محاورة بين (( طامي الرياحي و مستور العصيمي ))

[معلومات العضو عبدالرحمن الشرافي]

اخواني الكرام ....


منسوبي الموقع الرسمي لقبيلة الدواسر



السلام عليكم ورحمة الله وبركاته ,,,



أضع بين أيديكم هذه المحاورة بين شاعرين كبيرين لهم مكانتهم في شعر المحاورة الا وهم

الشاعر / مستور العصيمي

و الشاعر / طامي الرياحي البقمي




والبداية عن الشاعر / طامي

في البدايه هلا مليون بالحاضرين= من هجوس(ن) على المله هناديبها
العصيمي نعرفه من قديم السنين= لالقا النار يلحق في مشاهيبها
البقى يالمرحب والخوافي تبين=كان عندك علومٍ كلها جيبها
الله انه يعز الدين والمسلمين=اشعل النار للشعار واكويبها
اصبرشوي يجيك الكلام اليقين= ماحكم في البلاد الا مناصيبها
غلطة الشاطر اللي كررت مرتين= العرب من وراها وش مكاسيبها
الله انه على كل القضايا يعين= واصبر اشوي ونصفي مشاريبها
وحده من يسار وحده من يمين= واهل مكه بها وتعرف اشاعيبها
احمد الله ما ضيعنا مع الناس دين= اسمع العلم كان اذنيك توحيبها
حملوها الجماعه فوق جنباً متين= يوم عجز البعير شعيل يمشي بها
لاتقلطني الا فوق سمن وسمين=من مشاء في الدير يعرف مهاذيبها
كلنا في بلاد الخير واحلف يمين= ما سكنا دياراً عاوين ذيبها
مدنا ياولد تركي بكف اليمين=وان حضرنا المواقف ما نضحي بها
دبلجوها وصارت شامةٍ في الجبين= وان بغيت الحقيقه فانت تحري بها
يالله اطلبك تكتبنا مع الصالحين= ما نبا تالي الدنيا وتعذيبها
ادري انك على النيه وعندي يقين= لاتشيلك طيورك في مخاليبها
اطلب الله وتب لله مع التايبين= حيث الايام ماتومن عواقيبها
ابو نيه غلب فالعلم ابو نيتين=والطيور ان عدت بك وش تسوي بها

وسلامتكم ...

 

 

 

 

[معلومات العضو المسعري]

لاهنت يابو سالم على الاختيااار الرائع بين شاعرين لهم مكانتهم في القلطه الخليجيه
لاتحرمنا من نوع المحاورات هاذي وانا اعرف انك راعي ذوق رفيع وصاحب الذوق الرفيع مايجيب الا الجزل

 

 

 

 

[معلومات العضو (( بعيد الهقاوي ))]

دبلجوها وصارت شامةٍ في الجبيـن *** وان بغيت الحقيقه فانت تحري بهـا


هههههههه يحري بها ؟؟؟؟




لاهنت يالشرافي


وصح الله لسان الشاعرين الكباااااار




تحياتي

 

 

 

 

[معلومات العضو راشد المسعري]

صح لسان الشاعرين الكبيرين مستور العصيمي وطامي الرياحي على هذه المحاورة الجزلة ولاهنت يابو سالم على النقل الجميل والإختيار المميز. ولك مني أجمل الود والتقدير ،،،

 

 

 

 

[معلومات العضو فيصل بن جزاء]

صح لسان الشاعرين الكبيرين مستور العصيمي وطامي الرياحي على هذه المحاورة الجزلة ولاهنت يابو سالم على النقل الجميل والإختيار المميز. ولك مني أجمل الود والتقدير ،،،