خيم علي الليل؟؟

[معلومات العضو طالب المجد]

بسم الله الرحمن الرحيم

هذي قصيدة اقدمها بين يديكم وفيها محاولة اخرى ارجوا ان تحوز على رضاكم

خيم علي الليل وانا في هوجاس,,,,, من لاهب (ن) في صدري زاد اشتعاله


أشوف انا الدنيا على غير مقياس,,,,,,,,, ماعاد أميز غثها والجزاله

تعطيك خير (ن) ثم تنكس بالأركاس,,,,,,,, حتى امين الناس زاد احتياله

اياك ثم اياك لاتامن الناس,,,,,,,,,خلك ذهين الفكر شادد احباله

مايستوي بالدنيا راقي ومنداس ,,,,,,,,,,, احفظ كلامي وخله اليوم مثاله

واحرص على اللي صادق الود نساس,,,,,,,خله يمينك عند كشف الوباله

لا يقطعك منه جهول(ن) وبلاس,,,,,,,خلك معه واياك تكشف خماله

ولايخدعك رجل(ن) تشوفه على الساس ,,,,,حكيه كثير ولا هو راعي افعاله

لا تقربه خلك بعيد (ن) ياقرناس,,,,,,,,, ماينفعك خوي اعلوم الجهاله

والخاتمة صلوا على خيرة الناس,,,,,,,, امحمد المختار راع الرساله

وسلامتكم

 

 

 

 

[معلومات العضو عبدالله الدوسري]

طالب المجد



محاولة جميلة


و معاني طيبة


القصيدة بشكل عام تحتاج إعادة نظر في وزن بعض الأبيات



شكرا لتواصلك


و فالك التوفيق،،،

 

 

 

 

[معلومات العضو طالب المجد]

جعلك تسلم ياعبدالله على مرورك ولا هنت ..........

لكن انا حاطه على طاروق وجايه عليه تمام

 

 

 

 

[معلومات العضو عبدالرحمن الشرافي]

صح الله لسانك يا طالب المجد

وإلى الأمام

ومثل ماقال شاعرنا واخونا الكبير / عبدالله


وانت تقول ان اللحن راكب على القصيدة

زين ركب على اول بيت لحن ثاني وجرب..



تحياتي

 

 

 

 

[معلومات العضو عبدالله الدوسري]

مايستوي بالدنيا راقي ومنداس ,,,,,,,,,,, احفظ كلامي وخله اليوم مثاله



في هذا البيت


نظر


في الوزن و المعني

كلمة الدنيا فيها حرفين زائدة مثلا لو كانت في الدين لأستقام الوزن



كذلك

و احفظ كلامي و خله اليوم مثاله

لو كانت

احفظ كلامي و اعتبر في مثاله


هذا

و شكرا لك،،،

 

 

 

 

[معلومات العضو طالب المجد]

لا خلا ولا عدم يا غبدالرحمن وعبدالله والله لا يهينكم ...
عبدالله الحين بس هالبيت اللي فيه خلل.....في شريط ينقاله شفنا العجب لعبدالله لمهيدب انا القصيدة على هذي

تقبل تحيات وارجو الرد