قصيدة للشاعر/ مسفر بن معيض الجماعين في ولي العهد

[معلومات العضو منسوب الغرام]

هذه القصيده للشاعر / مسفر بن معيض ال جابر الجماعين

أهني ألمملكة شعب وبلد ياسيدي سلطان=بعودتك ألحميده للوطن طيب ومتعافي
مشاعرنا أتجاهك في غيابك للولا برهان=خطاك ألباس يادرع ألبلاد وسترها ألضافي
عليك ألشعب من زود ألوله ياسيدي شفقان=ولايلام في حبك كريم نافع وافي
ولي ألعهد وأسمك للعهد مثل ألقمر لابان=على معنى ألوفا نوره سطع بين وينشافي
فتح لشعب بابه وألتفت لوضاعهم بأحسان=يمد ألمستحق ومن لحق به ضيم وخلافي
أبوخالد ملاذ ألمستجير من ألزمن لاشان=ينفس كربته ويشيل حمله فوق ألأكتافي
يمينه كالسحابه لاستهلت تروي ألضميان=وتحيي ماتنوشه بالنبات أشكال وأصنافي
أبوخالد ولد عبدألعزيز أمن ألوطن لاهان=وزير لدفاع أليا توتر كل ميقافي
أبوخالد ضحى أليوم ألعبوس مشيب ألولدان=له ألبيرق يرفرف بالنصر في كل مشرافي
هذا سلطان بن عبدألعزيز مطوع ألعدوان=يجابه مايبالي بالحمول أثقال وأخفافي
أخو نوره لها بسياسته لاجا لها دندان=يحل معقدات ماتحل ويكشف ألخافي
حما كل ألحدود بقو باسه وأمن ألجيران=حجاجه للوطن سيف صقيل وجفنه ألحافي
طويل ألباع زيموم ألمعارك مستهان ولان=بمن يستهدفون أرض ألحرم غدر وتحوافي
يواجه مايفاوض دون داره لحتما ألميدان=صميدع لاتعزوا بس بأسمه للحدث كافي
موحد قوة ألجيش ألسعودي صف كالبينان=مجهز تحت أوامر قايده مايرجع أخلافي
على أستعداد تجهيز حديث وقدرة وأمكان=وبأحدث ماصنع عبر ألفضا تقلع للأهدافي
تلقى ألكابتن أمر من قيادة هيئة ألأركان=على عدة محاور قصفها في كل ألأطرافي
تولاها ألحكيم بسيطره عقل وعزم وأتقان=ذخايرها على أكثر من هدف ترجف ترجافي
نعلم من تكابر مستواه وغزه ألشيطان=يكف و ينتبه لايلحقه لوم وتحسافي
لكم ياسيدي منا ألولا مازال مهما كان=نعيده يوم شفناك بسلام وللوطن لافي
تسابقني من ألفرحه بيوت ألشعر والقيفان=وأنا شاعر وأمثل دولتي والهرج له قافي
أطوع ماتعصا وأحترص لاوصلت ألشيخان=وأصوغ ألجزل وأبعد عن هزيل مذهبه هافي
لكم منا ألوفا ياسيدي والشكر والعرفان=سهرتوا والمواطن في ذراكم وأمنكم غافي
رحمك ألله ياعبدألعزيز مثبت ألسيسان=ظهر نور ألشريعة عقب ماهو فالجهل طافي
حكم بالحق والشمل أجمعه والشعب جاو أخوان=وأزال ألظلم عنهم والتناحر والتخلافي
على نهجه مشوا حكام نجد ولصعاب أعوان=عسا ألله من تصاريق ألدهر يبقا لهم كافي
حكا ألتاريخ عنهم صفحته لمجادهم عنوان=من ألماضي على وقت ألجدود وعهد ألأسلافي
لكم تخضع ملوك ألعالم أجمع ياعزاز ألشان=أهل ألعوجا مقابيس ألوغا لاكدر ألصافي
بلاد ماحكمها مثلكم ياسيدي شجعان=علي بالله نذر أن دارها تكره وتنعافي
وصلى ألله على ألهادي محمد فأخر ألختمان=عدد برق تحت جنح ألدجا جاله تكيشافي

 

 

 

 

[معلومات العضو ابومبخوت الدوسري]

صح لسانك ولسان الشاعر /مسفر بن معيض ال جابر الجماعين على هذي القصيده الجزله بيض الله وجهك ولاهنت تقبل تحيــــــــــــاتي

 

 

 

 

[معلومات العضو منسوب الغرام]

مرحبا بك يابو مبخوت والله لايهينك على المرور

 

 

 

 

[معلومات العضو ناصر بن فهد]

صح لسان الشااعر :مسفر بن معيض الجماعين

وصح لسانك

ولاهنت على النقل وبيض الله وجهك

 

 

 

 

[معلومات العضو ابو حسين الدوسري]

صح السان الشاعرمسفر بن معيض ال جابر الجماعين

وتسلم يمين الناقل ويستاهل ابو خالد الله يطول لنا

في عمره

خالص التقدير والاحترام

 

 

 

 

[معلومات العضو منسوب الغرام]

مرحبا بك اخوي ناصر الفصام انت ونسل الاجاويد
والله لايهينكم على المرور