو ماجد بن رويه]

عبدالله
نزلت الملعبة كله لجل خاطـرك يالطليـان
ادور شاعـر ياقـف بوجهـي ويتحدانـي
ابي لي شاعر له فن في سبك اجزل القيفان
ولامني دفنت القصـد مايخفـاه محيانـي

ماجد
طوينا صفحة الماضي وعادات الكريم احيان
يدّور ضيفن ايضيفه ولوما كـان وحدانـي
تعال وسولف وقلّي عن اللي حبها قد كـان
وانا خابرك ماتكذب عسى ماجاك ماجانـي

عبدالله
هلا يامرحبا بك يارفيق من مغيبـه بـان
يهيض هاجسي ويروح ويخليني اعانـي
انا اللي مرني ياصاحبي ماضن مر انسان
ونا قلبي يلا من حب شخص ما بغى ثاني

ماجد
أنا لوكنت غايب في غيابي مشغل السكـان
وطيفك غايب وحاضر مكانه محجر اعياني
علامك وانت توّك تشتكي من رمشها الفتان
أجل لامن قزر عمرك وراح وغاب زعلاني

عبدالله
هلا بك والقلوب اخوان دايم ياولد ودعـان
ومثلك مايبي مني ولا ابغي منـه برهانـي
ابوطلول ما يعجزه قطف الورد من البستان
واعيف الذابل من الورد لامن يبس بستاني

ماجد
يقولون البحر ماجت بوابيـره بلاربـان
ضحية عاصفه يقصف رعدها كل فسقاني
آثاري للبحر ضيقه غضبها يردع الخبلان
وانا في صفه وماني على فزعته متواني

عبدالله
لو انه مايهيج البحر كل طمع فـي المرجـان
ولا جا في البشر تاجر والاخر صار فقرانـي
يابعد حدود غيض البحر هاجس رمعتك غلطان
ولو ان غيضه سريع قد مسح سكان جيزاني


ماجد
مشينا نبغي الكعبه وحوّلنا علـى بنبـان
عسانا نمسك اليمه معى من شره احساني
على الدربين نمشي مايدل لدربنا غشمان
بدايات الغرام اروع 00نهاياته بالاحزانـي


عبدالله
هذ اللي قـدره رب البريـة والمقـدر كـان
واذا ما زرت مكة في رجب يمـدي بشعبانـي
لو ادري ان الغشيم يجي مع دربي ودربك كان
نذرت انك وأنا نترك دروب الذيب سرحانـي

ماجد
يلا منّك عسفت ابن الحصان يجيك ولد حصان
ويلا منّك سرجته مايـردك قصـر دسمانـي
يقولون العرب مايهتوي ياكـود ولـد فـلان
وانا ادري بك عكس هذا وفكرك فكر علمانـي


عبدالله
ولا تنسى تسل السيف لجل تهابك العـدوان
عسي ربي يدمر عـز عدوانـك وعدوانـي
واذا ان هتلر وهو جندي بهقواته حكم الالمان
فأنا هقواتي اضعافه وفكري فكـر ودعانـي


ماجد
بغيت أمزح معك مزحه واحرّض فكرك المليان
وانا شفقن على الخزنه تعوّض كل طفرانـي
ابي هاجس خيالك ينتبه لي ياخلـف شلعـان
على شان المليحـه ماتبـي زودٍ ونقصانـي


عبدالله
هلا بالمزح والمزاح مابه عذر في الميدان
ولاكن فيك حرص وذوق منعـور وفنانـي
وعسى الله مايخيب ظنك وهقوتك يابليها ن
وميزان المليحة ينوزن في كـف ميزانـي


ماجد
بداية قصتك معها حشيم وخاطره شفقـان
على ربعه يوصّيهم على المحتاج والعانـي
ولقى معها طرب نفسه يغني دانتي يـادان
ونسى العالم وراه وكل حاسد مات مرضاني

عبدالله
انا في السوق وادعي ما اسمع ان به مسلم خسران
واصد لحالي ابغى اعيش جـوي بعـض الاحيانـي
ولاكـن ذالبشـر كالجـن ياابسـم الله الرحمـان
وتجيك وتزعجـك لـو ان تعـدى حـد الاوطانـي

ماجد
على سطح القمر نسمع نداك ونلعن الشيطان
وانا ماقد خبرت انه صعد بالجـو جمعانـي
حقيقه والحقيقـه ماتبـي زورٍ ولا بهتـان
ونفرح لا طلع بالقوم واحـد يكفـي الثانـي

عبداالله
عسى اللي طلعك سطح القمر يحميك من الطغيان
وكم يخلف هقاوي الناس فعل طـوال الايمانـي
ورايك نحترمه و ما يعـد آيـه مـن القـرآن
وترى عاد الفضاء فوقك من الاقمـار مليانـي

