يوم ارتخت ضاف السدول وطوّل الفجر الضحوك !! ( يالـيـل ... )

[معلومات العضو نايف بن مسرع]

بوح متواضع..

أتمنى أن يرقى لذائقتكم..

فإليكموه كما عايشته...

( يـــالـــيـــل )

ياليل وان طالك عتاب إللي من الضيقة سروك=أنا بعد لي شرهة ٍ عليك دوك ثبوتها
يوم ارتخت ضاف السدول وطوّل الفجر الضحوك=والناس غطـّـت في هزيع الليل وسط بيوتها
قامت قيامة صدري إللي من عنا وقته تكوك=كن الهموم السود تمشي به على ريموتها
وسقت القدم يـمّ المكان إللي ولو ممشاه شوك=كني أدوس أعتى الهموم بدوجتي واشوتها
مالي نديم إلا النجوم.. ودلتي.. واوراق بوك=لو كان صوتي لارفعته مايجاوب صوتها
أرحل مع إللي لاشكى الخفاق من بعض الدكوك=روحي تسامى في معانقهن وتلقى قوتها
وعلى عربسات الفكر جهزت للمسرى مكوك=أسجّ به عن شوف ناس ٍ شرّعت كبوتها !
سواد ياذيك الوجيه إللي تلوك الهرج لوك=إللي فتحت لاعراض خلق الله غدر تابوتها
كنها على غرات ناس ٍ غافلة تملك صكوك=الطيبة ماتنذكر.. والهينة ماتفوتها
قصْرت يدين اهل الردى.. واهل الحكي.. واهل الشكوك=وتطاولت الالسن عسى ربي يطيل سكوتها
تمازعوا عرج السوالف كل منهم: دوك.. دوك=كنها تجرب في قفا اهل الطايلة جبروتها
وسواد للي في مفال الهينة دايم بروك=بئس الوجيه إللي كشف غيب الزمان كروتها
ملبوسها لون السواد.. ولو تحوك القطن حوك=حتيش لو تبرق عمايمها.. ويلمع بوتها
وبياض للي في رصيد الطايلة تملك بنوك=إللي تذري عن سموم الوقت ضاف بشوتها
لاجيتهم: يامرحبا.. وان رحت عنهم ماقفوك=وجيه ٍ تضاحك للنشامى لو تشحّ وقوتها
ياليل لامنـّي شكيتك مثل من قبلي شكوك=عذري سمين وشرهتي عليك هاك ثبوتها
يوم ارتخت ضاف السدول وطول الفجر الضحوك=والناس غطت في هزيع الليل وسط بيوتها
قامت قيامة صدري إللي من عنا وقته تكوك=كن الهموم السود تمشي به على ريموتها

 

 

 

 

[معلومات العضو نايف الخييلي]

وبيـاض للـي فـي رصيـد الطايلـة تملـك بنـوك=إللي تـذري عـن سمـوم الوقـت ضـاف بشوتهـا
لاجيتهـم: يامرحبـا.. وان رحـت عنهـم ماقفـوك=وجيـه ٍ تضاحـك للنشامـى لـو تشـحّ وقوتـهـا

صح لسانك ... صح لسانك

يابو عبدالعزيز على هذه القصيده المعبّره والجزله ياجزل


دام إبداعك

 

 

 

 

[معلومات العضو نايف بن مسرع]

المشاركة الأصلية كتبت بواسطة نايف الخييلي

وبيـاض للـي فـي رصيـد الطايلـة تملـك بنـوك=إللي تـذري عـن سمـوم الوقـت ضـاف بشوتهـا
لاجيتهـم: يامرحبـا.. وان رحـت عنهـم ماقفـوك=وجيـه ٍ تضاحـك للنشامـى لـو تشـحّ وقوتـهـا

صح لسانك ... صح لسانك

يابو عبدالعزيز على هذه القصيده المعبّره والجزله ياجزل


دام إبداعك

صح بدنك يابو فهاد

وكل الشرف أن تكون أول المتواجدين في هذا المتصفح المتواضع

شاكر مرورك وتقبل أزكى التحايا ،،،

 

 

 

 

[معلومات العضو شافي القويسي المخاريم]

