سلامي على اللي ساق مليون دون اجدال(في الامير الشيخ حفيظ بن عجب آل حفيظ)

[معلومات العضو عازف شجن]

سلامي على اللي ساق مليون دون أجدال
هذه القصيد وجهها الشاعرللامير الشيخ حفيظ بن عجب آل حفيظ الدوسري مادحا له ومثنيا على فعله الطيب ومرحبا بالضيوف الذين أتوه يقصدونه

هلا مرحبا عد المطر لا انتثر همال= لا منه أقبل اخيال(ن) يقدي له اخيالي
على العود الازرق والشحم و اشقر الفنجال= ودر البكار اللي كما السكر الحالي
هلا مرحبا بليون في مجلس الرجال= حفيد الشيوخ امتيهة عرب الاجهالي
تسلسل من الجدان ما بين عم وخال= معرب من الجدين عم(ن) مع خالي
راعي مجلس(ن) دايم وفيه الدلال اشكال= غذاها ابو شيبه واخضر الهيل ينهالي
محل الكرم والجود ومقاضي العيال= وسعد الضعيف اللي حداه أشهب الآلي
حفيظ(ن) ولد عجب يلامن صك جال(ن) جال= تليد الظفر لا صك جال(ن) على جالي
تنقى عطايا الله بعرف(ن) وسعة بال= سحاجيج سود(ن) شوفها يشرح البالي
ازيان الوجيه اللي يماري بها الوبال= طوال الرقاب مجملة كل وبالي
فحلها غريبان الفحل ضافي الاسبال= يحالي لخشم العان مدري يورى لي
ورى تسعة أشبار(ن) يلامن شبره ابلال= وعظم(ن) جليل وغارب(ن) كنه اهلالي
حقيقه هذا والله الفحل يبهج الرجال= ولا يرفع البل كون من هو له ايحالي
بناته مع أهل الصنف ما حافهن دلال=ولا ينزلن بالسوق بيدين دلالي
سلامي على اللي ساق مليون دون اجدال= ولا يسمع العذال لا جاه عذالي
يبي لا انتثر وبل الوسامي وطاب الفال= وغطى النبات افياض واحزوم واسهالي
يربع بها في خايع(ن) ما يجيه ارسال= ولا ركب الجوال برج(ن) للأرسالي
بعيد(ن) عن الشاوي وعن هرج قيل وقال= في مجلس راعى البويضا عمى كل عيالي
واخوانه عضوده جعل يفدونهم الانذال= مواكر حرار(ن) من قديم(ن) ومن تالي
أهل عزوة(ن) تعرف لا جاء للرصاص اظلال=وصار الثميدي فالسما جاء له اظلالي
أحب امدح الاجواد تدري بهم الاجيال= ولا فيه شك(ن) في نجوم السما العالي
معزة رفيقي والله انها هي اكبر مال= ولو أني أدفع من حلالي ومن مالي

شايع بن مسلم الدوسري


مع الاعتذار من الكاتب تم تنسيق القصيده كماهي
ابومبخوت

 

 

 

 

[معلومات العضو يحيى الودعاني]

صح لسان الشاعر مليون

و يستاهل ابن حفيظ

 

 

 

 

[معلومات العضو ابومبخوت الدوسري]

صح لسان الشاعر / شايع بن مسلم الدوسري وبيض الله وجهه

وبيض الله وجهك ياعازف على نقل القصيده وتسلم يمناك يالغالي

وانا شهادتي في ابن حفيظ مجروحه جعل ربي يطول بعمارهم جميع

 

 

 

 

[معلومات العضو مخاوي النشاما]

صح السانك وبيض الله وجهك

 

 

 

 

[معلومات العضو مخاوي النشاما]

ويستاهل ابو عجب

 

 

 

 

[معلومات العضو ناصر بن فهد]

صح لسان الشاعرُ ويستاهل ابوعجب المدح والطيييب

 

 

 

 

[معلومات العضو بن حفـيـظ]

تسلم يا عازف على إيرادك هذه القصيدة و صح لسان شاعرها

وما يدفع الشيخ حفيظ بن عجب على هذه المواقف هو ما يرجيه عند ربه عسى ان

تكون في موازين حسناته و كذلك محبة منه لقبيلته العزيزيه.

 

 

 

 

[معلومات العضو عازف شجن]

أسأل الله أن يطول عمر الشيخ حفيظ على طاعة