ماجد
كلامك ياولد مرضي طبيعي ؟ مايبي برهان
ولاني في كواليسه مضيّع سرج وحصاني
عسى ربي يكافينا شرور النفس والخذلان
وانا اخوك الكبير اللي يشيل الحمل متفاني


عبدالله
هلا بك ياكبير اللي حسب خبري وسيع ابطان
صديق في قريب الامس يامرنـي وينهانـي
ضروري نقلب الميدان حرب مالهـا نيـران
وتالي الليل اعرف اللقاك وانت تعرف تلقاني



ماجد
تفضّل بس لاتبعد هدفنا شارتـه كتّـان
تهب العاصفه ويطير نيشانك ونيشانـي
حسب حكم الشريعه تقدر انك تمتلك دكان
ولايمنع بعد تكتب بساحة شعر وجدانـي

عبدالله
ولو هبت عواصفها جبال طويق بألف أمان
وعلى نياتي الجزله عضيم الشان يأقانـي
ولا تدخل وتدخلني بسوق الربح والخسران
وانا وانت اهل هقوات وقصيدي ماله عناني


ماجد
أنا مسلم سعودي مايحب انه ابد ينهـان
عسى المديون لا حل القضا ماجاه دياني
هل الجوخ الحمَرحنا ولي لابه ولي عنوان
على الداره تمر ويمكن انك تفهم اشجاني

عبدالله
انا وانت وجميع الشعب منهجنـا علـى الايمـان
وابشرك ان مابه دين وافقـر شخـص شبعانـي
يعيش الجوخ واهل الجوخ هيف الجزل من الخرفان
وتونسنـا ولا تبغـى الوناسـه كـون ختمـانـي

 

 

 

 

[معلومات العضو تركي ال فنيس]

صح السانك يبن رويه مليون ولسان ابن مرضي مليون

بيض الله وجهك

 

 

 

 

[معلومات العضو العماني]

صح الله لسانك اخوي ماجد وصح الله لسان ابومرضي على المحاورة الجزله والقوية ، ونحن نطمع بالمزيد مثل هذه المحاورات الجميلة.

تقبلوا تحياتي،،

 

 

 

 

[معلومات العضو فهد بن مبارك الودعاني]

صح السانكـ يأبو طلال و أبو مباركـ بيض الله و جيهكم على المحاورهـ الجزله أبدعتو الله لأيهينكم و يكثر من أمثالكم. بأنتظار المزيد. لـكــم كـل الأحـتـرام و الـتـقـديـر.

 

 

 

 

[معلومات العضو ماجد بن رويه]

المشاركة الأصلية كتبت بواسطة تركي ال فنيس

صح السانك يبن رويه مليون ولسان ابن مرضي مليون

بيض الله وجهك

تركي


متابع لما تكتب


شرفني حظورك


دمت اخاً ومبدعاً

 

 

 

 

[معلومات العضو ماجد بن رويه]

المشاركة الأصلية كتبت بواسطة هايف العماني

صح الله لسانك اخوي ماجد وصح الله لسان ابومرضي على المحاورة الجزله والقوية ، ونحن نطمع بالمزيد مثل هذه المحاورات الجميلة.

تقبلوا تحياتي،،

ارحب يابومبارك



وصح بدنك



تامر أمر يالقرم


فالقريب العاجل ان شاالله



دمت اخاً مبدعا

 

 

 

 

[معلومات العضو العضوالمنتدب]

 

 

 

 

[معلومات العضو السيف دايـم]

صح السانك يأبو طلال و أبو مبارك كلكم مبدعين

 

 

 

 

[معلومات العضو فارس الدواسر]

اخوي ماجد صح السانك
ولاهنت على المحاوره الطيبه

 

 

 

 

[معلومات العضو @الجابر@]

صح لسانك ياماجد ولسان أبو طلال على المحاورة الجميلة


وننتظر المزيد منكم

 

 

 

 

[معلومات العضو زمان]

صح لسانك يابومبارك وصح لسان ابوطلال
اثنينكم ابدعتوا الله لايهينكم
اخوك
ابونوف

 

 

 

 

[معلومات العضو ماجد بن رويه]

المشاركة الأصلية كتبت بواسطة العضوالمنتدب

العضو المنتدب



كل الود لحظورك

 

 

 

 

[معلومات العضو ماجد بن رويه]

المشاركة الأصلية كتبت بواسطة السيف دايـم

السيف



كل الود والمحبه لمرورك

 

 

 

 

[معلومات العضو ابو فهد الغييثي]

صح السان الشاعرين والله يعطيك اللعافيه

 

 

 

 

[معلومات العضو ماجد بن رويه]

المشاركة الأصلية كتبت بواسطة فهد مبارك الودعاني

ارحب مليون يابومبارك






حبة خشم ياطويل العمر







ارجو قبول عذري لعدم التسلسل فالردود مثلك خابر احيان الواحد يستعجل




اخوك ابومبارك