الشاعر القدير ابو عبدالعزيز

صح لساااانك مليوووووووووووووون على الطرح الراقي

بيض الله وجهك على الابداع

تحيااااااااااااتي

 

 

 

 

[معلومات العضو ابو فهد الغييثي]

صح الله السانك يابوعبدالعزيز على القصيده الجزله

وبيض الله وجهك على طرحها

تحياااااااااااااتي

 

 

 

 

[معلومات العضو نايف بن مسرع]

المشاركة الأصلية كتبت بواسطة شافي القويسي المخاريم

الشاعر القدير ابو عبدالعزيز

صح لساااانك مليوووووووووووووون على الطرح الراقي

بيض الله وجهك على الابداع

تحيااااااااااااتي

مرحبا ياشافي...

صح بدنك ولاهنت على تكرمك بالمرور

أسعدني تصفحك وتعليقك

تقبل تقديري ،،،

 

 

 

 

[معلومات العضو الشقرديه]

الشاعرالقديرنايف بن مسرع صح لساااانك واعتلــــــــى شانك قصيده جميله لم اجدبيت اقتبسه فاالقصيده كامله جزله واكثرمن رائعه دام بـــــــــــوحك لاهنت..

 

 

 

 

[معلومات العضو الزين]

وبياض للي في رصيد الطايلة تملك بنوك=إللي تذري عن سموم الوقت ضاف بشوتها
لاجيتهم: يامرحبا.. وان رحت عنهم ماقفوك=وجيه ٍ تضاحك للنشامى لو تشحّ وقوتها
ياليل لامنـّي شكيتك مثل من قبلي شكوك=عذري سمين وشرهتي عليك هاك ثبوتها
يوم ارتخت ضاف السدول وطول الفجر الضحوك=والناس غطت في هزيع الليل وسط بيوتها

صــــ لسانك ـــــح وبيض الله وجهك على القصيده الطيبه

 

 

 

 

[معلومات العضو مطلق الحصان آل عمار]

ابوعبدالعزيز

صح لساااااااانك

مدد بلا عدد

انااااااا وانت ماتدري اعود واقراااااااااهاااا كم مره

وهي اللي تخليني اعود مدري ليه ياخي كيف ركبتها

جاااااااااايه صح يانايف او لانهاااااااا فالصميم

اقول واكرر لك وافر الاحتراام والتقدير ياقدير

 

 

 

 

[معلومات العضو نجــــــــــديه]

صح لسانك ويسلم بنانك على هذه القصيده
الرائعه بروعة مبدعها . .
قصيده أكبر من اي تعليق
وجدت المتعه هنا في ثنايا قصيدتك الجميله
لاعدمنا هذا الحضور الطاغي
وبانتظار نزف اخر راقي
تقبل فائق تقديري واحترامي

 

 

 

 

[معلومات العضو سالم بن صمهود]

سـواد ياذيـك الوجيـه إللـي تلـوك الهـرج لـوك=إللـي فتحـت لاعـراض خلـق الله غـدر تابوتهـا

الشاعر الجهبذ نايف بن مسرع صح الله لسانك ملايييييييييييييين

 

 

 

 

[معلومات العضو بدر ابن نايف]

السلام عليكم

ارحب يالشاعر

عزالله انك روضت القوافي الصعبه


صح الله الساااااااانك مليون ولا يكفون

ولاهنت على المعانى الوافيه


قصيده على مستوا رفيع

تقبل

تحياتى

 

 

 

 

[معلومات العضو ابوراشد الرجباني]

الشاعر القدير
نايف بن مسرع
صح السانك ... واعتلا شانك
بوح رائع في قمة الروعه
وهذي القصيده هي التي تستحق يطلق عليها اسم شعر
تشرفت بمصافحت القصيده
الله لايهينك وبيض الله وجهك
وتقبل مروري ...

 

 

 

 

[معلومات العضو بدر بن صقر العجالين]

صح الله لسانك يا أبومعزي قصيده وافيه سبق وقرأتها ولن أمل من قرائتها..

مشكور ولاهنت على الابداع ...

بيض الله وجهك

 

 

 

 

[معلومات العضو محمد الولامين]

صح لسانك يابوعبدالعزيز على ماقدمت من جزاله وبيض الله وجهك