قصيده في الدواسر خطلان الأيدي

[معلومات العضو تركي هذال بن نيف]

يالله يالمطلوب ياغفار=انت الأله الواحد القهار
يارافع سبع وباسط مثلها=يامولج الليل بالنهار
انت الذي تجري الهبابي بمرك=ومن السحاب تنزالأمطار
اطلب رضاك وطاعتك والجنه=وانا دخيلك من عذاب النار
ومن بعدذكره زان لي مطلوبي=ونهجت نهج الشعر والشعار
سلام مني من ضمير صافي=للحفل واهل الحفل والحضار
وترحيبة انقولها لضيوفنا=اللي عنوا لبلادنا زوار
ويسوقها ريح الخزامي والنفل=والذ واحلأ من حليب ابكار
والبن الأشقر والشحم يقفاها=حق علينا نكرم الخطار
قلته وهذي من فعايل ربعي=اهل الشجاعه والكرم والكار
دواسر خطلان الأيدي حنا=لازودو اهل القرا الأسعار
دواسر نرسي بضرب ارماحنا=على الرمك ومبلاعبة الأكوار
دواسر نضرب كبود اعدانا=بالرمح ضرب اللوح بالمسمار
دواسر زايد وتغلب جمعنا=احرار نحيا او نموت احرار
دواسر وسط الجزيره نعرف=مثل العلم لاصار فوقه نار
دواسر من رازنا خلآنا=اكبار قدر والفعول اكبار
دواسر من الجبال الشامخه=وعمر الجبل ماهزه الأعصار
دواسر نزمي ويزمي جمعنا=لارد من صوب الحفيف اخبار
دواسر يوم الجهل خيالنا=لامن زهمته جاك فيه اسطار
دواسر فوق الثريا مجدنا=مجد تليد ماعليه اغبار
دواسر يشهدلنا تاريخنا=عصر النبي وقريش والأنصار
دواسر انصار صفوة خلقه=علي دعاة الشرك والكفار
دواسر يسمو البلد باسمانا=وادي الدواسر درة المحار
دار لنا ماهيب لحد غيرنا=حامينها يوم الجهل بالنار
بمشوك يفرى الثنادي والنحر=ومزرج ومهند بتار
دواسر والغرس جلنا دونه=بالسيف الأرخم ماعليه اسوار
دواسر نقعد صغى من جانا=بيغى الطمع في حالية الأثمار
والله لو يطبق سماها لرضه=ماراح منه لو يبي هكتــــــــار
دواسر نعرف ويدرى فعلنا=لامن لحقنا فوق قب امهــــــار
تعاطفت جل العشاير وارزمت=لحوارها واللي بدون احوار
حنا هل البل من قديم وحاضر=سند الغوارب نسع الفقار
سود مثل وصف الجريد ارقابها=سود بها راع النظر يحتار
سود يزين الوصف في وصافها=ارقاق زين والعمار اكبار
نرعابها لازاف عشب الوسمي=ونسج نجد واسع الفقار
ومصيافها بالصيف ربع خالي=مع المها في نايف الزبار
ياما نحانا دونها من سربه=وياما عليها نرخص الأعمار
وياما نزلنا في الطرف نرعاها=وياما عليها نيتم القصار
دواسر نفخر بطيب اسلومنا=عند الجلاوي لازبن والجار
قصيرنا ناسم عصاه ونهمله=ويصبح غريب الدار راعــي دار
حاله وماله فيه يمسي وامن=لاخايف حنشل ولاسبار
ويرعابها من حدها لاحدها=حتى يعود سامح مختار

وتقبلوا سلامي وعذري مسبقآ اخوكم تركي بن هذال بن نيف

 

 

 

 

[معلومات العضو راشد المسعري]

صح لسانك يابن نيف على القصيدة الجزلة وبيض الله وجهك ولكن عندي تساؤل عن قائل القصيدة؟ إن كانت لك فمكانها إبداعاات الشعراء وإن كانت من منقولك فبيض الله وجهك على كل حال. تقبل ودي وتقديري ،،،

 

 

 

 

[معلومات العضو فهد بن مبارك الودعاني]

صح الله السانكـ و أعلتى شانكـ ياأبو هذال ،، وافي يالوافي لآ خلا و لآ عدم يالجزل ،، و اللي أضحكني كثيراً بأني متحمس و أخوي الغالي : راشد المسعري ( أبو محسن ) متحمس بتنسيق النص أنا نسقت وضني انا و ياهـ سواسيه بالتنسيق ،، بس تستاهل ياأبو هذال و قصيدتكـ اللي تنومس يالغالي ،، لـكـم كـل الآحـتـرام و الـتـقـديـر ،،

 

 

 

 

[معلومات العضو بنت الشايب]

صح لسانك اخوي

قصيده رائعه

دمت بود

 

 

 

 

[معلومات العضو شافي القويسي المخاريم]

صح لسان الشاعر
ولا هنت على القصيده يالقرم
تحيااااااتي

 

 

 

 

[معلومات العضو ابو متعب التغلبي]

صح لسان الشاعر

ولاهنت على القصيده

تحياتي

 

 

 

 

[معلومات العضو ابو فهد الغييثي]

صح لسان الشاعر

ولا هنت على القصيده يالقرم

تحيااااااااااااااااتي

 

 

 

 

[معلومات العضو الموادعه]

،،

دواسر نضرب كبـود اعدانـابالرمح ضرب اللوح بالمسمار

كفــــــــــــــــــــوا

صح لسانك

ولاهنت على القصيده،،

 

 

 

 

[معلومات العضو محمد الولامين]

صح لسانك ياتركي

وبيض الله وجهك على ماقدمت من جزاله


ولا هنت على كل حال

 

 

 

 

[معلومات العضو العماني]

صح الله لسانك اخوي تركي وبيض الله وجهك على هذه القصيدة الجزله والطيبه

تقبل تحياتي،،

 

 

 

 

[معلومات العضو ابو-معجب]

صح لسانه انا اشهد انها قصيده تبيض وجه راعيها وجه من نقلها ونسقها

 

 

 

 

[معلومات العضو تركي هذال بن نيف]

اشكر جميع الاخوان الذين قاموا بالرد على القصيده مبدين اعجابهم بها

والتمس منهم العذر على عدم تكملة وتنسيق القصيده بالشكل المطلوب وذلك لمشاغلي

وسوف اقوم بإذن الله بإنزال القصيده كامله وغيرها من القصائد

شاكر لكم حسن متابعتكم وتقبلوا خالص تحياتي

 

 

 

 

[معلومات العضو تركي هذال بن نيف]

المشاركة الأصلية كتبت بواسطة راشد المسعري

شكرا على مرورك

وهذه القصيده من قصائدي ولها تكمله كما بينت سابقا

 

 

 

 

[معلومات العضو تركي هذال بن نيف]

المشاركة الأصلية كتبت بواسطة فهد مبارك الودعاني

شكرآ اخوي فهد الودعاني على مرورك وعلى التنسيق

 

 

 

 

[معلومات العضو تركي هذال بن نيف]

المشاركة الأصلية كتبت بواسطة بنت الشايب

صح لسانك اخوي

قصيده رائعه

دمت بود

شكرآ على المرور